除夕罐頭餐

今日好忙呀，做完野要出MSL見營養師，順便買定D特幼杏仁粉、MEASURING CUP重有呀SIR火槍，無計，新買果枝好似怪怪地咁燒分零鐘就已經無火咁，其實佢係咪壞左？但係又用到~~~~~好奇怪！

跟住拿拿臨返屋企已經成7點鐘，即刻開工打杖，搞左4個字終於搞掂食得~~~~~

罐頭龍蝦湯....有一排無買過，今次好似差左，下次未必會買，蕃茄湯仲好味

和牛漢堡配沙律&PAMA HAM

係呢個要烘下個包同煎下塊扒，係個包烘燶左

罐頭法國油鴨批配CAESAR SALAD

呢個油鴨批都要煎番熱，可惜買唔到新薯，我屋企附近既SUPERMARKER真係百無~~~~

呢餐都算係偷懶既除夕大餐，好在大家都無咩怨言~~~~

聖誕整餅大作戰之雜莓MUFFIN及吉士醬

今日係我地一家人既大日子，因為呢幾年聖誕都會有一日黎我地屋企，作為家庭聚會，之前果2日做既蛋糕就係為左今日。

尋晚做到成4點，所以今日瞓晏左，成11點先起身，跟住就去左吉吉島買少少野，就要開工，做翻尋晚NEW YORK CHEESE CAKE既TOPPING。之後做左雜莓MUFFIN，呢個都係第一次做，不過個食譜係仙姐既，應該有信心既保証。

雜莓MUFFIN（６ＣＭ直徑圓杯２０個）

牛油　　　１００　ｇ
糖　　　　７０　　ｇ
蜜糖　　　６０　　ｇ
蛋　　　　２　　　ｐｃ
鹽　　　　少許
雲尼拿油　少許
淡忌廉　　６０　　ｇ
原味乳酪　６０　　ｇ
低粉　　　１３０　ｇ
高粉　　　９０　　ｇ
發粉　　　３　　　ｇ
梳打粉　　２　　　ｇ

1. 牛油放軟與糖打勻
2. 拌入所有濕性材料
3. 篩入所有粉類拌勻
4. １８０Ｃ焗２０分鐘

最後點解我TOPIC係寫吉士醬唔係士多啤梨千層酥？因為個酥皮係咁啱屋企有舊即用既就黎到期，所以用左佢，既然係即用既貨仔唔係自己做，所以就唔計數。

吉士醬

蛋黃　　　２　　　ｐｃ
糖　　　　５０　　ｇ
粟粉　　　１　　　ｔｓｐ
低粉　　　１　　　ｔｓｐ
奶　　　　２５０　ｍｌ
淡忌廉　　６２　　ｍｌ
雲尼拿油　少許

1. 蛋黃用蛋發拌勻，加入糖拌勻，再篩入粟粉及低粉拌勻
2. 奶煮至邊剛起泡，倒入蛋漿後加熱
3. 加入雲尼拿油煮至杰身，放涼
4. 淡忌廉打發，拌入蛋漿內

聖誕整餅大作戰之熱情果白朱古力慕絲蛋糕、藍莓芝士蛋糕、紐約芝士蛋糕

今日因為下午1點先出發帶圖圖去睇「與龍同行」，所以有多少少時間。

上午先做一個熟手的柚子戚風，再做一個Passion Fruit White Chocolate Mousse Cake呢個蛋糕係第一次做，不過見好多好評，而且做法簡單，應該唔會失手呢！

熱情果白朱古力慕絲蛋糕（６吋方模）

我喜歡這個蛋糕的味道酸酸甜甜，不太漏

杏仁薄蛋糕２片

熱情果啫喱
熱情果蓉　２５５　ｇ
糖　　　　４２　　ｇ
魚膠片　　８　　　ｇ

熱情果蓉煮沸，加入糖及已用冰水浸軟之魚膠片
倒入已用保鮮紙包底之方模，雪下格至凝固
白朱古力慕絲
奶　　　　８５　　ｇ
蛋黃　　　３４　　ｇ
糖　　　　１７　　ｇ
白朱古力　８５　　ｇ
淡忌廉　　１７８　ｇ
魚膠片　　５　　　ｇ

1. 蛋和糖攪半後加入已用冰水浸軟之魚膠片
2. 再加入已煮沸的奶拌勻－＞Ａ
3. 將Ａ分次加入已熱溶之白朱力拌勻－＞Ｂ
4. 將Ｂ分次加入已打起的淡忌廉
5. 組合後用保鮮紙舖平，雪至凝固

組合

白朱古力慕絲
熱情果啫喱
白朱古力慕絲
杏仁薄蛋糕
白朱古力慕絲
杏仁薄蛋糕

跟住返黎後先做咖排戚風，之後再做blueberry cheese cake，原本諗住收手，點知婆婆話大家都好鍾恴食cheese cake，咁啱我又想試另一個new york cheese cake既食譜，所以又做多一個

藍莓芝士焗餅（６吋圓模）

這個芝士味心較濃，蛋糕也較為實淨

餅底

消化餅　　６０　ｇ
牛油　　　３０　ｇ

1. 牛油熱溶加入消化餅放入餅模壓平
2. １６０Ｃ焗１５分鐘

芝士面

忌廉芝士　３３０ｇ
糖　　　　７６　ｇ
鹽　　　　少許
蛋　　　　２　　ｐｃ
牛油　　　７６　ｇ
淡忌廉　　３２　ｇ
檸檬汁　　２　　ｔｓｐ
藍莓醬　　適量

1. 忌廉芝士慢速打軟，分３次下糖
2. 加入鹽及檸檬汁拌勻
3. 熱溶牛油過篩衝入芝士醬拌勻
4. 加入忌廉拌勻
5. １８０Ｃ焗３５分鐘
6. 雪凍後塗上藍莓醬

紐約芝士蛋糕（６吋圓模）

大家評語這個食落去感覺比BLUEBERRY CHEESE CAKE LIGHT一點

餅底

消化餅　　６０　ｇ
牛油　　　３０　ｇ

1. 
   
2. 牛油熱溶加入消化餅放入餅模壓平
3. １６０Ｃ焗１５分鐘

芝士面
　
白朱古力　２０　ｇ
甜忌廉　　４０　ｇ
忌廉芝士　３７５ｇ
糖　　　　６０　ｇ
蛋黃　　　２　　ｐｃ
檸檬汁　　１／２ｐｃ
檸檬皮　　１／２ｐｃ

1. 忌廉芝士慢速打軟，分３次下糖
2. 加入檸檬汁拌勻，逐度蛋黃加入拌勻
3. 已坐溶之白朱古力加入已打起之甜忌廉，再打起後拌入芝士糊
4. １６０Ｃ坐水焗６０分鐘

忌廉面

酸忌廉　　２８　ｇ
甜忌廉　　１５　ｇ

1. 酸忌廉及甜忌廉拌勻後舖上已涼之cheese cake面
2. 210C焗4分鐘

聖誕整餅大作戰之OPERA及3色雪球

今日一早便起牀，因為黎緊好多餅要整，應承帶圖圖今日去數碼港嘉年華，趁未出發，先焗OPERA及PASSION FRIUT WHITE CHOCOLATE MOUSSE CAKE要用的杏仁薄蛋糕及朱古力薄蛋糕，做完都已經十二點，要出發了。

到數碼港都已一點，但沒有太多人，有好多大型吹氣GAME，圖圖超喜歡，不過可惜後來下小雨點，所以唯有轉戰室內的攤位遊戲，但呢個時間超多人，實在不想玩，但手上仍有未用的遊戲券，唯有揀少人排隊的希望儘快用完走人。

到離開時已經四點多，圖圖亦已倦極入睡。

到晚上又是媽媽的開工時間，繼續完成我的OPERA，然後順道做3色雪球的粉糰，因為要雪入雪櫃一晚明日才可焗呢！

３色雪球（７ｇ約２０粒）

牛油　　４５　ｇ
糖　　　１５　ｇ
鹽　　　少許

可可味　　　　　　　　　　　　　　　　　　　　　　　 　
杏仁粉　２５　ｇ　　　　　　　　　
低粉　　４５　ｇ　　　　　　　　　
可可粉　１０　ｇ　　　　　　

榛子味
杏仁粉　１０　ｇ
低粉　　５０　ｇ
榛子粉　２０　ｇ

抹茶味
杏仁粉　２５　ｇ
低粉　　５０　ｇ
抹茶粉　６　　ｇ

栗子味
粟子粉　３０　ｇ
低粉　　５０　ｇ

杏仁味
杏仁粉　３０　ｇ
低粉　　５０　ｇ

1. 牛油用打蛋器打散，加入鹽及糖打勻
2. 加入所選味道之杏仁粉／榛子粉／粟子粉以括刀拌勻
3. 篩入所選味道之低粉／可可粉／抺茶粉以括刀拌勻成糰，放入雪櫃下格１晚
4. 分成約７－１０ｇ一粒，搓圓，以１７０Ｃ焗１５－２０分鐘
5. 趁熱先晒上糖霜，待凍後再多晒一次糖霜

食譜FROM VANLILY

平安夜中菜夜 - 海參花膠炆鴨掌

今日真係超級忙好多野要做呀~~~~~好在今日早收，四點鐘已經FREE，立刻出油麻地取回之前已訂的白瓷碟，然後再去I LOVE CAKE & 二記買剩下要買的蛋糕材料，幸好可能大部份人平安夜都要去街，所以不算太多人。

之後再到MSL見營養師，再打算去買麵粉，但竟然售罄~~~~~OMG！幸好屋企附近的SUPERMARKET仍有CAKE FLOUR賣，唯有粗粗地用住先。

跟著便回家準備晚餐，因為之前已知今日超級忙，所以昨晚己準備好餸菜，只要翻熱就食得。

今晚我地食~~~~~登登登登！中菜，好多年平安夜都無食/整中菜，不過因為媽媽之前應承過爸爸做冬整，之但係果日我地去左街，所以今日補數~~~~~~

我整左海參花膠炆鴨掌&自制燒肉~~~~~燒肉唔好題，都係出街既好D，我諗我整極都應該無街既炭爐燒咁脆，但係炆鴨掌就好OK，淨係記得食，但係無影相。

海參花膠炆鴨掌

冬菇　　１２隻
排骨　　半　斤
鴨掌　　１２隻
花膠　　２　隻
海參　　５　條
瑤柱　　５　粒

1. 排骨以鼓油、糖、豆粉、美極醃最小２小時
2. 冬菇浸軟剪丁，以生粉洗下
3. 瑤柱用水浸軟
4. 炒排骨，然後下冬菇同炒，加入瑤柱及瑤柱水，炆一陣
5. 加下蠔油調味，再加花膠海參及熱水炆４５分鐘
6. 加入鴨掌炆３０分鐘

