芥末籽焗鱈魚（附食譜）

返左黎香港已經成個星期，但唔知點解成日都仲係好攰，爸爸笑我成日都咁眼瞓~~~~~~~

食左好多日街既野，今日終於忍唔住，整左呢個簡單既焗魚柳。呢個餸OK好味，好啱小朋友，魚柳無骨，加上麵包糠焗出黎比較香口，但又無炸咁多油同熱氣。

芥末籽焗鱈魚


魚柳　　　１　　ｌｂｓ
鹽　　　　１　　ｔｓｐ
黑椒　　　ａ　ｌｉｔｔｌｅ　ｂｉｔ
芥末籽醬　４　　ｔｂｓｐ
麵包糠　　１　　ｃｕｐ
乾蕃茜　　２　　ｔｂｓｐ
芝士粉　　２　　ｔｂｓｐ
橄欖油　　ａ　ｌｉｔｔｌｅ　ｂｉｔ
車厘茄　　ａ　ｆｅｗ　ｐｉｅｃｅｓ
栗米　　　１　　ｐｉｅｃｅ

1. 栗米切４件，放入微波爐用高火叮4分鐘
2. 麵包糠、乾蕃茜及芝士粉撈勻，將約1半舖入焗盆中
3. 魚柳洗淨抺乾，兩面塗上鹽及黑椒。
4. 其中一面魚柳用匙塗上芥末醬
5. 將魚柳(已塗芥末醬的一面朝下)放入焗盆
6. 將另一面魚柳塗上芥末醬
7. 面層撒上剩餘的麵包糠，稍為壓實
8. 放上栗米及車厘茄，及噴上橄欖油
9. 240C焗20分鐘


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

泰式豬頸肉（附食譜）

去完旅行幾日，唔知係咪因為日日游水出海浮潛，返到黎個人攰到反艇，日日淨係想瞓~~~~~連圖圖都一樣！

咁多日無煑飯，今日無咁攰，即刻心癮起，想要煑飯，連爸爸都笑我~~~~ >-<

講返豬頸肉，呢個係我做過既第三個食譜，亦都係最滿意既一次，係將一個越南既五花腩食譜變化出來。吃時加不加沾醬風味完全不一樣，大家可以試一下喜歡那個味道多點 ^-^

泰式豬頸肉


豬頸肉　　３００　克
紅蔥頭　　２　　　粒
蔥　　　　２　　　棵
芫茜　　　２　　　棵
指天椒　　１　　　隻
糖　　　　１　　　ｔｓｐ
鹽　　　　１／２　ｔｓｐ
魚露　　　２　　　ｔｓｐ

1. 豬頸肉洗淨，用廚房紙抹乾
2. 紅蔥頭、蔥及芫茜切碎
3. 指天椒去籽切碎
4. 所有材料加入醃豬頸肉2小時
5. 豬頸肉用小火煎至兩面金黃至熟
6. 放涼後切片

沾醬

青檸汁　　１－１／２　ｔｂｓｐ
蒜頭　　　２　　　　　瓣
指天椒　　１　　　　　隻
魚露　　　１／２　　　ｔｂｓｐ
糖　　　　２　　　　　ｔｂｓｐ
熱水　　　２　　　　　ｔｂｓｐ

1. 蒜頭及指天椒指細
2. 所有材料加在一起撈勻待涼

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

法式薄餅（附食譜 ）

其實今日原本諗住出個香茅蒜香骨既食譜，之但係婆婆響不知情既情況之下煮左，原本我諗住用焗熟，但婆婆用左煎炆既方法，雖然都好味，但係個賣相變到一patpat真係勁肉酸，完全唔出得街。而另外一個食譜泡椒雞翼都勁正，之但係太好味，整好左拎出黎時唔記得影相就已經清碟，所以今日唯有出呢個法式薄餅食譜。

呢個薄餅其實唔難做，反而最緊要係快手，同埋用塊刮板將D粉漿刮薄D，如果唔係太厚既話就無咁好食。

法式薄餅（５塊）


蛋　　　　４　　　ｐｃｓ
鹽　　　　１／４　ｔｓｐ
低粉　　　１３０　ｇ
奶　　　　２４０　ｍｌ
牛油溶液　５　　　ｔｓｐ

1. 拌勻所有材料
2. 放入雪櫃雪1小時以上
3. 用平底鑊煎

*因材料內已有牛油成份，所以煎時不需再下油/牛油
*薄餅可以平放，中間隔保鮮紙，於冰格可存放1個月左右

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

尾聲‧返港

一大早天還沒亮，我們已坐著昨日已和hostel那邊預訂計程車，到登加樓機場。大約10時左右，我們已到吉隆場的T2航廈，因為怕航機延誤所以我們選乘下午4時多的班機回港，還有很多時間呢。

我們先到Old town吃早餐，再到starbucks喝杯咖啡及上網打發時間，之後吃過午餐後才drop baggage。過關後在候機室再等等等等等，等到人也差不多發霉了，就是上機的時間。要從回現實世界，為下次旅行而努力工作！

