煎焗豬扒拌法式芥末子汁（附食譜）

今日呢個食譜係響網上學返黎，見到人地整得個樣幾靚，屋企又有樽法國芥末醬未用，就即刻試下。圖圖見到個色，好似BUBU咁唔肯食，點知婆婆TUM佢食左一啖後，即刻話好味，媽媽勁開心呢！

煎焗豬扒拌法式芥末子


豬扒　　　　５　　　ｐｃｓ
蒜粉　　　　２　　　ｔｓｐ
鹽　　　　　１／２　ｔｓｐ
法式芥末醬　４　　　ｔｂｓｐ
法式芥末籽　３　　　ｔｂｓｐ
牛奶　　　　５　　　ｔｂｓｐ
糖　　　　　４　　　ｔｓｐ

1. 豬扒用蒜粉及鹽略醃後，封煎至2面金黃
2. 焗爐預熱240C
3. 所有醬料隔水煮至起泡
4. 醬料倒在豬扒上焗5分鐘


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

無心插柳下的手製鮮牛油（附食譜）

媽媽既朋友聽日生日，佢好鍾意綠茶味既蛋糕，所以今次媽媽會再整生朱古力綠茶蛋糕，蛋糕既食譜之前已經post過，所以唔再寫多次，有興趣可以click下面條link睇返。

http://blog.yahoo.com/_XBVWTA2GP64BUYANDPCBAXKJCU/articles/15359

事原媽媽應該早2日買定淡忌廉，但因為實在太忙，又或者可能話我實在太「宅」，一放工就想要飛奔返屋企，所以一路拖下拖下。原本諗住去樓下超市買，心諗都係貴拾幾蚊，當慳返時時間豪俾佢又點話，點知一睇當堂眼都突埋，1L既淡忌廉賣過百蚊，baking store都只係賣緊5x咋喎，有無食水咁深~~~~~唯有放工死死地氣去公司附近既bakng store買。

因為即日要整，所以都即刻入雪櫃，仲較低雪櫃櫃既溫度，諗住雪返幾個鐘應該都ok。

點知太老定，倒左d淡忌廉落去部kitchen aid打時，仲要行開，大家教知淡忌廉唔夠凍時打會點，登登登登，就係油水分離!!!!!媽媽當堂真係欲哭無淚!好在check下剩低既淡忌廉都夠打多次，不過呢次即係醒左。將d淡忌廉放入不锈鋼盤坐冰水再入雪櫃雪多半個鐘，即時夠凍ok晒。

但果盤油水分離既又點搞，果度都係250g????唔通倒左去~~~~，雖知道近年淡忌廉真係加到好鬼貴，倒左去勁浪費，心痛死!!!好在突然諗起之前見過篇blog話淡忌廉打到油水分離可以整牛油，就即刻上網摷資料。

見到大部份網頁都係話1份淡忌廉加1份水，打到油水分離，剩低既一舊舊就係牛油，只要倒走d水，再用食水洗d牛油3-4次，再用篩/濾紙濾走d水份，再加少少鹽攪勻就係鮮牛油。

但我無用水加埋打喎又得唔得呢，後來摷到外國一個blog原來係唔需用水打都可以，而且無加水既話，油水分離出既水份就係buttermilk，仲可以用黎做包包或者miffin，我之前做過蕉糖蘋果muffin就係要用buttermilk，但係buttermilk唔係所有超市都有，而且保存期短，下次整可以無需特別去買。

至於做法其實係同上面一模一樣，而且我試過鮮製牛油真係好軟滑呢。




如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

煙肉雞卷配車厘子汁（附食譜）

琴晚半夜已經勁行雷，為朝起身諗住返工時，睇到天文台發出黑雨謷告。得到一日額外既假期，當然圖圖都放一日假。突然有一日假當然覺得開煙肉雞卷心，但係又覺得自己好衰，因為始終有人會受到影響。不過圖圖就話鍾意返學多D。想來可能因為佢地學校無功課壓力，同小班教學，所以先咁開心。如果香港所有既學校都係咁，我諗所有小朋友都會開心好多，大人又會舒服好多。

早排整意粉用剩少少煙肉，呢2日見到呢幾日有幾靚既車厘子賣，就決定整煙肉雞卷。呢個雞卷其實都幾易整，而且又香口好味。而呢個汁又酸酸

煙肉雞卷配車厘子汁


雞扒　　　３　　ｐｃｓ
煙肉　　　６　　ｐｃｓ
鹽　　　　１　　ｔｓｐ
迷迭香　　２　　ｔｓｐ
黑椒　　　ａ　ｌｉｔｔｌｅ　ｂｉｔ
紅酒醋　　５０　ｍｌ
糖　　　　２　　ｔｂｓｐ
車厘子　　１０　ｐｃｓ
牛油　　　１０　ｇ


