無返學

可能因為早幾日病緊既關係，媽媽今日個頭成日暈暈地~~~~~所以今日無帶展圖豬番學呀~~~~~~~！

今朝婆婆話展圖豬唔知係咪掛住個波波池既關係，琴晚瞓瞓下都有幾次想要爬落床(平時無咁既……)，原來波波池既魔力係咁大既！

Boxing Day

今日係boxing day，今朝一起身媽媽已經同展圖豬拆禮物啦！豬仔超開心呀~~~~~~~

由其係個波波池，當爸爸吹完氣(好在媽媽早幾日帶左個電泵返黎！倒晒d波入個池，展圖豬好快就爬左入去，仲要全日都要keep住響個波波池入面，包括要響入面瞓著覺！一瞓完晏覺，醒左就自己落床走出黎，又爬番入波波池，真係好可愛！

繼續病倒<---媽媽

媽媽瞓左一晚，精神好左小小，不過成日都係好易攰，而且上晝仲成把聲沙晒~~~~~~，唉好好地既假期就係病倒中渡過，仲因為怕傳染展圖豬，所以唔敢接近佢~~~~~超衰！

平安夜‧病倒夜

今日平安夜，本來公司早收可以早d返屋企陪展圖豬，應該係超開心，而且今日本來約左去face影相，不過可惜將近臨放工，媽媽已經有d病倒發燒既跡象，所以唯有打電話去face改期，並且一放工去睇醫生，醫生竟然叫媽媽四個鐘頭後先再番去睇~~~~~吓咩平安夜咁多人病咩~~~~~~？

返到屋企媽媽已經因為太病，無晒電，所以一路瞓到睇醫生既時間，醫生話係感冒菌入喉嚨~~~~~~~~比左d 抗生素~~~~~~

Christmas Party

由於之前幾年既聖誕節，都響表姨媽屋企搞~~~~~~

所以媽媽今日打算響我地屋企搞~~~~~，等大家輪流做唔駛咁辛苦。之前媽媽幾日已經開始預備食物，不過仲未夠呀，因為媽媽想買citisuper果個好味既pizza，所以今朝一早出左去買，買完即刻返屋企，咁啱嫲嫲黎左，所以一齊飲茶~~~~~~

之後就番屋企，媽媽做最後既工作，整沙律、焗薯皮、開始將所有食物焗熟，打算之後翻熱~~~~~搞搞搞，三點幾May姨同進培表哥首先黎到，然後係四姨婆、四姨公、五姨婆、表姨媽同嘉熙表哥一齊黎到~~~~~~

進培表哥同嘉熙表哥仲幫媽媽拮波蘿腸仔~~~~~~媽媽就響廚房忙個不停，展圖豬就充當知客~~~~~~招呼各位！

到六點左右偉姨丈終於到，咁我地開始交換禮物，當媽媽比自己做既聖誕蛋糕曲盒禮盒比大家，大家都好高興(不枉媽媽早幾日做到死左)，然後開餐~~~~~~(媽媽果陣已經攰到腳仔軟)！

食到中間，聖誕老人終於黎到啦！送禮物俾小朋友！而我地開始影相，不過展圖豬最初好怕聖誕老人呢！聖誕老人想抱一下展圖豬，點知展圖豬即時嚇到大喊~~~~~到後來差不多聖誕老人臨走時，先至開始唔怕仲摸聖誕老人既鬍鬚~~~~~~

大家都食得好高興，不過媽媽好似準備得太多，所以淨左都幾多，不過好在大家都話好味，尤其是焗薯皮，一早已經掃晒，樣樣大家都話好味，壽司同其地仲淨低半盆(下次媽媽唔訂lu)，之後大家仲幫手拎dd走(感謝大家~~~~我唔想食足一個星期呀！)

食完晒之後兩個小朋友同展圖豬響屋企走黎走去玩得好開心~~~~，展圖豬開心到不停大叫呀~~~~~~！媽媽見到展圖豬咁開心都好高興呀！

到十點左右都係拜拜時間，婆婆送大家落街，媽媽原本入到廚房諗住洗埋d碗碟，點知一入到去望住d野，都係攰到出番黎，殘局都係婆婆番黎收搭~~~~~辛苦晒你啦婆婆！唔該晒！

總結~~~~今日大家都好開心，所以辛苦d都值得~~~~~~不過咁辛苦法，一年都只可以一兩次咋！

迷迭香雞翼‧大蝦濃湯 (Party預備篇)

聽日就係聖誕party，所以今日好多預備工夫要做呀，今日媽媽煎左蘋果果豬扒、迷迭香雞翼，仲有焗起左早兩日醃既ribs(媽媽偷食左甩出黎既dd肉，好好味呀)，做左個朱古力淋面蛋糕 (呢個人為爸爸而設嫁，因為佢唔食tiramisu)，煲左個大蝦濃湯(既一半)，串左同醃左d雞軟骨(拮到我手指痛呀~~~~~！)，搣左個金柚，終於搞搞搞，搞到零凌四點幾先有得瞓！

迷迭香焗雞

春雞/雞/雞翼/雞扒
迷迭香　　　　　　適量
黑胡椒　　　　　　適量
海鹽　　　　　　　適量

1. 用醃料醃雞半小時
2. 入焗爐200C焗20mins

爸爸帶返學

今日因為媽媽要準備明日Christmas Party既食物，所以難得由爸爸帶展圖豬返學(其實係第一次呢~~~~~笑！)。爸爸話學校對面Lee Garden今年整得好靚呀~~~~所以趁未夠鐘返學前同展圖豬影左幾張相呀！~~~~~~真係好靚呀！

Tiramisu‧朱古力Cupcake (聖誕Party預備篇)

今次媽媽係用二德惠既tiramisu粉做，因為實在太方便&好味，至於點解會早一日做呢？原因係媽媽發覺呢隻tiramisu做出黎要隔兩日先至最好味，所以就可以再早少少做。

至於個朱古力Cupcake，其實係媽媽改左之前一日做既Vanilla Cupcake既食譜做既，因為之前既食譜已經唔太甜，加上可可粉果然好香朱古力味但又不太甜。

朱古力杯子蛋糕 (9個直徑4cm蛋糕)

cupcake
牛油　　　８０　　ｇ
糖粉　　　５０　　ｇ
低筋粉　　８０　　ｇ
泡打粉　　３／４　ｔｓｐ
蛋　　　　１　　　ｐｃ
唂古粉　　２０　　ｇ
牛奶　　　２　　　ｔｂｓｐ

toppings
蛋白　　　１　　　ｐｃ
粟膠　　　２　　　ｔｓｐ
糖　　　　４　　　ｔｓｐ
白醋　　　１　　　ｄｒｏｐ
他他粉　　１／４　ｔｓｐ
雲尼拿油　１　　　ｔｓｐ

1. 先將牛油及糖粉打勻至輕身後，加蛋及雲呢拿油打勻
2. 將已篩之低筋粉、泡打粉及牛奶分數次加入攪勻
3. 倒入蛋糕模中用160C焗20分鐘左右
4. 蛋白坐於熱水中，加入粟膠、白醋同打至起泡，加入砂糖再打至結實
5. 離開熱水，加入雲尼拿香精再打2-4分鐘至蛋白完全冷卻
6. 用抆刀或唧袋放上蛋糕面

Vanilla Cupcake‧Roast Baby Ribs (聖誕Party預備篇)

今日媽媽上網見到一個cupcake食譜，版主講明話係唔甜既，所以媽媽即時做左18個出黎，果然真係好香又唔甜，呢個係我近日來試整既好味cupcake食譜呀！

媽媽仲用做左好可愛既裝飾呀~~~~~！

另外媽媽將尋日雪起既薑餅吸模同焗起，可能始終因為個食譜有好多蜜糖，所以都係立立地，至於味道就~~~~唔可以話好食，又唔可以話唔好食，唔知係食譜問題定係薑餅本身係麻麻地好味既問題~~~~~？

今次d薑餅係媽媽第一次試用Royal Icing做裝飾，原來比起唧cream同曲奇用力好多，今次唧得麻麻地，要做多d練習先。

另外因為聖誕Party既Roast Baby Ribs要早d醃先好味，由於媽媽打算星期六焗起佢先，所以今日開始醃定。

Vanilla Cupcake (6個直徑5cm蛋糕)

cupcake
牛油　　　８０　　ｇ
糖粉　　　５０　　ｇ
低筋粉　　１００　ｇ
泡打粉　　３／４　ｔｓｐ
蛋　　　　１　　　ｐｃ
雲呢拿油　１／２　ｔｓｐ
牛奶　　　２　　　ｔｓｐ

toppings
蛋白　　　１　　　ｐｃ
粟膠　　　２　　　ｔｓｐ
糖　　　　４　　　ｔｓｐ
白醋　　　１　　　ｄｒｏｐ
他他粉　　１／４　ｔｓｐ
雲尼拿油　１　　　ｔｓｐ

1. 先將牛油及糖粉打勻至輕身後，加蛋及雲呢拿油打勻
2. 將已篩之低筋粉、泡打粉及牛奶分數次加入攪勻
3. 倒入蛋糕模中用160C焗20分鐘左右
4. 蛋白坐於熱水中，加入粟膠、白醋同打至起泡，加入砂糖再打至結實
5. 離開熱水，加入雲尼拿香精再打2-4分鐘至蛋白完全冷卻，即可用抆刀或唧袋放上蛋糕面

醬燒豬仔骨

急凍豬肋骨(2排) 2½ lbs
BBQ醬 100 ml
茄汁     50 ml
糖    3 tbsp
喼汁 2 tbsp

1. 豬肋骨洗淨，用BBQ 醬、茄汁、糖及急汁醃2日
2. 焗盤用錫紙包好，將豬肋骨及剩餘醃料放入，再用錫紙封面
3. 180度焗30mins  
4. 打開錫紙焗30mins至表面有少許燶

唧花曲奇‧Super Moist Cupcake (聖誕Party預備篇)

今日媽媽開始要預備聖誕Party既小禮物俾大家，所以開始超忙碌呀！今日媽媽焗左175塊曲奇~~~~~~~~好多呀！至於個Super Moist Cupcake其實只係Betty Crocks果d一盒開既粉，但係焗左出黎我覺得甜左d，真係濕左d~~~~~~，所以呢個cupcake我唔會放入小禮物度，唯有自己食左佢~~~~~媽媽做野食俾人試不嬲既宗旨係要超好味，好似街/好味過街先俾人食呢~~~~~！

法國油鴨脾

響幾個月之前媽媽睇到一本雜誌話，上環有一間法國雜貨店有罐頭既法國油鴨脾賣，當時媽媽已經想買番黎試下，不過因為要照顧展圖豬，唔方便去一d交通唔太方便既地方，所以唯有一路諗諗諗，但係始終無去到。

點知今日同展圖豬返KinderU見到Lee Garden樓下咁啱有法國食品節，紅酒媽媽就唔係太啱~~~~~鵝肝醬又好似太大罐，不過咁啱見到呢隻罐頭，就諗住買番黎試下~~~~~！

不過仲未諗到做聖誕大餐，定除夕大餐好~~~~~！

試鏡大失敗之種族歧視

早兩日媽媽響網上見到有人搵1-5歲既男女童拍硬照廣告，媽媽哽係唔執輸，第一時間同展圖豬報名，仲約埋今日試鏡。

所以今日同展圖豬去完KinderU之後，就去鰂魚涌試鏡啦！

一去到一個姐姐叫我地填好報名表，然後等一陣，就入去試鏡~~~~~點知一入到去展圖豬即時大喊~~~~~眼淚大大滴，超級可憐，因為喊得太厲害，所以根本唔可以影到相，唯有出去等其他人小朋友試完鏡先，等展圖豬冷靜下。

等緊期間，展圖豬既情緒終於穩定番，到後期見到d 靚女Model仲要猛咁對人笑，等d姐姐讚佢可愛，終於又到展圖豬再次試鏡，點知一入到去，見到果位攝影師又即時狂喊，咁媽媽同婆婆都知道係展圖豬唔鐘意位攝影師 原因係個攝影師皮膚太黑~~~~~~~oh~~~~！見到展圖豬咁可憐，媽媽同婆婆都唔忍心迫佢，所以唯有離開啦！

Cookies Cutter & Fondant Smoother

早幾日上網睇到有Lufuma開倉，見爸爸件Gore-tex外套已經舊舊地，所以約爸爸今日去中環睇下有無啱既。因為媽媽比爸爸遲收工，去到既時候，爸爸已經睇完左，話唔鍾意d款wor~~~~

既然黎到中環，又未到七點媽媽哽係要去Complete Deelite買想買左好想買既Wilton Cookies Cutter (因為唔鍾意街果d個型唔靚，又一係太大又一係太細！)仲買到想買好耐既Fondant Smoother~~~~

跟住再去灣仔二德惠買Double Cream，再去波士頓食埋野就返屋企lu！

展圖豬既第一次飛吻

今日婆婆去左四姨婆屋企，因為聰表叔今日請四姨婆同四姨公去澳門，所以婆婆一早去左四姨婆屋企TAKE CARE五姨婆。

今日夜晚媽媽爸爸同展圖豬食完飯返屋企時見到樓下管理員，展圖豬例牌又超HIGH，叫拍手有拍手，叫請請有請請，叫BYEBYE有BYEBYE，點知管理員叫展圖豬飛吻，我地話佢未識，話口未完，管理員姨姨做一次俾展圖豬睇，展圖豬就做一次，就係咁樣第一次既飛吻就俾左管理員姨姨啦！

HK Preschool Interview勁多人呀

今日展圖豬又要去幼稚園Interview，今日既學校係樂基~~~~聽聞呢間學校教得非常好(其實都唔多知點好，係人地講~~~~~)，本來今日上晝仲要去埋迦南，不過由於Think已經收左展圖，而我唔想展圖豬一日Interview兩間學校咁辛苦，所以就Skip左迦南。

下晝三點媽媽同婆婆等展圖豬瞓完晏晝覺就帶佢去搭車，一去到學校真係嚇左一大跳~~~~~~勁勁勁多人呀~~~~~！真係插針都插唔入！去到先要排隊攞報籌同報名表(排隊都要分幾條龍，分別係唔同interview時間既!)。之後同展圖豬響遊樂場玩左一陣，展圖豬仲係唔係好肯行，有時仲會響屋企咁周圍爬，媽媽因為唔想佢響地下爬，捉佢起身，點知佢又坐返落地下~~~~真係勁狼狽~~~~！

玩左一陣聽到叫number，要抱起展圖豬排隊入去Interview，點知可能因為佢未玩夠，竟然大喊反身，用雙手雙腳撐，嘩~~~~差d抱唔住跌左展圖豬落地，不過好在見老師前收左聲~~~~~~

見老師時，老師簡單咁問下放假時會帶展圖豬去邊，平日邊個照顧佢，本來要考說話，但係我對老師講展圖未學講野，所以老師淨係俾d圖畫同公仔展圖豬睇，睇下佢反應~~~~~今次interview都ok，不過競爭激烈~~~~~千幾人爭果百幾個位，唔知展圖豬考唔考到呢~~~~~？

去買聖誕禮物呀~~~~~

今日爸爸又要做野，返唔到黎食晚飯，所以媽媽趁機約埋婆婆響於工後出去食飯，順便去玩具反斗城買聖誕禮物，預備21號既Christmas Party。

今次我地決定去未過既將軍澳反斗城，順便響新都城食飯，原本我地去到新都城諗住求其響food court食少少野，不過因為展圖未食飯，媽媽又諗住近來好少出街食飯，所以當見到香辣屋有bb椅，就決定左食無食一排既泰國菜。好耐無食香辣屋，我地叫左兩個餐，嘩黎到都幾大份，而且好味又唔多人，兩個人都係$250左右，仲要食唔晒，下次可以再考慮。

跟住我地就去反斗城買玩具，今次媽媽又係買科學具玩俾其他小朋友，而展圖豬就係Thomas 波波池。期間我地見到有D識郁會叫既玩具動物，媽媽個左隻狗仔俾展圖豬，見佢幾開心，婆婆就開聲話佢買呢個俾展圖做聖誕禮物，之後媽媽行開左要買猜猜畫畫俾D小朋友響PARTY玩，婆婆見無野做，咁啱果個位又有幾隻識郁會叫既玩具動物，就開俾展圖豬睇下，一開之下不得了~~~~~

婆婆開左隻豬仔，展圖豬一聽到隻豬仔叫，就笑到停唔到，仲笑到標晒眼水，有個行經既男人仲叫佢個老婆過黎睇，點解個B會笑得咁勁~~~~~~！

到九點幾已經買左一堆野，見展圖開始不耐煩，所以就返屋企LU！

發燒~~~~~

尋晚展圖豬成夜都有DD扭計，到夜晚早早瞓左一陣，十點左右醒左，媽媽諗住同展圖豬搽Cream換片餵奶，點知搽Cream時發覺展圖豬個身好熱，即刻同同探熱，竟然102C，所以即係同豬仔除淨一件衫，等佢散熱，之後餵完奶等一陣，喂展圖豬食退燒藥，過左一陣展圖豬喊得好可憐(唔係大喊，係細細聲咁~~~~)，然後過過一陣就嘔左一大啖奶~~~~~媽媽好肉痛！之後，媽媽抱住展圖豬響梳化瞓，等佢瞓得好D~~~~之後好左都退左燒好多！

今日婆婆同展圖又睇楊醫生，醫生話展圖有少少喉嚨發炎~~~~~~媽媽諗展圖一歲後多左病唔知關唔關奶粉問題~~~~~？因為展圖一歲前飲羊奶好少病，係一歲後轉左雪印就病多左~~~~~(雖然可能都係去多左街/抗體少左)不過媽媽都係同展圖轉番奶粉先，睇下會唔會病少D~~~~~

蛋糕日~~~~~婆婆今日嚇死媽媽

今日係五姨婆手術後既第一個星期日，婆婆趁媽媽有時間睇住展圖豬，去左四姨婆屋企探五姨婆。而爸爸就由三點幾開始要出去做野，所以得媽媽同展圖豬留守屋企。

媽媽趁展圖豬瞓晏覺時開始做蛋糕，今次係大工程呀~~~~~

事關半年前左右媽媽買左本蛋糕書，早幾日媽媽左揭右揭，心血來潮既媽媽想做其中一個蛋糕，由於媽媽近年都係好懶咁做D Mousse Cake、忌廉蛋糕、粟子蛋糕、Muffin咁，所以呢個蛋糕算係大工程啦！

因為淨係溶朱古力都要兩次，又要煮忌廉~~~~~又要用分蛋法~~~~，個朱古力蛋糕底要用real chocolate做，唔可以用cocoa powder，好在今日展圖豬瞓在好耐，媽媽除左做呢個蛋糕，仲做左兩盒早排買既mini cupcake~~~~~~

不過個蛋糕因為用朱古力淋面，所以要聽日先有得食~~~~希望好食啦！

至於婆婆點嚇死媽媽？事緣到左夜晚9點幾，四姨婆打電話俾媽媽，問婆婆返到屋企未，婆婆當然係未返到屋企啦~~~~咁四姨婆就話婆婆己經走左成個鐘，佢早十幾分鐘又打過電話黎話唔見左銀包~~~~~~之後打極電話都無人聽，媽媽一路打電話就一路驚，足足嚇足成十幾二十分鐘，婆婆先返到屋企，原來婆婆既電話較到好細聲，所以聽唔到，好在人無事，嚇到媽媽一額汗~~~~~~~

蘇浙 Interview巧遇同學仔

今日因為下午四點要去蘇浙in nursery，所以響Kinderu請左一日假。媽媽放工後，同展圖豬瞓左一陣，三點鐘媽媽、婆婆同展圖(爸爸今日要做野呀！)就出發去蘇浙，之前由於報名都只係郵遞，所以從來都未去過校舍~~~~~聽人講話學校係響斜路上面，所以決定響北角站搭的士上去~~~~，遇著一位好好人既的士司機，幫我地放車仔入尾箱，其實原來都好近(不過斜路真係又長又斜~~~~~)

響斜路遇上Kinderu同學仔熙熙，原來大家都係四點面試~~~~~~

一去到已經四點鐘，所以登記先(見到有波波池同沙池都無玩~~~~~)，然後飲奶奶~~~~~，之後就開始玩一陣玩具，過一陣就叫名集合，然後帶小朋友去一個室內遊樂場玩~~~~展圖豬玩得好開心！

過一陣就interview，老師響枱面放左蘋果、橙和香蕉，首見叫展圖攞蘋果，呢個完全無難度，因為展圖豬鐘意紅色(不過其實我懷疑展圖豬唔知咩叫蘋果，因為我地不嬲淨係俾果蓉佢食~~~~~佢都唔知見個蘋果未！)，之後叫展圖豬攞橙，呢個都無難度，又係colorful既顏色(但其實我諗展圖豬都係唔識~~~~ :p)，就係咁展圖豬一手攞蘋果，一手攞橙既情況下，當老師叫佢攞香蕉時，係咩都唔理，淨係顧住玩蘋果橙~~~~~~~~！之後老師比一盒仔crayon展圖，叫佢畫下，展圖豬又係唔理佢淨係要響個盒度攞晒d臘筆出黎~~~~~~，比架車仔佢玩，展圖豬又係淨係玩個轆~~~~~，比本書展圖豬，佢又淨係玩中間張借書紙~~~~~~~之後老師係咁二問下媽媽野就比我地走~~~~我諗今次OK機會都係~~~~~麻麻地~~~~~，不過無所謂啦~~~~~，咪當練習囉！

之後我俾展圖同同學仔熙熙響學校個波波池玩左一陣，就同婆婆去吉之島10蚊店買左DD野~~~~~，途中展圖豬已經攰到暈左~~~~~，之後我地就番屋企啦！

媽媽帶左展圖去樓下公園

一路以來，媽媽都甚少帶展圖豬去樓下公園，因為展圖豬一來未行得好好，二來係媽媽覺得展圖豬仲未識去公園玩~~~~~因為都無咩啱佢玩~~~~~

不過近呢一兩個星期，婆婆同爸爸都分別帶過展圖豬去公園，都話展圖豬就算淨係見到其他小朋友玩都已經好開心~~~~~

所以媽媽諗識唔識玩唔再係問題，重要既係展圖豬開心~~~~所以今日放左後，媽媽就帶展圖豬落樓下公園~~~~~展圖豬淨係響公園行已經開心到叫~~~~~期間仲有一位大佢少少既姐姐同佢玩，見到展圖豬咁開心，媽媽都好開心，所以決定以後多D帶展圖豬去公園~~~~~等佢唔好成日屈響屋企~~~~~~

