微笑太陽 Lunch Box

上星期因為阿囝唔乖，所以罰停一次。

蕃茄洋蔥免治牛肉薯茸/板魚蛋/八爪魚丸、栗米花枝丸/腸仔/雜豆/枝豆

天氣開始凍，開始做熱便當啦!今日唔知醒，趕到飛起。好在之前一晚已做完所有野，只係叮熱，砌返好已ok。

只係因為要一心二用既關係，隻蛋煎得好鬼肉酸

小熊 Lunch Box

因為今個星期一囝囝放假，所以星期二先帶LUNCH BOX，希望圖圖鍾意。

天氣開始凍，我諗下個星期開始要帶飯壼，唔可以再帶冷便當，不過飯壼既開口比較細，PRESENTATION有難度呢!

肉鬆飯團/芝士/雜豆/迷你紅蘿蔔/雞蛋/鵪春蛋/粟米花枝丸/紫菜/黑芝麻

BLOGGER 聚會 CENTRUM X 巴西柔術

今日係媽媽第一次帶圖圖出席類似既聚會。今次對呢圖圖黎講好吸引，因為會學打功夫呢!

本來今朝參加完學校旅行會好攰，但圖圖話好想參加呢！所以我地一早去完學校既沙灘旅行後，快快返回屋企，食飯再瞓一陣，就再出發啦！

其實參加呢個EVENT之前媽媽同圖圖都已經食過CENTRUM，之前媽媽食主要係因為跟營養師減肥，當減到某個程度，每日食既食物已經唔夠一日既身體所需，果時營養師就介紹媽媽食CENTRUM，每日食一粒，都算方便呢！而圖圖食就因為我覺得佢身體唔好，而JUNIOR CENTRUM就寫明2歲已經可以食得，感覺比較穩陣。

一去到負責今次EVENT既負責人已經好細心為朋友準備左所有小朋友都鍾意既禮物，就係氫氣球一個。

之後就換衫啦~~~~


原來圖圖係今次參加EVENT既大哥哥呢！

之後由CENTRUM既負責人簡單咁介紹一下佢地既公司同產品。仲有營養師講一D有關營養既知識。唔講唔知原來一個紅甜椒既維他命C多過橙同奇異果好多。而且對小朋友黎講雞蛋既蛋白質係最好既，但唔建議一星期食多過3個蛋黃。最重要既係圖圖最鍾意飲既朱古力奶，營養師話唔怕飲，因為佢年紀仲細，受得起多出黎果小小糖。


大人聽緊講座時，小朋友好乖咁係中間油顏色呢!

之後就係上堂時間，首先係示範時間。

之後小朋友就開始熱身~~~~

圖圖超鍾意呢個遊戲，因為俾佢爬上個教師度，教練周圍郁要FING去佢。

落堂後，原來已經好細心咁預備左茶點呢~~~~