1. 雞扒去皮，加入鹽、迷迭香及黑胡椒略醃


2. 用煙肉卷著雞扒，以牙簽固定
3. 用錫紙包裹，以180C焗30分鐘
4. 從焗爐中取出，以小火煎香煙肉
5. 切件後上碟
6. 車厘子去核切半
7. 紅酒醋加熱後加糖，加係車厘子後煮滾，熄火後加入凍牛油

*個汁要視乎用緊既紅酒醋酸度而加幾多糖，我呢隻係偏响較酸，大家整個汁時最好中間試味。


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

給小朋友的熊貓曲奇(附食譜)

早前媽媽買了一套很可愛的熊貓曲奇模具，見到這幾天不太忙，所以便做一些。讓圖圖帶回學校跟小朋友一同分享。

印模曲奇（約２０塊）

牛油　　　１００　ｇ
糖霜　　　６０　　ｇ
蛋　　　　４０　　ｇ
低粉　　　２００　ｇ　　
發粉　　　２　　　ｇ
鹽　　　　２　　　ｇ

1. 牛油＋糖粉打鬆，拌入雞液
2. 以切半法加入已篩低粉、低粉及鹽
3. 雪入冰格最少１小時
4. 180C焗9-12分鐘

* 朱古力味道用20g可可粉代替低粉

(食譜轉載自Vanlily)

結果回家後圖圖告訴我，他一塊也沒有吃，都派給了小朋友，問他為甚麼？他竟說因為他已在家中吃了一塊。真是好氣又好笑，不知該說他是太大方，還是太過笨。


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

梳打餅絶配- 吞拿魚蛋沙律（附食譜）

今日呢個吞拿魚沙律夾麵包勁好味。如果配梳打餅或者烘脆既法包，加上少少蕃茜做裝飾，朋友上黎做小食一D都唔失禮。

吞拿魚蛋沙律


吞拿魚　　　１　　　　　ｃａｎ（小）
烚蛋　　　　４　　　　　ｐｃｓ
洋蔥　　　　１／２　　　ｐｃ　（小）
火腿　　　　２　　　　　ｐｃｓ
沙律醬　　　５　　　　　ｔｂｓｐ
糖　　　　　４－１／２　ｔｓｐ
鹽　　　　　１／２　　　ｔｓｐ
黑胡椒　　　ａ　ｌｉｔｔｌｅ　ｂｉｔ

1. 烚蛋、洋蔥、火腿切成小細粒
2. 吞拿魚隔去水或油份
3. 所有才料加在一起撈勻

* 因為想要健康一點，所以我用水浸吞拿魚，如果想要香一點可以用油浸的
* 可以用三文魚罐頭代替吞拿魚罐頭

蘿勒火腿PIZZA（附食譜）

呢個係Jamie Oilivia既pizza麵糰食譜，我做pizza多數會用佢黎整，原因只有一個，就係~~~~~快!因為呢個食譜個麵糰係唔需要發酵，所以我覺得勁方便。因為有時做pizza時好鬼肚餓，但又要等就真係好鬼陰公。

我個pizza除左個面糰要食譜外其他都隨心，亦即係所謂求其，只係見到買到咩就用咩無咩等別喜好。今次就淨係用左蘿勒同埋香檳火腿，而個底我一向都係偷懶塗上一層厚厚既茄膏就算。

Pizza麵糰(3個8")


高粉　　　２５０　ｇ
快速酵母　５　　　ｇ
鹽　　　　３　　　ｇ
糖　　　　７　　　ｇ
橄欖油　　１　　　ｔｂｓｐ
水　　　　１４０　ｇ

1. 所有材料搓成糰即可。

*水量要隨天氣及面粉吸水量而+-20g


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

醬燒豬仔骨（附食譜）

呢個主菜係我一向最鍾意既，簡單易整又好味，爸爸話呢個係我既拿手好戲，每逢節日或者宴客既必備菜式。因為做出黎真係同美國餐廳既一樣，絶對唔會比任何餐廳差。而且呢個豬仔骨最正係可以一早整好焗定包埋鍚紙放入冰格，要食時原條拎入焗爐焗熱，再加返少少醬汁就ok，所以我每次整呢個都會整多一兩條，以備不時之需。

醬燒豬仔骨(2條)


豬肋骨　　　２　　　ｐｃｓ
ＢＢＱ醬　　１００　ｍｌ
茄汁　　　　５０　　ｍｌ
糖　　　　　３　　　ｔｂｓｐ
喼汁　　　　２　　　ｔｂｓｐ


1. 豬肋骨洗淨以廚房紙抺乾
2. 醃料用一半醃豬肋骨2天
3. 用180C焗50分鐘，首30分鐘以錫紙包著
4. 後30分鐘打開錫紙，不時之剩下的醃汁塗上豬肋骨，以免焗乾