預備聖誕PARTY

早兩日打左電話俾四姨媽同表姐們，打算今年響我地屋企搞聖誕PARTY~~~~~因為舊年係響姨媽屋企搞，今年我諗不如大家逐年響每家搞，咁樣唔駛做死一個~~~~~

咁啱早兩個星期收到JUSCO既CHRISTMAS PARTY PROMOTION，所以今日特登去訂左一盤壽司，諗住PARTY果日大家食~~~~~

仲因為之前D人講話北角果間JUSCO十蚊店超大間，所以去果度買左D紙盒諗住PARTY果日做起D CUPCAKE同COOKIES & GINGER BREAD MAN俾大家攞走做聖誕禮物~~~~~另外仲買左少少整蛋糕既工具。

不過北角呢間真係好鬼死大，我求其咁行(都未行晒)都行左成個鐘~~~~~~要認真行，我諗我都要行半日~~~~~

媽媽既虛榮~~~~

自從媽媽整左曲奇之後，每日都會俾展圖豬食半塊~~~~~(一塊怕太多，因為用左好多牛油做)

今日當媽媽攞個曲奇盒出黎時，展圖豬竟然搶左~~~~~，當媽媽攞返時，仲要大喊，媽媽諗~~~~唔通佢想食曲奇？結果媽媽攞左一塊出黎，俾展圖豬食，竟然係即時收聲止喊，仲要大大啖咁食~~~~~唔通展圖豬真係咁鍾意食？

一路以來展圖豬對食物都好似無咩特別喜好，依家竟然俾媽媽發現到一樣佢鍾意食既野，仲要係由媽媽親手做既，媽媽真係覺得超開心呀~~~~~！

任何人話好食鍾意食，都比唔上展圖豬一個鍾意食呢~~~~~！

媽媽又做曲奇啦~~~~爺爺嫲嫲同大姑媽黎探展圖豬

由於上個星期既曲奇餅食左唔夠4日已經食晒，所以今日媽媽又整曲奇，不過今次整多好多，因為諗住做多DD俾爸爸既朋友~~~~~

傍晚爺爺嫲嫲同大姑媽都先後黎睇展圖豬，之後仲一整食晚飯，大姑媽又買左幾件衫仔俾展圖豬呢~~~~~

鼻敏感？

因為見展圖豬既少少咳，已經持續左一個星期，媽媽驚佢係氣管敏感(因為氣管敏感有機會導致哮喘)，所以婆婆今日同展圖豬去睇高醫生~~~~點知高醫生因為孫仔出世(恭喜晒~~~~！)，去左探孫仔，不在香港！由楊霸成醫生代診~~~~！

楊醫生個展圖豬係鼻敏感，有鼻水倒流入喉嚨，所以有咳！不過好奇怪，之後展圖其實一D鼻水都未流過，所以我地都唔知！原來所有鼻水都流晒入喉嚨呢！

濕疹、鼻敏感呢兩樣展圖豬都中左~~~~，媽媽要小心展圖豬既氣管(哮喘)，因為呢三種敏感病常都好易一齊有~~~~

(大家要小心小朋友半夜咳嗽，原來小朋友於半夜十二時至凌晨五時咳嗽，好大機會都係哮喘/哮喘既先兆~~~~~！)

超鬆化曲奇

今日媽媽造左少少曲奇餅，超鬆化好味呀~~~~~

婆婆同爸爸都話鬆化過jenny bakery同樂宮既曲奇餅~~~~，爸爸仲問我有無諗過整出黎賣~~~~~媽媽好有滿足感呢~~~~~~

牛油曲奇

牛油  200g
麵粉  150g
糖霜  50g
粟粉  50g

1. 牛油與糖霜打至奶黃色
2. 篩入麵粉及粟粉
3. 拌勻
4. 用唧袋唧花
5. 180C焗12分鐘

• 牛油要用金桶/三角嘜~~~~

不停係咁行呀~~~~~~

唔知係咪展圖豬啱啱開始學行覺得超新奇，所以呢幾日成日不停咁係咁行，一攰/唔夠力或者平衡唔到就會「mou」底~~~~~然後又會起番身繼續行~~~~~

爺爺嫲嫲黎探展圖豬~~~~行路突飛猛進

因為展圖豬出左院，今日爺爺同嫲嫲都特登黎探展圖豬同食晚飯~~~~~~

可能因為展圖豬見爺爺嫲嫲黎探佢所以好開心(事實上次次爺爺&嫲嫲&大姑媽黎探親展圖豬佢都好開心)，所以夜晚食完飯之後我地同展圖豬玩，佢不停係咁行，仲可以一次過行成8呎~~~~~之前都只係兩呎左右咋！

而且都幾穩陣，原來bb遲d學行真係可以一行就行，跌少d嫁！

另外今日下午婆婆發現展圖竟然吼婆婆入廚房時偷偷地爬上梳化，再沿住梳化爬左上媽媽既電腦枱上面，嚇死人~~~~~~好危險~~~~~！不過好在既係我地響展圖豬未識爬上梳化同床時，已經教識左佢用雙腳落床同梳化，咁都無咁危險，不過係怕佢有時貪玩唔記得~~~~~所以都係小心為上啦！

所以今日媽媽同爸爸趁爺爺嫲嫲走左之後又要玩搬傢俬，將梳化同電視櫃既位置調轉，黎展圖豬唔可以爬得咁高~~~~~~

而且我地好肯定係展圖豬依家係知道「NO」既含意，因為每一次佢想做/做緊一D野而我地唔俾佢做，同佢講NO時，佢個樣係即時唔開心，同埋我地再同佢講時係會喊嫁~~~~~~所以我同爸爸都話，如果唔係太必要時，淨係講道理好啦!如果係重要野，先至同佢講NO啦~~~~因為對於展圖豬黎講，「NO」已經係好重語氣嫁啦！

有nursery收展圖啦~~~~

話說早兩個星期，媽媽帶左展圖去幼兒園Ineterview，雖然展圖表現未如理想，但係媽媽計下數覺得個個Interview可能都係造勢居多，果然尋日收到幼兒園既收生信件~~~~叫我地下個星期去交留位費~~~~~千幾蚊！

雖然呢間幼稚園唔係媽媽既第一選擇，不過留位費都要交~~~~~~怕展圖入唔到更好既nursery無書讀呀~~~~~~

所以呢千幾蚊都係要俾啦~~~~~~~雖然係咁媽媽都叫鬆一口氣！

另外上個星期響永安度買既高速煲同焗爐今日收到啦~~~~~高速煲今日試下，聽日等媽媽試理個焗爐先！

另外展圖今日退晒燒啦~~~~~呢樣先係令媽媽最開心既！

可以出院~~~又出唔到，終於都係出到~~~~~!

一朝早婆婆打電話俾媽媽話高醫生唔俾展圖豬出院，因為唔知佢會唔會係出玫瑰疹~~~~

爸爸今日就決定放假陪展圖豬，等婆婆可以休息下~~~~~~

今日展圖豬胃口都唔錯，可以食晒D粥仔~~~~~

不過可能佢真係好驚D醫生同姑娘，佢地一黎到，展圖豬已經虎視眈眈，一掂佢就掙扎得好厲害，醫生姑娘都話展圖豬超惡死！

高醫生仲叫我地帶多D展圖豬去街，以為佢驚陌生人~~~~查實平時一D都唔係咁！

到左夜晚高醫生巡房時話展圖豬應該唔係出玫瑰疹，可以出院啦~~~~~~！

媽媽即時開心晒~~~~，日日返到屋企，見唔到展圖豬個感覺真係好怪，媽媽有幾次叫錯BB做展圖豬添~~~~~！

不過夜晚展圖豬又有D燒39.1C，真係令人好擔心~~~~~！

展圖豬入左院~~~~

尋晚媽媽一個帶左展圖去左醫院(因為爸爸聽日要返工，媽媽唔想佢無精神，而婆婆聽朝會過黎，所以媽媽要婆婆留響屋企休息)，先係見醫生，探熱，再去照肺，又搞入院手續，之後又要探N咁多次熱，食藥水，抽血抽鼻水做化驗，沖涼退燒(好左呢樣展圖豬唔太抗拒，不停撥水，爭D搞到姑娘件制服濕晒，要媽媽捉住佢對手)已經搞到展圖豬一要瞓低/見到D著白袍既已經好驚~~~~~

所以媽媽一開始唔敢放佢上床瞓，一路抱住佢，到三點半左右，終於瞓得好D，媽媽都諗住瞓下，點知瞓左無幾耐，姑娘走過黎話頭先同展圖豬抽血時因為展圖豬掙扎得太厲害，所以D紅血球爆左，要抽多次血~~~~~~其實真係會咁既咩?會唔會係化驗實D人唔小心打爛左個TEST TUBE所以要抽多次？

之後又要展圖豬嚇多一次~~~~~不過今次好都好攰，一抱住佢已經瞓著，不過可能係陌生地方展圖豬始終瞓得唔係太好~~~~~而媽媽又怕佢唔退燒，所以都無咩瞓過！

朝早婆婆一早黎到接媽媽更，媽媽俾埋按金就返工，因為尋晚無咩瞓，所以全日既工作速度只係平日既三分之一。

爸爸四點幾收工後就去醫院陪展圖豬，婆婆因為今朝叫過醫院既粥俾展圖豬食過，覺得咸左DD，所以就返煲粥仔俾展圖，媽媽放工後就同婆婆一齊再去醫院。

今日唔知點解高醫生比平日遲左巡房，因為爸爸仲有工作未完成，所以早DD走，而媽媽就醫院要等埋高醫生黎先走，結果高醫生都話展圖無咩事，我地可以決定當晚或者第二日走，為左安心，我地都諗住等展圖瞓多晚先~~~~~

展圖豬一日嘔足7次~~~~好肉赤呀！

自從上個星期日去完Halloween Party已經有d傷風咳，第二日婆婆已經帶左展圖豬去睇高醫生。之後今晚唔知點解瞓完晏覺後就變左做一個小火爐，爸爸話，會唔會係發燒？之後媽媽同展圖豬探熱，一探之下39.5C，我地即時餵左展圖豬食D退燒藥&飲奶再帶展圖豬去法國醫院睇醫生(因為已經七點幾~~~~)點之，展圖豬飲左幾啖奶已經嘔~~~~~~

所以媽媽即刻換衫同爸爸一齊諗住即時去睇醫生~~~~~

點知淨係呢段時間已經夾埋嘔左3次，仲要有一次係嘔落我個身度，一次嘔落婆婆度(不過我地唔覺得核突，淨係覺得好肉赤，咁如個人仔嘔一定好辛苦！)~~~~~~連晏晝既飯仔都嘔埋出黎！

去到醫院又嘔左一次，不過可能因為前幾次咩都嘔晒出黎，淨係嘔左幾啖水~~~~~

睇完醫生後，醫生話係感冒，因為展圖豬咁嘔法，所以要塞肛退燒同止嘔(果陣大約九點九)，仲攞左喉嚨D組織驗菌(不過報告幾日後先知~~~~~!)

之後我地聽醫生指示，等展圖豬退返少少燒就返屋企~~~~~~

返到屋企，俾展圖豬飲奶(因為由中午開始展圖豬已經無食野~~~~)，點知飲完一陣，佢又嘔左DD奶，之後又嘔多一次，媽媽已經心知不妙打定電話去醫院留位，如果情況無進展就要入院啦!

到十一點幾時，媽媽再同展圖豬探熱~~~~見到佢又燒到39.4C，再加上展圖豬探熱時掙扎同喊得太厲害，所以又嘔，媽媽即時決定要同展圖豬入院穩陣D~~~~~

展圖豬學行啦~~~~

今日展圖豬唔知點解企好多，仲要響夜晚時開始學行~~~~~係呀學行，佢可以轉到彎同好慢咁行一呎左右，雖然只係一呎，但係媽媽都已經覺得好叻啦！

展圖豬咳咳呀~~~~

今日展圖豬起身有D咳，所以婆婆一早帶佢去睇高醫生，聽人講高醫生可能會響今年內退休既，好可惜，因為佢真係一位好好既醫生~~~~~

夜晚嫲嫲同爺爺黎左打邊爐，順便睇下展圖豬，不過可惜係因為食左藥既關係，所以一路瞓瞓瞓呢！

展圖豬@halloween party

今日爸爸要做野，而婆婆又約左朋友去街街，所以全日展圖豬都係由媽媽take care，一朝早婆婆將展圖抱過黎同媽媽一齊瞓，到左8點幾，竟然自已醒左，仲要企響屋度猛咁禁燈制~~~~~~好可愛呀！

媽媽起左起餵左展圖豬飲奶同換片過後就同展圖豬去將軍澳廣場，因為媽媽要去吉之島10蚊店買多幾隻早前買既啫喱杯~~~~~~跟住又買左一d垃雜野，跟住就同展圖豬去美心食早餐，媽媽食早餐時餵左展圖豬食通粉(之前未比過街既通粉展圖豬食)，展圖豬好鍾意食呀！本來有dd扭計都即時乖晒！食完早餐後媽媽就帶展圖豬返屋企餵飯仔，坐車途中隻豬仔竟然瞓著左~~~~~

下晝兩點媽媽又帶展圖豬出街，因為幾日前媽媽知道將軍澳東山既Halloween Party，所以約左媚姨姨同佢既囡囡一齊去玩，去到東山泊好bb車就入課室，不過唔知係咪第一間課室對於bb太驚嚇，2個BB入到課室都即時大喊~~~~~~陰公!

後來我地公第二個課室，可能光D又Colourful D，又有D汽球響樹，兩個BB都玩得好開心，展圖豬周圍爬來爬去，又爬出門口走路，媽媽捉左佢成十幾次~~~~~

到左講故事時間，一開始展圖就大喊，媽媽唯有抱展圖豬行開一陣，怕影響人地，點知可能展圖豬可能係太攰既關係，一抱就瞓著左，仲響果度瞓足成個鐘，等媚姨姨同佢既BB玩完先一齊走~~~~~

展圖豬學識禁燈制

今日媽媽放左工後帶展圖豬返KinderU，仲同展圖豬著果日買既萬聖節衫仔出去，點不知原來，KinderU下個星期係Halloween Party，所以下星期又要著多次呢件衫仔出現呢~~~~~

另外今日展圖豬學識左企響媽媽張床果度禁燈制，仲要玩得超開心~~~~~！

展圖豬出第5隻牙仔啦！

因為展圖豬到現時為止都係得果2隻牙仔，今日媽媽夜晚特登吼睇下，發覺展圖右手門牙傍終於見到第5隻牙仔既踪影啦~~~~~~！展圖豬生牙仔好似比一般既小朋友慢dd，唔知幾時佢先出到大牙呢？

大出血啦~~~~

之前幾日因為媽媽上Baby Kingdom知道永安今日會開始大減價，因為有個超正既焗爐好抵($1398減到$998)，所以放工之之後約左婆婆帶埋展圖豬過大古城，順便去埋Bossini買番件萬聖節衫仔比展圖豬，行左一輪~~~

一去到太古城，食左飯，買左衫仔，就去永安，見到promotion果個焗爐，功能係唔錯，不過細左dd，左諗右諗後，都係決定買個無減得咁平，但係大少少既焗爐~~~~因為媽媽成日都覺得屋企既既焗爐唔夠大，如果貪平買個細既反而可能唔啱用。

跟住就好睇婆婆想買好耐既高速煲，由於Apita都做緊高速煲既promation所我得行左一排比較下，終於都係決定買永安既Fissler 10L (因為大D價錢又差不多)。

買左呢兩樣野都大出血啦~~~~所以唯有番屋企！

返到屋企同爸爸講笑話我地啱啱蒸發左佢4000蚊~~~~~~

展圖豬@動植物公園

之前媽媽已經想帶展圖豬去動植物公園，今日適逢公眾假期，天氣又相當清涼，而且不太晒，所以下午等展圖豬訓醒晏覺後，就帶展圖豬出發~~~~~~~

媽媽同婆婆先同展圖豬搭地鐵去中環再轉的士，點知竟然遇上一個唔識路既的士司機......oh ~~~~~~！！！

不過好在司機問下其他人都搵到~~~~~動植物公園依家好似比起媽媽細個時少左好多動物，好快就行左一圈~~~~~~！雖然我地覺得好似無咩好睇，不過展圖豬見到d馬騮就好鍾意，笑得好大聲~~~~！而且成日抬高頭望d樹！

因為展圖豬仲未識行，所以我地無去個遊樂場同公園，不過如果展圖豬識行既話再去應該好開心！

之後我地落左中環，媽媽好開心買左一條粉紅色好閃既釘珠披肩，跟住仲去左H&M同ZARA買左三頂帽俾展圖豬再響IFC度食埋海南雞飯~~~~

返到屋企已經係八點鐘，咁樣我地就出左街五個鐘啦！

第一日離手企

今日媽媽放左工，就返屋企接展圖豬返PLAYGROUP。

因為今日展圖豬未瞓過覺就返學，所以狀態只係一般咋~~~~~

不過上上下堂，當展圖豬扶住媽媽對手面向Miss.Heley既時候，竟然因為大興奮，唔記得左，而放開媽媽對手企左響樹，仲要超開心彈下彈下~~~~~~既狀態下，自己企左十幾秒，先發覺自己係自己企緊，就坐返低~~~~~

不過淨係咁媽媽已經覺得展圖豬又已經大個左啦~~~~~

展圖豬有機會做花仔

自從發表左上個blog之後朋友A打電話黎關心問我點解唔做全職媽媽~~~~~~順帶正式發出通碟，展圖豬正式收到Invitation，下年會響朋友既婚禮做花仔，而媽媽就會做bridemaid~~~~~好開心呀！

朋友既婚禮地點仲未確實，不過好大機會去東南亞行chapel，好浪漫~~~~~~！響呢度要再正式恭喜~~~~~~~好朋友！

如無意外既話睇黎第一次同展圖豬出國會係參加婚禮呢~~~~~~！而且呢個婚禮仲會有三個花女~~~~~~嘩！好多囡囡呀！

由於媽媽依家要返工，所以星期三唔可以同展圖豬返kinderu，咁啱星期六Miss. Haley又有位，所以同展圖豬轉左返星期六。呢個班唔係男校咁啦~~~~有兩位女同學，而且大家既年齡有dd差距，大既就歲半，細既就十一個月~~~~不過都無所謂啦！

由於臨近中秋，放左學之後媽媽走左過老三陽買左呢幾年都好鍾意食既上海月餅，今年仲買埋鮮肉月餅同金華火腿~~~~~金華火腿好正呀!下個星期再去買多幾個先，事關過左中秋就無嫁啦！

脫離全職媽媽的日子

係呀大家無睇錯，今日媽媽開始脫離做全職媽媽既日子，開始要返工啦~~~~~~！

其實返工最主要原因係婆婆成日都話媽媽，無所事事響屋企~~~~~~~媽媽成日話遲幾年等展圖豬返小學時先至考慮返工，但係終於都係抵擋唔住婆婆既音波功，所以響上個星期開始搵工。

搵左一個星期，見左四份工，有三份請左，媽媽終於決定左揀今日做果份，因為最近屋企，十五分鐘可以返到工，無咩OT，容易請假~~~~~所以雖然呢間唔係最高人工，但係媽媽為左放工之後可以九秒九返屋企睇展圖豬，所以就揀左呢間啦~~~~！

要返成日工，見唔到展圖豬真係好唔捨得，媽媽尋晚仲偷偷地喊添呀~~~~~！唔知婆婆可唔可以一個人take care依家越黎越黏人既展圖豬？

展圖豬@南丫島

今日九點幾同展圖豬出門口，爸爸媽媽同展圖豬去南丫島旅行~~~~~

我地同響港外線碼頭同爸爸既朋友黑仔叔叔&佢既太太集合之後，就一齊出發搭船去索古灣，一上到船本來諗住食碗船麵先~~~~~~~點知依家既船原來係無麵食既！

所以我同爸爸唯有餓住肚得過到南丫島先食早餐啦！

到左南丫島媽媽首先係要買手信先~~~~~就係辣椒豆鼓、蒜蓉豆鼓、XO醬.......等！因為N年前媽媽同爸爸曾經去過南丫島買過呢樣野煮野真係~~~~~好正！

之後我地就開始行山啦~~~~~南丫島本身條行山路唔係太長，平時行個幾鐘就OK，不過帶住展圖豬，我地就一共行左四個鐘~~~~~~因為展圖豬有時扭計，所以到左中間之後媽媽抱左佢行一陣，爸爸就揹住佢行左好大段路。

好在我地唔係由榕樹灣出發，因為落山得發覺果邊係斜好多~~~~~~行上去一定超辛苦！

中途我地仲食左超冰凍既「媽」條~~~~~~~媽媽都係第一次食咋！阿婆豆腐花、燒雞翼、串燒尤魚~~~~~~~！

之後就搭船返中環~~~~~~然後番屋企LU！

雖然今日都好辛苦，不過媽媽見展圖豬好開心，所以都好開心呀！

戒咀大作戰day 5

今日婆婆有節目，所以展圖豬全權由媽媽同爸爸負責。

我諗展圖豬介奶咀都叫成功掛~~~~雖然始終因為無左奶咀所以比較難瞓著，不過依家都尚算ok啦！因為媽媽發覺展圖豬太鍾意食奶咀，有時整跌左，又想執番黎食，本身媽媽俾佢食奶咀就係因為唔想佢隻手周圍摸完食手指，怕污糟！無理由依家由得佢咁........再加上下年展圖豬就開始返學，無理由返學仲要食住個奶咀，所以都係介左佢啦！

展圖豬返學前媽媽仲要教識展圖豬自己食飯飲水，飲水其實依家都ok，佢口渴見到個飲管杯會自己攞黎飲，不過係仲未識開個杯。至於食飯佢真係太懶，幫佢「筆」埋d野落枝匙度，佢都唔肯放入口。

晏晝我地call左kfc既delivery，食左最新果隻桶餐yummy~~~~~~

戒咀大作戰day 4

尋晚展圖豬瞓得好好，幸好~~~~~~！所以我地都有覺好瞓！戒奶咀到依家尚算成功，不過無左個奶咀展圖豬好似唔識吞口水咁，所以成日流好多口水，就算同佢抺左，個下巴仔都係紅晒~~~~~~陰公！