超Q潤咖啡戚風+偷懶蕃茄洋蔥包

是呀~~~~又是超Q潤，是不是見到這個名字已經有驚驚地既感覺？但係為它的味道變化太多，吃下去也不會太飽滯，所以一做再做，這本超Q潤的食譜和17小時包包的食譜書，是我有史以來做出最多成品的食譜書。

超Q潤咖啡戚風（8吋模）

蛋黃　　　４　　　個
白糖Ａ　　６０　　ｇ
菜油　　　６０　　ｍｌ
低筋麵粉　１６０　ｇ
鹽　　　　１／４　茶匙
咖啡粉　　１２　　ｇ
水　　　　１６０　ｍｌ
咖啡酒　　２　　　湯匙
發粉　　　１　　　茶匙

蛋白　　　７　　　個
白糖Ｂ　　６０　　ｇ
白醋　　　適量

今次個蛋糕發得超級高，軟綿綿，真係唔知點解，R爆頭，唯有既分別係，1加入了咖啡粉，2雞蛋未雪過，下次等我再試一試用常溫蛋，看看是不是仍發得這麼高~~~~~

做法不多寫了，因為已寫了多次，真想知的話ＳＥＡＲＣＨ一下之前超Ｑ潤的食譜吧！

蕃茄洋蔥包

這個我覺得可以叫偷懶包，因為我只是用二記買的預拌粉來做，只要加上高筋粉、水及ＹＥＡＳＴ便可以！

成功啦好開心呀Macaron

之前曾經試過做過一次MACARON，但是成品實在是太差，個面不單不平滑，而且還裂開了，真是不敢拿出來獻醜。

今天和圖圖參加了一個親子MACARON裝飾班，見到圖圖吃餐廳的MACARON吃得津津有味時，即時令我有再做MACARON的衝動。

今晚圖圖很早便睡了，趁著爸爸不在家再試造一次，這次蛋白小心的打，只打至6-7成左右便停手，加入杏仁粉時還覺得好像杰一點，不過幸好唧出來後又OK呢！

MACARON（２０塊４ｃｍ大小）

今次做了原味+粟子餡

杏仁粉　　２５　ｇ
粟粉　　　３　　ｇ
糖霜　　　３８　ｇ
蛋白　　　２３　ｇ
糖　　　　２３　ｇ

1. 杏仁粉、粟粉及糖霜過篩
2. 蛋白先打至起泡，分２次加入糖打至６－７成
3. 蛋白霜加入粉類拌勻
4. 唧成約３ｃｍ大小，放入焗盆中拍幾下，便可立刻入爐
5. 放入已預熱１８０Ｃ的焗爐最底層，立刻把爐溫降至１５０Ｃ，約８分鐘時大裙邊出現
6. １０分鐘時將爐溫降至１２０Ｃ，１５分鐘時降至１１０Ｃ，總共焗２０分鐘

食譜轉譜自阿Ｂ

• 要先將粟粉及糖霜過篩，然後才獨立將杏仁粉過篩，不然杏仁很多時會塞住了篩孔
• 粟粉可以改為可可粉／綠茶粉，如要添加色素及香油，須在加入粉類先加入
• 杏仁粉最好用特幼杏仁粉，普通杏仁粉應該難以過篩

入爐不久MARACON面便已乾身帶有點點光澤

見到裙仔+個面無裂真是很興奮
今次第二次做已經成功，真的非常高興，我還打定輸數，如果再多做幾次，還是不成功的話，便要去學！

法包

之前好想做法包，因為它無糖無油超健康，但法包盤還未到手，所以一直未開始，一直知道做好的法包並不容易，今次雖然成品還可以，不過離好還有一大段距離，所以還要再試。

法包

高筋面粉　　　２２５ｇ
低筋面粉　　　５０　ｇ
即發酵母　　　５　　ｇ
麵包改良劑　　１０　ｇ
鹽　　　　　　５　　ｇ
４度冰水　　　１１５ｇ
老麵　　　　　適量

1. 所有材料除鹽外搓勻，之後加入鹽搓至有筋性
2. 第一次發酵至２倍大
3. 造型後放至法包盤上作第二次發酵
4. 在包上噴水
5. １８０Ｃ焗１５－２０分鐘

食譜轉載自熙媽

今次做得不好，主要因為手多，第二次發酵後，郁左佢，所以洩左道包既真氣，搞到佢塌晒，如果唔係一定發得好好多。

聖誕出品第四炮2日6個超Q潤柚子戚風

好忙好忙~~~~~呢個星期因為係圖圖聖誕前既最後一個星期，所以要預備一些小禮物送給老師們及校車姨&司機叔叔，3位老師+校車姨姨+司機叔叔，媽媽一期要做5個8吋戚風，選擇做柚子戚風最主要是因為它的果味很濃，很香，且不油膩。剛巧婆婆星期二要去洗牙，順道和五姨婆吃飯，所以我就多做一個6吋的給五姨婆試一下味道。我一共用了2晚做了6個戚風~~~~算是有史以來短時間最多出品，因為我家的焗爐只有21L，只可以一個一個焗。

超Q潤柚子戚風（8吋模）

蛋黃　　　４　　　個
白糖Ａ　　５０　　ｇ
菜油　　　６５　　ｍｌ
低筋麵粉　１６０　ｇ
鹽　　　　１／４　茶匙
柚子蜜　　５０　　ｇ
水　　　　１６０　ｍｌ
橙皮茸　　１　　　個
君度橙酒　２　　　湯匙
發粉　　　１　　　茶匙

蛋白　　　７　　　個
白糖Ｂ　　６０　　ｇ
白醋　　　適量

蛋黃醬的製作

1. 將蛋黃倒入盆中, 再加白糖A的1/3, 用打蛋器攪勻
2. 待砂糖溶化, 加入剩餘砂糖的一半, 繼續攪勻
3. 又待砂糖溶化, 加入剩餘的所有砂糖, 拌勻. 這時的蛋黃顏色會稍微偏白, 份量也變多
4. 一次過加入菜油, 攪拌至融合
5. 加入已和水混和之柚子蜜橙, 再用打蛋器以擦盆底的方式攪拌均勻
6. 加入皮茸及君度橙酒, 將麵糊整體拌勻
7.  將篩過的鹽和麵粉全部倒入盆中, 用打蛋器拌至粉狀消失為止
8. 將麵糊拌至柔滑的狀態即可. 這時馬上接著打蛋白霜

蛋白霜的製作

1. 蛋白打至形成粗泡, 加入白糖B的1/3量, 繼續打發至濃稠狀
2. 加入剩餘白糖的一半, 繼續打發至手感變沉重, 再加入餘下所有白糖, 再大動作地翻攪, 至蛋白霜立起時微微向下低垂. 這就是制作chiffon最理想的蛋白霜狀態

混合

1. 用打蛋器撈部份蛋白霜入蛋黃麵糊中拌勻
2. 再撈一次蛋白霜入蛋黃麵糊中, 這次換成橡皮刮刀來攪拌
3. 將已拌入部份蛋白霜的蛋黃麵糊一口氣倒入蛋白霜的攪拌盆中, 用橡皮刮刀快速攪拌
4. 將攪拌好的麵糊倒入模子裏, 雙手拿著模子, 拇指壓住中心圓筒部分, 在桌上輕敲兩下, 以去除空氣
5. 用橡皮刮刀將麵糊往模子側面沾黏, 以便烘焙過程中讓麵糊往上拉, 膨脹效果更好

入爐

1. 將模子放入焗爐, 溫度170度, 焗50分鐘
2. 時間一到, 用竹籤斜插蛋糕中心, 拔出竹籤沒有沾黏的話, 即完成, 否則再焗3 分鐘, 重新測試至完成為止

• 今次因為一次過焗幾個蛋糕，所以發覺了如果用了baking powder及白醋，蛋糕會升得比較高，大約再高1吋左右
• 這蛋糕也可以不加橙酒及橙皮，香味會較淡，但會清楚吃出柚子的味道
• 6吋模所有份量減半，蛋黃用3隻，蛋白用4隻，170C焗40分鐘

聖誕出品第三炮豬手批及焦糖燉蛋

圖圖學校Christmas Party本來學校只要媽媽做一道熟食，反正天氣凍，做出來的熱食到開PARTY時也變涼，但PARTY大食會，其實是家長和小朋友一道吃，所以便以為做多一點也不怕，反正會有大人包辦。

可是卻料不到今年的PARTY只有小朋友東西，雖然這樣比較容易控制，因為很多食物都吃不完，要拿回家，因為小朋友都只顧著吃學校提供的M&M :P

豬手批

咸豬手　　１　　隻
甘筍　　　１　　條
洋蔥　　　半　　個
大蒜　　　１　　條
鹽　　　　３　　湯匙
白酒醋　　４０　ＭＬ

1. 以上所有材料放入已燒開之水中慢火煲３小時
2. 取出豬手及甘荀切粒
3. 放入模／膠盒中，用重物壓實
4. 待涼後，倒去多餘水份，放入雪櫃

食譜轉載自笨Ｂ媽媽


焦糖燉蛋

黃　　　４　　隻
全蛋　　　半　　隻
忌廉　　　１５０ＭＬ
鮮奶　　　１００ＭＬ
糖　　　　２０　Ｇ
雲呢拿　　１　　條

1. 忌廉，鮮奶，雲呢拿條及糖煲至微滾，放１５－２０分鐘待涼－＞Ａ
2. 全蛋與蛋黃發勻過篩，與雲利拿籽加入Ａ中
3. 筆起泡，放入１３０Ｃ焗爐中隔水焗３０－４０分鐘
4. 燉蛋放入雪櫃待面涼後，加入一湯匙砂糖用火槍燒出焦糖層