* BBQ醬我分別用過HUNT'S及WESTERN FAMILY的，覺得WESTERN FAIMILY的HONEY BBQ SAUCE比較合自己口味

顛左既蔥油餅（附食譜）

顛左係因為做呢個蔥油餅。雖然婆婆同爸爸都話幾好，但係第一次做出黎覺得唔似心目中既味道同TEXTURE。即刻上網快快手手咁搵多個食譜，又再SEARCH唔同既做法，自己又改少少，終於1日做左3個食譜出黎比較。終於做到一個比較合心水既。

蔥油餅(4個10cm直徑)


高筋粉　　　１００　　ｇ
低筋粉　　　１００　　ｇ
鹽　　　　　１／４　　ｔｓｐ　（搓麵糰用）
熱水　　　　１１０　　ｇ
凍水　　　　５０　　　ｇ
蔥　　　　　１００　　ｇ
鹽　　　　　１／２　　ｔｓｐ　（醃蔥用）
油　　　　　ａ　ｌｉｔｔｌｅ　ｂｉｔ

1. 蔥洗淨，風乾及切細，加入鹽醃一會
2. 麵粉及鹽加入熱水攪勻，略凍後加入凍水搓成糰
3. 放麵糰的容器蓋上濕布，休息20分鐘
4. 工作枱上塗油，麵糰檊至極薄，檊破也沒有所謂
5. 面皮上塗油撒上蔥，摺成風琴形成一長條
6. 捲起成一塊圖形面餅
7. 煎用手略為壓平，然後2面煎至金黃
8. 煎好後用鑊鏟砸幾下，讓層次更為鬆開

日式叉燒（附食譜）

琴晚諗住今日會整烏冬做晚餐，日式烏冬配日式叉燒係最好，啱啱呢排上網見到原來日式叉燒可以自製就試下啦。

日式叉燒我見之前都要用棉繩紥實舊肉，但網有都有2種做法，1係用原條豬柳紮起，2係用切成1cm厚既豬肉卷埋一齊紥起。初次做考慮到切開左既豬肉應該會入味d，所就試左1cm既做法。

日式叉燒


梅頭豬扒　　５　　　ｐｃｓ
水　　　　　８００　ｍｌ
冷麵汁　　　７５　　ｍｌ
梅酒　　　　７５　　ｍｌ
味醂　　　　５０　　ｍｌ
日本鼓油　　４　　　ｔｂｓｐ
薑　　　　　ａ　ｌｉｔｔｌｅ　ｂｉｔ
蔥　　　　　ａ　ｌｉｔｔｌｅ　ｂｉｔ
冰糖　　　　２　　　ｐｃｓ（ｌａｒｇｅ）
棉繩　　　　１　　　ｐｃ

1. 梅頭豬扒用棉繩紥成一條約3吋直徑肉卷
2. 薑數片拍鬆，蔥只要蔥白切段
3. 放入鍋內下少許油煎至4面金黃
4. 加入薑及蔥爆香
5. 加入其餘材料，水要蓋過肉，煲至滾後改用小火煲45分鐘
6. 不要開蓋，全煲放至凍
7. 入雪櫃浸8小時
8. 出雪櫃後切片

*如果想要加蛋，可以在入雪櫃前將烚熟的蛋放入汁料內
*今次因為舊肉係用切厚片豬扒做，所以切出黎時好散同埋厚，相入面果幾塊已經係最原整，下次會試下用原條豬柳整
*呢個食譜係我自己改左，網上好多食譜都係用日本鼓油、水、味醂、清酒、鰹魚粉浸，但因為我啱啱用剩少少日本鼓油，所以就自己調味。

小魚兒 lunch box

早些時候，圖圖又再次叫媽媽同佢做公仔lunch box。這個雖然花時間，但圖圖要求，自己能力做得到，當然應承。只可惜今日無咩創意，是是但但咁做，所以賣差了點。

朱古力麵包布甸（附食譜）

這個食譜是早幾個月在明珠台上的一個飲食節目上看到的，是甚麼節目已忘記了，但見到那位廚師用糖的份量不多，應該比較適合香港人的口味，而且材料及做法也都很簡單，所以就記了下來。今天想起了，就買了所需用的朱古力酥來做。

朱古力麵包布甸 (4人份量)

奶　　　　　２２５　　ｍｌ
黑朱古力　　７５　　　ｇ
蛋　　　　　２　　　　ｐｃｓ
黃糖　　　　２　　　　ｔｓｐ
雲呢拿油　　１　　　　ｔｓｐ
朱古力酥　　２　　　　ｐｃｓ
提子乾　　　４　　　　ｔｂｓｐ
原蔗黑糖　　ａ　ｌｉｔｔｌｅ　ｂｉｔ

1. 提子乾浸rum酒過夜
2. 將奶加熱後，放入朱古力攪勻
3. 蛋及黃糖打勻
4. 將朱古力奶加入蛋漿內攪勻
5. 朱古力酥切片
6. 依家放上朱古力酥，提子乾及朱古力蛋漿
7. 浸5-10分鐘
8. 180C焗15-20分鐘
9. 撒上原蔗黑糖後，用火槍燒面

* 原食譜用杏仁酒浸提子乾過夜，但係我無，所以改用RUM
* 焗時要留意，如果朱古力包已乾身最好放張錫紙上面以免太燶


呢個因為個面燒過，所以脆脆地好香口，而且真係唔算甜，幾好味呢!