今朝所有風球都除下，爸爸又要正常去做野啦！不過今日可以好早返，所以爸爸四點返屋企時call我地落樓下飲下午茶~~~~~~！

媽媽今日同佢著馬鎦衫~~~~~~不過唔記得左影相！淨係同展圖豬影相上次0708bk既生日party收到果件衫同對襪仔。

戒咀大作戰day 3 + 9號風球 + 爸爸休息

今日係展圖豬介奶咀第3日，相當難捱~~~~~~~！尋晚佢由於無左個奶咀，成晚都瞓唔好，成晚都喊醒，仲咀仔郁郁，好似啜緊奶咀咁~~~~

今日都左佢既瞓晏覺，同夜晚覺既時間，由於無左奶咀，所以喊左成個幾鐘先瞓得著，期間仲要不停抱住佢，嚴重既時候口水鼻涕都出晒黎，好似d人毒瘾發作咁。仲要到越夜喊得越勁~~~~~

不過好在可能因為之前一日已經瞓得唔好，而晏晝覺又因為無咀瞓少左一個鐘，所以夜晚八點幾已經瞓左，而且瞓得好沉，希望今晚大家都有覺好瞓啦！

另外今日係展圖豬出世以來第一次既九號風球，由於爸爸本來今日要出outdoor影野，但係因為打風既原因，所以function時取消，因此我地難得可以偷到一日既悠閒日子。

全家係喺齊屋企，展圖豬好明顯係開心好多嫁！

戒咀大作戰day 2 + 學識拜拜 + 捐過門欄入房

今日係展圖豬開始戒奶咀既第二日，事情無早幾日咁順利~~~~早兩日容易瞓著可能係因為展圖豬病左，食左藥所以容易瞓！晏晝覺同夜晚都好扭計~~~~仲要加上展圖豬仲有鼻水，瞓得唔好，同佢吸親鼻都喊到拆天~~~~~~好陰公！

早排教過展圖豬拜拜幾次，見佢好以學唔識，反正小朋友見到拜拜都唔開心，唔識都無所謂，大左一定會。點知今日食午飯時教左展圖豬一次就學識左~~~~真係好奇怪！

我地響屋企房門口既走廊整左個門欄，個門欄特登整高d，等可以俾BB(我隻狗)可以入到去飲水同小便，順便有時俾展圖豬捉得太緊時可以避下風頭！今日我入左雜物房攞野，突然間聽到聲，擰轉頭一望，展圖豬竟然發覺展圖豬入左黎。究竟佢係點入黎既呢？係上面入黎，定係趴入黎呢？結果後來我地引佢終於發現展圖豬係爬左黎既~~~~~~

呢個就係案發現場~~~~~

另外因為琴日睇左一篇文章教點佢小朋友玩可以訓練佢地既專注地，我今日試過佢展圖豬玩推波，雖然佢唔係好識推俾我，但係用手撥撥下都會撞中，不過我look親個波俾佢，佢都係成個人仔中過去抱住個波，仲要親吻個波~~~~~~真係超可愛！

第一次有姐姐賣旗俾展圖 + 笑容再現 + 戒咀大作戰day 1

因為見展圖豬今朝好番晒，連咳到無~~~~~~所以照常帶佢番playgroup，媽媽帶佢去到銅鑼灣出左地鐵無幾耐，有兩個姐姐賣緊旗，仲要貼左張俾展圖豬，事後上到班房媽媽先至發現。番到屋企緊係要影張相留念啦！

額頭上面「魚」左係因為早兩日病左發軟蹄失平衡撞落個文件櫃所致！

今日展圖豬真係精神晒，返到playgroup後期，miss Haley抱佢，佢就用個頭撞miss haley個頭(展圖鍾意用頭撞佢鍾意既人！)，爬去新黎既女同學度，咬人地隻腳~~~~~，落堂前仲要不停咁笑，勁開心！

另外由於媽媽發覺展圖呢兩日唔知點解唔准人抱佢「tum」佢瞓覺，而係要放佢落梳化，挨住d抱枕睇住電視，然後自我「吹」眠瞓著教，所以由琴晚開始，除左半夜果次，展圖豬係唔駛用奶咀就可以瞓著，既然係咁，媽媽就諗住試下開始同佢無痛介奶咀，希望可以成功啦！

夜晚同展圖豬換衫落樓下食飯，咁啱爸爸返到黎，話好得意一定要影幾張！

好番好多啦！

尋日晏晝開始展圖豬佢已經退晒燒，雖然仲係有咳，但係已經咳鬆左，無之前咁辛苦，鼻仔都無之前咁塞。

之不過始終因為病緊，所以成日無咩精神，無咩笑容，間唔中仲會扭下計，但係又唔係要玩，總之媽媽就覺得佢好可憐~~~~~

仲要成日食d唔鍾意既藥水，又要吸鼻，而且次次吸鼻都減到顛左，個人震晒出唔要聲，諗起都已經好肉赤啦！

無展圖豬份既0708 bk bb一歲生日會

今日係半年前媽媽已經同展圖豬報左名參加baby kingdom既一歲生日會，但係好可惜因為展圖豬今日仲有少少燒，為左避免展圖豬辛苦，同埋傳染比其他既小朋友，所以決定展圖豬今日唔去啦！

但係媽媽大啦啦俾左六百蚊出黎，婆婆話無理由一個都唔去，所以媽媽同爸爸就去當食番餐~~~~~~

其實我地已經遲左出門，個party係十二點開始，我地十二點先出門口，兩點幾已經番到屋企。

其實個party應該好好玩，只不過少左展圖豬，媽媽就一d都唔覺得好玩.......

不過都同幾位熟d既0708 bk媽媽傾左幾句......

之後一到抽獎完畢後，就急急腳番屋企睇展圖豬啦！

唔退燒再睇醫生+問題BB餅

由琴晚開始，展圖豬雖然一路食住退燒藥，但係一路都一低燒中，無退過燒。所以今日一早就打電話去高醫生度預約，但係因為今日係高醫日放假後第一日到診，所以超多人，一約已經已到下午一點三。

媽媽同婆婆廾二點九已經帶展圖豬去到高醫生既診所，但係果度真係超多人，入面迫到企唔到，仲要排隊坐到出去走廊。問下姑娘仲有排等，所以落樓下茶餐廳食少少野，上番去兩點幾，仲有排等，終於等到三點鐘先有得睇，高醫生話展圖豬係喉嚨發炎，開左幾日藥俾展圖豬食。

番到屋企食左D藥到夜晚展圖豬又生猛番，退左燒，希望可以快D好番啦！

今日睇到報紙話消委會調查市面上既BB食品，其中有兩隻有問題既BB餅既含納量超標，包括Pigeon Calcium Seaweed Cracker及Healthy Times Honey Graham Hugga bear Cookies。

報紙上面寫由於嬰兒內臟發展未成熟，納及添加糖既攝會越少會越好，否則BB長大後會增加患上高血壓及心血管病既風險。另外進食太多鹽會加重嬰幼兒腎臟負荷，所以BB既食物不應加鹽。

咳得厲害~~~~~

今日展圖豬仍然病緊~~~~~~成日都無咩退過燒，食左退燒藥就係發燒既臨界點，但係一唔食退燒藥就即時燒番~~~~~~

雖然今日既胃口好明顯比之前好左d，7安奶開稀至8安可以飲到6安左右(平時飲7安)，食飯仔雖然有dd扭，但係都肯食晒!

之不過之前未有既病徵都出晒黎，咳、有痰、鼻水，見到佢咳得咁辛苦真係有d心痛！不過好在今日精神比起尋日好左好多，至少會自己攞野玩，不過明顯體力係差左，而且無咩笑容！

朝早仲好精神，可以玩成兩個幾鐘~~~~~！

夜晚就成晚眼淚汪汪咁，好可憐！

睇怕聽日都要去睇多次醫生~~~~~星期日既0708生日會展圖都可能去唔到lu~~~~~婆婆話叫媽媽同爸爸去wor~~~~~但係就算去左都玩得唔安樂啦~~~~~

發燒~~~~與寶兒錯身而過！

尋晚展圖豬臨瞓前個身已經好似熱熱地咁，後來同佢耳探完之後發覺並無發燒。不過成晚好似瞓得唔係幾好咁，到左零晨五點鐘左右，婆婆摸下展圖豬，發覺佢變左個火爐仔咁，成身好熱，所以就叫醒爸爸媽媽同佢探熱。一探之下原來已經燒到39.2C，所以即時餵展圖豬食退燒藥先，睇下點樣，打算如果過多半個鐘都唔退燒就帶佢去睇急症。

朝早七點幾發燒中既展圖豬~~~~~~(呢次係展圖豬出世以來第二次發燒)！

由於爸爸聽日都有野做，所以媽媽同婆婆輪流睇住展圖豬，首先係媽媽，好在展圖豬退燒都退得好快，唔駛半個鐘已經退左燒，之後大約七點半就由婆婆接手，而且婆婆同媽媽打算九點幾帶展圖豬出去睇醫生！

到九點半我地就出門口，途中打俾高醫生，諗住掛號，點知晴天霹靂，高醫生竟然放緊假星期六先番，好在我地仲可以睇曾醫生，由於曾醫十一點先開始睇症，所以我地唯有響診所樓下食少少野先。

媽媽同婆婆十點四十五分就上曾醫生度，一上到去，點解唔同左樣既？打番去問姑娘，話響18樓，心諗可能係自己記左樓層，到左18樓，行番以前個方向，又唔同左，真係咁邪？原來曾醫生幾個月前已經搬左診所去第二個單位~~~~~

姑娘先同展圖度高75.5CM，磅重10.1KG，再探熱~~~~~仲有DD燒，因為果陣曾醫生仲未返黎，媽媽順口同姑娘傾幾句，話早幾日展圖朋友寶兒都黎過，姑娘話原來今日寶兒都預約左十二點幾返黎覆診，之後十一點曾醫生準時返到黎，睇過展圖豬，話係病毒感染，喉嚨有DD紅，大約星期六會退燒，如果返屋企後持續唔退燒或者嘔既話就要即刻返去覆診，但係如果星期六無再燒過就唔駛再返去。由於果陣係十一點半咋！所以我地無見到寶兒就走左啦！

由於尋晚我地淨係用耳探機同展圖豬探熱，媽媽覺得唔係好準，所以婆婆就話買番枝電子探熱針可以同展圖豬肛探~~~~

之後媽媽就同婆婆返屋企，途中嫲嫲地電話黎話買左D野俾爸爸，順便上黎探下展圖豬。

返到屋企喂展圖豬食飯仔，好在都肯食，不過係唔係好肯飲水同飲湯~~~~~！展圖豬食完飯仔玩左一陣就開始瞓覺，一直瞓到夜晚八點，途中食左一次藥同飲奶，之後八點媽媽叫醒佢諗住同佢餵飯仔，一摸之下個身又係好熱，用耳探機探下36.8C即係無燒，不過媽媽覺得唔係好準，所以再同展圖豬肛探，原來燒到39.4C~~~~~爭好鬼遠!

傍晚展圖豬再發過燒，媽媽用溫水同佢抺身順便探熱，不過期間展圖豬疴濕左爸爸媽媽張床~~~~~

燒到面紅紅，抺完身換好晒衫貼埋退熱貼既展圖豬！

所以各位媽媽如果BB發燒為穩陣起見都係肛探好D~~~~~~

食完飯仔，玩左一陣，展圖豬又好攰咁所以就再「TUM」佢瞓覺，今晚媽媽同婆婆又係輪流照顧展圖豬啦!希望展圖豬可以快D好番啦！

另外想要問下各位朋友有無邊隻退熱貼係貼得穩陣D，我用過小林同白元都係好易跌落黎~~~~~？

巧遇~~~~鬧鐘媽！

今朝展圖豬要返playgroup，由於時間尚早，所以同展圖落樓下食早餐先~~~~~不過展圖豬淨係可以食白麵包！食完早餐後就諗住去搭車~~~~~

一出商場無耐，就俾人響後面嗌住，轉頭一望，原來我我生完展圖後黎過我地屋企，幫左我地好大忙既鬧鐘媽巧遇~~~~鬧鐘媽！

鬧鐘媽仲話展圖生得好高添~~~~跟住傾左幾句，唔知鬧鐘媽係咪知道我地既煩惱(展圖豬仲未識講野同行路)，所以話俾我知原來鬧鐘仔都係未肯講野，同埋都係啱啱行到。而且鬧鐘媽仲話俾我知如果BB仔爬多D，對佢地腦部協調有好處，爬行多D會好D咁話！

呢個意見係Professional嫁，大家要信呀！

好啦!放下相先~~~~呢d係今日媽媽既功課！

啱啱瞓醒~~~~成個憂鬱小生咁！

展圖豬真係好鍾意睇書~~~~~！

展圖豬都唔知解好鍾意摺住對腳黎坐！

呢排展圖豬唔知點解好鍾意「I」落個cushion度！

媽媽真係好鍾意展圖豬呢個笑容！

睇睇下書又要睇電視！

己渣奶樽--->原來唔係唔識，係懶唧！

今日媽媽下晝出左去反斗城換玩具呀~~~~~原因係展圖豬上個月尾生日會時收左兩件玩具，而屋企又有類似既，所以今日就去換啦！

因為展圖佢有三個表哥仔大佢dd，所以佢不嬲接收左好多免費玩具，原本媽媽心諗希望換d第二d特別d，或者係反斗城先有得賣既玩具俾展圖豬，點知行黎行去都無咩啱心水，好似樣樣都有d差不多既野~~~~~咁唯有買媽媽心目中既後備玩具---->單車。

不過原來尖沙咀既反斗城雖然係大，但係單既既選擇，尤其是可以俾男仔揀既真係好少，之前見到有網友響又一城果間買到既thomas單車都無，要摺得果d，仲係諗都唔駛諗。所以媽媽唯有揀左部米奇單車.......另外再買左一部泡泡機，諗住第日展圖豬識行識走時，拎落樓下俾佢玩追泡泡。

又後等左兩個鐘，等d staff切好部單車就番屋企，點知果陣個天落緊毛毛雨，搞到超論盡~~~~~~~不過返到屋企抺乾淨部單車俾展圖豬佢好似好大興趣咁，真係咩都抵番晒！

夜晚臨訓前婆婆同佢換片片，側面放左支奶，平時我地無咁做，一係飲左奶先，一係支奶放響第二度，點知展圖豬望望下，自己伸手攞左支奶想放入口，我見佢想飲同佢開左個蓋，佢又扶住個奶樽飲得好好地，不過因為我係用玻璃奶樽都幾重，見佢飲左半支，咪用隻手幫佢「豆」住個樽等佢唔駛飲得咁辛苦，點知佢發現左就即刻放手唔肯拎~~~~~~原來佢真係好鬼懶！

成歲仔先第一次渣奶樽!仲要郁黎郁去！

一同佢攞個奶樽，就放手~~~~正一大懶蟲！

鍾意睇史力加~~~~~？

今日無咩做，響屋企au~~~~~~係落街食左早餐同飲茶咋！

今晚媽媽自動請纓煮飯~~~~~煑左一樣叫「餓釘」既野，係響一位住響日本既blog友度學番黎！另外仲有茶碗蒸.......

婆婆同爸爸食完後既評語係~~~~~

茶碗蒸~~~~好水.......蒸水蛋好d
餓釘~~~~爸爸話好似菜乾湯煮出黎咁好清，婆婆話都ok清清地幾好......

睇黎媽媽今次失敗左~~~~定係日本人既家常飯係咁清？真係唔知.....

之後電視播史力加，展圖豬超興奮不停大笑&尖叫，仲要走埋去電視度近距離觀看。

寶兒一歲生日會

今日係一位BK0708 BB寶兒既生日會，媽媽早幾日知道佢既媽媽Joey同佢搞生日會就報定名啦~~~~~~無辦法啦！早排媽媽比較忙，所以搞到展圖豬錯過左好多朋友仔既生日會，今次日子ok，哽係一定要黎參加！

下晝食完飯~~~又扮貓樣引我地笑。

出發前又影兩張~~~~！

因為生日會下傍晚先至開始，所以媽媽響五點半先約好爸爸做完野後一齊由地鐵站去寶兒屋企，去到之後原來另一位朋友仔軒軒同佢媽媽、仲有另一位媽媽金仔都黎左~~~~~

展圖豬同軒軒既生日會主角寶兒都玩得好開心~~~~媽媽發覺展圖豬原來好鍾意玩寶兒隻彈彈馬，所以諗住買番個俾佢，不過難為寶兒為因為d唔舒服，所以有時少少不在狀態。

因為今日係BBQ Party，所以響天台燒野食，不過因為媽媽怕展圖太熱，所以大部份時間都係響樓下歎冷氣，而爸爸就辛苦啦，因為要燒野食俾媽媽食~~~~~~哈哈！

到九點幾左右，人齊晒，就開始切蛋糕lu~~~~~之後因為爸爸發覺展圖開始低電量，所以早少少番屋企~~~~~不過總括而言，今日展圖好開心！

我地仲要又食有拎，有禮物呀~~~~~(圖中相片果位主角就係寶兒啦！)

多謝晒，joey同佢老公既招呼~~~~當然仲有壽星女寶兒啦！

BB展人多到~~~~~~呢！

今朝媽媽一早十點鐘出發去會展，今日係BB展既頭一日，媽媽希望星期五既上晝會少D人~~~~~~

去到會展雖然都未至於打蛇餅，但係都唔少人排隊買飛入場，正當我諗住過去排隊時，竟然俾人叫住，原來係一位舊同事，原來佢依家做緊迪迪尼度做緊~~~~哈哈！媽媽今次出路遇貴人，唔駛排隊，又唔駛俾錢入場~~~~~~~~

入到去，雖然都叫多人，但係未至至於太多，所以慢慢行，點知越行越多越行越多，後來迫到行唔到咁滯，真係無咩心機。

不過原來今次EXPO都無PLAYGROUP，所以心目中既目的都達唔到，但係都買左少少野，最抵係買左兩件COMBI玩具~~~~今次七折呀！仲有DD野都幾抵所以都買左DD。

行到十二點幾開始覺得無咩好行，所以就閃人LU~~~~~之後既然去開灣仔，就緊係去下二德惠啦!今次媽媽買左朱古力、玫瑰精油、同玫瑰花粉，想試下睇下整唔整到玫瑰味既朱古力，因為之前響CHOCOLINE度食果一隻超好味~~~~~~好懷念~~~之但係佢好貴又遠，所以想試下可唔可以自己整~~~~~跟住就攰到爆咁番屋企！

今日晏晝響屋企玩，媽媽又影左幾張~~~~不過對唔到焦~~~~好渣！

而今晚係我地中國既奧運開幕式，一家都響屋企睇到眼定定，好感動~~~~~~唔知應該點形容心情！

展圖豬有份睇奧運開幕式，不過好似唔係好感興趣咋！

展圖豬好鍾意捐枱底，呢張証據係爸爸影既！

八字唔夾？

今日二叔黎我地屋企整d野，咁啱展圖豬瞓晏覺瞓醒左，咁媽媽自然係抱佢出廳玩，點知佢一見到二叔即時大喊~~~~~~仲係好大聲果隻，而二叔其實根本咩都無做過淨係坐響度~~~~~真係好奇怪！！！！

其實展圖豬對二叔咁已經唔係第一次，試過好幾次二叔同佢講野，語氣又唔係惡，又唔係大聲，但係展圖豬一聽到就會即時大喊，好奇怪~~~~~所以我就成日笑話二叔同展圖豬八字唔夾~~~~~

另外今日展圖豬佢俾媽媽偷睇到佢企起身，偷偷地攞電視櫃上面既後，唔知係咪掛住睇件野，竟然放左手幾秒鐘自己企，雖然之後又扶番個櫃，但已經令媽媽好驚喜~~~~~

媽媽偷用爸爸相機

今日八號風球~~~~~朝早媽媽餵飯俾展圖豬途中，佢竟然中途無電暈左，由於媽媽好耐之前已經唔滿意部video既相機效果，所以偷偷地攞左爸爸部相機影左幾張。

大家欣賞下媽媽第一次既作品啦~~~~~

仲有今日媽媽見到bk0708既寶兒豬黎緊星期六會開生日會，今次難得時間available緊係要報名啦~~~~~！

今日爸爸食緊芋頭脆皮雪條，問我展圖豬食唔食得，我話俾佢試少少囉，結果爸爸俾佢「lam」左幾啖，仲要拍爸爸俾佢食，睇黎佢真係幾鍾意食零食~~~~

今晚展圖豬好早訓，夜晚爸爸叫我去聞下展圖豬條片片係咪疴左臭臭，果陣展圖豬訓響樹，我同爸爸一左一右咁聞佢條片片，好搞笑~~~~我細細聲問爸爸：「其實你係咪好enjoy聞佢條片？」爸爸竟然答係，仲要錫左展圖豬一啖~~~~~

我的第一個便當

琴日買左新玩具，咁啱屋企早前買左d野食，諗住整壽司，哽係整d黎玩下啦~~~~~

所以今日媽媽就開工做左一個便當，諗住俾爸爸~~~~~不過今日媽媽煮日本米果陣衰左，唔記得日本米係吸水d，所以d米煮出黎硬左d，黏性唔夠，做出黎既壽司好散~~~~~~好在今次唔係諗住請人食既唧！

媽媽整下整下發覺原來最難整既係剪紫菜，所以個人仔同熊貓個樣都係衰衰地咁，希望媽媽第日做多d會熟能生巧啦!因為媽媽想第日展圖豬可以帶靚飯盒返學~~~~

不過今次係第一次媽媽對呢個飯盒都叫好滿意架啦~~~~！

買左好左做飯團既工具

因為今日爸爸既朋友請我地去CAFE KOOL度食自助餐，親出開去，諗住去倫敦果間jusco 10蚊店行下，睇下有無心水既整野食野，事關早排見到個網友響果度買左d矽膠模，所以想順便睇下有無~~~~~~

去到原來已經執左，變左間modern beauty，唔順氣，唯有搭車過黃埔~~~~~

去到見到好多想買既野，買左幾個矽膠模，諗住可以整甜品/焗野/第二時整小型便堂俾展圖豬食，順帶一提媽媽最近迷上左日本小朋友既便當，上網搵左好多圖，諗住遲d得閒試下整！

另外仲見到好多飯糰模，其實呢樣野啱啱出時都買過，不過不知整既竅門，所以d飯成日黏住個模，結果早幾日上網睇到，原來個模係要濕濕地整先至唔會黏住晒d飯，所以又買個幾個唔到形狀既！

買左飯糰模無理由整白飯架~~~~所以又買左幾隻飯素!仲買左鰹魚粉，諗住試下整日式甜蛋，同買左支汁整親子丼！!