這個食譜比起之前的實淨很多

食譜轉載自獨角仙

聖誕出品第二炮聖誕小屋蛋糕+OPERA

今日是誕糕日，之前一直很想要學OPERA，但因為曾聽過有朋友在一些舖學的OPERA不夠正宗，所以一直沒有學，直至有BLOG友介紹一間不錯的蛋糕教室，所以又燃起了想學做OPERA的火燄。但這間教室的課程很多人報讀，一般來說比較熱門的課程都會在一星期內爆滿，即要差不多2個月前報名，所以真的很難配合，幸好今天終於學到了~~~~~

個蛋糕超好味，不太甜，今日已差不多吃完，爸爸說有酒店級水準

這裡學最大好處是可以一併學蛋糕裝飾
阿SIR讚我寫的字不錯呢，但可惜右上角的心型寫壞了

然後我又另一間蛋糕教室學做一個聖誕小屋蛋糕，雖然這是只普通的蛋糕，但因為我是在一個團購網站上看到的，實在太抵學，才百多元一堂，不參加對不起自己喔！就當比較不同蛋糕教室的教學方法吧！

做型相當可愛，圖圖見了很興奮

聖誕出品第一炮 Gingerbread Cookie

又是一年一度十二月既大日子，每年臨近聖誕節，烘焙的意欲就會增強許多~~~~~上年做的薑餅不甚滿意，原因是我不喜歡軟身曲奇，而且麵糰太STICKY，很難印模，所以今次改用吚一食譜。

薑餅

這幾個是留在家的，主要作裝飾用，及過下ＲＯＹＡＬ　ＩＣＩＮＧ的手癮

材料：

糖　　　　　　１２０　ｇ
牛油　　　　　１１８　ｇ
全蛋　　　　　５８　　ｇ
糖漿　　　　　１　　　ｔｂｓｐ
低粉　　　　　２３１　ｇ
泡打粉　　　　３　　　ｇ
玉桂粉　　　　１３　　ｇ
薑粉　　　　　２１　　ｇ

1. 牛油室溫放軟, 用打蛋器與糖打勻
2. 全蛋及糖漿分３次加入打勻
3. 加入已過篩的粉類拌勻
4. 放雪櫃雪1小時
5. 取出麵糰擀平吸模
6. 入爐１７０Ｃ，１２－１４分鐘

• 留意第１，２部驟不能過份打發，材料只要打勻便要收手
• 我分別用了二德惠及ＢＡＫＩＮＧ　ＷＡＲＥＨＯＵＳＥ的薑粉，２種都很香，但二記的有一點點辣味，ＢＡＫＩＮＧ　ＷＡＲＥＨＯＵＳＥ的則香而不辣，不過二記薑粉做來的圖圖也吃，不過吃完後說辣辣及飲水（但仍繼續吃）！

婆婆，想要劃上皺紋作區別，但是沒那個膽量

爸爸

圖圖，實在是太細了，所以劃得不好

媽媽，基本上和婆婆沒分別，剛剛才想到其實應該劃長捲髮

另外做左一盒一口大小既薑餅方便圖圖食

黑白。叉叉叉

今日星期六趁無咩做（因為爸爸太多野做唔得閒陪我同圖圖去睇戲），所以媽媽又試整新野！因為上次去迪士尼圖圖好鍾意食DESSERT果塊杏仁餅，所以呢2個星期媽媽一路搵緊個杏仁餅既食譜，諗住整比圖圖食!

杏仁。榛子餅 (約16粒1吋大小)

牛油　　　　　６０　　ｇ
低粉　　　　　８０　　ｇ
杏仁／榛子粉　２５　　ｇ
糖　　　　　　１　　　ｔｂｓｐ

1. 牛油室溫放軟, 用打蛋器攪伴至cream狀
2. 加入杏仁粉, 糖拌勻
3. 加入已過篩的低粉拌勻
4. 放雪櫃雪1小時
5. 取出切粒, 搓圓，壓扁
6. 170度預熱, 焗22-23mins

以上食譜取自Since Rm 1409

• 原來食譜係加１匙糖，但我唔肯定係１茶匙定１湯匙，今次其實我只係落左１茶匙糖，不過真係好淡，下次要改１湯匙
• 做榛子餅因為係晒上朱古力粉，所以再加多少少糖都OK
• 原來食譜係餅仔搓圓，要焗25分鐘，今次我焗20分鐘都OK，但係未夠透，所以下次要試22-23分鐘
• 如果加杏仁粉我覺得杏仁味唔夠，下次會試下半茶匙杏仁香油，睇下會唔會香D

另外之前爸爸講過話好想食叉燒餐包，所以尋日整定左個叉燒餡，今日用左個北海道牛奶包底用黎包果個叉燒餡!

叉燒餡

叉燒　　　　　１２０　ｇ
乾蔥茸　　　　１　　　ｔｂｓｐ
洋蔥　　　　　１／２　ｐｃ

糖　　　　　　３　　　ｔｓｐ
蠔油　　　　　１　　　ｔｂｓｐ
雞粉　　　　　１／２　ｔｓｐ
水　　　　　　３　　　ｔｂｓｐ
叉燒醬　　　　２　　　ｔｓｐ
麻油　　　　　ａ　ｌｉｔｔｌｅ　ｂｉｔ
胡椒粉　　　　ａ　ｌｉｔｔｌｅ　ｂｉｔ

食譜改自韋太烹飪教室

1. 爆香乾蔥及洋蔥，加入叉燒兜勻
2. 加入已預先混和之調味
3. 加入生粉水，煮至杰身，雪過夜

好薑 - 薑汁焦糖燉蛋

今日攞到新玩具~~~~火槍一枝，當然是要立即試一下它的威力！

薑汁焦糖燉蛋 (4杯)

淡忌廉　　　１　　　碗
鮮奶　　　　半　　　碗
蛋黃　　　　４　　　隻
糖　　　　　１。５　湯匙
薑汁　　　　４　　　湯匙

1. 淡忌兼及鮮奶用微波爐稍為加熱，加入糖
2. 慢慢加入蛋黃，拌勻
3. 蛋漿過篩加入杯內，筆走d泡，以保鮮紙蓋上，慢火蒸１８分鐘
4. 晒上沙糖，用火槍燒出焦糖，放入雪櫃５分鐘

以上食譜改自笨Ｂ媽媽

呢個好味呀，不過爸爸想要食實Ｄ，或者可以其中一隻蛋黃改全用全蛋，不過圖圖怕辣淨係食左ＤＤ，等媽媽下次做雲利拿味比圖圖先！

遲Ｄ我要做個凍餅試下用枝火槍脫模先得～～～～

新玩具入手「KA」

好開心好開心呀，尋日我收到一份早來的聖誕禮物，KITCHEN AID~~~~~~~嘩！開心到顛左，咩都唔識講，呢樣野我恨左成幾年，但係因為成3千幾，自己又只會用佢做蛋糕，又好似太大件，所以一路淨係諗諗諗，唔買(其實主要係因為自己孤寒)！

真係好靚仔~~~~我暈啦！


終於因為呢輪開始做包包，婆婆見我次次搓麵糰都玩足差不多一個鐘，又見我上網睇睇睇，所以就買左黎送俾我~~~~~開心死啦！ I LOVE U MOM~~~~~

因為尋日同圖圖去睇左套爛片SKYLINE，所以淨係執好個位置比佢，同洗&抹乾淨，今日先同佢進行開光儀式。

第一樣做既係Q潤版既柚子戚風，嘩打蛋白真係好靚，而且比起我果個KENWOOD都叫靜好多~~~~~，不過都未話係好快！

之後搓包包先叫快，我今日因為淨係做定個中種，等聽日先做白麵包，平時用手提機你點都玩得我5-10分鐘，點知今日量完晒野放入去，1-2分鐘就搞點，量份量既時間仲多過機搓既時間，以後做包包就舒服得多啦~~~~~

想買好耐既噴油器，無奈之前香港無，早幾日諗住趁JSHOPPERS免費費買返黎，點知尋日經過千色店俾我見到佢$98蚊/個，仲一樣都係氣壓式，即買！

電動胡椒磨，買左一排，今日先至真係用佢，幾好用，唔駛再檸到手軟！

仲有時間整定蜜糖芥末籽燒雞，不過係聽日食既！

尋日圖圖畫左幅畫，呢幅我諗真係圖圖第一幅圖畫(無人協助之下)，尋日佢攞起塊畫板，先畫一個大圓圈，再畫2隻眼+1隻眼珠，然後畫嘴，最後先畫埋另一隻眼既眼珠，媽媽問佢呢個係邊個，圖圖答係太陽伯伯！

「痴」‧Q潤伯爵茶戚風

一直尋找完的的蛋糕底，只有完美蛋糕底才可以做要完美的蛋糕~~~~~食過很多不同店舖的蛋糕，花巧複雜的不計算，只計鮮忌廉蛋糕，發覺太子某餅蛋雖然外型不太漂亮，但蛋糕底做得超鬆軟濕潤，非常出色。

早些時在網上找到一個食譜，是從超Q潤戚風一書得來的，一直想要試做，今晚雖然感冒未清，卻突然傻了，就做起來，還要在半夜等戚風涼後試吃，吃完後因為覺得終於做到這種鬆軟濕潤的蛋糕，而太興奮，吵醒了正在睡覺的爸爸，要他起來試吃，你說是不是「痴」？

超Q潤伯爵茶戚風( 17c m模)

蛋黃　　　４０　ｇ（２個）
白糖Ａ　　４０　ｇ
菜油　　　４０　ｍｌ
低筋麵粉　８０　ｇ
鹽　　　　１／８茶匙
伯爵茶葉　１　　小包
伯爵茶液　８０　ｍｌ

蛋白　　　１６０ｇ（４個）
白糖Ｂ　　３０　ｇ

蛋黃醬

1. 將蛋黃倒入盆中, 再加白糖A的1/3, 用打蛋器攪勻.
2. 待砂糖溶化, 加入剩餘砂糖的一半, 繼續攪勻.
3. 又待砂糖溶化, 加入剩餘的所有砂糖, 拌勻. 這時的蛋黃顏色會稍微偏白, 份量也變多.
4. 一次過加入菜油, 攪拌至融合.
5.  加入紅茶液混和均勻, 再用打蛋器以擦盆底的方式攪拌均勻.
6. 加入磨碎的茶葉, 將麵糊整體拌勻.
7.  將篩過的鹽和麵粉全部倒入盆中, 用打蛋器拌至粉狀消失為止.
8. 將麵糊拌至柔滑的狀態即可. 這時馬上接著打蛋白霜.