果餡焗雞卷 （附食譜）

這個是在網一找到的一個食譜，原想找的是想要找做煙肉雞卷的車厘子汁食譜，不意竟找到這個，見到很容易做，而且果餡雞卷應該很適合夏天食，感覺無咁heavy。

果餡焗雞卷

雞胸　　　　３　　　　ｐｃｓ
洋蔥　　　　１／２　　ｐｃ
青蘋果　　　１　　　　ｐｃ
杏脯肉　　　５　　　　ｐｃｓ
提子乾　　　１　　　　ｔｂｓｐ
上湯　　　　２　　　　ｔｂｓｐ
蘋果汁　　　２　　　　ｔｂｓｐ
蘋果醋　　　１　　　　ｔｂｓｐ
鹽　　　　　１／４　　ｔｓｐ
ｃａｊｕｎ　１　　　　ｔｓｐ　
糖　　　　　１　　　　ｔｓｐ
黑胡椒　　　ａ　ｌｉｔｔｌｅ　ｂｉｔ
牛油　　　　ａ　ｌｉｔｔｌｅ　ｂｉｔ

1. 雞胸中間切一刀起雙飛，用刀背拍扁後加入鹽及cajun醃一會
2. 洋蔥、青蘋果各半個及杏脯肉切丁，用牛油加上糖及黑胡椒炒一會成果餡
3. 將果餡放上雞肉上，然後卷起，用牙簽拮好，至果餡不會漏出
4. 用平底鑊略煎一會至金黃，放入鑄鐵鍋180C焗15-20分鐘
5. 焗完雞後的肉汁、蘋果汁、蘋果醋及上湯煮一會，加入凍牛油煮至濃
6. 淋上切開的雞卷上

（食譜改自~CANDICE KITCHEN~自家浪漫美食行）

*原食譜放焗雞卷時在頭尾各放一粒丁香以增添香味
*青蘋果我用半個切丁做果餡，另外半個我用調理機打蘋果蓉過篩成成蘋果汁用

Ｃａｊｕｎ粉
Ｐａｐｒｉｋａ　　　　　　　　２　　　ｔｂｓｐ
Ｇａｒｌｉｃ　ｐｏｗｄｅｒ　　１　　　ｔｂｓｐ
Ｇｉｎｇｅｒ　ｐｏｗｄｅｒ　　１　　　ｔｂｓｐ
Ｏｎｉｏｎ　ｐｏｗｄｅｒ　　　１／２　ｔｂｓｐ
Ｃｈｉｃｋｅｎ　ｐｏｗｄｅｒ　１　　　ｔｂｓｐ
Ｄｉｌｌ　　　　　　　　　　　２　　　ｔｂｓｐ
Ｂａｓｉｌ　　　　　　　　　　１　　　ｔｂｓｐ
Ｓｅａ　ｓａｌｔ　　　　　　　１　　　ｔｂｓｐ
Ｂｌａｃｋ　ｐｅｐｐｅｒ　　　１　　　ｔｂｓｐ
七味粉　　　　　　　　　　　　１　　　ｔｓｐ

1. 將所有材料用調理機打碎

* 原本Cajun粉是用Cayenne Pepper Powder唔係七味粉，只不過我會俾小朋友食怕太辣，所以改用七味粉
* 其實Cajun粉可在citisuper買到，不過我屋企有以上材料就自己整
* Cajun粉可以用黎整焗薯，其實呢個味我覺得好似福麵d味粉個味
* 我只係做左1半份量，但係已經有1小樽夠用好幾次

慶祝媽媽節 - 泰式菠蘿炒飯（附食譜）

今日係媽媽節，雖然我都係媽媽，但係都會煮飯，因為我鍾意煮飯。

前幾日行超級市場，聞到d菠蘿好鬼香，忍唔住手買左2個。菠蘿我通常只會整3樣野，最多係就咁焗乾身少少就咁食，然後就係整生炒類既餸，最尾就係炒飯。見好似好耐無用過菠蘿炒飯，就整佢啦。

泰式菠蘿炒飯(4人份量)