結果買左咁多野都係登登登登~~~~盛惠$170超級抵！

$170就有咁多野~~~~

Black Angus vs New Zealand

早係兩個幾用前，媽媽去左間凍肉批發買左呢兩個牛扒每樣一件，諗住煎係比較下睇下點解兩個價錢分別咁大~~~，black angus ~$100一件、new zealand ~$30一件

因為以前媽媽煎牛扒，就算用幾貴既扒都好，可能係為係用普通易潔鑊煎既關係，總係唔好食，就算煎到塊扒好少少濃，d肉汁都搞到水汪汪唔夠香，所以次次唯有用d牛扒汁做調味，side左塊扒，早排見惠康有wedgwood烤盆即時換番個，諗住用黎煎牛扒。

今次就係用呢兩塊扒同個烤盆開光，因為個盆夠大，可以一齊煎，而煎之前淨係用左dd海鹽同五色胡椒醃左唔夠五分鐘。今次我係用牛油+橄欖油黎開鑊，每邊先煎45s，再煎1min。

出黎效果好好，終於煎到心目中合格既牛扒，至於相，因為大家太肚餓食得太快，所以一張都無影~~~~~

講番兩塊扒先我覺得black angus係焾d，但係new zealand就香d，其實差別我地一致覺得唔值爭三倍咁多，所以以後我都可能買new zealand算lu，又慳番好多~~~~

不過講番工具真係好緊要，今次既煎牛扒水準可以拍住街既steak house，以前煎極都係好差~~~~~

另外今日媽媽仲整左鰻魚汁焗帶子、炸洋葱鹹牛肉薯餅同埋冷麵。

媽媽既生日

今日係媽媽生日，而媽媽今年要求慶祝生日既方法係，同展圖豬去海洋公園。

由於適逢海洋公園做promotion，而婆婆又咁啱係免費，一位陪同婆婆既人可以半價-->即係爸爸，展圖豬又係三歲以下，換言之我地一家幾口淨係要俾半個大人錢，即係$104就可以入去玩啦~~~~~超級抵呀！

我地一早等展圖豬飲完奶，就落樓下食早餐，之後就搭車去海洋公園，去到時已經十點半啦~~~~

之後由於十一點半有海洋劇場，所以決定去睇先，去到等左一陣，就已經開場，雖然海洋劇場都幾長，不過展圖豬睇得好留心，而且好開心添，成日要企起身睇，睇睇下又拍手又扮貓樣，仲會手舞足蹈，散場後，我地哽係去就近既海洋館。

因為到左海洋館已經十二點半，所以餵左展圖豬食飯先，然後再同佢睇魚，唔知係咪好新鮮，佢猛咁摸個魚缸。

出左海洋館，見有幾點雨，所以去左間gift shop，婆婆見到有個好cute既熊貓袋仔，就買左俾展圖豬，然後媽媽醒起入海洋館時我地影左兩張相，所以叫爸爸睇下影得好唔好，ok既話就買番黎做記念，而爸爸當然買左啦！

停左雨我地就啱纜車落山，諗住帶展圖豬去睇熊貓，因為展圖豬未出世前，媽媽已經話第日佢出左世，要同佢著著熊貓衫睇熊貓同埋影相。

點知我地搭纜車時，展圖仲仲好八掛咁周圍望，但係可能今日d野實在太新奇，用好多精神去睇，所以一落纜車，放左展圖豬落車仔，佢竟然即時訓著左~~~~~

本來媽媽諗住搵間有冷氣既餐廳食野，順便等展圖豬訓醒再去睇熊貓，但係原來山下面既餐廳係無冷氣，所以爸爸提議不如淨係去熊貓館影下相就算，去到熊貓館，四隻熊貓加上我手抱既都訓著晒，而且仲係超lum，所以決定都係影下相就算~~~~

之後我地就走lu，果時大約兩點左右，返到樓下飲埋茶就返屋企~~~~

雖然呢個係媽媽咁耐以黎最簡單既生日，但係唔知係咪因為見到展圖豬開心，所以媽媽都好開心，仲覺得呢個係有史以黎最開心既生日！

展圖豬正日生日呀！

今日係星期三，返playgroup既日子，亦都係展圖豬既正日生日，由於今日miss haley有dd唔舒服，所以由miss angie代課，不過唔緊要，因為miss angie都好有愛心，佢知道展圖豬今日生日，仲同佢唱生日歌添！

因為媽媽講過話以後展圖豬生日都一定會做蛋糕比佢，所以之後放左學，媽媽就去左citisuper買stawberry，預備展圖豬既生日蛋糕~~~~~

番左屋企之後，等展圖豬訓午覺時，媽媽就好快手咁開始做蛋糕啦~~~~

整左一半，發覺d cream唔知係咪雪得太耐(因為之前用都係幾個月前既事~~~~)所以變左油水分離打唔起，好在媽媽醒起外國好多蛋糕都係用果醬代替cream，所以就用左jam代替，慶幸係今次媽媽做蛋糕既裝飾唔係打算用cream，而係foudant，所以一d都唔會影響蛋糕既外觀，而且屋企一向用既jam都係sugar free既，所以反而仲啱bb仔食~~~~比起用cream健康！

蛋糕終於整起，不過由於今日爸爸約左朋友食飯，所以媽媽餵左展圖豬晚飯先，再帶展圖豬出去食飯，諗住返到屋企再切蛋糕~~~~~~

不過可能展圖豬太攰，食飯中途已經扭眼訓，然後訓著左，不過好在返到屋企又醒番，可以切蛋糕~~~~~

唔知係咪訓左一陣，切蛋糕時超精靈~~~~

呢個就係媽媽第一次完全用foudant做裝飾既蛋糕~~~~

由於上次生日會個蛋糕展圖食左一啖就唔肯食，媽媽諗究竟係展圖豬唔鍾意食蛋糕、定係唔啱口味又或者係不在狀態，不過今次展圖豬食都好肯食，終於仲食左八分一個蛋糕添！

至於我地大人覺得用果jam代替cream既蛋糕味道係點呢，如果係鍾意食開忌廉蛋糕既，可能會覺得無咁好味(爸爸評語)，不過如果一向覺得忌廉蛋糕太漏既話，就覺得唔錯，個感覺好似食生果咁(婆婆評語)！

展圖豬一歲生日會

今日係黎展圖第一個生日會，媽媽同爸爸今朝大約八點幾起身食完早餐就出左舖頭，首先爸爸同個助手執今日要用既野~~~~~

而媽媽一返到舖頭就接到蛋糕舖既電話話蛋糕已經送到地鐵站可以攞得，所以即時九秒九去地鐵站攞蛋糕，見到個蛋糕即時有驚喜~~~~因為之前訂果時我要五磅，而佢個版係三磅既，所以見到個蛋糕時個樣係有d唔同，不過係靚左，所以媽媽覺得好開心~~~~~~而且佢仲做大左，變左做一個六磅蛋糕添！

之後媽媽去左吉之島買壽司，原因係知道好多朋友都鐘意食壽司，而生日會場地又無，不過徵詢之下佢俾我地自己帶，所以媽媽之前已經諗左要去買，不過去到吉之島原本打算買兩盆大既，貪佢多d選擇又靚d，不過可能真係太早去到，淨係得一d中型size，無選擇之下都唯有買啦，最多咪買double~~~~~

之後媽媽就一手蛋糕，一手壽司番舖頭，繼續完成昨日未完成既dd佈置物品，大約十一點半我地就出發去生日會場地。十二點左右去到，媽媽額頭即時有幾條黑線，點解我話十二點到但仲未開門？即時打電話俾cafe既負責人，佢問我唔係兩點先開始party咩~~~~~~唔係掛我一早講定話十二點黎到開始set場，一點會有客人黎喎~~~~~佢把聲仲要係未起身未開聲果隻，不過好在佢話大約二十分鐘黎到，之後媽媽、爸爸、同佢一位朋友jay(佢係特登早d黎幫手既)就去樓下飲杯野等一下~~~~

媽媽響生日會前訂左d氫氣球做佈置，順便打算俾d小朋友走時可以拎番個~~

呢d就係媽媽親手為展圖豬做既佈置，其實仲有少少其他野，不過因為唔夠時間set場而放棄左

二十分鐘後番上去，感謝主~~~~~已經開左門，而野食都開始準備緊，而且唔知係咪因為佢地知道係小朋友生日會既關係，仲有一個波波池添!之後我地即刻set 場，不過可能因為我地遲左set場既關係，所以都陸續有d親戚朋友出現~~~~~

之後搞掂晒，婆婆同帶埋展圖豬出現，點解展圖豬會咁遲一點先黎?其實因為媽媽叫婆婆唔好太早黎，擔心展圖豬唔夠訓太攰會扭計，情願佢朝早訓多一覺。

再之後係大家差不多黎到，生日會開始，而媽媽就忙著招呼客人，同要keep住睇d食物(因為可能始終佢地遲左開始做，所以d野出得好慢~~~~~)，間唔中同展圖豬玩下，而爸爸就為左d game而忙個不停~~~~~~

食到差不多d遊戲正式上場，第一個係估展圖豬於早前既爬行大賽爬第幾，大家都可以估下架

呢段就係爸爸為展圖準備既片段

之後我地仲有兩個朋友同親戚分別表演風笛同璜管，然後就係切蛋糕，切蛋糕前，就係播montage既時間

呢個就係展圖豬既第一個生日蛋糕啦~~~~~！！！

因為我地預先準備左一d小道具俾大家做一d造型，而現場我地有攝影師幫手影相同即時print out d相，所以我地投票選出扮野大賽既得主，同埋頒獎~~~~~

我地同婆婆都有參加扮野大賽架~~~~~！

另外中間媽媽都派左guest book俾大家寫番少少祝福俾展圖豬，不過個guest book要再貼dd 相加工，呢幾日整好我會俾大家睇~~~~~~

至於更多今日生日會既相我會響爸爸呢兩日整理後再加上一d朋友影既相放上黎俾大家欣賞。

展圖豬生日會籌備工作 - 佈置及遊戲準備篇

尋日媽媽為左展圖個montage做到天光先訓，不過因為今日媽媽既工作係要準備展圖生日會既場地佈置，所以十一點就自動彈起身。

而爸爸今日就不停咁剪接，為左展圖豬聽日既生日會遊戲作準備。

今日十一點幾起身媽媽同婆婆落左街食飯之後就返左舖頭，執拾展圖豬聽日生日會要用既野，因為實左太多野，所以好多都係放左響舖頭，打算到時一車車過去。另外媽媽就準備場地佈置，至於佈置左d咩，大家過兩日黎睇相啦！

咖啡慕絲蛋糕...挑戰foudant

因為過幾日展圖豬就生日啦！今次媽媽想試下用foudant做蛋糕裝飾~~~~由於之前未學過又未接觸過，所以上網睇左一d資料！

咁展圖豬既第一個蛋糕媽媽哽係唔會用黎較飛，所以今日媽媽試下用foudant做個咖啡慕絲蛋糕上既玫瑰花裝飾~~~~~至於個蛋糕，就俾爸爸攞去請朋友食！

今次個蛋糕用左新既食譜，因為想試下有無方法可以令個蛋糕鬆軟d~~~~

7吋蛋糕 (170C焗23分鐘)
蛋3隻、糖60克、麵粉60克、蛋糕乳化劑1茶匙、油15克

結果出黎個蛋糕係略甜少少，至於鬆軟程度，就同平時差不多，唔知媽媽幾時先可以整到貴族蛋糕果D蛋糕咁鬆軟~~~~~如果有朋友知道，請高抬貴手話我知！

展圖豬生日會籌備工作 - montage準備篇

因為展圖豬既生日會場有有lcd電視，所以媽媽打算會播一段montage，由於展圖豬由出世到依家一歲拍落唔少相及video，要揀番出黎做都要相當時間，所以呢幾日媽媽就埋頭苦幹，做佢既一歲montage。

媽媽淨係capture佢既video都已經用左一日，仲要加多兩日做剪接，睇下人地既1st birthday montage有無咩好既idea用咩歌仔~~~~~~因為唔想要太悶，又或者太普通既歌，終於揀左一首，咁又搞左半日，之又要揀呢一年入面影既相。

總之媽媽今晚決定無論如何都一定要做好呢個montage先可以訓，因為之後仲有一d生日會既準備工作~~~~~~如果唔係之後就會唔夠時間做啦！

不過好在婆婆見媽媽咁多野做，所以主動話呢兩日全力幫手take care展圖豬，真係唔該晒婆婆~~~~~

今日搬傢俬呀！

因為展圖豬依家越黎越活潑，有時自己坐坐下都會因為玩玩具/攞玩具搞到失平衡跌低左，日日都差不多有中向後既機會，媽媽見到真係好肉赤。

所以諗左一排應該點將d傢俬重新擺放，等所有展圖豬既活動空間都可以舖上地墊，至少跌都無咁甘~~~~~！而且媽媽發現屋企仲有唔少既家居陷阱，為左呢隻寶貝豬既安全，所有既野都要整過晒！早上個星期爸爸已經將兩個鞋櫃鑽左上牆，因為怕展圖豬會手多多搞個櫃，怕個櫃會跌落黎責到佢！另外再買多d地墊，等可以足夠舖晒成個廳連走廊~~~~~~

終於今日爸爸有心情，媽媽又有時間去搬過d傢俬！我地夜晚六點開始執，搞到成夜晚十一點，先至放好晒，清潔晒d地方~~~~~不過好多野都仲係堆響書枱上面咋，要買番d tray先可以整理好d雜物~~~~~

雖然執左大半日好攰，不過個廳既活動空間真係大左好多，我都好開心佢多d地方爬，而又安全唔驚佢跌親！

今日媽媽再次去spotlight啦！

因為早兩日響kiddle party supplies訂一幅winnie the pooh既birthday party背景，所以今日要去攞，順便去攞尋日晒既invitation card。

之後媽媽就去左sportlight，今次主要係要買d汽球，諗住當日做少少汽球佈置 (因為媽媽上星期買左本汽球佈置既書，所以諗住試下！)

去到sportlight發覺原來汽球款式無想像中咁多，而且都唔齊色，不過都唯有買住先。

因為之前媽媽睇過幾間舖頭d guest book都唔係好啱心水，雖然本來諗住再去papryus睇下先，不過因為媽媽懶，所以順便買左一d材料diy做當日既guest book，諗住可以俾當日黎既朋友寫番少少說話，同貼下相。

就係咁行下行下，就行左成3個鐘，成個人虛脫咁滯~~~~~

另外要報告一下，展圖豬依家已經開始學企啦！成日響屋企爬黎爬去，有時又會自己禁住d梳化、木箱、層板企起身，而且仲企得幾耐添~~~~~上個星期佢仲未學企嫁，前幾日都未得，不過呢兩日就企得好快~~~~~

今日訂左蛋糕同print invitation啦~~~~

Invitation Card 1st Version，媽媽覺得展圖豬呢張笑得好可愛，不過婆婆同爸爸都話第二個version張相得意d，所以要改！

Invitation Card Final Version，呢個就係展圖豬成人扮既「貓樣」啦！

今日媽媽終於拎左之前做好稿既invitation去晒相舖度print out，因為唔係請好多人，所以都係print 20張咁大把！

另外媽媽終於contact到峨嵋cake shop既人啦！所以今日終於訂左展圖個生日蛋糕~~~~媽媽對呢個蛋糕好有期望嫁，因為見佢d相好靚，而且我知容祖兒最近一次生日會都係搵佢地整蛋糕，所以雖然媽媽覺得個蛋糕好貴，都訂左5lbs~~~~~~呢個蛋糕差不多用左生日會既1/5 budget~~~~~~

不過有一樣可惜既係，因為我訂果個係3D Cake，而佢係用軟糖做既，所以要早一日做定，雖然網上睇到d人話都好食，但係都覺得有dd唔夠完美~~~~~

今日去左MegaBox

因為下個月就係展圖豬既生日會啦，媽媽要開始諗下果日既場地佈置，一路媽媽都想訂少少氫氣球，一來可以佈置場地，二來打算到走時可以俾d小朋友攞走當多件禮物咁~~~~~

之前媽媽已經search左Kiddle Party Supplies同埋bk一位爸爸賣既氫氣球價錢，今日因為落大雨，原本爸爸諗住同展圖豬游水，所以取消左，決定去Mega Box既Sportlight睇下有無啱既party用品。

我地搭的士去到Mega Box後緊係食野先，原來果度假期飲茶好抵，仲平過屋企樓下，但係環境同野食都幾ok~~~~~食完野我地先去荷花親子中心，因為要買dd野。

之後就去主要目的地Sportlight，去到一路睇一路睇，終於決定到展圖個birthday party個game係咩，因為之前我成日覺得今次生日會得果4-5個小朋友，如果請小丑黎表演會好唔抵~~~~太少人玩。如果咩都唔搞又會悶到抽筋。

終於我地響sportlight決定當日會有個扮野大賽，參加者可以自己提供道具，或者用我地買既道具做番唔同造型，然後會有人同佢地影相同即場print出黎，每人可以揀兩張參加，而每人亦都可以進行投票，希望大家可以開心一下。

之後順便睇下d氫汽球幾錢，嘩~~~~~~有d貴成倍！而且仲要自己攞，所以媽媽最後決定同bk位爸爸訂汽球，因為一來平d，二來可以當日送貨去party場地。

行行下展圖豬已經好眼瞓瞓著左lu，所以買完野之後我地都返屋企啦！

第六日 - 到達Luxor

今朝一早去機場，因為要去Luxor啦！

因為之前我book唔到每日唯一一班直航既內陸機，所以唯有先飛Cairo。Sharm去Cairo都係一粒鐘機，好快就到，不過一去到Cairo真係俾佢個機場嚇親~~~~~真係超超超舊！

攞行李果時，爸爸發覺佢背囊個爬山釦唔見左，仲有一支行山用既行山竹唔見左一段，諗住爛左/俾人偷左都無法啦~~~~~~點知我地諗住行果陣道然見到條輸送帶，送番爭番果段既行山竹~~~~~~~~真係笑死人！

開羅機場係無咩好行，又無野好食，我地見到個mall諗住去行下&食野，順便等下班機，點知果度十室九空~~~~~~~得果幾間舖仔有開。不過都無法，是但搵間食d野，再搵間cafe坐下hei下~~~~~

時間到，就去Luxor，一落機超超超熱~~~~救命呀！我地咪坐的士去心目中既hostel，響呢度開始知道，原來Sharm係埃及係一個最靚最現代化既渡假區，其他都係超舊，所以以後響埃及坐既的士都係「無冷氣」！

然後我地由呢度開始發覺d司機永遠係唔識路扮識路，然係渣渣下車，會問隔離車既司機朋友！

到左hostel，又見到之前果位德國教授，真係咁啱得咁橋！佢話呢間d房同去west bank既tour都ok！咁我見佢講明話架車有air condition，而且有english guide，價錢雖然俾之前上網search話包車貴dd，但係包車果d原來就係無冷氣既的士，為免中暑，都係join佢既tour好d。

之後我地問hostel邊度可以整ISIC Card就去左整啦!呢張咭真係超有用，我地之後響埃及所有博物館同神廟都半價入場~~~~~

整完張咭雖然已經五點，但係Luxor既太陽好似特別大咁，晒到死，原本我地諗住去Luxor Temple都決定取消，番酒店訓番覺先！

訓到八點幾起身，個天先係開始黑！個天氣熱到我地咩都唔想食，響樓下買左杯埃及好出名既冰凍蔗汁，都係港紙二個半一大杯！雖然我不嬲都唔鍾意蔗汁既味道，但係埃及既又ok wor~~~~~

跟住就響夜市週圍行下(夜市就響hostel後面)，順便買左少少手信。

之後因為Luxor超多馬車，我地貪得意有坐下，位車伕佢同一個小朋友(佢仔仔)駕車，上車時佢話只要US1，可以帶我地坐半個鐘~~~~~不過條件係會帶我地去D商店睇野~~~~~其實佢果時係講緊埃及話+英文，所以我地都唔係好明，不過估估下咁，不過見佢咁講都老實，就上佢車啦！

架車帶左我地去左市內好多地方，包括佢地本地埃及人住既地方，見佢有D真係好窮，個心真係有D唔舒服~~~~~~

之後原來佢帶我地去一間類似賣紀念品既百貨商店，入去前重要強調，我地可以唔買野，入一入去就得，唔鍾意可以即刻出返黎。咁因為之前做左功課如果買紙莎草畫Luxor會平d，反正都黎到，而且見到d野都唔貴，所以都買左幾幅！

走果時個馬伕勁開心(因為應該有佣)，不過我感覺佢地既開心係發自內心，即係唔係奸果d~~~~~~唔識點形容！

之後佢仲要好堅持咁請我地兩個飲蔗汁，連我要去俾錢都唔准，仲要帶我地去睇多d地方(唔係買野果d，係純觀光)不過因為都有d攰，而且第二日又係要一早起身去west bank，所以我地都係番hostel lu！

第五日 - 紅海篇(火到黎!)