蛋白霜

1. 蛋白打至形成粗泡, 加入白糖B的1/3量, 繼續打發至濃稠狀.
2. 加入剩餘白糖的一半, 繼續打發至手感變沉重, 再加入餘下所有白糖, 再大動作地翻攪, 至蛋白霜立起時前端微微向下低垂. 這就是制作chiffon最理想的蛋白霜狀態.

混合

1. 用打蛋器撈部份蛋白霜入蛋黃麵糊中拌勻.
2.  再撈一次蛋白霜入蛋黃麵糊中, 這次換成橡皮刮刀來攪拌.
3.  將已拌入部份蛋白霜的蛋黃麵糊一口氣倒入蛋白霜的攪拌盆中, 用橡皮刮刀快速攪拌.
4.  將攪拌好的麵糊倒入模子裏, 雙手拿著模子, 拇指壓住中心圓筒部分, 在桌上輕敲兩下, 以去除空氣.
5.  用橡皮刮刀將麵糊往模子側面沾黏, 以便烘焙過程中讓麵糊往上拉, 膨脹效果更好.
6. 入爐
7. 將模子放入焗爐, 溫度170度, 焗40分鐘.
8. 時間一到, 用竹籤斜插蛋糕中心, 拔出竹籤沒有沾黏的話, 即完成, 否則再焗3 分鐘, 重新測試至完成為止.

食譜轉載自小撇撇

其實我覺得呢個食譜既texture同果間舖頭只有9成似，爭果1成係咩我講唔出，等我搵日出去買番件認真食下睇下有咩分別先~~~~

17小時香蕉杏仁肉桂包 + 北海道牛奶包

上次買了點杏仁粉打算做MACARON，但發覺D杏仁粉太粗粒用不著，剛巧仙姐的麵包書內有一個食譜是用杏仁粉及RUM酒，剛巧上回做蘋果肉桂包包又剩下一些浸提子的DARK RUM，所以做這個包就可以用了一些剩下的材料。

因為手邊沒有Rolling pin (事實上是上一枝太不好用嬲嬲地上次掉了未買)，所以賣相有點差。

這個包包好好味呢，不過因為加了牛油及糖在包包面上，真是超級邪惡，不可以多吃，不過像圖圖這些瘦Ｂ，吃多一點倒是不妨。

之後因為好想做Ａ１那個我們全家都超愛吃的火腿芝士芝麻包包，所以又用湯種法做了一些迷你包包(腸仔、肉鬆、菠蘿天拿魚及火腿芝士芝麻)，真的超好吃！一出爐爸爸便掃了6個，婆婆2個，圖圖及媽媽各1個，重要的是這是晚飯後的事呢~~~~~

而且這那個火腿芝士芝麻包包和Ａ１那個真是超似，以後我也不需要在Ａ１買那個＄１２也不多大，買２個回家，自己才可以吃一小片的包包（其他是婆婆和爸爸搶著吃光！）！

北海道迷你包包(16個份量)

好像燶了一點，今次用180C焗，下次試用170C焗，希望可以改善

湯種　　　　１　　　份（熱水９０克+ 高筋粉２０克拌勻後放涼備用）
高筋粉　　　２８０　克
糖　　　　　４５　　克
鹽　　　　　４　　　克
淡忌廉　　　３０　　毫升
牛奶　　　　３０　　毫升
依士粉　　　６　　　克
蛋　　　　　４３　　克
無鹽牛油　　２５　　克

1. 先將所有材料除牛油外混合成糰，再加入牛油搓至光身並起薄膜狀
2. 麵糰放於溫暖地方進行第1次發酵至2倍大
3. 取出麵糰輕壓放氣, 然後分成 １６份滾圓，靜止約15分鐘
4. 以１７０度焗約１８分鐘至金黃

食譜參巧: MC實驗室

外面裹著白芝麻，內裏包了黑芝麻/火腿及parmesan cheese，真是我們一家的Favourite~~~

17小時蘋果肉桂包包

這次我是用仙姐天然麵包香內的食譜做，做一半的份量，有13個50G麵團份量的包包。這個份量對我們一家人來說多了一點，下次或許做1/3份量，即大約8個包包會更好。

早一晚煮蘋果茸

肉桂蘋果餡，好美味，下次用這做蘋果批應該也會很不錯

打爛過茜後的蘋果茸

包包出爐啦！

包包做出來都OK，但仍不夠鬆軟，下次搓再久一點應該會更好，可能因為這次用的麵粉不太受水的關係，所以最初不能成團，要再加麵粉才成形。不過和上課的食譜，我嘉歡這個多一點，因為這個食譜內不需用到麵包改良劑，畢竟我要自己做包包，就是想要家人吃得健康點，少食外面含化學成份及防腐劑。

不過我很愛肉桂的味道，所以超喜歡，下次肉桂粉可以再加多一點，爸爸也說這比街上那些腸仔包更好吃~~~~，而且熱食更美味！

忍佢唔到 - 菠蘿紅豆包

上兩個星期響屋企試左做手工麵包，做了紅豆包及吞拿魚包，結果係超級硬，而且拑極個包都唔起膜。真係頂個包唔順，跟住即刻跟手去報左名學整包。

今日終於上堂啦！

菠蘿紅豆包

高筋麵粉　　１５０　克
酵母　　　　３　　　克
麵包改良劑　０。５　克
糖　　　　　３０　　克
奶油香粉　　１　　　克
蛋　　　　　１０　　克
水　　　　　８０　　克
無鹽牛油　　１５　　克

1.  高筋麵粉＋酵母＋麵包改良劑＋糖＋奶油香粉＋蛋＋水用矽膠刮撹勻，用手差至軟身
2. Ｓ钩（向下）用最慢速攪面糰約１至１。５分鐘
3. 加入牛油用手搓入牛油
4. Ｓ钩（向下）用最慢速攪面糰約４至５分鐘，直至能拉出薄膜
5. 第一次發酵約４０分鐘，分割後造型（塗全蛋，加上菠蘿皮再塗上蛋漿（３蛋黃＋１蛋白））
6. 於焗爐內注入４０Ｃ溫水，入爐第二次發酵約２０分鐘
7. 用１９０Ｃ焗約１５分鐘

菠蘿皮

低筋麵粉　　５０　　克
臭粉　　　　１／４　茶匙
梳打粉　　　１／４　茶匙
花奶　　　　５　　　克
棉糖　　　　２５　　克
豬油　　　　２７　　克
黃色色膏　　１　　　滴

1. 臭粉＋梳打粉＋花奶＋棉糖＋豬油＋色膏拌勻
2. 加入低筋麵粉拌勻
3. 分割搓圓壓扁

饀料
紅豆蓉　　　１２０　克

• 菠蘿皮的棉糖可用砂糖代替
• 麵包內的水將１／３改用鮮奶以增加奶香
• 麵包內的餡料可隨意更換
• 如不入爐作第二次發酵則要將面糰噴濕代替，但發酵時間便要加長
• 面糰重量建議，大包（１０ＣＭ）７０克，中包（８ＣＭ）５０克，迷你包（６ＣＭ）３０克

低糖綠茶紅豆戚風

因為上星期做紅豆包包時還有一些十勝紅豆剩下，不想要放太久，而剛巧家中又有綠茶粉，所以便試做一個綠茶紅豆戚風。

這次我使用了SPLENDA代糖，以代替真糖，因為十勝紅豆本身已含有糖，所以充其量只可以說是低糖戚風，如果不用紅豆作餡料或自製紅豆餡的話，便可以做到無糖蛋糕。

低糖綠茶紅豆戚風(6吋模)

比平時矮好多呢～～～

蛋白　　　　２　　　隻
醋　　　　　數　　　滴
代糖　　　　８　　茶匙
蛋黃　　　　２　　　隻
水　　　　　２５　　克
低筋麵粉　　２８　　克
粟粉　　　　５　　　克
泡打粉　　　１　　　克
鹽　　　　　１　　　克
菜油　　　　２０　　克
緑茶香油　　１／４茶匙
緑茶粉　　　２　　　克

1. 蛋黃＋牛奶＋菜油拌勻，再加入已篩之麵粉及粟粉拌至滑身後，再加入綠茶粉及綠茶香油－＞（Ａ）
2. 蛋白＋他他粉＋鹽打３０秒，加入１／２糖打２０秒，再加餘下糖打２０秒至忌廉狀－＞（Ｂ）
3. １／３－１／２（Ｂ）加入（Ａ）中拌勻－＞（Ｃ）
4. （Ｃ）加入餘下（Ｂ）拌勻
5. 倒入焗盤，大力扣２下，入爐最底層，用上下火１７０Ｃ焗６分鐘後，轉上火繼續焗至有蛋香及上色，全程大約１５－２０分鐘
6. 出爐後用力鄧一下後倒扣待涼

要留意不同牌子的代糖份量換算均不一，這是ＳＰＬＥＮＤＡ換算約３５克的真糖份量。
這次我使用１／８茶匙的綠茶香油，但爸爸說綠茶味不夠重，所以下次應加至１／４茶匙。
可能因為用代糖的關係，蛋糕發比平常矮１／３，而且蛋糕面會有甩皮的狀況，建議下次使用少２克麵粉（即２８克），及將整個蛋糕材料份量加大１／２，現食譜為未加大之份量。
這次雖然蛋糕發得沒有平常高，但吃下去仍是相當鬆軟，因為爸爸試吃時是感覺不出分別，直至告訴他今次發得沒有平常高，可能會實一點，仔細的嘗，才感覺到分別。

愛。薰衣草戚風

以前一直不喜歡薰衣草的味道，總是覺得怪怪的。直至某年某月不知是甚麼原因，突然愛上。近年更越來越喜歡這種香氣，總是令我覺得超有放鬆的感覺。

之前曾喝過薰衣草茶，加上一點蜜糖，也覺得很不錯。所以今次做薰衣草戚風，希望吃到的人也能釋放壓力，放鬆一下。

薰衣草戚風(6吋模)