飯　　　　３　　碗
蛋　　　　１　　隻
菠蘿　　　１　　個
中蝦　　　１０　隻
雞柳　　　２　　條
雜豆　　　２　　湯匙
肉鬆　　　適量
咖哩粉　　２　　茶匙
椰糖　　　１　　湯匙
魚露　　　２　　湯匙

1. 雞柳切丁，蝦洗淨去腸去殼，蛋發勻。
2. 雞肉煎熟，移到鑊邊，煎蝦至熟，與雞肉一同放鑊邊，倒入蛋漿炒成蛋鬆。
3. 加入飯、雜豆及調味料炒勻
4. 加入菠蘿略炒後上碟
5. 飯面撒上肉鬆

*可加入提子乾及腰果炒，腰果要先炒香
*咖哩可買辣/不辣，因為我會給圖圖吃，所以今次用不辣的
*我用的是40度魚露，比一般的淡，用一般魚露可著量減少

清熱香茅蜜糖茶（附食譜）

第一次飲到呢個香茅蜜糖茶係幾年前響杜拜既機場，當時個人超熱，杯野都係熱既，但飲落去係覺得幾舒服同好飲。由細到大圖圖都未飲過涼茶，因為試過有親戚煲過中藥，飲完後有肝炎，醫生話係因為D中藥唔乾淨引致。雖然圖圖有打過肝炎針，但總係心理上覺得唔係幾好。後來知道香茅原來有清熱既功效，所以每逢夏天見到平既時候都會買返d煲黎飲。

不過香港一向唔算太平，所以試過去泰國旅行經過當地市場買左一大袋返香港。咁啱早2日去吉之島做緊泰國食品節，16.x已有2包香茅，所以就買左返黎煲水飲。

香茅蜜糖茶


香茅　　　１８　　　　ｐｃｓ
水　　　　２－１／２　Ｌ

1. 香茅切斷用菜刀拍扁。
2. 放入滾水中煲45分鐘。
3. 過篩，飲時加入蜜糖。

*這個飲品凍飲及熱飲均可，好似我同爸爸就飲開凍，圖圖同婆婆因氣管問題就飲開暖既。

收到圖圖從公民式老師果度學整返黎既熊貓康乃馨做既母親節禮物。

簡單韭菜豬紅（附食譜）

一向出街打冷既話媽媽一定會叫呢味餸，除左大眼雞既話，呢樣都係必食既。但唔知點解從來都未諗過煑食個餸？由於兩日做韭菜雲吞買得太多，仲剩返半斤，就咁炒又太少，仲好似有ｄ奇怪，所以就諗住試下試韭菜豬紅。

上網search過都唔係難整，只係衰在無份量，所以唯有發揮下自己既聰明智慧去試下。點知又幾ok喎！而且比街既少油好多，仲要無咁鹹。重要平過出街食超多，呢兜野我整左十蚊咋，除左炒菜都唔知幾耐未試過整到一碟十蚊既餸！

我諗住遲d整返餐打冷，整凍魚、韭菜豬紅、炒蜆、卥水鴨同卥豆腐，肯定100蚊都唔駛。想要豪dd可以整埋凍蟹添呀~~~~~！

韭菜豬紅

豬紅　　　１　　　斤
韭菜　　　１／２　斤
指天椒　　２　　　ｐｃｓ
濃湯寶　　１／２　盒
水　　　　５００　ｍｌ
鹽　　　　１　　　ｔｓｐ
糖　　　　２　　　ｔｓｐ
生抽　　　２　　　ｔｂｓｐ

1. 韭菜洗淨切段。
2. 豬紅洗淨出水。
3. 下油炒熟韭菜盛起
4. 所有調味下水煮滾，加入豬紅，滾後收細火，煮30分鐘。

慢焗橙鴨（附食譜）

呢個食譜焗既時間比較耐足足要焗足4個幾鐘，但係用既食材好簡單，而且好容易做，失敗率極低。

隻鴨因為經低溫長時間焗過，D肉入口好焾，但係唔會好散。鴨油既長時間焗過，所以已經迫晒出黎，唔會太肥，有淡淡既橙香同香草香，唔會覺得漏。

慢焗橙



鴨　　　　　１　　　ｐｃ
橙　　　　　４　　　ｐｃｓ
迷迭香　　　３。５　ｇ
百里香　　　１。５　ｇ
鹽　　　　　３　　　ｔｓｐ
黑胡椒　　　２　　　ｔｓｐ
橙酒　　　　３　　　ｔｂｓｐ
蜜糖　　　　ａ　ｌｉｔｔｌｅ　ｂｉｔ

1. 鴨洗淨，抺乾
2. 鴨身及鴨腔抺上鹽及黑胡椒
3. 3個橙刮出橙皮後，2個擠岀橙汁，另1個橙切厚片
4. 鴨身抺上橙皮及一層蜜糖
5. 鴨腔內放入橙片、橙汁、迷迭香及百里香，然後用鴨針鏠起來
6. 放入鑄鐵鍋內蓋上蓋以120C焗4小時
7. 鴨面塗上一層蜜糖，開蓋以250C焗至上色
8. 倒出煲內鴨油，只要鴨，1個橙切薄片伴碟用。