今日起左身落酒店樓下食早餐，所謂酒店既早餐，真係唔好期望太多，由其是我地住呢間只不過係一間三星既酒店~~~~~

食完早餐，發覺原來酒店有shuttle去紅海邊既海灘，所以就坐左去睇下，去到嘩~~~~真係好鬼靚，好耐未見過咁清咁靚咁藍既海啦！不過原來個沙灘係由幾間酒店share用，而且好細，所以都迫迫地，不過咁熱d水又咁靚，都想即刻跳落水，可惜我地無帶泳衣出黎，所以無落水，所以諗住晏d再黎過！

行行下諗起LP既地圖，隔離就係public beach，心諗會唔會大d呢，就諗住去睇下，行黎行去都搵唔到，唯有問間酒店既守衛，原來佢話sharm所謂既public beach係要收錢嫁~~~~如果係咁我地晏d都係去返酒店果個算，反正都係果個海！

行行下，又到old market，黎到紅海，緊係要食下海鮮啦！但係搵黎搵去到搵唔到LP介紹果間~~~~~咁咪行下先，睇下食咩，順便去尋間果間agency要佢回水，點知隔離舖話今日係星期五回教既禮拜日，所以無咁早開，咁諗住等陣啦，咪去internet cafe上網，之後見佢仲未開，反正爸爸之前話想剪髮，咁諗agency隔離舖係salon，爸爸咪剪個髮囉~~~~~~~點知個師父竟然首先做既係

同爸爸修眉~~~~~~~笑爆咀！

剪完髮仲要同爸爸gel左個洋蔥頭，勁搞笑！仲要有個之前見過我地既埃及人問爸爸係咪剪左髮~~~~但係我地都覺得佢陰陰咀笑咁！

剪完髮仲未開門，咪行到old market對面間商場，有個老闆行過黎sell我地入去佢既舖頭睇野，我地話未食飯，食完飯先睇，佢問我地想食咩，我地話海鮮，佢就話帶我地去，就係咁佢響佢果幾間舖無店員，唔駛鎖門既情況下，就咁帶我地行左成十分鐘，返去old market度，介紹餐廳俾我地！

去到間餐廳，諗住同佢傾多幾句，問下有咩出名，佢竟然揮下手，同我地講佢要睇電視(即係叫我地唔好煩佢！)然後佢就企響間餐廳入面個電視面前係咁睇！

食到差唔多，爸爸去廁所，之後同媽媽講話個廁所好搞笑，叫我去睇下~~~~~~

好啦我去廁所，原來男廁同女廁係同一個，即係廁格門外係有尿兜，原因只不過係女廁裝修緊，咁我入去時，見到廁所門外既吧枱有個waiter，諗住佢會醒目，唔俾d男人入黎，心諗都不妙，都係快手d，結果我一出廁格~~~~~~~竟然有個男人企響樹小便，嚇到我即時關番度門~~~~~心諗好在咩都睇唔到！係「魚」即！跟住個男人話ok咪出黎羅，咁雖然唔好意思，但係都要洗手家嘛~~~~~唯有扮淡定！點知呢個時候俾佢拍左我個pat一下，我嚇到呆左，望實佢，佢話我條褲污糟左，仲要拍多下~~~~~~我呆左咁番出黎，之後埋單走人.......

跟住去果間agency開左，因為之前同果個看舖既都幾好傾，咪話影張相羅!唔影尤自可，第一張相都無咩野，嘩之後影多幾張，條友仔越攬越實，爸爸之後仲要話條友cam cam地，我話一d都唔覺，條友膊晒矒，就係咁一日遇著兩條咁既友仔，我之後響埃及都勁小心！

本來諗住返酒店游下水，點知鬼死咁多o靚仔響樹玩，無晒mood，終於係瞓左開晏覺！

訓醒後坐酒店車去Namay Bay，果度係Sharm既另一面，去到我終於知道點解我地兩個咁燭目，因為雖然果度勁多人，好似星期六日既銅鑼灣，但係竟然係一個黃種人都無，全部都係歐洲人同埃及人，所以我地響果度勁易俾人認出。

行左一陣見到有麥記，緊係食下先，點知果度d餐超大個，無論包定係薯條汽水都super大，不過媽媽點錯左，又係點左個中東包~~~~~OMG！去M記都逃唔出中東包既魔掌！

之後我地就返酒店！聽日要去Luxor啦！

第四日 - 去埃及啦~~~

尋日因為行完Petra攰到暈左，終於十點幾個人已經無電~~~~~

不過因為攰得滯夜晚都醒左兩次，搽左兩次按摩膏，所以今朝六點幾起身已經覺得好少少。

落到樓下食左尋晚買定既燒雞餐做早餐(痴左線~~~~一早食燒雞同薯條！)過左一陣小巴黎到，原來今日要去Aquab仲有一個阿伯、一個靚仔、一個靚女、兩個樣貌普通既女人~~~~~~

搭車搭左兩個幾鐘左右，終於到左Aquab，本來諗住落左車搵間舖頭買死海泥，點知頭先一齊搭車果位阿伯提議我地share taxi去ferry terminal，所以即時決定同阿伯一齊搭的士。

去到碼頭，首先響先，首先上左樓上問買船票，賣票果D人話開船前一個鐘(即係十一點)先賣票叫我地等下，到下十一點，諗住去買票，賣票果D人又點番我地去樓下果層買左duty stamp盛惠每人5JD，之後又要我地打左過關印先，就係響呢度我開始見識到中東人既幽默。

過關果時，個海關又問我叫咩名、屋企有咩人、邊度黎、結左婚未，後來我唯有扮聽唔明，終於先肯俾我過關。(但係爸爸同阿伯都無問題)響呢度我已經有滴汗~~~~之後買船票，條友竟然叫我聽日下午三點半先再黎過，今日無船開，因為我之前上forum真係聽過有人話有時無船開，即時嚇到冷汗都出埋，爸爸都好緊張，結果阿伯竟然識穿佢既技倆，話佢係玩緊我~~~~~~*&^*%^$，條友仲要同我單眼，今次額頭真係黑線都出埋~~~~~佢話隻船十二點先開，叫我地等下，十一點半樓下有巴士接上船。

我地等左一陣，又見到一個外國女仔，之後見佢落左樓下上巴士，但係果時又未到十一點半，所以以為個女仔係搭第二隻船，等多陣見樓下架巴士停左好耐，好似有d唔對路，拎埋行李同阿伯一齊落去，結果一問之下，就係呢架車，一上車架車就開，得我地三個(好奇怪)~~~~~！

結果去到一上船，原我地係最遲果三個人，D船員俾個位我地叫我地放D行李埋一邊，然後就帶我地上船啦，上左一層見到好多好多中東人，望住我地好似怪獸咁，有一個船員收左我地Passport，就帶我地上樓上豪華位，果度明顯少好多人，而架船亦都即刻開，果陣係十一點半咋~~~~~

架船要搭一個鐘，差不多到埃及時，個船員俾番本護照我同爸爸，但係阿伯就無份，我諗係因為香港係唔駛VISA既關係，到左埃及，諗住可以落船，點不知等等等等等，等左個幾鐘，先可以落船，但係阿伯(原來係德國人)，同果個女仔(美國人)既護照就仲未攞得番~~~~落船第一時間響頭先果度攞番行李先，點知原來因為我地遲到先放果度，美國女仔無咁好彩，佢既行李放左響行李車，所以要逐車去搵。

落左船見到個碼頭好似幾十年前拍戲果d咁，又係要坐接駁巴士過關，我地等見德國阿伯搵番本護照同買VISA就出關，因為打算大家share taxi 去Sharm el Sheikh，出左關見到美國女仔終於搵到佢既行李，已經過左關，但係原來佢仲未攞番未護照又未買visa(超離奇，無passport都可以過關)

但係因為個女仔既行李過左關又唔可以拎番入去，所以唯有我地幫佢睇住，等佢可以入去買番visa同攞番本護照。最後終於ok啦，美國女仔就搭長途巴士去開羅，我地同阿伯就搭車落Sharm。

落到Sharm已經成六點，緊係去酒店攞房先~~~~~一去到酒店，嚇死成地，以為間酒店執左粒！事關一來佢門口人影都無隻，仲要佢門口有酒店名塊牌係爛既，得果半塊~~~~~但係都黎到，唯有行去門口睇下啦~~~~原來都係驚一場！

見佢門口咁，諗住入面都唔好得去邊，原來個樣又ok wor！

入到房掉低d行李，拉拉臨搭車去old market，諗住join今晚(無錯因為係夜晚11點出發)既tour上Mt.Moses睇日出，結果行勻成個old market原來得果一間agency咁大把，搵左我地成個鐘，終於報左團！之後勁肚餓又攰，諗住晏d又要出發，所以求其響d舖頭買左d夾住肉既包，然後返酒店諗住昏迷一陣！

返到酒店收到頭先agency既電話，話因為其中一個景點St.Kathrine休息，所以個tour要取消，好失望，因為我地後日要搭機去Luxor，所以錯過今晚就去唔到，無法啦~~~~呢兩日響Sharm就休息下，當渡假，反正行完Petra到今日都仲係好攰！

第三日 - Petra行死人啦~~~~

今朝一早check out，離開酒店，將行李拎左去Valentine，諗住之後坐佢八點果班shuttle bus去petra，去到見一個女仔，講morning，點知回應既竟然係廣東話~~~~~早晨！嚇左一跳，因為響約旦，一個中國人都見唔到，道然會俾我地聽到廣東話~~~~~~

之後其中既男人走過黎傾計，原來佢幾十年前由香港移民左過加拿大，今次佢姨仔(即係就先同我地講早晨果個女人)既女大學畢業，所以佢地黎睇順便渣車周圍玩，結果係我地坐左佢地架順風車去左Petra。

去到Petra一路行一路影，爸爸每樣野都要影，搞到好耐先行完Siq，到左Treasury真係好大，D浮雕過左成2000年都咁精緻~~~~~影左大一餐，諗住一路行去Monastery，最初見到好多一個個洞，爸爸個個都想去影去睇~~~~~我話爸爸你咁搞，我地唔知幾時先行到上去wor~~~~~好彩咋！

Siq & Treasury

Petra上午見到既月亮~~~~~

呢度係以前既市集~~~~~

開始時仲可以逐個洞去影既爸爸~~~~~

好臭既駱駝，不過依家睇到覺得都幾可愛~~~~~

市集既盡頭~~~~~

八百幾級樓梯既起始點 & 行左一半既爸爸(已經無咩笑容)

上到Monastery已經好~~~~~攰，果度有個茶座，坐底買番罐coke light，真係~~~~~正！打個電話俾婆婆，問下展圖豬點，婆婆點展圖豬好扭計，好痴身，仲要無笑過~~~~平時好鐘意笑既展圖豬竟然無笑，媽媽聽到即刻好肉赤，即時喊左出黎~~~~~~

上完Monastery同佢個High View，我地都無力去High Place同晚上既Petra Night，但係都已經行左8粒鐘~~~~~~剩番半條人命！雖然真係好攰，不過我地始終成個Petra無騎過Carmel同Donkey~~~~

響high view望番Monastery~~~~果時已經腳都震埋~~~~~

Highview Point~~~~~媽媽影唔到個山谷，其實下面谷底好深，望到已經腳軟~~~

番到Valentine同老闆娘講join佢夜晚既buffet dinner，番去沖涼，休息左一陣，出去涼亭睇日落，食埋佢個dinner(呢個dinner都係我地成個旅程差不多最好食既!)之後就訓lu~~~~~~~因為聽朝一早坐巴士去Aquab轉船去埃及~~~~~~

Valentine Hotel既buffet dinner，老闆娘係意大利人，所以d野好啱食~~~~

Valentine Hotel既貓~~~~~有幾隻，都好乖！

Valentine Hotel望出去既日落~~~~

第二日 - 沿King's Highway玩Madaba, Mt.Nebo, Kanark到Petra

今日大約七點半起身，因為約左司機九點鐘響Cliff Hotel開始出發，尋日黎到約旦發覺真係超乾， 尋晚臨訓前洗既衫都已經乾晒，仲要半夜係個人喉嚨乾到醒左~~~~鬼咩得果廿幾度濕度，搽咩lotion都一搽即刻吸乾晒~~~~~~如果住得呢d地方耐，真係皺紋都多幾條。

落hostel common room食早餐，早餐係中東包、牛油、果醬、烚蛋一隻、咖啡/茶，聽落都好似OK但係如果往後二十日都係叫係食呢D，真係~~~~~~~

去到Cliff Hotel司機已經響度，問司機老闆搵唔搵到人join我地，同我地share團費，司機好似唔係好明，打手提俾老闆，結果當然係無既~~~~~都無所謂啦兩個人咪玩得自由D囉唔駛等黎等去。

司機好好人，見我係女既，堅持幫我手拎行李(但其實我個袋係有轆~~~~)，第一站係去Madaba，果度係睇St.Geroge Chuch入面既馬賽克聖地地圖~~~~，之後係去Mt.Nebo，呢度係摩西死既地方，響山上面我地睇到死海同以色列，跟住就係Dead Sea。

Dead Sea係媽媽話一定要去，因為係地球最低點，最高我地就無本事去啦，去下最低都好啦~~~~~死海度真係超浮~~~~D水仲要好鹹，因為我唔小心飲左一細啖，鹹到苦既，爸爸仲要扮型，拎住本Jordan既Lonely Planet要媽媽同佢影相，仲要將本書跌左落死海，搞到變左名符其實既鹹書~~~~~

死海上扮型既爸爸~~~~~~

LP變左鹹書，有相為証~~~~~

飄得勁開心既媽媽~~~~~~

響死海撞到日本旅遊書地球之步方拍野~~~~

死海之後，去Kanrak Castle，先去食飯先，司機帶左我地去Kanrak Castle 既餐廳，呢間野之前睇過LP都知貴，不過都幾好食，OK架~~~~最好笑係我地叫司機同枱食，埋單時因為媽媽既英文一向都係有限公司，再加上佢地D英文又係怪怪地，所以我多數問多次，怕自己聽錯，司機見我問番佢，可能估我覺得係覺得貴，見到佢個樣嚇到標冷汗，真係~~~~有D好笑~~~~~~，食完飯響Kanrak Castle行左一個鐘，臨走前有個響果度做野既男人，開一度類似秘道既野，叫我地入去睇，未去今次旅行，都知道會有類似既經驗，當然事後係要俾小費，但係因為我地一向都認為當地政府唔俾你睇既，都唔見得會有幾好睇，再加上已經到左同司機約定既時間，所以無理佢就走左~~~~~

響Kanark度扮型既爸爸之一~~~~~

響Kanark度扮型既爸爸之二~~~~~

之後坐多兩個幾鐘車，傍晚七點左右到左Petra~~~~~~

去到Petra先係搵酒店，個老細一開始要五百幾一晚~~~~痴左線，講價下二百幾一晚，問佢有無shuttle bus去Petra無~~~~~，有無得代訂車去Aquab無，只可以幫手代訂的士(不過都係獅子開大口)，所以媽媽決定住左先，掉底行李再去問第二間。掉底行李沖理涼，去Valentine Hotel，因為之前聽過好多上網既人話果度好多團/車可以幫到代訂，原來後日一大早會有Bus到Aquab，而聽晚又會有Petra Night，佢地又有Free Shuttle Bus去Petra，所以諗住住多一晚，當然係轉酒店~~~~價錢仲要平過我地今日訂果間~~~~~~

搞掂晒d車，終於可以買野食，行下行下，見到一間舖頭間口有一串串肉，片落黎加d炒左既番茄夾面包，幾香，買左兩個，晚餐就係咁搞掂左~~~~~！

第一日 - 坐左十幾個鐘機終於到約旦

今次去旅行一心諗住訂阿聯酋既機，因為諗住坐長途機，舒服dd穩陣d，阿聯酋一向出名各樣野都唔錯，媽媽同爸爸坐過d 野食、service各樣係唔錯，係張椅真係唔ok，坐到個人超攰，patpat好痛~~~~~

唔好睇杜拜機場幾靚，其實好多遊客周圍瞓！

坐左十幾個鐘機，其中經過杜拜終於到左約旦。原來約旦雖然溫度好似都熱，但係可能天氣真係太乾燥，所以落左機覺得都幾涼，涼既程度係，媽媽著住件短袖，仲可以加條披肩！

約旦個機場真係超~~~~~~舊！好似N年以前既既機場，一落機諗住媽媽去唱錢，爸爸去排隊攞落地簽先，點知原地旅行社俾我地既資料唔正確，原來香港去約旦係免簽証既~~~~~hehe！咁就慳番二百幾蚊！

跟住之後攞行李~~~~~等黎等去都見唔到爸爸個背囊，唔係咁黑仔一開始就唔見行李掛~~~~~後來有一個約旦既機場人員走過黎，問我地係咪未搵到行李，幫我地搵，不過代價當然係~~~~TIPS！不過算啦~~~~搵到就OK啦！

出左機場，即刻響大堂買張電話咭先，大約90幾蚊左右~~~~然後諗住響機場既starbucks買番隻city mug先~~~~~點知~~~~嗚！原來starbucks要響轉內陸機既地方先有~~~~買唔到呀！好傷心！無辦法之下都只有係搭機場巴士(Airport Express Bus)去tababoo車站(JD3@)，諗住轉車去Jersah！

唯一既機場巴士(Airport Express Bus)總站停tababoo車站！

因為約旦既車全部都係阿拉伯文~~~~一粒英文字都無，所以真係有d驚驚地怕搭錯車，所以同d人問完又問，再三confrim係咪搭啱車~~~~~

機場巴士到左一個好似總站既物體，我地見全部人都落車，心諗都應該已經到左總站，問下司機，~~~~yes到站~~~~就攞行李落車！因為個巴士站都幾大，所以爸爸負責看行李，媽媽負責去搵Jersah既巴士，可能東方人響約旦係咪真係好希奇，媽媽一路搵巴士時一路覺得好似俾人當獸咁睇~~~~~！

終於搵到車，媽媽搵番爸爸，順便響巴士站d小食亭買左兩個felefa包同兩支水(JD1.4~HKD16)諗當lunch~~~~~第一次食都幾好味嫁！又平~~~點知之後成十日都係食D差不多既野~~~~~~

上車又係要再三confirm係咪去Jersah，不過我地搭果架車好明顯唔係遊客既觀光巴士，又殘又舊，仲要有d污糟，加俾人睇怪獸~~~~~好在坐我地後排有一位女乘客識DD英文，我地問佢架車係咪去Jersah，最初佢話唔係(架車仲要係已經撻左車要開！)好在我再俾張相佢睇佢話係，我地先鬆一口氣！冷汗都標埋！之後到落車時佢話俾我地聽到站~~~~~

睇下小朋友既眼神就知我地係佢眼中有幾怪~~~~~

媽媽同爸爸兩條友，拎住兩大袋行李行入Jersah，由於之前見lonely planet講話有間餐廳可以寄行李，所以諗住拎去寄低先，點知後來先知原來媽媽搞錯左第二間，不過間野又比我放低，所以就算~~~~

Jersah真係都幾大，不過無媽媽之前想像咁大，呢度真係幾靚，希臘羅馬時期既遺跡，保存得好好，行左個幾兩個鐘，終於行完，去之前寄行李間餐廳度食野，然後諗住搭車番Ammen。

媽媽響Jersah既影~~~~~~~(媽媽拍攝)

響Jersah餐廳食，正正式式既第一餐~~~~~~(媽媽拍攝)

呢d係爸爸影既想睇多d入相簿自己睇啦！

枝匙係話俾人知條柱係就咁放上去，風吹時因為舊石郁，所以枝匙都會郁！

點知有個外國人(我諗佢應該係當地做野)話原來下午5點已經無車返ammen，叫我地搵順風車大約(JD1@)，對於呢D野我地一向都好細膽，所以都係決定搭的士講價之下(JD15)。

由於之前已經經網上book左酒店(Farah Hotel)，所以今日唔駛搵酒店，入到房無冷氣既~~~~~即時去reception問，佢話係無嫁喎~~~~原來發現佢係對既，約旦夜晚係凍到要著外套，之後問下有無thru King's Highway去Petra既團，結果係無既，就算有但佢既團唔經Dead Sea所以唔啱我地心水，而且要JD100(定再多D都唔係好記得)諗住去其他hostel問下。

Farah Hotel外觀~~~~

是但中上一間，個老闆超好人，教我地搭巴士，又用阿拉伯文幫我地寫低晒d地點，又指比我地去邊度搭巴士，搞左一輪，其實我地都唔係好明佢講咩，唯有多謝佢，再去Cliff Hotel問下，心諗，如果問唔到既話唯有包的士。

途中影既小朋友，約旦人大部份都好靚，小朋友都唔例外！

因為諗住無論如何都要去King's Highway Trip，所以諗住買定d野食穩陣d，求其入左一間包舖，買左4個包，收我(JD0.1)，即係HKD1，唔係掛~~~~~雖然係白麵包都唔駛平得咁緊要掛~~~~~~

搵到Cliff Hotel個老闆話收JD85無價講~~~~不過OK啦~~~~唔想再搵，而且同我之前serach既價錢差不多，所以成交，聽朝9點出發~~~~~~！

之後我地買左隻燒雞~~~~番酒店做晚餐~~~~然後訓覺！

我地既燒雞餐~~~~~

對唔住呀展圖豬，媽媽今日唔小心跌左你落地~~~

今日朝早展圖豬身左身，響度呱呱嘈，媽媽又做番平時既動作，將展圖豬由bb床搬去大人床，俾展圖豬趴下玩下，媽媽就繼續瞓覺！

平時媽媽個setup係好似下圖以防展圖豬跌落地

平時瞓既方法係諗住如果展圖豬要爬落床，一定要經過媽媽，咁就一定知，咁佢就唔會跌落地。點知今日懶果少少，諗住腳果個位得少少，仲要有一團被響樹，展圖豬一定爬唔出去，就係咁就出事啦~~~~~

睡夢中既媽媽突然聽到展圖豬大喊，即時9秒9彈起身，已經發覺展圖豬跌左落床，佢當時個姿勢係雙腳「櫃」左響樹，雙手禁住張床。

媽媽即時抱番佢起身，好左一抱就即刻收聲，而且之前聽唔到撞到既聲，加上我地張床超矮，睇情形應該係受驚多d，不過媽媽都已經好心痛，因為嚇親展圖豬~~~~

展圖豬對唔住呀，以後媽媽對你每樣野都會加倍小心~~~~

今日展圖試玩新playgroup

早上個月媽媽去左紅磡都會海逸商場同伊甸園傾一D合作既問題，走果時發覺原來落一層有一D BB既playgroup，同一D小朋友既教育中心既野，行左一個圈，見到有一間叫Baby Gym有搞BB playgroup，當時雖然無開門，不過睇到都幾乾淨企理，所以攞左張單張睇下。原來佢地weekday既非繁忙時間係會平好多，盛惠$100一堂，媽媽隻眼即時叮一聲~~~~~

上個星期，終於的起心肝打電話去報試堂，今日就係去試堂既日子。

其實之前媽媽都報過一間係俾bb玩gym既playgroup叫gymboree，雖然試堂唔駛錢，不過媽媽終於都係無去到，因為實在太唔方便，間舖響中環堅道附近，對於媽媽呢d唔識渣車既有牌人士(都唔想買車，養車好貴~~~~)，除左搭的士實在無第二個選擇~~~~，不過如果個個星期咁搭法，我諗應該可以搵到個仲好d既playgroup~~~~

一去到時間已經差不多，所以同展圖豬入左去上堂先，有3個小朋友早過我地，一開始，唱下歌仔，做小小熱身，跟住會玩一d大型d既玩具，去練下小朋友既balancing各樣野~~~~~(因為實際我都唔知學咩)，玩下千鞦咁，其實個堂好free，玩呢d野果陣隨時可以走去玩一d遊樂設施，好似一個俾bb玩既小型遊樂場咁，不過因為展圖豬仲未識企，所以仲係細左d，但係都ok!