蛋白　　　　２　　　隻
醋　　　　　數　　　滴
糖　　　　　３５　　克
蛋黃　　　　２　　　隻
水　　　　　２５　　克
低筋麵粉　　３０　　克
粟粉　　　　５　　　克
泡打粉　　　１　　　克
鹽　　　　　１　　　克
菜油　　　　２５　　克
薰衣草香油　１／８茶匙
薰衣草　　　３／４茶匙

1. 蛋黃＋牛奶＋菜油拌勻，再加入已篩之麵粉及粟粉拌至滑身後，再加入薰衣草及薰衣草油－＞（Ａ）
2. 蛋白＋他他粉＋鹽打３０秒，加入１／２糖打２０秒，再加餘下糖打２０秒至忌廉狀－＞（Ｂ）
3. １／３－１／２（Ｂ）加入（Ａ）中拌勻－＞（Ｃ）
4. （Ｃ）加入餘下（Ｂ）拌勻
5. 倒入焗盤，大力扣２下，入爐最底層，用上下火１７０Ｃ焗６分鐘後，轉上火繼續焗至有蛋香及上色，全程大約１５－２０分鐘
6. 出爐後用力鄧一下後倒扣待涼

這個蛋糕吃時只有淡淡的薰衣草香氣，但吃罷後反而感到香氣留在口中，而且更加濃郁。

爸爸及婆婆都說薰衣草戚風和柚子戚風都很讚。

椰絲斑蘭戚風

從上個星期學戚風以來，一直想做不同味道的戚風，最主要原因是戚風做出來比較鬆軟、健康，不過當然不表示可亮無節制地吃！

上次由於只買了一個6吋的戚風模，所以爸爸送給朋友吃的也只是一個6吋的蛋糕，那天當我放到盒中給爸爸也有點汗顏，因為實在太小了，好像很吝嗇似的，所以今天到旺角便順道買了一個8吋的戚風模及一些西餅麵包材料。

回到家中，一拿出那個8吋模圖圖便說要吃蛋糕。想起了剛過去的星期日自制了斑蘭香油，算一算今已浸了三天，而且買了椰絲，所以便打算做椰絲班蘭蛋糕。

椰絲斑蘭戚風蛋糕（６吋模）

一Ｄ綠色都無，都唔明美心個綠係點整(唔通係加色素????)

蛋白　　　　２　隻
醋　　　　　數　滴
糖　　　　　３５克
蛋黃　　　　２　隻
斑蘭水　　　２５克
低筋麵粉　　３０克
粟粉　　　　５　克
泡打粉　　　１　克
鹽　　　　　１　克
斑蘭油　　　２５克
椰絲　　　　１０克

1. 用１杯熱水加３片斑蘭葉打碎，靜置１小時，倒出面層的水，只取用低層的斑蘭水，過篩
2. 蛋黃＋斑蘭水＋斑蘭油拌勻，再加入已篩之麵粉及粟粉拌至滑身，再拌入椰絲－－＞（Ａ）
3. 蛋白＋醋＋鹽打３０秒，加入１／２糖打２０秒，再加餘下糖打２０及秒至忌廉狀－－＞（Ｂ）
4. １／３－１／２（Ｂ）加入（Ａ）中拌勻－－＞（Ｃ）
5. （Ｃ）加入餘下（Ｂ）拌勻
6. 倒入焗盤，大力扣２下，入爐最底層，用上下火１７０Ｃ焗６分鐘後，轉上火繼續焗至有蛋香及上色，全程大約２０分鐘
7. 出爐後用力鄧一下後倒扣待涼

• 手上沒有他他粉，所以加上數滴醋代替，用數滴檸檬汁亦可
• 今次忘記了６分鐘後闗底火，在１０分鐘時入關，再將爐溫降至１６０Ｃ，蛋糕比平常沒有升那麼
• 有很濃的椰香味，但斑蘭味不足，下次應要加入多點斑蘭葉，用磨磨碎取汁，或加入斑蘭香油

當初Ｄ斑蘭油同斑蘭水明明好綠。。。

破壞計劃 - 柚子戚風蛋糕

本來今日打算做麵包超人紅豆包給圖圖，點知圖圖今日一起身，見到一個吉既蛋糕盒就話，嘩有蛋糕~~~~~！媽媽認真咁話圖圖一次：「你係咪想食蛋糕？」，圖圖答：「係！」，咁媽媽唯有認命做蛋糕。

不過時間實在有點趕，因為十二時圖圖要上體操班，十一時便要出門，媽媽想要出門前做好，時間只有一個小時多一點。幸好昨天，媽媽見到一個柚子戚風蛋糕的食譜，靈機一觸，將之前天使蛋糕的食譜改動一下。

柚子戚風蛋糕（６吋模）

蛋白　　　　２　隻
醋　　　　　數　滴
糖　　　　　２８克
蛋黃　　　　２　隻
熱水　　　　２５克
柚子蜜　　　２５克
低筋麵粉　　３０克
粟粉　　　　５　克
泡打粉　　　１　克
鹽　　　　　１　克
菜油　　　　２５克
橙皮茸　　　１　個

1. 熱水沖開柚子蜜，再將柚子渣隔開，柚子渣加入橙皮茸－＞（Ａ）
2. 蛋黃＋柚子蜜水＋菜油拌勻，再加入已篩之麵粉及粟粉拌至滑身－－＞（Ｂ）
3. 蛋白＋醋＋鹽打３０秒，加入１／２糖打２０秒，再加餘下糖打２０秒至忌廉狀－－＞（Ｃ）
4. １／３－１／２（Ｃ）加入（Ｂ）中拌勻－－＞（Ｄ）
5. （Ａ）及（Ｄ）加入餘下（Ｃ）拌勻
6. 倒入焗盤，大力扣２下，入爐最底層，用上下火１７０Ｃ焗６分鐘後，轉上火繼續焗至有蛋香及上色，全程大約２０分鐘
7. 出爐後用力鄧一下後倒扣待涼

• 手上沒有他他粉，所以加上數滴醋代替，用數滴檸檬汁亦可
• 因為柚子蜜中含有糖份，按我使用的那罐的食物營養標籤，每２５ｇ柚子蜜，約含８ｇ糖，所以將天使蛋糕的糖量減去８ｇ
• 橙皮茸手作增加果香，用檸檬皮茸亦可

媽媽做好蛋糕後，便和爸爸及圖圖出門上體操堂，上完堂後教練對媽媽說，圖圖之後２堂不用再來上，因為之前圖圖實在缺課太多，怕他這次考試不及格形響自信。媽媽心想難道真是圖圖上課時太難控制，所以被踢出校～～～～～～？

然後去了筲箕灣東大街食出名的粉面ＹＵＭＭＹ！

媽媽的魚蛋牛丸米

爸爸的切腩撈粗

圖圖的墨丸河，今次係圖圖咁大個第一次食河粉咋！

回家後圖圖一見到今早焗起的蛋糕便嚷著要吃，大家也試了一點，爸爸與婆婆都說這個比天便蛋糕更ＦＲＥＡＳＨ及鬆軟好吃！爸爸即時更ＯＲＤＥＲ一個要明天送給朋友，另媽媽一早已打算如果好吃的話會今天焗一個給圖圖明天拿回幼稚園和小朋友分享，所以今天竟然破紀錄焗左３個咁多～～～～

之後今天的晚餐由於婆婆不太舒服不想吃，所以只翻熱了昨晚的洋蔥湯及白松露菌醬炒蘑菇鮮蝦意粉。奇怪的是做晚餐時媽媽問圖圖今天晚上食意粉好嗎？圖圖竟然話要食「飯飯」～～～食飯一向不受圖圖歡迎，幸好家中有大半碗冷飯及鰻魚，所以另外炒了一碗蟹柳鰻魚炒飯給圖圖。

又愛又恨

真係唔知點講，因為我老公鍾意你，所以次次你都令我淚流滿面，止都止唔到~~~~~因為我老公鍾意你，所以我今晚一口氣將你切開，幸好在半夜沒人看見......洋蔥，點解你要搞成我咁~~~~~~

洋蔥湯（６人份量）

洋蔥　　　　６　　個
水　　　　　１。５公升
麵粉　　　　４　　茶匙
雞粉　　　　２　　茶匙

1. 將２個洋蔥切絲，４個切碎
2. 湯煲加入菜油，炒洋蔥至金黃
3. 加入麵粉及雞粉，快手炒勻
4. 加水，水滾後收慢火，煮４５分鐘
5. 用前可洒上芝士粉，２２０Ｃ焗至芝士溶化
6. 之前曾經偷聽個一位開西餐廳既老間教伙記，話湯一定要過夜先好飲（果時佢教緊整菠菜湯），所以如果時間許可，我都會早一晚煮定

遇見天使

早幾個星期痴左條線想學美心既天使蛋糕，SEARCH左好幾間BAKERY SCH，揀左間快既，點知尋日開始作病，到今日都未好得晒，但錢已俾左，而且真係好想學，所以照去馬~~~~~

我覺得仲易整過普通蛋糕（唔知關唔關唔駛磅又唔駛洗），而且比較鬆軟，如果未搵到更好既，第日我都應該會用佢做蛋糕底~~~~~

趁依家仲記得打左個食譜先

天使蛋糕(6吋模)

蛋白　　　　２　隻
他他粉　　　１　克
糖　　　　　３５克
蛋黃　　　　２　隻
牛奶　　　　２５克
低筋麵粉　　３０克
粟粉　　　　５　克
泡打粉　　　１　克
鹽　　　　　１　克
菜油　　　　２５克