(食譜改自蘇三)

*如果想香可以用米鴨，想要瘦D可以用番鴨
*沒有鴨針的話可以用針線代替

流心芝士豬扒（附食譜）

無意中在網上看到這個豬扒，雖然要用炸，比較熱氣，但係好似好惹味，同埋幾得意就試做一下。

因為我買唔到薄豬扒，所以唯有將豬扒片開，一分為二，呢個過程係最浪費時間，而且仲要好小心，如果唔係好易介親手。其他全部都好簡單，係炸野比較大油煙。

流心芝士豬扒


豬扒　　５　　　ｐｃｓ
芝士　　４　　　ｐｃｓ
蛋　　　１－２　ｐｃｓ
鹽　　　１　　　ｔｓｐ
胡椒　　ａ　ｌｉｔｔｌｅ　ｂｉｔ
面粉　　ａ　ｌｉｔｔｌｅ　ｂｉｔ
面包糠　ａ　ｌｉｔｔｌｅ　ｂｉｔ
檸檬汁　ａ　ｌｉｔｔｌｅ　ｂｉｔ

1. 豬扒切薄片，用刀背拍鬆。
2. 加上鹽及胡椒醃一會。
3. 每片打開，中間夾上適當大小的芝士後對摺。
4. 每片分別沾上面粉、蛋漿及面包糠。
5. 放入雪櫃20分鐘。
6. 落油鑊炸至金黃。
7. 晒上檸檬汁。

*拍鬆豬扒時要小心，不要太大拍穿豬扒
*最用較濃味的芝士，如cheddar / parmasan cheese
*如果airfryer炸，可先用一湯匙油撈勻面包糠
*這個豬扒會比較漏，最好切小一點1-2口吃完最佳

是日簡餐 - 肉燥豆腐飯（附食譜）

呢排成久唔久就見到有網友煮肉燥飯，雖然媽媽未煮過，但係好似好容易咁，所以今日就試煮呢個。

因為圖圖一向放學後就肚餓要食飯(好明顯係響學校午飯食得太少)，所以當我返到屋企時婆婆話佢嗑住眼瞓食左一大碗，之後仲要添飯，呢樣極少有嫁，所以我真係勁開心。

不過今次係第一次整，所以份量大左少少。

如果鍾意可以加預先整好卥水蛋、豆腐及雞翼下菜，當然我今餐既紅腸係買既。

肉燥豆腐飯（８人份量）


紅蔥頭　　　１　　　　　ｂａｇ
攪碎豬肉　　８００　　　ｇ
生抽　　　　１２０　　　ｍｌ
片糖　　　　３／４　　　ｐｃ
五香粉　　　１－１／２　ｔｓｐ
酒　　　　　２　　　　　ｔｂｓｐ

1. 紅蔥頭切細，放入煲內用油爆香
2. 加入碎肉肉炒至轉色
3. 加入生抽、片糖、五香粉及酒，轉細火燜煮半小時

*因為我用LC煮，比較密封，如用普通煲要留意酌量減少燜煮時間
*全程不可以加水，否則會唔夠香

冬陰公‧魚湯‧雲吞（附食譜）

繼上次清冰格大行動後冰格多返少少位出黎，點知早幾日去街時又唔小心買多左。想要冰格黎緊鬆動D，有要繼續行動。好多人問我點解屋企有2個雪櫃，但點解冰格成日都無位，無他既因為我差不多任何未用既剩餘物資都會放入冰格。今日我摷到6個虎蝦頭同半打青口，唔好睇少呢6隻蝦頭，本身每隻蝦重300克，個個頭長過我隻手指，係我之前用黎整餸或者打邊爐時無用留返。加上屋企仲有1 Pack冬陰公湯香料同上次整芒果糯米飯剩返少少椰漿，買少少草菇，正好可以整個冬陰公。

至於個魚湯都好慳，上次整魚麵用左6條鯪魚，當時我叫魚販起肉，淨返果6條骨，就用左黎煲今次個魚湯。

至於個雲吞，因為太耐無包，唔記得晒ｄ份量，淡味左少少，下次過包過好味先分享。

冬陰公湯（２湯碗）


蝦　　　　　１／２　斤
草菇　　　　４　　　両
水　　　　　８００　ｇ
冬陰公香草　１　　　ｐａｃｋ
冬陰公醬　　７０　　ｇ
青檸　　　　１　　　ｐｃ
椰漿　　　　ａ　ｌｉｔｔｌｅ　ｂｉｔ
魚露　　　　３　　　ｔｓｐ
椰糖　　　　１　　　ｔｓｐ