最後就係d導師倒好多玩具出黎，俾d小朋友自已揀黎玩，訓練佢地既social skill，睇下佢地會唔會爭玩具咁~~~~~

落堂之後媽媽同展圖豬報左名啦~~~~不過唔係星期一既堂，因為已經爆晒，所以我地唯有揀星期二，原本媽媽想要星期一多d，因為星期三展圖豬要返kinderu，咁隔番日會無咁辛苦，不過無位都無辦法啦!

另外佢地原來係會一位導師對5位小朋友，每班最多收15人，即係有3位導師，仲要佢地都係natvie speaker~~~~~媽媽覺得超值呀！

展圖豬識得爬啦~~~~~媽媽勁開心呀！

今日夜晚，展圖豬如常響舖左膠地墊既地下度玩，婆婆就坐埋一邊陪佢~~~~~

突然間婆婆發覺，點解展圖豬咁快去左另一邊既(其實都係相距兩呎左右)，跟住就同響電腦枱既媽媽講話展圖豬識得爬啦！

媽媽因為睇唔到，叫婆婆拉番佢去後面，跟住就見到展圖豬慢慢咁爬過去，因為之前無準備，諗住錄起比爸爸睇 (因為爸爸今日出左去做野)，又拉開展圖豬，點知今次唔知係咁因為我地三番四次拉走佢，抗議呀~~~~唔肯爬！

終於媽媽用抽籲匙引佢，佢先肯爬~~~~仲錄低左添！

今日媽媽買左新玩具俾展圖豬

今日一大早媽媽同展圖豬去左東九龍入境事務處攞Passport，因為下個星期媽媽要同爸爸去埃及，而呢個地方係特區謢照免簽証，所以上個月中媽媽已經網上申請左，但係唔知點解早兩日都仲未有聲氣(又話10個工作天)，終於頂唔順打左去入境處，結果係Passport已經ok可以攞得，所以今日媽媽又趁機會帶展圖豬落下街，陪媽媽攞護照！

去完之後媽媽見仲有時間同展圖豬行下百佳，今次竟然有一位婆婆走過黎同展圖豬玩，玩到展圖豬勁笑，之後仲要尖叫~~~~~

之後因為見早排有人話荔枝角有fisher price既玩具開倉，所以媽媽就去睇下有無野啱展圖豬，順便約左ruby姨姨lunch(好耐無見過啦！)

去到睇玩具發覺今次都唔太多野啱玩，有好多展圖豬已經有類似既玩具，所以唔打算再買啦！淨係買左一個教小朋友自已穿衣服既elmo，同埋一部俾小朋友學行路，推下推下果d學行車，總值$250，超抵！

之後媽媽去左附近既tasty choice買左一d牛扒，其實媽媽一值無特別話買咩牛扒，今次真係想知自己分唔分得出平同貴既分別，所以買左一件紐西蘭肉眼，同一件black angus肉眼，諗住搵日煎下，睇下分唔分到。跟住媽媽買左盒焗蠔、咸牛脷(諗住整意粉)、一條ribs。其實媽媽都唔知會幾時煮，不過買定先啦！

展圖豬學識用飲管杯啦！

因為媽媽今日去舖頭，所以順便去附近既育兒用品中心買個飲管杯比展圖豬，媽媽順便問下老闆，COMBI STEP 2既杯可唔可以換杯蓋改用第3階段用飲管，答案係OK，所以媽媽淨係買一隻杯做SPARE得啦！慳番幾拾蚊！

夜晚媽媽將一D粟米馬蹄紅蘿蔔瘦肉湯放入杯仔入面，諗住教展圖豬飲，因為早兩日媽媽覺得展圖豬飲太少奶同水，而蘋果汁佢又好似唔係好鐘意，所以媽媽試過用匙仔餵佢飲，展圖豬好鐘意仲要飲得好快，所以媽媽今次諗住用佢鐘意既野引佢。

最初俾隻杯仔展圖豬，佢淨係試得咬枝飲管，媽媽見佢咬左成分鐘都唔係路，諗住佢平時會啜奶咀，淨係識得啜啦!所以用手托起佢下巴，等佢合埋個咀，展圖豬個咀合埋，試下兩下，就已經自然識啜啦！

不過可能係第一下用，所以每啜到一啖，佢都要透一陣，然後再黎過~~~~

今日媽媽帶左展圖豬出席0708BB Gathering

今日一早帶左展圖豬返學，見到有同學仔識得用飲管杯，仲用得唔錯，可能媽媽都要教展圖豬用啦！唔好成日淨係用奶樽，仲要鬼死咁懶，唔肯用手扶住！

放左學媽媽同展圖豬去times square食左糊仔先(果間育嬰室ok嫁！我成日同展圖豬去開餐)，再去黃醫生度攞濕疹藥膏，跟住去bumps to babes睇下有無展圖食開babynat果隻米糊賣，雖然無貨，不過媽媽發覺果度d organic果蓉超級平，1pack4盒$30-，從來未見過咁抵，根住媽媽因為今日唔記得帶玩具出街，所以買左本書俾展圖豬，等佢可以打發下時間。

重有少少時間，媽媽去左香港站既citisuper買babynat米糊，今次水果味果隻真係全城缺貨，媽媽搵左好多地方都無，因為平時媽媽係一罐水果味，一罐雲呢拿味咁俾展圖豬食，等佢唔好食死一種味~~~~不過今次真係度度都淨係得雲呢拿味，而媽媽又要買定存貨(因為遲d要去旅行)，所以唯有一次過買8罐，大家唔好以為8罐好多，因為佢一罐係好細罐，食得5日左右咋~~~~~！

跟住媽媽一袋兩袋，終於同展圖豬去gathering，位於九龍站element既starbucks，嘩今次有成20個bb呀！仲見到好耐無見既寶兒豬！可惜係媽媽今日真係好失察，唔記得帶部DV出黎，所以無影過相，亦都無錄過VIDEO！

不過展圖豬可能出左一日街太攰，所以一去到無耐，就訓著左，仲要瞓到走，所以無咩同其他小朋友交流呀！

夜晚媽媽記得屋企有一個人地送既飲管杯，所以拎左俾展圖豬試，唔知係咪個杯放得太耐，條膠管硬化左，所以展圖豬好似唔係好啜到，都係等媽媽買番個COMBI俾佢再試下。

今日係黑色既12號

今日係一佛誕、亦係公眾假期，母親節之後既一日，亦係四川發生7.8級大地震既日子。

展圖豬雖然咩都未識，但係你大個媽媽希望你記住呢個日子！

今日下午2時28分，媽媽、爸爸、婆婆同展圖豬出去飲茶，之後爸爸話要帶展圖豬返舖頭影相，媽媽響舖頭上網時，見到詩論區有人話四川地震，所以下午有些香港人都曾感到震動。

媽媽最初還不以為然，因為以前媽媽都試過相同情況，但當時卻只是一樁小事，現在知道事情的嚴重，真係為自己當時既諗法覺得好慚愧~~~~

嬲死媽媽啦~~~~~~~

好嬲好嬲好嬲好嬲好嬲好嬲好嬲好嬲好嬲好嬲呀！

今日夜晚媽媽因為做緊野，所以放左展圖豬落地玩(通常都淨係俾佢趴下~~~~覺得安全D~~~~)，後來爸爸走左過去同展圖豬玩，突然間好大聲BOOM一聲，原來展圖豬個後腦撞左落個櫃度~~~~~

因為爸爸俾佢自己坐響地下，又唔睇住佢，又唔扶住佢，明知小朋友咁細個就算識坐都會因為睇野跌黎跌去，都由得佢~~~~~~

之後我即問點解會咁，爸爸仲話，唔知點解佢坐坐下向後跌，後腦撞落個櫃度，展圖豬仲要喊得好悽涼~~~~~~跟住爸爸仲要話我：「一早叫你響個櫃貼D防撞膠，叫你買又唔買!」果刻我真係火到黎，叫我去買佢唔識去買咩~~~~~爸爸仲要鬧：「呢D野不嬲都係你負責，我要做野你多時間呀嘛！」~~~~~~有時間去按摩，有時間去買野，無時間去買防撞膠唔係呀嘛！就算當我無去買我錯~~~~咁貼左防撞膠都唔係由得展圖豬中落去個櫃度啦！有無搞錯呀！我嬲到出唔到聲~~~~

跟住二叔睇唔過眼話係佢唔啱，佢仲要話：「你咁巴閉咁寶貝個仔，你湊囉~~~~唔好搵我湊~~~~」嘩~~~~呢D係咪人既說話，佢以前已經講過，原來你一D都唔寶貝個仔咩~~~~~~唔怪得久唔久個仔一過佢手就整親，個仔未滿月時抱住個仔顧住打機，將個仔個頭接落電腦枱~~~~~~之後仲要話無事！最嬲就係佢自己整親個仔永遠話無事，人地有DD唔小心可能未整到個仔，已經開始話人~~~~~跟住佢仲要不停鬧，我嬲到抱住展圖豬出唔到聲，唔想同呢個人講野！跟住仲要入房BANG門，二叔睇唔過眼叫佢唔好咁，佢都唔理，連廁所門都BANG埋！

個仔出左世咁耐我都好小心~~~~~就係驚佢整親，雖然知道小朋友一定會整到，但係最嬲係爸爸既態度~~~~~好似佢一D都無錯咁！

如果佢淨係呵番個仔我可以無野，但係佢一開口就話人~~~~~好似係我唔啱咁~~~~~

總之好嬲呀~~~~~~！

今日同展圖豬去左太嫲/太婆？屋企~~~~

因為已經5月啦！之前展圖出世時肥姑媽曾經俾左個BB籃展圖豬用，而早排知道佢新抱又再有第二任BB，所以問番係咪需要俾番佢地，答案係YES！記得肥姑媽既新抱將會於5月份誕下小生命，實在驚自己太過懶懶閒到人地生左BB都未拎番番去，所以尋日的起心肝，諗住入沙田搵媽媽既嫲嫲飲茶，順便將個BB籃同展圖豬舊年既衫仔拎入去(太好啦有人接手~~~~~~！)

去到見到大姑姐原來今日病假(尋日頭暈呀~~~~，小心身體呀！)，二姑姐(佢特登黎睇展圖豬)，嫲嫲(當然啦~~~~我搵嫲嫲飲茶家嘛！)，肥姑媽同佢好活潑既孫女，仲有出現一陣既姑姐，同鯭仔~~~~~

原來肥姑媽既新抱預產期係7月先真~~~~~(媽媽又擺烏龍啦！)

去到媽媽同婆婆超舒服，因為大家都爭住去抱同玩，連餵奶都有姐姐代勞~~~~~HOHOHOHO！

展圖豬全日都超乖(不過平時都係咁，媽媽賣花讚花香！)，淨係成日笑~~~~~無喊，係到後期就走時因為全日無咩訓過覺有DD扭，我地玩到成6點先走~~~~因為展圖豬要番屋企食糊仔！

另外知道囡囡表姐上月底響日本結左婚~~~~恭喜晒！

今次出去時太趕，所以唔記得帶部DV出去同展圖豬影相~~~~下次要記得啦！

展圖豬既第二隻牙仔都現身啦！

前兩日先發現展圖豬出第一隻牙仔，今日媽媽同展圖豬沖涼刷牙時，發現點解第二隻門牙既位置都開始有d白白地色，伸隻手指去摸下又係界界地既，估唔到展圖豬一係唔出牙，一出牙就出兩隻。

不過展圖豬都好乖呀~~~好多bb出牙時會流口水、肚疴、扭計，好在展圖豬都無，係呢排唔肯飲奶，唔計加入米糊果d奶粉，朝早、下晝3點3同臨訓果餐，加埋都好似飲唔夠八安~~~~

仲要佢唔係好肯飲水，有時真係好擔心佢d便便~~~~~

今日展圖豬去左中大做研究~~~~~

早兩日媽媽上網見到中文有人話想搵9個月+-2個星期大既BB做心理研究~~~~~

詳文如下：
如果你的幼兒年齡在9 month±2 weeks，我們邀請你來到中文大學心理學系參與我們的研究。該項研究是香港中文大學心理學系副教授——張謙教授之研究計畫的一部分。詳情請參考以下網址http://www.psy.cuhk.edu.hk/en/people/hcheung/index.html
是次測試由我們心理學系的研究生和研究助理負責。在整個測試過程中，你將會抱著你的幼兒，讓他觀看實驗者操控不同的物件，從而作出反應。例如，如果幼兒對實驗者的操控感到驚訝，違反了他對實驗者意圖的假設，將會表現出對事件較長的注視時間。因此，我們將會對幼兒的注視時間進行記錄及觀察。希望藉由該次的測試資料去瞭解“幼兒心理理解能力的發展”。我們感興趣的不是個別幼兒的表現，而是多個幼兒的整體表現模式。如果結果合乎預期的話，我們將會寫成研究報告，發表在專業的學術雜誌。所以，你們的參與對我們的研究發表非常重要。
我們的測試只需要你和幼兒的一次拜訪，地點是中文大學的兒童發展研究中心。整個過程會在30分鐘內完成。有興趣的家長歡迎來信查詢

媽媽心諗反正展圖豬未做過有關既野，要付出既都係少少時間同車錢，仲可能有機會比較收展圖豬同一般小朋友有無D咩唔到，所以就報左名~~~~~之後就有中大既人聯絡我，同約左時間，今日係去做個測試既日子，因為婆婆都想睇，食完晏晝飯就同婆婆同展圖豬出去。

去到之後有幾個姐姐，係負責做研究既，佢地叫我抱展圖去一間房度，做測試既時間，我要全程抱住展圖豬坐響我大脾度，傍住佢唔好比佢周圍望，而我就要閉上眼，目的係唔俾我從觀察中影響展圖豬，測試時間都好短，我一路淨係聽到一D底音，同一D高音，其他咩都唔知，不過最後期(大約30秒)當我聽到低音時展圖有D唔高興想喊咁~~~~~~好在之後無野~~~~~

後來我問婆婆(因為婆婆響隔壁既單面玻璃觀察室)，佢話全程展圖成個人仔定晒，郁都唔郁，仲以為佢訓著左，其實係一路有兩隻公仔出現響佢面前~~~~~~其實我都唔明白婆婆講咩~~~~~

之後我問番果幾位姐姐，佢地話5月底個研究完成後，會有一份有關既報告，一份展圖豬既個人報告，同個VIDEO SEND番俾我地~~~~~媽媽超開心!收到後再同大家分享~~~~~

去中大時展圖豬上到小巴一陣已經訓著左~~~~~~~~

另外爸爸終於買左個新玩具俾媽媽(媽媽唔肯自己買，因為我係無業游民)，就係一部VIDEO，本來媽媽心目中係想買一部可以拍VIDEO既傻瓜機，因為爸爸D機實在太麻煩，而且唔適合成日拎出街，不過爸爸話拍展圖既話VIDEO好D，因為相有時表達唔到D野，所以買左部HD既入帶機，仲可以拍同600萬像左右既相，好開心，終於可以影展圖豬影夠本啦~~~~~~~

展圖豬終於出牙啦~~~~~

呢排因為無咩特別野，所以好耐好耐無寫BLOG，展圖豬既發展都無咩特別，仲未學識爬，不過已經可以原地360度轉~~~~~

仲有幾日展圖豬就黎9個月大，好多9個月大既BB都一早出左牙，出得快既仲已經有4-5隻，所以媽媽一路都有少少擔心，因為媽媽既表哥曾經因為太遲出牙，要俾醫生響牙肉度界一刀，等隻呀易D出，媽媽見展圖豬一路都未有出牙反應(流口水、發忟憎、發燒、肚疴)，所以都有少少擔心，平常媽媽日日同佢沖涼洗口果時，都撐大佢個口，想睇下佢出牙未~~~~~

今日見到佢下面既牙肉好似腫腫地，所以用D好奇，洗左手就仲雙手指入展圖個口摸下~~~~~~~界界地，應該係出牙啦！即時話俾爸爸同婆婆知，佢地爭住洗手去摸~~~~~~

不過因為隻牙啱啱出，所以咩都睇唔到，出左再影單牙相俾大家睇

以下補番展圖豬呢排影既相添~~~~~

爸爸放本書仔上去展圖豬個頭度同佢玩

去完樓下食飯，返屋企中~~~~~             

食二叔既生日飯，展圖豬第一次坐BB櫈！

媽媽果 日同展圖豬除衫，突然發現可以同佢扮印度BB!

展圖豬後海灣既秘密終於俾爸爸揭開左，原來除左係因為展圖豬眼訓鍾意捽頭多，最大原因係佢浸住訓既毛巾太鞋~~~~~

展圖仲係響地下學緊爬(未識爬)，我估最大原因係佢條腰未夠力~~~~~

輕盈麥皮麵包 Light Oat Bread

輕盈麥皮麵包 Light Oat Bread

水　　　　　２９５　ｍｌ
牛油　　　　２５　　ｇ
鹽　　　　　１／２　ｔｓｐ
高粉　　　　３７５　ｇ
麥皮　　　　４０　　ｇ
黃糖　　　　２　　　ｔｂｓｐ
速發酵母　　１／　　ｔｓｐ

1. 將所有材料依次序放入麵包機中
2. 用白麵包程序，750g，中度烘焙
3. 待所有程序完成後，取出麵包放置一小時，切片即成

原本呢個食譜入面既牛油係植物油，因為反式脂肪既問題，我將佢轉左做牛油。而鹽亦由原來食譜既1 tsp減至1/2 tsp。

雖然睇到d麥皮，但係食唔出~~~~~

落有d似麥包

因為呢排整既包包都係有味既，婆婆查唔到野，所以今次整隻無味既(食落都好似麥包)，而且白麵包加左d麥都好似健康d(雖然得果少少~~~~)

講番個包先，呢個包唔知係咪因為無加奶同蛋，仲要加左少少麥皮，所以唔會太軟熟，不過一出爐時個外皮都幾脆，後來我地發覺用佢呢做多士一流，好香脆，但係就咁食就差少少啦~~~~~~！下次再做既話我會將佢切厚d，做厚切多士應該會唔錯。

肉桂卷 Clone of a Cinnamon

肉桂卷 Clone of a Cinnamon

麵糰
奶　　　　１２０　　　ｍｌ
蛋　　　　１　　　　　ｐｃ
牛油　　　３５　　　　ｇ
高粉　　　３１０　　　ｇ
鹽　　　　１／２　　　ｔｓｐ
糖　　　　５０　　　　ｇ
速發酵母　１－１／４　ｔｓｐ

餡料
紅糖／黃糖１１０　　　ｇ
肉桂粉　　１－１／２　ｔｂｓｐ
軟牛油　　４０　　　　ｇ

糖霜面
忌廉芝士　４０　　　　ｇ
軟牛油　　３０　　　　ｇ
糖霜　　　９５　　　　ｇ
雲呢拿油　２　　　　　ｔｓｐ
鹽　　　　１／８　　　ｔｓｐ

1. 將麵糰材料依次序放入麵包機中
2. 用麵糰程序
3. 在麵包機制作麵糰時，我們將所有肉桂餡料及糖霜面料分別攪拌至均勻
4. 麵糰制成後將它擀平至8吋 x 12吋大小
5. 將肉桂餡料放入微波爐以高熱叮10秒，取出均勻塗上麵糰
6. 麵糰卷起成8吋長之肉桂麵糰，並切成12塊
7. 將焗爐放入水盤，預熱至200C後熄火，放入肉桂卷
8. 等待50分鐘，肉桂卷發酵至兩倍大
9. 取出肉桂麵糰將焗爐預熱至175C，預熱後放入肉桂卷，焗20分鐘
10. 將糖霜面料放入微波爐以高熱叮10秒，以匙更淋上已焗好之肉桂卷上

• 我自己、婆婆及爸爸覺得這肉桂卷很香，但稍甜，下次再做應該會減少一半黃糖及牛油的餡料份量。
• 如果覺得麻煩的話飾面糖霜這個程序去掉也可以。

迷迭香麵包

今日因為婆婆已經食完上次既湯種奶油麵包，所以媽媽今日整左rosemary bread，呢個食譜係響allreceipes.com果度搵番黎，黎緊我應該會試多幾隻果度搵到既包包食譜。

迷迭香麵包

水　　　　　２３５　　　ｍｌ
橄欖油　　　４５　　　　ｍｌ
糖　　　　　６　　　　　ｇ
鹽　　　　　６　　　　　ｇ
意大利香草　１／４　　　ｔｓｐ
五色胡椒　　１／４　　　ｔｓｐ
迷迭香　　　１　　　　　ｔｓｐ
高粉　　　　３４０　　　ｇ
速發酵母　　１－１／４　ｔｓｐ

1. 將所有材料依次序放入麵包機中
2. 用白麵包程序，750g，中度烘焙
3. 待所有程序完成後，取出麵包放置一小時，切片即成

原本呢個食譜入面既五色胡椒原本係黑胡椒，但係因為我屋企得五色胡椒，所以轉左用五色胡椒。另外因為我怕麵包焗出黎d rosemary會太大塊，所以我預先將佢整碎左少少。

個樣都ok嫁，不過無湯種包包發得咁高！

見到入面都有好多香草，呢個包包配醋油應該好好味！

個包因為有胡椒，所以有好少好少辣味，如果比小朋友食可以考慮用少d胡椒/唔用。另外因為我本食都係鍾意清淡d，所以下次鹽量應該要試下減半！

婆婆話呢個包包好味d，有風味d，因為平時街賣果d香草包包多數一係好貴，一係無香草味，所以呢個抵整呀！

展圖豬依家已經可以好快咁中俯臥轉做仰臥啦！仲識巢一d周圍擺既野~~~~同媽媽散檔。

湯種奶油麵包

湯種奶油麵包

湯種
高粉　　　　９０　　　　ｇ
水　　　　　６５　　　　ｇ
含鹽奶油　　３５　　　　ｇ
糖　　　　　５　　　　　ｇ

1. 將高筋麵粉放在大碗內
2. 取另一小鍋置入水、糖及奶油，小火加熱煮到小滾之後立即沖入麵粉中
3. 邊沖邊用筷子攪拌，再捏塑成麵糰
4. 待涼後蓋上保鮮模放入冰箱冷藏24小時
5. 使用前需放室溫至回軟

主麵糰
全脂牛奶　　１６０　　　ｇ
糖　　　　　３５　　　　ｇ
鹽　　　　　１　　　　　ｔｓｐ
蛋黃　　　　１　　　　　ｐｃ
無鹽奶油　　１０　　　　ｇ
高粉　　　　２６０　　　ｇ
速發酵母　　１－１／８　ｔｓｐ
湯種麵糰　　１　　　　　份

1. 將以上材料依序放入麵包機
2. 用Program 1設定、750g、中間金黃既程式去烘個麵包，等麵糰開始攪拌之後將湯種麵糰撕成小塊狀加入

今次個包既size似番出街果d，而且鬆軟d，爸爸話上次果個黏口d，我就覺得呢個包牛油味無上次果個咁濃，無咁漏，啱我口味d，不過我會繼續造新包包，等造出一個啱自己口味既。

呢個就係我用緊既麵包機

手工烏冬

早一排婆婆話俾我知原來屋企有一盒麵粉未開，仲要就到期，咁啱我上網睇到呢個食譜，就試下整！

手工烏冬

麵粉　４００　ｇ
水　　１８０　ｍｌ
鹽　　１８　　ｇ

1. 將鹽加落水中攪至溶
2. 逐小加入麵粉，搓成糰(我覺得水唔夠加多左10ml左右)吸飽水既麵糰係光滑既!
3. 用保鮮紙包起麵糰放置1.5-3小時，待麵糰吸飽水粉
4. 將麵糰擀薄，摺3摺，重覆4次
5. 放置麵糰10分鐘，待麵糰鬆弛
6. 在工作台上洒上麵粉，將麵糰置放上面擀至3-4mm厚，摺3摺，切條
7. 將麵條拉開，並放入煑滾之水中
8. 煑4-6分鐘，待烏冬發大浮起後過冷河
9. 可放湯/放涼凍食

自己做既烏冬可能麵粉無漂白，所以黃黃地，而且因為加左鹽，有d鹹鹹地，下次如果有麵粉多再做既話我會試下唔加鹽睇下o唔ok！

另外上個禮拜我教過展圖豬兩日由趴低反返轉仰臥，之後都唔記得教佢，結果今日放佢落地，爸爸發現佢自己可以反到啦，一路look look look向同一個方look，好搞笑！

仲有就係今晚係有史以來最成功餵糊仔，展圖豬15分鐘搞掂左由兩湯匙米粉開既糊仔，期間竟然係無喊過~~~~~~~！重要間唔中係自己張大個口，唔駛「橋」開佢~~~~謝天謝地！希望佢餐餐都係咁就好羅！

無牛奶既牛奶麵包

13號晚即係啱啱整好左一磅牛奶包包，其實媽媽早響坐緊月果陣已經買左個麵包機，不過一路都未同佢剪綵，因為日頭去左灣仔二德惠果樹買齊野(其實買左好多野)，三百幾蚊都唔知點解會拎到手都斷咁滯！~~~~~~講遠左添！因為終於有高筋粉，所以開始第一次整包包。整包之前一兩日媽媽已經上網做晒資料搜集，睇左好多食譜，終於決定做最易既牛奶麵包。

頭一次整緊係超興奮，將所有材料倒晒入麵包機，因為太心急掉入去d次序亂晒，不過我諗都係會攪勻佢無所謂啦，因為頭一次整好緊張，所以成日check住部機，點知過左成個鐘一d動靜都無，咁唯有即刻睇說明書，睇睇睇睇睇~~~~~點知俾我發現到，原來我未將枝攪棒放入部機，所以根本攪唔到面糰。咁唯有再黎過，今次好乖睇清楚先落料，次序份量跟足晒，所以終於成功啦!