1. 蛋黃＋牛奶＋菜油拌勻，再加入已篩之麵粉及粟粉拌至滑身－－＞（Ａ）
2. 蛋白＋他他粉＋鹽打３０秒，加入１／２糖打２０秒，再加餘下糖打２０秒至忌廉狀－－＞（Ｂ）
3. １／３－１／２（Ｂ）加入（Ａ）中拌勻－－＞（Ｃ）
4. （Ｃ）加入餘下（Ｂ）拌勻
5. 倒入焗盤，大力扣２下，入爐最底層，用上下火１７０Ｃ焗６分鐘後，轉上火繼續焗至有蛋香及上色，全程大約１５－２０分鐘
6. 出爐後用力鄧一下後倒扣待涼
7. 牛奶可用水／橙汁代替
8. 如要加入橙皮／檸檬皮可在最後拌勻粉漿時加入
9. 如要加入可可粉，須在最後拌勻粉漿時加入，然後立刻入爐（因可可粉會破壞粉漿張力）
10. 蛋糕可放冰格存放，使用時放下格解凍
11. 如果屋企焗爐不可分上下火，就入爐時１７０Ｃ放中層，約１０分鐘後底層插入底盆，以作減熱之用，改用１６０Ｃ焗，如蛋糕升太快但仍未上色則改１５０Ｃ

脆焦糖

糖　　　　　４０克
粟膠　　　　１０克（用手／匙濕水可較易取）
水　　　　　１５克
梳打粉　　　２　克

1. 水＋粟膠＋糖煮至杰（起泡較慢及較大）及有色
2. 加入梳打粉快速拌勻即離火
3. 如要加入肉桂／薑粉／豆寇粉可在落梳打粉前落
4. 可放冰格存放（不可放下格）

試做變種咕嚕肉

前日睇到大少奶既FB，教用豆腐卜+蝦膠入爐焗脆代替炸排骨做咕嚕肉。即刻忍唔住要試整，半夜打蝦膠 + 釀豆卜~~~~~今日試整真係好味，不過我蠢左，竟然將焗起既豆卜回煱，所以唔夠脆......下次要豆卜同汁另上，加釀多D蝦膠咁就十全十美啦!

甜酸蝦膠釀豆卜（４人用）

豆卜　　　　　６両
蝦　　　　　　半斤　（今次少左Ｄ一斤應該會好Ｄ）
青椒＆黃椒　　各一個
罐頭菠蘿　　　４片

鹽　　　　　　適量
糖　　　　　　適量
胡椒　　　　　適量
生粉　　　　　適量

白醋　　　　　１２湯匙　（可以少ＤＤ）
水　　　　　　１２湯匙
糖　　　　　　１２茶匙　（可以多ＤＤ）
生粉水　　　　適量

1. 蝦去殼去腸，再用鹽及生粉洗淨２次，瀝乾，用刀壓扁後剁碎，加入鹽打成蝦膠後再加其餘調味料
2. 蝦膠釀入已洗淨之豆卜釀入蝦膠，入焗爐２００Ｃ約２０－２５分鐘，期間要反轉１－２
3. 略炒已切片之青椒紅椒，盛起
4. 白醋、水、糖同煮，加入青椒紅椒菠蘿，兜勻，加入生粉水煮至適合濃

爸爸話今次酸左ＤＤ同想下次要甜多少少～～～～

熊貓方包

自從見過有人上堂學呢個包包就已經想做，但無奈時間同地點都配合唔到，終於上個星期比我搵到個食譜，真係開心死我！今次係我第一次自己搓包包，原來都幾好玩！下次我要試整麵包超人紅豆包~~~~~

A) 高筋粉 230g,  低筋粉 70g, 糖 35g, 鹽 4g, 蛋 45g, 奶165g, Yeast 4g,
B) 牛油 20g.
C) 可可粉 8g + 熱水 8g 拌勻後放涼備用
D) 綠茶粉 8g + 熱水 8g 拌勻後放涼備用

1. 先將材料(A)拌勻成麵糰, 再加入(B)混合至光身(不需見薄膜狀),
2. 將麵糰分成 3份,  ( 75g / 210g / 285g )
3. 將 210g 的白色麵糰搓至薄膜狀後, 滾圓待發酵,
4. 將 75g + (C) 混合成可可麵糰, 搓至薄膜狀後滾圓待發酵,
5. 將 285g + (D) 混合成綠茶麵糰, 搓至至薄膜狀後滾圓待發酵,
6. 所有麵糰放於溫暖地方進行第1次發酵 約5-60mins至2倍大,
7. 將白色麵糰分成 3份, (30g-二眼之間, 90g-下半面, 95g-上半面),
8. 將可可麵糰分成 4份, (17.5g x 2份-耳朵, 27g x 2份-眼睛),
9. 將綠茶麵糰分成 2份, (70g-二耳之間, 230g-包外圍用), 
10. 把所有麵糰滾圓後蓋好, 靜置15-20mins, 
11. 依次序取出麵糰並排好特定位置, 需要時可掃些水方便貼合,
12. 完成後放入吐司模內作最後發酵 約 60mins至 9分滿,
13. 以200度焗約 25-30mins 至金黃, 取出放涼便成.

以上食譜最自MC's Blog

個包包唔係特別好味，不過真係好CUTE我諗如果用呢個方法做包包，但係譜用湯種包包食譜應該會好味得多。

淘呀淘~~~~ + 17小時伯爵茶包包 + 超Q潤朱古力戚風

又有新玩具啦~~~~~

早2個星期見到一個blog友，話響淘寶買到超迷氣麵包發酵籃，睇得我心癢癢，仲要咁啱佢有d我平日想買，但又成日覺得因為用得太少，價錢相對太貴，所以無買既野--->果度賣得平好多！所以就即刻揀揀揀，順便再買多dd其他野，搵埋間集運幫我收貨，再一次寄過黎，搞到尋日先收到~~~~

雖然尋日爸爸病左，我又要陪佢睇醫生，題佢食藥，煲粥比佢食，但都忍唔住即刻拆開晒~~~~~勁開心！

雖然尋晚好忙，但係都做左17小時伯爵茶包包(無辦法啦，屋企既包包食淨半塊咋！)，仲有做左朱古力超q潤戚風！搞到尋晚成3點先瞓~~~~~

Rolling Pin - 兩頭有橡皮可以比較容易控制fondant 既厚度
煮食溫度計 - 以後煮糖唔駛估估下
焗爐溫度計 - 我估我個爐溫係高左D，所以買個番黎CHECK下，原來真係高左成15C

蜂蜜蛋糕木框

法包焗盆

蛋糕盒一個，以後我D包包同蛋糕都有位安置啦

石板 - 用黎焗PIZZA同歐式包包用

發酵籃

17小時伯爵茶包包
呢個17小時包包係用書入面既半份材料，我最初用KA2度搓勻，加牛油，再搓勻後，用KA4度打6分鐘，之後嘩可以拉到超薄膜，今朝叮熱食好鬆軟喔！

超Ｑ潤朱古力戚風(２０c m模)

成人版超Q潤戚風，今次終於超Q潤都可以徒手脫模啦！

蛋黃　　　８０　ｇ　　（４個）
白糖Ａ　　６０　ｇ　　（原食譜為８０ｇ）
菜油　　　１００ｍｌ
水　　　　１６０ｍｌ
低筋麵粉　８０　ｇ
鹽　　　　１／４茶匙
泡打粉　　１　　茶匙　（原食譜沒有）
可可粉　　８０　ｇ
朱古力　　６０　ｇ　　（我用85%既Valrhona，蛋糕味道似72% chocolate）
白蘭地　　２　　湯匙
蛋白　　　２８０ｇ　　（７個）

白糖Ｂ　　６０　ｇ
白醋　　　少許　　　　（原食譜沒有）

蛋黃醬的製作

1. 將朱古力隔水溶化，加入菜油－＞Ａ 2.
2. 將蛋黃倒入盆中, 再加白糖A的1/3, 用打蛋器攪勻
3. 待砂糖溶化, 加入剩餘砂糖的一半, 繼續攪勻
4. 又待砂糖溶化, 加入剩餘的所有砂糖, 拌勻. 這時的蛋黃顏色會稍微偏白, 份量也變多
5. 一次過加Ａ, 水及白蘭地, 再用打蛋器以擦盆底的方式攪拌均勻
6. 加入己過篩之可可粉, 低筋麵粉, 鹽及泡打粉, 用打蛋器拌至粉狀消失為止
7. 將麵糊拌至柔滑的狀態即可. 這時馬上接著打蛋白霜

蛋白霜的製作

1. 蛋白打至形成粗泡, 加入白糖B的1/3量, 繼續打發至濃稠狀
2. 加入剩餘白糖的一半, 繼續打發至手感變沉重, 再加入餘下所有白糖, 再大動作地翻攪, 至蛋白霜立起時前端微微向下低垂. 這就是制作chiffon最理想的蛋白霜狀態

混合

1. 用打蛋器撈部份蛋白霜入蛋黃麵糊中拌勻
2. 再撈一次蛋白霜入蛋黃麵糊中, 這次換成橡皮刮刀來攪拌
3. 將已拌入部份蛋白霜的蛋黃麵糊一口氣倒入蛋白霜的攪拌盆中, 用橡皮刮刀快速攪拌
4. 將攪拌好的麵糊倒入模子裏, 雙手拿著模子, 拇指壓住中心圓筒部分, 在桌上輕敲兩下, 以去除空氣
5. 用橡皮刮刀將麵糊往模子側面沾黏, 以便烘焙過程中讓麵糊往上拉, 膨脹效果更好
6. 入爐
7. 將模子放入焗爐, 溫度170度, 焗50分鐘
8. 時間一到, 用竹籤斜插蛋糕中心, 拔出竹籤沒有沾黏的話, 即完成, 否則再焗3 分鐘, 重新測試至完成為止

本身係展圖豬話要食蛋糕，所以今晚焗定，諗住比佢聽日食，點知搵唔到包55%朱古力，唯有用包85%既Valrhona頂住，加上Valrhona可可粉同dark rum，減左20g糖，麵糊加番1 tsp baking powder，蛋白霜加左少少醋，真係超正，發得好好，口感濕潤，但係模落去唔濕~~~~好濃朱古力味！但只限於平時鍾意食Dark Chocolate既朋友仔~~~~ 下次再做比圖圖食我諗都係要搵番包55%既朱古力同埋加番果20g糖先得。