1. 蝦洗淨去腸，頭和身分開。
2. 冬菇洗切半。
3. 南薑切片拍鬆，香芧切下只留近根部2-3吋拍鬆，瘋柑葉用手撕開幾片，指天椒切細。
4. 鑊下少量油，放入蝦頭煎至出蝦油，灒入滾水。
5. 放下草菇及冬陰公香草煮2分鐘。
6. 放入蝦煮及冬陰公醬煮至蝦熟。
7. 加入魚露及椰糖。
8. 熄火後加入椰奶及青檸汁。

*今次我只用了蝦頭，沒有加蝦肉，不喜歡蝦的話用魚代替亦可。
*可用白糖/紅糖代替椰糖。
*可用花奶代替椰漿，不加亦可。

魚湯（２湯碗）


鯪魚骨　　６　　ｐｃｓ
水　　　　３　　Ｌ
薑　　　　ａ　ｌｉｔｔｌｅ　ｂｉｔ

1. 鯪魚骨連一半薑煎香。
2. 煲起滾水，將鯪魚骨移入煲內，加入2片薑。
3. 收細火煲45分鐘。

迷迭香白酒青檸炆焗雞（鬼嫁食譜）

早幾天在Facebook見到有網友做這個雞，焗得超靚，而且說很好吃喔！剛剛家中差不多有齊所有的材料，所以就開工啦！雖然有少少焗過火，但是爸爸話好味喎!

迷迭香白酒青檸炆焗雞(食譜from鬼嫁)


材料 ：
全雞　　　　１　　　ｐｃ （1.5 kg 或兩斤半）
車厘茄　　　１０　　ｐｃｓ
青紅黃椒　　１／２　ｐｃ（切大塊）
洋蔥　　　　１／２　ｐｃ（切片）
白酒　　　　２００　ｍｌ

調味：
牛油　　　　５０　　ｇ
百里香　　　２　　　ｔｓｐ
迷迭香　　　５　　　ｔｓｐ
橄欖油　　　１　　　ｔｂｓｐ
青檸汁　　　１　　　ｐｃ
海鹽　　　　１　　　ｔｂｓｐ
黑椒　　　　１　　　ｔｓｐ
老抽　　　　２　　　ｔｓｐ

1 . 雞洗淨內外，用廚房紙抹乾，牛油煮溶備用
2 . 雞胸內掃入1/2 湯匙鹽和牛油，加入2茶匙迷迭香
3 . 雞腳以可食用綿線綁好（比較美觀）， 預熱焗爐200度
4 . 雞皮平均塗上1/2湯匙鹽和橄欖油，少許胡椒 ，再塗1湯匙牛油，平均掃上青檸汁和老抽(薄薄一層已足夠)，醃15分鐘
5 . LC鍋或平底深鍋煮溶10g牛油，略煎蔬菜，約2分鐘，加1/4 茶匙鹽、少許胡椒拌勻，再煎2分鐘，加入白酒煮滾
6 . 把蔬菜掃到煲邊，加入雞，灑上約１茶匙和２茶匙，白酒滾起加蓋小火煮10分鐘，熄火不要開蓋，焗5分鐘
7 . 開蓋，雞面平均薄薄一層掃上牛油、青檸汁和老抽，灑上約１茶匙和１茶匙迷迭香在旁，入焗爐200度焗20分鐘
8 . 再掃上牛油、青檸汁和老抽，灑上一點百里香，再焗10分鐘
9 . 再多掃一次牛油、青檸汁和老抽，焗10分鐘至雞皮金黃香脆
10. 以牙籤刺雞脾最厚部位，出黃色雞汁便是熟了，如血水便要再多焗5－10分鐘

*視雞大細，加減鹽的份量，牛油、青檸汁和老抽，薄薄掃上一層便可，份量隨意
*青檸汁可令雞皮更香脆，比檸檬汁清新
*加蓋焗完的雞已熟了一半，再入焗爐是令其外皮香脆
*吃時沾湯汁來吃更好味
*如全雞剛從雪櫃拿出來，要在室溫放置30分鐘（時間視雞大小和天氣冷暖），讓雞內外溫度相若，要不然裡面太冷，可能會外面太熟，裡面不夠熟，更易出血水

刁草薯仔沙律+砵酒慢煮牛肋骨（附食譜）

平時做薯仔蛋沙律都只係偷懶淨係落蛋黃醬，今日就試下跟蘇三既食譜落多少少野，原來好味好多，婆婆話淨食呢個唔食飯都可以。原本只係筆少少出黎當頭盤，點知個個都話要添食，終於清晒!