不過焗起都要等一個鐘先可以食，所以等到依家先啱啱切起，食左最細果塊，好香牛油味，有dd鹹鹹地，不過好鬆軟，暖暖地~~~~好味!不過下次我會試下減少d牛油同鹽，因為都有d漏漏地，同埋想食得健康d，自己整麵包既價錢同出街買差不多，不過可以食少d化學野~~~~~~:p

無牛奶既牛奶麵包

牛油　　　４０　　ｇ
鹽　　　　１　　　ｔｓｐ
糖　　　　２　　　ｔｂｓｐ
水　　　　２００　ｍｌ
面粉　　　３１０　ｇ
速發酵母　１　　　ｔｓｐ

1. 將己上所有材料依次放入麵包機內
2. 待所有程序完成後，取出麵包放置一小時，切片即成

原本呢個食譜入面既水係牛奶，不過我見人地話用水無咁漏，所以轉左用水。

今次我整左500g麵包、用最唔金黃既setting去烘個包，結果係個包面係白色，下次可以較中度試一試，今次個包包整左出黎好香牛油味，我覺得有少少漏，都鬆軟，不過有d黏口。

第一次切麵包都算切得唔錯啦~~~~~人地話好難切嫁！

同場加映坐到側晒既展圖豬，呢期佢唔知搞咩，將佢擺正佢又坐側，擺正又坐側，有時側到條頸好似斷左咁，搞到我有d擔心佢條腰骨會唔會因為咁生歪左！

尋晚媽媽作病+今日展圖豬自行停課

尋日晏晝舊同事Chris Dai來訪，探展圖豬~~~~~~尋日因為係婆婆既打牌日，媽媽見爸爸既病都好得七七八八，所以本來打算整海南雞飯，點知唔知搞咩鬼，Chris黎到之後無耐開始頭痛，走左之後仲要作嘔，唯有同爸爸講話唔煮得飯，唔知係咪作病既關係由傍晚六點左右訓到成十一點幾，期間仲要訓極都唔暖咁，不過訓左一覺，食番dd野，飲番杯寶礦力，頭痛好似好少少，無再作嘔，之後到點幾再訓過，今朝好番晒。

由於最近流感太利害(有小朋友因為流感病逝)，加上展圖豬返playgroup既時間係上晝d人返工既rush hr，所以爸爸同婆婆叫媽媽暫時唔好帶佢返學住，為左展圖豬既健康，媽媽亦都不得不同意啦！

今晚媽媽整返尋日既海南雞飯，都ok喎，雞ok，黑色果個醬好味，飯ok係油少少，下次我會試下早排響超市買果包海南雞飯醬煮飯試下，係個酸辣汁差d lor，唔知點先可以整到好似街果d咁又辣又好味呢？

海南雞飯(3-4人份)

黑醬油
老抽　　適量
沙糖　　適量

1. 將老抽及沙糖放入鑊中略煮

油飯
雞油
蒜頭　　數瓣
米　　　２。５　杯
雞湯　　適量

1. 將雞油放落鑊炸出油
2. 加入蒜頭爆香、挑出雞油棄掉
3. 將己洗好之米加入鑊中略炒
4. 將米及蒜頭放入飯煲中、加入適量煮雞之雞湯煮飯

海南雞
雞　　　1　　　　隻

1. 將雞放入已煮滾之水中，水需要蓋過整隻雞，轉小火(蝦眼水)
2. 將雞抽離水面，再放入水中3-4次
3. 等待12分鐘，重覆步驟 2
4. 驗試雞是否熟透，可以將筷子插入雞脾中，如果透出來的水是清的不是血水則表示已熟 (不過我發覺這個做法測試出來的雞中間仍會有些紅，所以最好熄火將雞再於熱水中多浸15分鐘)
5. 取出雞啤水或放大盆中用冰蓋起10分鐘

辣醬方面我覺得唔好味，整得好味再後補食譜啦！

呢次係我咁大個女第二次將成隻雞分屍咋~~~~~肉酸唔好笑我........

展圖豬拆利是啦

農曆正月都過晒，今日媽媽終於的起心肝拆左展圖豬d利是！

呢個就係展圖豬既拜年背囊，同佢今年既戰績！

今年展圖豬一共收左$3240--整利是~~~~~~~~多過媽媽好多好多!媽媽得果幾百蚊咋~~~~陰公！

今日爸爸精神好左好多啦！所以我同爸爸去左APM睇左BC10000既早場！套戲OK啦，不過我覺得有DD唔合理羅~~~~~

另外媽媽呢兩日教展圖豬轉身轉反轉頭(即係由趴響度轉番做瞓響樹)，尋日係頭一日，要幫下手先轉到，今日第二日進展良好，淨係用玩具引下佢就轉到lu~~~~~

婆婆生日+展圖打針+爸爸繼續病+媽媽煮大餐

今日朝早諗住同展圖去高醫生度打針，順便同爸爸睇醫生，點知媽媽擺左大烏龍，原來高醫生果度係裝修到4月7號，唔係3月7號，好在臨出發前我再打多次電話，去聽高醫生既留言，如果唔係就摸門釘。

所以我地唯有去屋企附近既醫務所睇醫生+打針。個醫生唔知係好少同小朋友打針，我覺得打手勢麻麻地，打到展圖兩邊大脾都有針孔，而且打頭一枝展圖豬已經少少喊，好可憐~~~~~~

因為醫務所太多病人，所以婆婆買左個BB口罩俾展圖豬！

打完針我地就返屋企，展圖唔知係咪一來因為今日太早起身，二來今日打完針，成日響度大昏迷，咁媽媽就有時間整今晚既野大餐，同婆婆既蛋糕。

本來媽媽睇左電視學左海南雞飯，諗住今日試下，不過婆婆話爸爸病得咁犀利，唔好煮太油膩，如果唔係爸爸D感冒會好難好，所以雖然媽媽尋晚買左材料同雞，都唯有放入冰格。

所以今日煮香煎豬扒蘋果汁、茄汁蝦、日式凍豆腐、烚菜、梅菜肉餅(呢個專係FOR爸爸既)。

香煎豬扒蘋果汁

豬扒　　　　４　　　件
橄欖油　　　２　　　湯匙
牛油　　　　２　　　湯匙
切片啡磨菇　８０　　克
蘋果拔蘭地　２　　　湯匙
蔥頭碎　　　１　　　茶匙
Apple cider　 １／２　杯
上湯　　　　１／４　杯
忌廉　　　　１／４　杯

1. 豬扒以鹽及胡椒粉調味。燒熱一半橄欖油及牛油，炒香白菌後盛起。
2. 再以原鍋下餘下一半油份，蒜豬扒至金黃。
3. 反轉豬扒後再稍煎一會，灒蘋果拔蘭地，再加蔥頭碎炒香。
4. 加蘋果西打及上湯，慢火煮5分鐘至豬扒熟。盛起豬扒保暖。
5. 加入忌廉及白菌回鍋，慢火煮至稠，伴豬扒同食。

婆婆話呢個好食，最好拌意粉(因為係忌廉汁)。

茄汁蝦好一般，等我整到好味時再俾食譜大家。


日式凍豆腐

百福硬豆腐　　１　　盒
芝麻醬　　　　適量
蘋果醋
紅糖
生抽
麻油

1. 所有調味料拌勻(味道自己試味調教)
2. 倒上豆腐上就OK!(超簡單)

至於蛋糕方面，因為婆婆一向鍾意食粟子蛋糕，所以就做粟子蛋糕，不過又因為婆婆怕甜所以粟子餡唔落太多忌廉去打(所以超難打滑，你地仲可以見到果D一粒粒啡色係粟子肉，而且好難忟D粟子餡上去)，不過因為上網睇到有人教整脆脆餅底，咁響去蛋糕材料舖又見到有就買黎試整！


粟子脆脆蛋糕

清蛋糕(7吋)

蛋　　　　　　４　　隻
糖　　　　　　８０　ｇ
低粉　　　　　８０　ｇ
蛋糕乳化劑　　１０　ｇ
菜油　　　　　２０　ｇ
水　　　　　　１５　ｇ

1. 先將蛋柔糖以高速打發，加入蛋糕乳化劑打至企身。
2. 加入麵粉以最慢速打至厚身。
3. 加入菜油及手，順同一方向拌勻10秒。
4. 放入已預熱200度之焗爐焗20分鐘，待涼切片。

脆脆底

脆脆　　　　半包
朱古力　　　２００ｇ

1. 將朱古力隔力蒸溶(鑊蓋不要蓋上)。
2.  將朱古力及半脆脆拌勻，舖平成約7吋之圓形在臘紙上，放入雪櫃待涼。

粟子餡

無糖粟子茸　１罐
甜忌廉　　　５００　ｇ

1. 先將甜忌廉打發。
2. 加入粟子茸，再用攪拌機將它們打勻。
3. 如想粟子餡幼滑一點或甜一點可加入更多甜忌廉。

將以上之材料如以下舖好即成

粟子餡
蛋　糕
粟子餡
蛋　糕
粟子餡
脆脆底
蛋　糕

爸爸又再次病倒左啦

尋晚爸爸成晚都訓唔著，今朝本來要出去做少少野，但係出左去都係頂唔順返左黎，攞埋上次食剩果d藥去睇醫生，不過因為展圖今日要返playgroup，所以唯有都係帶展圖出去爸爸take care自己。

爸爸睇完醫生就打電話同我報告，原來燒到101度，之後佢話會返屋企訓覺。

今日展圖上既playgroup多左一位新朋友仔，叫Boris六個月大，不過佢睇落好大個仔，同展圖& Ian(展圖既另一個同學仔七個半月大，大展圖半個月)差不多大，而且佢好鍾意彈，成常係咁要姐姐抱住佢彈好搞笑。

落堂之後因為媽媽去左Citisuper，今次發現左一樣好得意既野，就係雞蛋變型器，只要將隻蛋烚熱，趁佢仲熱果陣mok殼放入個盒度十分鐘就ok！我諗如小朋友大小小咁樣整俾佢食/帶飯返學一定好開心啫！

而且我諗應該可以用黎做硬身啫喱/大菜糕/小飯團俾小朋友~~~~~一物二用！

20蚊有兩個，仲有另一pack款式係兔仔同熊仔!

雞蛋成品，食落同一般蛋無分別嫁！

焗豬扒飯+banana muffin

今日婆婆去左朋友屋企打牌，所以全日都係由媽媽take care展圖，可能因為今日屋企淨係得媽媽一個人，所以展圖豬勁痴身呀！行開一陣出左佢既視線范圍就會喊啦，仲要大大滴眼淚，好可憐果隻，連放佢入jumperoo都唔ok，所以今日媽媽響廚房做野時都係放佢落highchair，推響廚房門口，一路同佢傾計一路整野。

由於婆婆出去打麻雀既話多數要成傍晚六七點先返，所以通常呢個時候我地會落街食/叫外賣/食飯盒，不過媽媽早幾日見到一個焗豬扒飯既食譜想試下，所以下晝就同展圖去左超級市場買材料，諗住試下~~~~~~

焗豬扒飯 (3-4人份量)

梅頭豬扒　３－４塊
米　　　　２。５杯(約5碗飯)
洋蔥　　　１　　個
細蕃茄　　５　　個
蘑菇　　　４　　粒
蕃茄濃湯　１　　罐

1. 豬扒用生抽，喼汁，美極、糖、鹽、胡椒粉醃過夜(時間唔夠、醃左一陣)。
2. 洋蔥切絲、細蕃茄切角和蘑菇4粒(因為d蘑菇唔靚所以無用到)切片備用。
3. 冷飯用蛋和生抽炒好盛於焗盤內。
4. 豬扒撲上一層薄薄生粉煎熟，切成濶條排在炒飯上。
5. 將(2)之洋蔥、蕃茄和蘑菇炒軟，加入三色、蕃茄濃湯、少量清水和醃豬扒汁液。
6. 待汁煮滾後試味，均勻地淋在豬扒上。
7. 放入已預熱10分鐘焗爐內(220C上下火)焗約15分鐘即成。

婆婆同爸爸食完後都話ok好味，同大快活大家樂有得fight喎~~~~~~~嘻！

跟住因為既然開左焗爐就再焗多個banana muffin，因為媽媽懶，所以多數都係用番muffin mix，貪佢又方便又好味

Banana Nut Muffin (6cm 6個)

Banana nut muffin mix   １　　盒
蛋　　　　　　　　　２　　隻
奶　　　　　　　　　３／４杯
植物油　　　　　　　１／４杯

1. 所有材料倒晒落個兜撈勻佢。
2. 將粉漿放入muffin cup(我用可以入爐既紙杯貪佢夠方便，食完掉左佢就ok，又唔駛洗焗盆)，放半杯好啦，因為會發起嫁。
3. 放入已預熱10分鐘焗爐內(200C、上下火)焗約20分鐘即成(最低果層)。

Betty crocker同white wings既muffin mix都好好食(呢個banana nut既味同starbucks既差不多嫁咋)，又好易整，又平廿幾蚊整到6個，而且多數supermarket都有得賣，所以有焗爐既不防試下。有時我有香蕉會切一條入去，另外佢既blueberry都好好味，個packing入面係有一罐藍莓嫁!如果我冰格有空位既話我一次可能會整幾盒，因為可以放入冰格3個月，要食果陣攞一個落微波爐灯番熱佢，就有熱辣辣既muffin食啦~~~~~~~！

因為搬左屋之後都無整過muffin，所以今次係婆婆第一次食新鮮出爐既muffin，本來媽媽話食飯已經食到好飽，但係又想試下，所以諗住試四分一，點知~~~~~~食晒成個！

展圖豬覆診日+VENTURE相

今日同展圖返黃醫生度覆診，今次黃醫生開左隻mild好多既藥膏俾展圖，黃醫生話展圖好左好多，不過今次轉左藥膏之後因為藥性輕好多，所以皮膚可能會紅番dd，不過唔駛擔心，不過真係呢，展圖今朝睇到醫生即刻搽藥膏，今晚塊面仔已經紅紅地，好在醫生講左先，如果唔係我又要擔心啦！下次覆診日期係黎緊星期六！

睇完醫生，就帶埋展圖豬同婆婆去蓮香樓飲茶啦~~~~！原來婆婆雖然未嫁前都係住港島區，但係係未黎過蓮香飲茶嫁!我地去到蓮香果陣大約十一點，好在仲有少少位，坐低之後就沖番兩盅龍井，等點心出現同餵左展圖豬食奶先~~~~！今次我地叫左咸魚肉片飯、鳳爪(我既至愛)、豬肚燒賣(婆婆話豬肚好香)、蒸蘿蔔糕(都好味)，到我地食完果陣已經十二點幾啦，都有d人等緊位，我地唔好意思啦啦臨埋單走人，盛惠93蚊，我覺得扺食過屋企樓附近d酒樓~~~~~~

食到一半先記得影~~~~~~~唔好意思=^^=

我最鐘意佢一盅盅既茶，夠晒懷舊！

飲完茶食飽飽緊係行番一陣運動下，我地去左陳意齋買左聞名已久既蝦子扎蹄(我覺得普通)同杏仁霜(未飲唔知)，仲買左媽媽鐘意既蠔油豆(未食呀)，同婆婆鍾意既甘草黃皮(婆婆話好食)。

陳意齋既野食~~~~~~~

跟住我地又行過H&M順便又入去睇下童裝，媽媽睇中左一頂鴨舌帽，俾錢果陣婆婆又要爭住俾錢，話要送D野俾展圖豬WOR

呢副太陽眼鏡係試帶咋~~~~~無買，展圖個鼻太扁都托唔起！

嘻~~~~~~石堅係我老友~~~~~

我諗~~~~~~~我咩都諗唔到！

之後我地轉戰threesixty，今次無咩買野，係買左幾樽organic baby food，因為佢呢隻平過citisuper果d，同埋多d款揀~~~~~~

係呢幾樽咋~~~~~不過提下大家如果都有俾bb食樽裝baby food食完唔好掉左d樽，有時可以拎出街開糊仔，食完掉左佢！

另外好多朋友問我VENTURE張相點，我今日終於得間SCAN好POST上黎俾大家睇

一家三口都笑得好開心，所以我地揀左呢張！(拍攝於2007年12月24日)

昏迷日

今日爸爸好似好D啦！但仲係無咩精神，所以我地一家三口都係留響屋企。點解係一家三口？因為婆婆今日同五姨婆去左街街，順便幫我攞手信(媽媽既亮表哥由美國帶返黎既，因為公司咁啱派佢返香港做野)。

究竟係咩手信呢？咪又係展圖豬既野羅，當中有幾件夾衣，仲要係尺碼好大既，最大既可以比四歲既小朋友著，婆婆以為我唔鍾意，其實我好鍾意(璇表姐多謝你，你揀得好靚呀！)，因為小朋友著夾衣夜晚唔駛COOL住條腰可以瞓得舒服D，另外仲有一支尿疹膏，係FOR BB搽PATPAT用，因為佢地話美國果邊唔興搽凡士林，婆婆諗住果邊D野應該好D，可以託亮表哥帶返黎，一睇之下，原來我地屋企都有一支\呢，因為之前展圖豬二個月果陣，試過皮膚敏感所以PATPAT好紅，而且爛爛地，所以當時媽媽去下萬寧買番黎俾佢搽，用黎急救佢個PATPAT，不過ANYWAY多謝你帶俾我地，至少我知道自己無買錯野。

跟住成個下晝媽媽做野所有野之後，終於頂唔順(尋日瞓左四個鐘咋)，要瞓覺，由於爸爸之前已經無精神一早瞓左，媽媽唯有捉埋展圖豬一齊瞓，足知我同展圖豬由下晝三點一路瞓到六點半先醒~~~~~~嘩！真係精神晒呀！

跟住爸爸媽媽同展圖豬落街食飯，撞啱婆婆返屋企，佢話附近有間鞋舖做緊大減價，話要買俾展圖豬，叫媽媽去睇，終於買左兩對。

另外尋晚由於媽媽通宵，所以發覺展圖豬夜晚無半夜大喊(以前晚晚都有幾次)，問過婆婆，婆婆話可能係因為D濕疹退左(係真係退左九成咁滯)，所以瞓得好喎！

就係呢兩對鞋仔啦！

爸爸病倒左

琴日唔知係咪爸爸出去做野食錯左野，今朝一起身已經肚瀉啦~~~~~~不過因為仲要做野，唯有依然出街，不過好在今日都係出去半日，下午返到屋企，已經見佢死死下，又作嘔又肚疴(佢話疴足七次喎)，並且即時大昏迷，到左傍晚媽媽見佢發冷發熱，同佢探熱時接近發燒既臨介點，就捉佢起身去睇醫生，醫生話佢係腸胃炎(都估到啦，因為爸爸次次病唔係腸胃炎就係熱氣得滯)，開左兩日藥俾佢。

幸好展圖豬今日超級乖，係有時大叫下(呢排日日都間唔中會係咁，媽媽成日話佢係做發聲練習，不過通常佢大叫時殊下佢，佢就會收聲嫁啦！)，所以都無咩問題。

由於爸爸今日病倒左，所以今晚展圖豬由婆婆take care，展圖豬你要乖乖呀，唔好累倒婆婆。

今日展圖試左bb乳酪

早兩日展圖返學，媽媽去citisuper買左杯bb乳酪俾佢(apricon味)，今日媽媽見下晝無咩做，就俾佢試下。開頭俾佢食左一兩啖，好似幾鍾意食，猛咁要食多d，不過食到1/3之後就好似有d唔鍾意，咁媽媽都無再迫佢食，怕佢第日驚左食野，剩低既哽係媽媽包辦啦，原來baby yohurt都幾好味，同平時我地食果d無咩分別。

跟住由於之前展圖豬食糊仔太差，所以婆婆話遲d打算煲粥仔俾佢試下，媽媽驚婆婆work load太大，所以出左去觀塘果間bibidada買左隻粥仔杯，順便買左幾盒米餅俾展圖豬試下。

因為返去時已經係食飯時間，所以媽媽叫婆婆唔好煮飯，買左譚仔記既米線返屋企食，我鍾意既麻辣~~~~~~~勁正呀！

呢杯就係展圖豬食既baby yohurt，其實好~~~~~~細杯嫁咋！

媽媽返到屋企即刻拆左塊比展圖豬試，不過佢食左一個角就~~~~~~掉左啦~~~~你side晒媽媽d~~~~~$$$

粥仔杯，睇落好似ok好用，不過我估用個普通既玻璃杯/不锈鋼兜都可能整到粥仔！

好忙呀~~~~忙忙忙

今朝媽媽打算帶展圖去睇醫生，但係婆婆又話唔駛啦喎~~~~話隔左一晚如果佢有事應該會發作，展圖隻眼無紅又無腫應該ok(不過其實媽媽仲係擔心)，不過又唔好意思逆婆婆意思......