告別‧樂浪島

今天中午訂了小樂的船回到登家樓，所以早上還有一點時間，我們一早很快便吃完早餐。本來我們還想要和SAFA打個招呼，因為圖圖超喜歡他，可惜他今天超繁忙的，已去了工作。

我們借了water bee(有點像水上單車)，便踏到浮台去，打算之後繞個彎到昨日看海龜的地方。想不到踏water bee是超辛苦的，踏到一半已累得要命，去也不是，回也不是，想不到竟然救星到。SAFA他回到岸後知道我們找過他，又知道我們會去浮台附近，所以竟然駕船來找我們。因為他10點才要帶客人出海，所以還有時間和我們哈啦一下！他見我們半生不死的，便用遊艇拉著我們的WATERBEE，問我們想要到哪裡，爸爸說想要到昨日看海龜的地方。之後我們便在哪裡浮潛到大約10時，SAFA再拉我們回海灘，真是超爽！

跟著我們便回房洗澡及執拾行李。CHECKOUT後再由Joe及其中一位Trainee姐姐帶我們到公眾碼頭，我們便坐小樂的船回登家樓。這次小樂的船很準時，就像大家所說，還早一點到呢！我想上次可能是例外事故吧！







我想小樂在這邊的生意應是做得不錯的，除了有自己的碼頭外，在背包客棧還見到有人說他在浪中島會開新酒店。之後我們參加了小樂的半天遊，再到hostel check-in。其實半天遊也是不錯的，價錢很便宜，RM115包括2大人1小孩，只是旅遊車的冷氣有點不足，汗流浹背。

半天遊第一站是帶我們到唐人街自費午餐，我們選了一間海鮮飯店，質素是一級棒，爸爸說有山打根那邊的水準，超美味的，價錢也不貴大約RM120左右，才300多港幣，在香港只可吃到一條魚~~~~~~。



之後帶我們要登加樓博物館，想不到在登加樓這小小的地方，博物館竟然是全馬來西亞最大的，入面有很多馬來西亞的文物。

看了大約一小時候便到水晶清真寺。原來這是世界上唯一一座由水晶、鏡小及鋼鐵製做的清真寺。入面有有講員講述他們的宗教及習慣，離開時工作人員派了一些乾果如提子乾及大棗給我們，想不到圖圖超愛吃。

之後一站便是到水果市場，但因爸爸不吃榴槤，所以我們沒有買，但令我吃驚的是水果市場中竟然有海龜蛋賣，超鄙視買及賣的人！海龜已是頻危絶種的生物，為甚麼不可以為地球盡一分力？



之後的一站是唐人街，就是之前吃飯的地方，因為我們的Hostel在水果市場附新，所以便選擇先行離開回hostel check-in。洗過澡後便周圍走走，再走到唐人街哪裏買手信及吃晚餐。我們又是吃午餐那間飯店，因為香港實在吃到到這麼新鮮及便宜的海鮮。原本打算之後再到隔壁的舖子打包肉骨茶回hostel當消夜吃，怎知道一早已關門。





















這裏的商舖都和山打根的一樣7時左右已差不多全關了門，而且沒有計程車及公共汽車，所以選擇酒店和hostel都要選附近有食肆的。之後我們便走回hostel早早睡覺，因為明日要一大早坐飛機回吉隆坡呢！

享受‧大海

因為今天要坐船看海龜，所以今早起床後，便立刻到餐廳吃早餐，再到recreation center報到，今天一起看海龜的，除了我們還有一個澳門家庭及一個日本家庭，大家都帶著小朋友，看來大家都認為這是一個很適合小孩子的活動呢！

佷湊巧今天帶我們出海的職員，就是昨天駕船帶我們出海的那位，原來他的名字叫SAFA。他先帶我們到海灘右手面的海域，告訴我們每天早上海龜都會游到這裏。這裏的海龜都是超~~~~~大型的！比在海龜看到的那隻大很多。SAFA說這裏大約水深60-65米，所以估計每隻海龜應該都有最少有2米長。而且原來海龜附近都會附著1-2條像是清道夫一類的魚，只是這些魚是超大條，有些就和海龜一樣長~~~~~~！

之後SAFA告訴我們如果想要自己來看海龜也可以，只要早上駕獨木舟來便可以。我們順便問一下在這裏會不會有鯊魚呢，SAFA說在海灣的另一面有，而且是大條的，但不會攻擊人。



看完海龜他再帶我們到浮台附近，原來在浮台幾米外，已經看到了一大片珊瑚礁，有些就像一輛車那麼大。為甚麼昨日我們都看不到呢？和爸爸討論過後，應該是昨天突然被一大群魚圍著，太興奮了，只顧看魚，忘了看腳下的海底~~~~~XD









SAFA又給了大家一大堆的麵包，讓大家在船上餵魚，所有小朋友都很興奮。回到岸上後接著的行程便是圖圖學習snorkelling的時間。SAFA帶我們到游泳池，我們心想，難道是SAFA教嗎？答案是也不是，圖圖一個小朋友學snorkelling，竟然由3個教練教教授，真誇張！