刁草薯仔沙律


薯仔　　２　　　　　ｐｃｓ
蛋　　　５　　　　　ｐｃｓ
蛋黃醬　６　　　　　ｔｂｓｐ
糖　　　４－１／２　ｔｓｐ
鹽　　　１／２　　　ｔｓｐ
刁草　　１　　　　　ｔｓｐ

1.薯仔及蛋放入凍水烚15分鐘
2.薯仔去皮切粒
3.蛋去殼切粒
4.加入蛋黃及調味撈勻

*如果只係大人食，可以加1茶匙英式芥末粉，但為囝囝唔食辣，所以我無落。

呢輪雪櫃爆晒倉，但又想再入貨，唯有諗辦法清雪櫃，摷到入面有2磅牛肋骨，就今次就用砵酒炆。再加上慢煮法，d肉焾到入口即化，但又唔會散晒，連我唔鍾意食肉既囝囝都話好味。

砵酒炆牛肋骨架(慢煮法)

牛肋骨　　２　　　ｌｂｓ
洋蔥　　　２　　　ｐｃｓ
甘荀　　　２　　　ｐｃｓ
西芹　　　１／４　ｐｃ
香葉　　　２　　　ｐｃｓ
龍嵩　　　２　　　ｔｓｐ
牛至　　　２　　　ｔｓｐ
百里香　　２　　　ｔｓｐ
黑椒　　　１　　　ｔｓｐ
罐裝蕃茄　１　　　ｃａｎ
牛骨湯　　５００　ｍｌ
砵酒　　　２５０　ｍｌ
紅酒　　　５００　ｍｌ
紅酒醋　　１２５　ｍｌ
黃糖　　　４００　ｍｌ

1.牛肋骨洗淨抺乾，除香葉外，加入所有香料醃牛肋骨
2.以煎窩牛肋骨略煎至金黃
3.洋蔥、甘荀及西芹切塊
4.於煲內炒洋蔥3分鐘，加入甘荀及西芹再炒5分鐘
5.將蔬菜撥兩邊，中間放入牛肋骨
6.加入蕃茄、牛骨湯、砵酒、紅酒及紅酒醋煮滾
7.入焗爐200C焗1小時
8.再用180C焗1小時
9.再於焗爐內以餘溫焗半小時

*牛肋骨最好於大型凍肉舖買1條1磅那種

海鮮魚麵配梭羅魚蕃茄湯（附食譜）

今日呢碗麵睇落去好普通，但就玩足我成日。個湯底係跟呢度

d姊妹學野整既。老公成日話細個飲白色魚湯好好味，但係我屋企就從來都無煲過，亦都唔知用咩魚煲，早幾日見呢度d姊妹不約而同整呢個湯，就諗住試下。

海鮮魚麵配梭羅魚蕃茄湯（４人份量）

梭羅魚蕃茄湯

梭羅魚　　２斤
蕃茄　　　８個
薯仔　　　３個

1.梭羅魚洗淨，斜切一刀去頭去肚。
2.魚洗淨，用廚房紙印乾水。
3.煎香魚，灒入滾水，加入蕃茄煲45分鐘，期間用湯殼督爛魚及蕃茄。
4.加入薯仔煲15分鐘，熄火。
5.夾起薯仔，湯過篩。

蝦　　　　半斤
蜆　　　　１斤

1.蝦洗淨，去殼去腸後烚熟。
2.蜆洗淨，放入鹽水吐沙，再洗後烚熟。

魚麵
鯪魚　　　６條
鹽　　　　１茶匙
麻油　　　２茶匙
生粉　　　８茶匙
酒　　　　４茶匙
蛋白　　　４湯匙
胡椒粉　　適量

1.買鯪魚時叫魚販起肉
2.回家後洗淨鯪魚，一手按著鯪魚，一手順著魚骨方向用西式湯匙輕刮鯪魚起肉
3.起肉後湯匙連肉放入一大碗水中
4.所有鯪魚起肉後，將鯪魚放入魚袋中，擠出水
5.加入調味料撻至起膠
6.放入忌廉唧袋內，唧入大滾水中，煮至浮面

*鯪魚起肉時匙不可刮太深，會刮起魚骨，好似我今次就後，所以之後用調理機將碎骨打爛。
*如果有廚師機可以用佢將魚撻至起膠，真係快靚正。

講番個湯真係好正，不過真係花功夫，逐條魚切去頭鰓，之後仲要逐條洗淨肯定入面無腸留響度，但真係好飲，而且幾平。呢個魚麵我都係第一次整，唔知係咪街既係溝左粉，所以唔夠街既煙靭，下次可能加少少澄麵會好d，不過真係整左好鬼耐，淨係起肉都玩下2個鐘，所以無咁快會再試，但係我覺得呢樣野好啱d唔食魚既小朋友食，因為真係食唔出係魚，而且做多左既話可以雪入冰格，到要食時先拎落黎解凍。

唔記得講前面朵花，係用小棠菜剪既既，好容易做又靚，剩底既菜葉都唔會浪費，只係放響魚麵下。