跟住又因為展圖d濕疹突然犀利左，今次係連眼皮同頭都有，所以媽媽決定轉醫生，睇下會唔會好d，原本諗住約上次bk講座果位醫生睇，但係時間就唔到，所以就book左黃國安，之後就帶展圖豬去小霹靂度試堂。

啱啱去到感覺都ok(因為個大廈至少唔會好似kinderu唔有幾級樓樓咁唔方便)，但係到上堂就好唔ok，間課室無舖地墊(小朋友跌倒點算)，好大裝修/消毒藥水味(小朋友聞左唔知有無問題)，d冷氣又一陣陣咁吹得個人唔舒服，另外係衛生問題(呢樣我覺得最難忍)，佢地竟然容許d家長/姐姐赤腳入課室，真係嚇到我呆一呆，仲有係老師唔可以捉住小朋友既注意力(展圖上kinderu同響東山試堂都無試過唔專心)，上堂既遊戲危險，老師我覺得唔係native speaker.......種種原因另我覺得唔會學到d咩，所以決定都係繼續上kinderu，之後就返kinder交學費，因為黎緊會加學費，但係如果2月底前交黎緊3個月既話都可以計舊價，咁當然係一次過俾著數d啦~~~~~~~所以媽媽好肉赤呀！

之後同婆婆去左食魚生飯~~~~yumiyumi，然後就去黃國安度，其實我成日聽d人去黃國安度睇，從來未見過佢真人，估唔到佢係一個~~~~~~阿伯！不過唔知係咪真係多名人睇佢，都幾串嫁，佢聽我講每日要同展圖浸浴2次，再加搽n次cream，叫我唔駛咁做啦！聽到之後媽媽即刻好似中左獎咁開心，事關日日做呢d野，但係展圖豬既濕疹都反反覆覆咁，真係好灰，媽媽尋日仲差d做到想喊~~~~~佢話希望可以覆診3-4次就搞掂，如果係就太好啦，因為展圖好唔到既話，佢都會好痕唔舒服，到睇完醫生俾錢~~~~~登登登登，盛惠$680同曾英美一樣，所以我覺得唔貴，如果佢真係醫到展圖豬，再多我都肯~~~~~黃醫生叫我星期一覆診。

本來媽媽婆婆同展圖豬要去嫲嫲屋企樓下食飯，因為係爸爸農曆生日，不過因為時間尚早，所以去左ifc既carteen度坐左一陣，食番個tea，再行下citisuper(媽媽好師奶，淨係行超級市場)，就去左嫲嫲屋企啦！

kinderu最後一日？

今日同展圖豬上堂既遊戲時間我地三個媽媽同三個BB度高，結果係展圖豬最高，仲要係高好多，不過亦都係最輕既一個，無計啦因為佢唔食糊仔又唔食奶，展圖豬你可唔可以食多d野呀，爸爸媽媽都咁為食，點解你一d都學唔到我地~~~~~

因為kinderu要加價啦~~~~好似加多二百幾，媽媽都唔係好記得，所以媽媽早前報左小霹靂聽日試堂，如果ok既話媽媽就唔會讀kinderu，因為小霹靂抵好多~~~~~~如果小霹靂唔ok既話就聽日番過黎交學費繼續讀lor~~~~~

上完堂，媽媽例牌去citisuper買野食俾展圖，今次買左半打既台灣organic雞蛋，嘩~~~~~！原來唔到產地係可以平好多，上次果隻好似係法國既要五十幾蚊，今次台灣既係二十幾，唔知有無d大陸既呢？另外媽媽買左d雞胸同一樽apricon既bb乳酪，諗住俾展圖豬試下~~~~~

今晚媽媽同展圖豬沖完涼著衫時，展圖豬玩緊本沖涼書，竟然唔小心將個書角插左入隻眼度，嚇到媽媽死死下，不過佢係皺下眉頭，我抱番佢又無野，不過媽媽都係擔心，諗住聽日同佢搵醫生check下~~~~~

今日展圖豬唔知點解有條頭髮成日樹起左，媽媽覺得佢即時好似「天線得得B」

今日媽媽帶展圖豬去見舊同事

今日媽媽約左AIA既舊同事夜晚食飯，因為靚師奶(舊同事之一)話想見展圖豬，所以媽媽就帶埋展圖豬出去啦！

食飯地點係旺角金龍船，由於早兩日媽媽買左maclaren架士的車個雨檔好似有d問題，所以媽媽就順便去新世紀mothercare問下，佢地俾個舊款我睇，原來呢個係新設計，所以唔同左，另外因為上次見到有個車仔袋，個樣都幾靚，所以媽媽又買左啦！

跟住媽媽就帶展圖豬去食飯，一去到因為未齊人，所以就餵左展圖豬食左糊仔先，今次展圖豬都算好合作下(無喊)，最多係lur番出黎，餵完糊仔之後再餵埋奶，嘩~~~~差不多清晒，今日好叻仔！

到展圖豬食晒野，所有人都黎齊lu，我地就開始食飯，媽媽有安樂茶飯食lu~~~~~食到九點半左右就方屋企lu~~~~~

呢個就係媽媽買既車仔袋啦!前面放奶樽果個位係用魔術貼貼住，可以拆出黎嫁~~~~

媽媽今日去左聽講座+買展圖野

因為之前響baby kingdom報左一個講座《部署進入優質學府，由零歲開始！》，所以今日下晝二點媽媽要去油麻地YMCA，之前因為媽媽見到d人話aprica highchair套返左貨，所以去護協睇下，順便去買支康漾既浴油俾展圖豬，之但係一去到護協，真係嚇左一跳，竟然迫滿晒人，一個細細既舖竟然有成二十幾人，中間仲要有好多大肚媽媽，場面真係好震憾！響護協媽媽見到有richell既幼兒防走失帶，媽媽之前響citisuper見過賣$140果時已經想買，因為佢除左可以防走失用之外仲可以等小朋友食飯時，將條手帶圈實小朋友落張椅度，等佢唔會咁易跌落黎，不過諗住反正都未用，而且吉之島果d都應該會有，所以諗住等吉之島果d特價先去買，結果今日竟然響護協睇到仲要係$115，真係平好多呢！(媽媽越黎越師奶啦！)

不過護協果度既highchair套已經賣晒，唔通又要等多幾個月？媽媽已經由上年十月等到依家，好在媽媽靈機一觸記起永安係有得賣，即時打去check，結果係得一個咁大把，媽媽即時叫佢留貨然後行去買，都好在叫買到，因為媽媽預計展圖豬如果遲d學食野一定係搞到好污糟，所以一定要預備定先。

之後媽媽即刻搭車去聽seminar，中間因為時間太緊迫，所以用左10mins響吉野家食左個飯，聽seminar聽到第二個speaker既尾段媽媽已經走左，一來媽媽聽唔明第二個speaker想講咩，二來最尾個speaker係marcus wong，係講同小朋友儲錢，媽媽之前做aia已經聽唔少，再加上今日媽媽仲有一個任務，所以就走先lu~~~~~

原本ymca門口有車去新世紀，所以媽媽諗住去荷花就好方便，一出門口已經有少少雨，仲要撞著一個飛站既司機，真激氣！好在媽媽今日著gortex啫，如果唔係就慘啦！今次去荷花係諗住買部maclaren quest既士的車，因為媽媽用aprica架車同展圖豬返學覺得上落地鐵好輪盡，架車好難up起，有次由地鐵過月台差d look低展圖豬，而且又唔可以坐得好直，坐起身又好似有d迫，之前媽媽已經帶展圖去荷花睇過一次，但係因為攞唔定主意買quest定係xt所以無買，年初一去新城市荷花又無開，所以又無買，今日特登去諗住買啦！點知淨係見到部粉紅色，問個staff有無得訂第二度色初時又話有，後來又話無，都唔知佢想點，好在新世紀仲有間mothercare，所以媽媽去左睇，結果竟然有媽媽最想要既純灰色，所以雖然無discount比荷花貴d，盛惠$1849，但都買左返黎！

返到屋企餵完展圖豬食糊仔同飲奶就同婆婆落街食飯，咁媽媽當然係試下新車，真係超好推，而且開關都好方便！

加左防污套既highchair

richell幼兒防走失帶

展圖豬肯食米糊啦！

今日係第一日展圖開始食豬肉，之前試過香蕉、蘋果、啤梨、菜芯、蛋黃，之但係樣樣都唔啱食，所以媽媽都唔敢抱任何希望啦！

媽媽早兩日響citisuper買左一塊organic pork chop，嘩~~~~超貴！一塊細細塊都會30幾~~~~上次買蛋又係58蚊得果6隻~~~~~可能媽媽都要考慮下係咪連肉類都俾organic food展圖啦，因為我見organic meat除左豬同羊之外，雞要買一隻，牛肉又無，唔通淨係俾佢食豬肉咩，營養應該唔均衡~~~~~~

到夜晚整好俾展圖豬食，第一啖都係唔想食咁，但係第二啖開始好肯食，不停開大個口，又用隻手推我俾佢食，食得超快，全程無喊過，媽媽見到真係超開心~~~~~

到左夜晚臨訓，媽媽餵完奶抱展圖豬入房，諗住俾佢訓覺，點知展圖豬用番兩隻手圈實我條頸抱番住我，媽媽即刻勁開心，仲問婆婆同爸爸之前有無試過，原來係展圖豬第一次識得抱番住人阿！

展圖豬新技能

近個兩個星期爸爸教識左展圖豬一項新技能，就係識得捉住我地既手指俾我地拉佢起身，所以今日媽媽捉左爸爸同展圖豬出黎示範，比大家欣賞下！

展圖拉手指起身

同場加映污糟貓

今日係爸爸生日

今日係爸爸生日~~~~~不過爸爸早幾日竟然唔記得左，仲約左個客上studio影相，真係~~~~~(無言)

不過好彩爸爸因為上晝同下晝要做野，所以媽媽安心可以整蛋糕啦！因為由拍拖開始，爸爸既生日蛋糕每年都係由媽媽親手整既，今年媽媽決定整咖啡慕士蛋糕，不過唔知係咪成年無用過焗爐整野，所以今次第一個蛋糕底竟然唔熟~~~~好失敗，咁耐以來都除左最初學整蛋糕，呢次係第二次，因為之前無諗過會失敗，所以屋企唔預多d野，唯有即刻落街買雞蛋~~~~~真係好論盡！

不過好在終於都成功左，但係因為今次媽媽論盡，唔記得響舖頭帶返把火槍返黎，所以個蛋糕甩模甩得好肉酸，一忽忽咁，不過好在都好食~~~~~

澳門珠海二天遊第2日

今日媽媽同爸爸起左身之後就響酒店checkout啦！然後過番澳門，直到金沙食lunch buffet，今次媽媽既評語係差左好多，爸爸鐘意食既長腳蟹細條左，少左，無咁新鮮，其他各樣都好一般，不過媽媽發覺左佢有一隻法國啡蟹個蟹蓋超好食，如果鍾意食糕一定覺得正，成個蓋都fill滿晒糕，之但係媽媽都怕膽固醇過高，所以食左一隻就收手啦！

之後爸爸例牌係賭一舖大細500蚊~~~~~媽媽見親都好悶，因為爸爸要睇好耐先賭~~~~媽媽既見解係，係你既係你，唔係你既睇幾耐都無用，而且加上媽媽不嬲唔賭錢，所以唯有周圍行下等下爸爸，不過好在行左個圈之後爸爸已經ok啦~~~~~~(輸左500蚊)咁我地就搭shuttle bus去威尼斯！

到左威尼斯，感覺，都靚，但係好迫人，所以無咩心機，不過難得想行既dg香港無開，但係澳門又見到，所以行左一行，之後就走lu~~~~~

離開威尼斯去左澳門旅遊塔，因為搭船果陣見到話旅遊塔有達文西展覽，所以過去睇下，一睇就睇下成2個幾鐘，我其實都未完全睇晒，不過真係企左2個半鐘好攰，所以無再睇落去，但係我真係好佩服，點解一個人可以有咁多構想，對好多野都可以咁精通~~~~~？

跟住我地響旅遊塔飲左杯咖啡，就去左福隆新街食肉丸粥同煲仔翅，食完之後媽媽同爸爸諗住睇下可唔可以有後補位早d搭船返香港，結果企響度等左兩個鐘，早左45分鐘返香港，媽媽即刻覺得超辛苦，有排請我都唔會再去澳門~~~~~！

媽媽同爸爸今日要去澳門同珠海兩日呀！

今日一早媽媽同爸爸出發去澳門啦~~~~~因為之前媽媽買左2套澳門既來回船票，而爸爸又話佢上次去澳門做野都無時間食野，所以今次趁過年就同爸爸去澳門一次順便過珠海按摩同住一晚。

第一日一去左澳門我地就直去珠海，首先去左書城同酒店checkin先，今次媽媽係經網上訂酒店，經過上年去澳門住左一間好差既話酒店其實好似賓館既野，今次媽媽穩陣d訂番5星，雖然珠海人地話酒店差過澳門，5星唔夠5星，只係得3星咁上下，但係媽媽都覺得ok，至少房間乾淨，光猛，張床夠大又ok舒服，而且全間酒店有暖氣！(今年得果幾度，呢樣野超緊要)

Check-in左之後我地去番關閘附近按摩，媽媽由有左展圖豬4-5個月左右已經無按摩，最初係因為有bb，之後就係要湊佢，然後係舖頭忙忙忙，今日終於可以按番夠本，同爸爸按一個鐘腳+2個鐘身之後，本來媽媽話去食譚魚頭，不過爸爸話想食海鮮多d，所以我地去左之前有地講既灣仔海鮮街，果度好得意，條街中間全部係賣海鮮既檔口，兩邊就係代工煮海鮮既舖頭。我地揀左聖子、帶子、鮑魚仔、花甲、賴尿蝦，一共買左二百幾蚊，再去間舖頭煮，加多個菜代工加埋其他酒水都係$140，呢餐食左3百幾，但係幾好食，口味好啱香港人，好味過之前人地帶去深圳湖貝路食果d海鮮，唔會話細細隻，無野食。食完之後我地又去關閘又書城行，因為媽媽之前走果時，先發覺書城入面有一part未行，媽媽想要買d書俾展圖，所以又返去。結果媽媽買左一d大圖咭同幾張大海報，又後就返酒店休息啦！

年初一

今日係大年初一，黎展圖過第一年新年，今日行程好緊迫呀！同展圖豬著好件老鼠衫(媽媽秋天已經買定啦！)，揹好個背嚢(裝展圖豬d利是)就出街啦！

朝早我地去爺爺嫲嫲屋企拜年同食開年飯，姑媽因為啱啱去完日本，仲特登買左幾件衫送俾展圖豬添！食完飯之後，我地就入馬鞍山去四姨婆屋企拜年，嘻嘻一去到，個個就搶住同展圖豬玩，媽媽同爸爸就趁機閃左去新城市行街~~~~~之但係因為搭巴士出去都好耐，媽媽同爸爸響巴士都訓到死左咁滯~~~~~無辦法年尾前舖頭忙到傻左，訓都無得訓，媽媽落巴士果陣仲暈下暈下，企唔穩撞左落人地度，好瘀呀！

行街行左唔夠一個鐘又要返去啦~~~~因為展圖豬食米糊進度未如理想，所以今日就放佢一日假啦！

個個都讚展圖豬易湊好乖，食奶又快，又唔喊，玩到攰就算嘈得好緊要都訓得好好，媽媽真係覺得超威風呀！

展圖米糊進度，今日食香蕉啦

因為展圖豬已經食左3日淨米糊，今日可以加新野啦，媽媽之前已經買左幾樽babyfood俾佢，今日揀左香蕉，因為聽過其他媽媽話加左香蕉d米糊會香d，佢地d小朋友都好鍾意食，但係結果都係展圖豬唔鍾意食~~~~~~(灰晒)

展圖豬食米糊進度

今日餵展圖豬米糊，喊得好利害，媽媽見到真係肉都赤埋，但係唔餵又唔得，之後真係喊得好犀利，唯有停手，媽媽試食過，其實味道同佢d奶一樣，因為d米糊要用佢d奶開，咁即係唔關味道問題，究竟要點樣佢先可以食得開心d呢？

展圖豬6個月大啦~~~~第一次食糊仔！

今日係展圖豬6個月大，亦都係佢第一日食米糊，響兩個星期之前媽媽已經超期待，仲一早已經買定幾盒唔同味，唔同牌子既米糊俾佢。

今日一早同展圖豬返playgroup，落堂之後，媽媽等登去citisuper買件食飯衫俾佢，因為之前響citisuper見到已經覺得幾好，諗住睇下其他地方仲有無得賣得平d，結果都未見過，所以唯有返去買，大家可以響段片度睇到件衫，除左佢可以拆左變短袖之外，仲係長身，下底可以加兩個吸盤吸落highchair個餐盤度，等可以兜住跌落黎既野食，等佢大小小自己學食飯就超有用。

到夜晚開糊仔俾佢食，結果係大失敗，唔知展圖豬係唔鍾意D味定支匙，定係個testure，總之好唔鍾意(汗！)媽媽仲一心諗住展圖豬平時飲奶咁快一定好為食，好鍾意食新野添~~~~~

媽媽去左教育展

因為敏兒之前話俾我知呢幾日HKCEC會有一個兒童教育展，雖然媽媽呢排忙到死死下，而好多人又話無野睇，但係都要去一次，話說我下午3點出發去會展，好好彩一等就有車，唔駛幾個字就到左，買門券果度又無人。

入左場媽媽即時search下有咩playgroup啱展圖豬，真係唔多，行勻成個場都係得果3間，其中一間仲要係kindu，媽媽係咁意攞d課程資料就行其他野，逗留時間最耐係一間賣蒙特梭利教具既公司，佢地有一套教具係for 6個月bb可以開始玩，媽媽睇到心郁郁好想買，不過要成萬三蚊~~~~~~~唉！又係萬萬聲，今次媽媽真係要諗下啦！

媽媽今日響個場買左first teeth牙膏2支(送矽膠手指牙刷)、smart fist6包、兩個搖鈴(之前響kinderu玩過，我覺得又好聽又易拎)，仲有一套rainbow bell(媽媽好鍾意覺得好聽又靚，仲可以教音階同顏色。

行左兩個鐘(無咩行都行左兩個鐘，8月果個expo睇黎要行足一日)，媽媽即刻搭車落銅鑼灣，去Venture攞相，攞完相又去左華麗園買年糕(因為華麗園d年糕低糖，諗住買俾老爺)同去左么鳳八下，見到有婆婆鍾意既日本軟糖又買左一磅，跟住就大包小包咁番屋企，好左又係一去到車站就有車，媽媽7點幾已經返到屋企啦!

今日係爺爺生日

今日係展圖豬既爺爺生日，原本諗住過爺爺屋企附近食，但係因為姑媽病左，又凍又落雨，所以嫲嫲建議不如改去我地樓下既酒樓食飯，費事我地帶住展圖走到咁遠咁辛苦。

今日媽媽叮囑爸爸記住返黎時要攞左蛋糕先，因為媽媽之前醒起爺爺有糖尿病，所以呢幾年都無咩食過甜野，蛋糕當然不在話下，所以之前問定人，原來太子果間「貴族蛋糕」有代糖蛋糕，所以尋日特登出去訂左一個番黎。

食完晚飯(今次晚飯婆婆唔食啦，因為婆婆感冒病左幾日，媽媽之前煲定粥俾婆婆肚餓可以食)之後爺爺、嫲嫲同二叔上黎切蛋糕，爺爺食得好開心，食左兩大件，本來媽媽都擔心訂2磅蛋糕得5個人食會食剩，結果可能太好食，所以二叔同爸爸同包辦晒淨番果d。

不過美中不足係原來佢地唔係用代糖忌廉，同d糖衣都唔係代糖做，所以下次唔係咁忙既話媽媽打算都係自己造番，咁爺爺就可以成個蛋糕都食得。

展圖豬上報紙呀

展圖豬今日真係上左報紙呀！今日婆婆一早去游水，就順便買份「明報」睇下有無展圖豬張相，佢見到展圖豬有兩張相，仲係好大張添，跟手就買多份，諗住一份keep好係記念，一份就show俾d friend睇。

婆婆一番到屋企，就抄醒仲係睡夢中既媽媽，好開心咁話俾媽媽知，之後媽媽又話俾爺爺知，之前唔敢講呀，因為唔知展圖豬張相會唔會太細張/無相，唔想爺爺失望。跟住爺爺就叫嫲嫲去買，之後仲講話要過膠添呀！

媽媽今日仲有幾個fd買左，打黎話我知添~~~~~展圖豬竟然有蕃薯(fans)？

無買既朋友都可以去下面條link睇下明報個網頁

http://happypama.mingpao.com/cfm/parenting3.cfm?File=20080106/newa/oda3.txt

http://happypama.mingpao.com/cfm/parenting3.cfm?File=20080106/newa/oda1.txt