學了大約1小時後，圖圖的進度已不錯，其實已可以由我們獨自帶圖圖到海中浮潛，但SAFA說因為泳池和海中的浮力不同，所以建議在下午再學一會，真的很認真及細心呢！之後又是午餐及午睡時間。醒來後我們借了獨木舟爬到浮台浮潛及餵魚。在浮台邊餵魚期間圖圖太興奮，因為太大力掉麵包到海中餵魚，竟然在浮台邊掉下海。幸好我們一直都有為他穿上救生衣，雖然他會游泳，但在海中還是保險一點比較安全。之後我們浮潛一會便回去找SAFA，SAFA再駕艇帶我們到浮台附近教圖圖浮潛。因為是學習，所以這次圖圖沒有穿救生衣，想不到他很大膽，一點兒也不怕，而且學得很開心呢！

上課後我們回房洗澡後又再到沙灘，今次見到大堂那2位很親切的Trainee呢！原來她們今天休假，所以之前見不到她們，今天她們都有出海浮潛，談話之間之知道原來她們是以實習形式到這裡工作，只會在渡假村內逗留3個星期，我們真的很幸運在這裏遇到這麼多親切的人，明天便要離開，真的很捨不得！

圖圖和他們拍過照留念後，我們便去吃晚餐了，之後便回房休息。

悠閒‧Tarras

因為要看松鼠，所以我們7時多便起床，到recreation center，職員會拿麵包去餵松鼠，但想不到來了不速之客 - 一隻猴子。這猴子真的很精明，也很大膽，會在松鼠不敢過來時一下了拿走所有麵包。之後我們便預訂了明早的玻璃底船行程，再到餐廳吃早餐，由recreation center到餐廳的途中，媽媽發現了另一塊告示板，上面的活動資料和昨天看到的有點不同。所以便細看了一下，發現了原來酒店提供了另一個浮朁course(不供氧的)，而且也有泳式改良班，不過因為媽媽暫是只想要圖圖學會浮潛(主要是時間不夠)，所以便打算晚一點到recreation center報名。







之後我們便到餐廳食早餐，之後又係游水既時間，游水前我們先到recreation center book snorkelling course，預訂後媽媽問究竟要多少錢，正常的話價錢應該係RM100左右，但果個職員道然係答我「免費」，原來酒店既普通snorkelling及泳式改良班都係免費，而且不限小朋友，成人都係。不過我同爸爸都唔需要學，自然唔會夾硬報。但早知有咁正，就報埋今日，等圖圖一日學snorkelling，一日學泳式改良，因為呢度d教練全部係海邊大既，個個都係超勁架！而後來圖圖學snorkelling時亦都証明係呀！









之後我地游水至中午，本來諗住餵魚，不過recreation center個職員話已經派晒麵包，所以諗住晏d出士多買，返房淋浴過後又係lunch時間，去到餐廳落車時竟然俾我地見到一隻大蜥蝪，有成米長，不過佢好細膽，跑得勁快，不過都俾媽媽影左張相，原來呢隻蜥蝪叫monitor lizard！之後圖圖響兒童遊戲室玩左一陣，午睡後就諗住去買包，坐buggy去大堂時又見到尋日果位靚女職員，姐姐問圖圖玩得開唔開心，有無餵過魚，我地話因為派晒麵包，所以諗住出去買，跟住buggy既司機Joe就同姐姐講左d野，姐姐叫我地等一下，就去左餐廳攞左一大袋麵包俾圖圖，仲叮嚀我地唔好食，只可以用黎餵魚，因為麵包已經過期。原來Jon話俾姐姐聽，餐廳正常會有過期麵包，可以攞黎俾圖圖呢！



因為中午時間太陽太曬，所以又係我地既午睡時間，之後就去碼頭邊餵魚啦！原來碼頭邊真係會比較多魚呢，而且一掉麵包，就會有一群小魚衝過黎，真係好開心！餵左一陣後recreation center有一個職員(帶客人出海，見到我地就叫我地跟住佢，原來佢係負責駕船，而果位客人係響浮台果邊學潛水。去到浮台，就俾麵包我地餵魚。嘩！d魚好多好瘋狂，係咁追住d包，比起前幾年響布吉既蛋島真係多好多好多！

之後後地就落水啦，原來響水中既魚更多，媽媽同爸爸事後討論有俾魚圍既感覺，而且魚更加唔係單一種類，係好好幾種，條條最少8吋長，因為係第一次遇到咁既情形，大家都覺得好興奮，響浮台附近浮潛左一陣間先游返岸。

 

因為琴日去士多買野時發覺酒店閘口果間餐廳唔錯，所以今晚就諗住去試下，圖圖沖完指定既bubble bath後就行出閘口食飯，呢間餐廳我地覺得比尋晚果間好味呢，而且好快手，選擇亦都較多，仲有我地鍾意食既印度薄餅添！食完飯返到房已經成9點幾10點鐘，又係訓覺時間啦！