廢事驚驚

事緣今次一家人去澳門，因為今次係圖圖第一次去，所以必定要去一轉旅遊塔，由於旅遊塔上有一部份地板係透明既，圖圖因為唔夠膽，所以死都唔肯企上去。

好不容先哄到圖圖坐樓梯邊，雙腳踏上透明地板上拍照一張，一拍完照，圖圖便急急腳走開，然後講：「廢事驚驚！」

6日6夜@布吉 Day 7 - 返香港啦

今日一起身超級好天，黎左幾日終於見到藍天白雲，咁當然唔好浪費左呢個好天氣，食完早餐就返VILLA換泳衣，去MAIN POOL游水。

黎左咁多日，因為VILLA個泳池太好玩，所以都未去過MAIN POOL，因為可能多數人VILLA都有泳池，所以MAIN POOL都無咩人，其實MAIN POOL除左酒店客人外，BANYAN TREE SPA既客人都可以使用，而且仲有STEAM RM，但係使用率唔高。

游左個幾鐘，迅速返房沖涼，因為約左師太車點半去機場，所以尋晚申請左1 PM LATE CHECK OUT。

但係唔知係咪有人簽錯單，尋晚酒店俾既INVOICE入面，有百幾BAHT係人地響酒店既POOL BAR ORDER COKE，但係簽錯我地既房號，不過同佢地講聲好快就搞番掂(其實我諗係BANYAN TREE自己哽番)，因為果個人係簽CHENG，同我個姓唔同。

師太車好準時到，去到機場CHECK IN左，去BURGER KING食少少野，就返香港LU~~~~

6日6夜@布吉 Day 6 - 最後一夜

過埋今晚聽日就要返香港，所以今日一定要HEA盡佢~~~~~

唔知係咪琴日按得太多，今朝媽媽成個人散散地，竟然出奇地唔係第一個起身，仲要排包尾！正當媽媽仲賴緊床時，爸爸已經帶左圖圖去花園玩避雨 (避響D植物下面)，兩仔爺不知玩得幾高興。

由shower room同toliet果度間望出既花園

終於捨得離開張床去食早餐，今日一定要記得影早餐相~~~~~

好味Latte

Salad

Cold Cut

Hot Dishes (有飯、麵、粥、河粉、味噌湯及肉類)

泰式咖喱及食品

Fruit

果汁及飲汁 (全脂奶、低脂奶、朱古力奶、橙汁、蘋果汁及其他數種果汁)

烤蕃茄及薯仔、FRENCH TOAST、HAM & SAUSAGE

CORN FLAKE

FRUIT (中間係好味既芒果糯米飯)

煎蛋CORNER

食玩早餐，爸爸又同圖圖返Villa入面游水。之後兩仔爺俾睡魔急Call，而媽媽就響Banyan Tree入面週圍下散下步，順便影下相。

呢度門入去就係SHOWER RM.同TOILET

SHOWER RM

VILLA門口

去沙灘既路

每日門口都會有報紙，BANYAN TREE送黎既信件都會放呢度(當然如果有人執房會幫手攞埋入黎)

BATH SALT、BUBBLE BATH & BATH OIL

男用洗手枱

女用洗手枱(男女洗手枱分別在放日用品果個袋仔入面既野係有分別，同埋女用既有風筒)

大約兩點鐘，到爸爸做SPA既時間，媽媽就接替Take Care圖圖既責任，俾爸爸Relax下。

見圖圖仲未瞓醒，媽媽趁機游下水，之後圖圖醒左就順便同圖圖又再沖Bubble Bath，沖完涼見停左雨媽媽就同圖圖去Canal Village，睇下個Bouncing Castle會唔會開，順便買dd野俾圖圖食。去到Canal Village見到Notice Board上面話5pm會有Baby Elephant所以hea到佢黎，等圖圖可以摸下同佢玩下。

呢度(只限BEER TENT)D野一D都唔貴

之後爸爸已經做完SPA，打電話黎，我地就約響Main Gate會合，睇下出面會唔會有好野食。但係間間餐廳都好似死城咁。

OASIS SPA

所以諗住去Sheraton食，去到Sheraton影下相。

之後又傾不如去番Lotus，終於敲定左今晚再食多次Lotus，順便可以放天燈，就麻煩Sheraton既櫃枱職員幫我地打電話叫Lotus黎接我地。因為仲淨番6000+ Baht，今晚叫左超級多野食~~~~~~~

FRUIT PUNCH (如似番港酒樓開席前派果d咁既味)

LIME SHAKE (酸酸地好FRESH)

蟹肉湯 (唔係好食到蟹肉，不過好多海參)

燒牛肉沙律 (其實我想食菜，點解入面淨係得牛肉？)

蒜蓉炸瀨尿蝦皇

黑椒炒黑蟹 (黑蟹好食過藍蟹，D肉爽好多)

燒石斑

燒蠔

放埋天燈就返Villa執行李啦！

第一日TURN DOWN既GIFT

第三日TURN DOWN既GIFT (第二日果本簿仔唔記得影)

媽媽既生日禮物

6日6夜@布吉 Day 5 - 媽媽生日

今日係媽媽生日，一早起身，就去食期待既早餐(2/8遊記有早餐相)，因為之前諗Banyan Tree咁正，早餐應該唔差。事實上當然唔叫差，但係無想像中咁多野食(因為有D酒店早餐真係超級多野食)，但係都一定可以食到好飽，飽到唔駛食Lunch。不過好在佢有好飲既Latte搭救，Yeah！

頭一日去食早餐唔知定揀左響Outdoor坐，點知真係超級晒，食到一家三口滴晒汗，後來個Waiter見到我地咁慘都唔忍心，幫我地將把太陽傘搬過少少，當堂舒服晒！

食完早餐後返Villa，門口竟然有一份小禮物同埋一張咭，係Banyan Tree送俾媽媽既生日禮物同埋生日咭。

之後媽媽就去做Banyan Tree送果個90 Mins Free Massage，入到去先送來Welcome Drink，之後來有人黎講解下D Massage，問下鍾意大力定細力，再隻中揀2-3隻，因為我本身唔鍾意Thai Massage同埋指壓，所以就無揀Thai同埋Lomi Lomi(用指壓加上手踭按)，而揀左Balinese (用手掌按)。

之後按摩師帶左媽媽入去一間SPA Villa入面，先係揀香薰，跟住係用一個洒滿玫瑰花既銅盆洗腳，然後就換SALONG，之後就開始Massage

其實我覺得Banyan Tree既Massage都係好一般，都舒服，但係唔係話超級正，但係環境同Service就真係一流。Massage之後就沖涼，之後出番去之前洗腳果個梳化度，飲番杯Lemongrass Tea同埋食水果，之後填埋份問卷就ok！

做完Banyan Tree既Massage，又到Oasis既SPA，因為師太度做買一送一，又包Oasis同Banyan Tree既接送，問過師太，可以分開兩日做，一日媽媽做，一日爸爸做，所以就去馬！

因為相機無電，所以Oasis SPA無影相~~~~~

講番Oasis其實都唔錯，唯一缺點係有烏蠅，同埋間茅屋入面無洗手間，只有沖涼房。Massage手勢同Banyan Tree差不多，都係咁一般，但係OK舒服，可以瞓著！當然可能Banyan Tree做Body/Wrap或者會用一D靚D既Product，所以會好d都唔奇，但係因為媽媽未試過，所以不便評論！

做完SPA返酒店，因為落緊雨，所以要麻煩爸爸出Villa門口接媽媽。原來爸爸已經收左Banyan Tree送既蛋糕，仲要已經點好蠟燭，仲要教理圖圖講生日快樂，同唱生日歌，真係勁Sweet！

因為時間既關係，所以吹左蠟燭許左願一家人就出發去Lotus！可惜今日天氣麻麻，所以睇唔到日落~~~~~

今餐叫左雜錦拼盤、Green Salad、椰汁雞湯、蛋炒飯、炒芥蘭同埋芝士焗蠔，個雜錦拼盤同椰汁雞湯好好味，其他都唔差，係呢幾日最好味既泰！

食完之後就返Villa食返Banyan Tree送果個蛋糕做Dessert，個蛋糕真係有驚喜，連圖圖一向唔鍾意食朱古力蛋糕都食左兩件，媽媽On Diet都忍唔住食左差不多一件，爸爸更不在下話。

之後又後浸Bubble Bath同埋瞓覺時間。

6日6夜@布吉 Day 4 - Butterflies & Insects Gdn轉酒店

今朝起身後好在見圖圖無咩事，執好行李就check-out，之後我地就去BRILEY食雞飯啦！叫左2碟大1碟小一共125Baht，好抵食~~~~~！d雞飯都ok好味，不過我都係鍾意食西貢滿泰多d~~~~~~

食完之後，我地就出發去Butterflies & Insects Garden，呢個蝴蝶公園真係有dd難搵，加上爸爸手機浸左水，依家只係靠幾張地圖，不過唔緊要，路在口邊，落車問多幾次終於搵到。

去到之後買飛入場，買左d魚糧同麵包餵魚，之後就入去啦，首先係睇昆蟲媽媽咁大個先係第一次睇到竹節蟲，估唔到有成隻半手掌咁長，入面有有d蜘蛛同獨角仙咁，不過圖圖好驚，一見到已經喊住話唔睇，所以我地即刻轉陣去睇蝴蝶。

入到個花園中間有個水池，入面有好多錦鯉，係俾人餵魚既。雖然d魚唔多擁躍，但係圖圖都餵得好開心。之後我地就周圍行，真係都幾多蝴蝶，如果有影友一定超鐘意，因為唔駛搵唔駛等就好容易影到靚相。不過個花園真係都幾熱。

行左一陣走左入間房仔，嘩~~~~~原來呢度先叫多蝴蝶，真係周圍飛完全唔驚人！不過尼d蝴蝶就無花園出面果d咁靚。

之後我地諗住去Natural食飯，途中經過Tesco Lotus，順便去買左d野。Natural真係如其名，真係好有大自然feel！而且好味 (尤其是蝦餅)！抵食！

食完飯已經就黎6點，我地即刻渣車去Banyan Tree check in先。

一落車，你話俾d staff聽係check-in佢d staff就會同佢渣走泊好駕車。之後有人帶我地去梳化坐低，俾welcome drink同凍毛巾，再有負責check-in既staff會解釋俾d coupon同埋一d 小朋友recreation既時間表我地，順帶會介紹埋早餐地點同埋其他餐廳，仲要俾埋laguna同Banyan Tree既地圖及介紹酒店。

然後個staff帶番我地出去確認bell boy係咪已經攞齊行李，再用buggy車我地去Villa，我地今次住既係102，好近lobby同餐廳，所以差不多不用坐buggy，除左圖圖話想要坐之後。

入到Villa果位staff會介紹villa入面。然後就走啦！期間發生小插曲，話說圖圖入到Villa超級興奮周園走，當然爸爸有睇實佢，突然呆左，原來前面有一條超級大條既蟲，卷起左有成隻成大人手掌咁大，好在個staff當時響樹，即時同我地執左。之後我地都響Villa入面見過多一次果隻蟲、毛蟲同四腳蛇。

跟住咁啱又到turn down既時間，執床果位姐姐可能見到圖圖係小朋友，所以第一晚turn down既禮物就係一隻小烏龜，圖圖好鍾意呢！

之後見個天仲未暗晒爸爸同圖圖響villa入面游左一陣水，媽媽就call左AP黎收車，搞掂晒所有野，就去左Canal Village，因為本來睇過話果日會有function，不過去到冷清清咁，見到有個小朋友彈床，就比圖圖入去玩左一陣，之後就返Villa浸bubble bath然後瞓覺。

6日6夜@布吉 Day 3 – Egg Island & Patong + 圖圖生日

因為尋日見酒店既早餐唔太精神，所以反正要出Patong去Banzaar Fresh Market買海鮮，所以就出去食lu！

本來我地諗住去食雞飯，點知爸爸渣架車渣得太快，媽媽未睇清楚路已經過左，咁就索性去Hemingway或者Bazzaar入面既food court食啦！去到見到Hemingway都幾靚仔，所以就決定今日響度開餐，叫左一個pat thai同埋一個泰式燒牛肉沙律，嘩個沙律好辣，但係超好味~~~~~！

Pad Thai 90 Baht

燒牛肉沙律 120 Baht

之後我地就入去fresh market買海鮮，買左一條東星斑、2隻blue crab、500g蜆、3隻超大tiger prawn 420Baht，真係勁抵呀！

之後因為大頭蝦唔記得帶Adapter，所以仲要去家樂福買，又唔知點解爸爸applied左個1 day internet package但係部電話上唔到網，所以又要去Dtac搞，終於11點半搞掂晒所有野，飛車番酒店，即刻換泳衣，拎埋野就落Lobby，時間啱啱好司機到啦！

唉點知因為太心急無攞相機，唯有諗住用爸爸部電話影相頂住數先！坐左大約一個鐘車，圖圖由唔眼瞓變到差不多瞓著時終於到碼頭，又係貼label既時間，等左一陣間，已經夠人可以上船lu！上左船，最初緊係行得慢之後行得勁快，好在都係好短時間，雖然都幾拋，但係圖圖唔驚，仲要瞓著左~~~~~

落船後租左沙灘椅，就帶圖圖去餵魚，不過真係好大浪，有時一個大浪打黎，會企唔穩跌低，我就係其中一個，仲要撞左落舊石度，超級痛！仲要沖走左圖圖副太陽眼鏡~~~~

雖然d水有d濁，但真係好多魚，圖圖勁開心，餵餵下魚，仲話要捉魚魚！呢個時間慘劇發生左，爸爸個防水袋唔知做咩鬼入左水，佢部電話報銷，陰公，仲要係啱啱出左唔夠2個星期既Samsung Galaxy S，不過今次奇怪爸爸好似唔多肉赤，係可惜蛋島上面無晒D相同埋video。

玩左一陣間，一舊超大烏雲吹過黎，就咁就落大雨，仲變到好凍，所有人啦啦臨走入d檔口避雨，之後見細雨小小，媽媽就走左去買杯麵、young coconut jelly同埋香蕉pan cake食下驅下寒。

後來圖圖瞓著左，爸爸就走去餵魚用埋剩番果麵包，之後個guide都有走入黎拎水果俾我地食。到3點半左右就上船番去，點知上船時太大浪沖走左我一隻鞋，呢個時候我諗慘啦~~~~唔通我要著一隻鞋番酒店？好在後面有位仁兄幫我執番，真係超感激！

返到酒店即刻沖返個超暖既bubble bath，然後換衫返去Hemingway果度食我地既晚飯！呢餐加工費一共890 Baht，加埋炒菜炒飯及飲品等，全單共收1405 Baht。

食完飯就返酒店call 番reception幫我地拎之前order左果個蛋糕上黎，個樣雖然好似茶餐廳果d咁，而且甜左少少，不過生日點都要切下蛋糕既~~~~，食完蛋糕之後俾圖圖飲番啖水，驚心動魄既事發生~~~~~

圖圖飲水時咬爆左個玻璃杯，嚇到我同爸爸大叫，圖圖唔好郁，佢個口仲咬住一大塊玻璃，之後我地拎出黎，叫圖圖不停嗽口，又摸勻佢個口入面有無玻璃插住，但係d碎片爭左一小塊，又搵極都搵唔到，見圖圖好似無咩事，但問佢痛唔痛佢又指住個口話痛(因為都損左dd)，嚇到我地成晚同佢check心跳，驚佢內出血。

6日6夜@布吉 Day 2 – Island Safari Patong

唔知係咪生理時鐘問題，朝早7點幾已經醒左，師太打電話黎約左朝早9點半會有Safari既司機黎接我地，執下野，舒備圖圖朝早飲奶、食藥、聞氣已經差不多8點，之後落樓下食早餐，到依家先至叫望到間酒店咩樣。

RAMADA (MAIN POOL 維修中)
今次呢間酒店既早餐選擇比較少呢，不過好在都有圖圖啱食既野，穀類早餐、火腿、多士、腸仔，仲有粥(都幾好食)。

第一日的早餐
食完野我地就去lobby等Island Safari既車，等左一陣就黎啦，期間圖圖仲同一對酒店入面住既couple同埋d staff玩。

上左車，接多幾間酒店既人，就直接去Island Safari。一落車，有個guide叫名俾貼紙，然後就分開玩。

ISLAND SAFARI
我地首先坐牛車，然後去睇水牛耕田，騎水牛影相，點知一要放圖圖上隻牛上面影相，即時嚇到顛左，唯有影完相即刻放佢落地，睇下稻米 係點種既。

之後去騎大象。最奇係唔知係咪騎大象係坐響櫈，唔駛直接接觸隻大象，所以雖然好高同埋搖黎搖去，但係圖圖一d都唔驚，仲話好好玩。騎完大象就睇大象表演，餵下象bb，最後睇埋馬騮表演就叫完畢。

之後個guide帶我地去餐廳坐低，俾d水果我地食，同埋比番我地今日影既相我地睇，睇下買唔買，我地其實都已經諗住買，但多口問句有無discount，個staff超好人有一張唔收我地錢，即時慳左500Baht！之後我地就坐番車番酒店。

途中收到AP Car Rent既電話，原來佢地已經sent左架車去酒店，等緊我地，好在我地已經到左Kata，所以叫佢等多10mins，之後啦啦臨上房拎番個國際牌同passport做登記。今次架車都ok，無咩花，本來我租VIOS，不過佢俾左JESS我都OK，係個內籠污漕DD，但係咁平(850Baht/day，租2日半，包toddler car seat)，所以係咁上下！

攞左張車出Karon個墟度求其搵左間餐廳食，本來諗住食Pizza，但係太貴，所以求其叫左炒粉同埋海鮮菠蘿炒飯，加埋2罐coke！之後響附近買d飲品就返酒店叉叉電先。

Chicken Pad Thai 120 Baht

Mixed Baked Rice Pineapple 190 Baht
瞓到4點幾見天色仲幾好，爸爸就同圖圖去酒店個Kids Pool度玩一陣間水，之後返房沖涼然後去Patong搵食。臨出發前問下酒店d staff邊個油站近，因為架車著左燈，要去入油呀！去到油站見因為都唔係渣好多日所以入住500 Baht先。

去到Patong，響Jungceylon泊低架車，就求其週圍行，食左媽媽好鍾意既香蕉pancake、串燒、燒粟米( 呢個台灣好食d)、炸魚蛋(呢個唔好食)，同 埋椰青。

Banana Pancake 40 Baht

串燒4串共 60 Baht

炸魚蛋 40 Baht

燒粟米 40 Baht

之後怕圖圖肚餓，所以去左wine collection度叫左個pizza、carbonara pasta同香草焗青口。Pizza同青口超好味，pasta其實好都味，但係圖圖食唔慣太重味既芝士汁同埋d bacon硬左dd，所以比個普通佢。食完後都已經成10點幾，連starbucks都收埋，所以唯有早d渣車返酒店休息，順便買2條面包聽日餵魚。

Carbonara 160 Baht

Grainated New Zealand 140 Baht

Pizza Margarite 160 Baht

6日6夜@布吉 Day 1 – 黑色暴雨警告

終於等到今日出發點知到四點左右爸爸話天文台發出黑雨警告，為左躲避收工既人潮，怕會塞車，所以我地決定轉搭機鐵！

到左機場，都未夠7點，AA既Check-in counter都未開，所以我地周圍行下，睇左果個好悶既航空探知館一陣 。

到左7點幾見AA Counter開左，就去寄低d行李，之後去食野。本來諗住響Terminal 1食，去到味千實在太多太多人，所以決定去返Terminal 2食，揀左間食餃子既，都幾好味，而且T2真係無咩人，食得舒服好多。

到左Departure Time諗住睇下電視響Gate幾登機，點知仲未安排到，都心知不妙，唯有希望唔好Delay太多。好在等多半個鐘就可以上機，點知真係開心得太早，地響機上面足足等到11點先至開始飛，未飛前圖圖已經攰到瞓左。

到布吉時已經係當地時間點幾其實機師都叫快左好多，好在之前book左師太車接機，一出機場已經見到司機，拉拉臨碌上車去Ramada，唔知係咪圖圖太攰，到差不多到酒店時，好似暈浪想嘔咁，我都未諗過會咁，因為圖圖一向坐車坐船都無事，但唔知今次係咁因為太攰，雖然已經瞓坐車，但都係唔舒服，到左Ramada已經2點幾，比埋所以tour同spa既尾數司機，就check-in攞房。擺低行李，執番d要用既野出黎，即刻刷牙瞓覺，但都已經係3點幾，聽朝仲要參加Island Safari，真係想死！