擺烏龍，勁搞笑 - 工地弛熊蛋糕變奏篇

今日交蛋糕果時勁搞笑，原因係今日訂蛋糕果位先生叫阿銘，但我今日又要交回禮曲奇俾我好朋友A既男朋友(阿文)，原本約左朋友A夜晚交曲奇，雖然臨時換左人，但都一心諗住係夜晚。

下午3時幾，收到阿銘來電話會4點半黎到攞蛋糕，之後4點3又收到另一個電話，話佢係阿銘(其實係媽媽耳背聽錯左，原來係阿文)就黎到~~~~~

結果拎到蛋糕落去時發現原來黎到既係應該攞曲奇先啱，好在呢位係FRIEND，唯有搵佢幫幫手睇住個蛋糕先，再上去拎埋D曲奇落黎，點知一行開就收到阿銘電話話佢到左，所以終於要麻煩阿文同我俾個蛋糕佢，真係唔好意思>_<

講返蛋糕阿銘後來打電話俾我話好靚，我聽到堂然好開心，唔知佢女朋友鍾唔鍾意呢?

Minnie城堡蛋糕

今日做既蛋糕係Minnie城堡，Leanne媽媽要求要有球形Minnie放上頂，所以媽媽設計左2個款等有得揀下。

原來既設計係做2層，不過後來跟據Leanne媽媽既要求改左做一層，所以做左出黎後媽媽覺得爭少少，其實應該可以更靚呢!

大家會唔會覺得都係2層靚dd?

好重呀~~~3層動物斜塔蛋糕

今日呢個蛋糕形狀係第一次做呢~~~~，發覺原來舖左咁多次糖皮後，今次舖返pound cake已經覺得易好多。

 

唔知講咩好，不過今次我覺得幾滿意呢，不過佢真係好鬼重，第一原因係3層既關係，另一原因係用牛油蛋糕，拎一陣已經手軟......

純粹紀錄 - 麵包超人＋蜜瓜妹妹蛋糕

今日呢個蛋糕不用多說，因為同樣設計已不是第一次，不過今次壽星女要求加上蜜瓜妹妹，所以放上相片以作紀錄。

上學去 - 南瓜城堡蛋糕

話俾朋友知去上堂學整3D Cake，朋友都有d訝異，覺得做左咁多都要去?

無他因為今去學果間餅店婆婆話d cream好好味，所以見佢難得開班，就即刻去左報名~~~~

其實呢個COURSE都有得著，除左學左打好好味既CREAM，仲學左唧媽媽勁想學既玫瑰花，不過呢樣野都練得多先快先靚，所以睇怕又要下一番苦功先得~~~~~

其實上堂都幾開心呢，最開心係比D師父讚，唧CREAM夠細緻(媽媽其實係相當虛榮)~~~~~

返黎時大家食蛋糕，爸爸話媽媽平時做既蛋糕底比餅店本身提供既好，依家加埋學左佢既好味CREAM，將來就應該可以做得更完美。

舊瓶新酒 - 叮噹蛋糕 + Belle公主蛋糕

今次呢個叮噹蛋糕，客人指定要之前麵包超人既款式，只是figure換上了叮噹及加上少少豆沙包，以前細個畫畫，畫叮噹每次都係畫都得唔好，唔夠似，今次做果時特登好好研究，經過今次後媽媽終於知點解以前總係爭少少，啱啱做完個公仔時，難得爸爸讚話好似呢!(佢好少會讚我嫁!)

今日另一個蛋糕係一個5磅既Belle，Belle既公仔身因為係專係為做蛋糕而設既，所以無左媽媽尋日講果個問題，大家睇下同Barbie比較，係咪裙型靚d?

今次Belle條裙雖然睇落上同上次一樣，但係媽媽其實係改良左，做時感覺易好多，但似終前面打摺無得偷懶，次次前面d摺都玩我成個幾鐘~~~~~

激氣 - 粉紅公主蛋糕

媽媽做公主蛋糕比較喜歡用Barbie，因為覺得Barbie樣靚，做黎黎個公主都高貴d。

Princess Cake in Pink
今次蛋糕係壽星女親自指定，要穿粉紅色裙既公主，沒有其他限制。所以今次做左鍾意既簡單設計。

不過次次用Barbie做公主蛋糕既一大難題係，Barbie既盤骨位會將蛋糕頂凹左，個型唔靚，一定要做多少少裝飾上腰，摭摭佢，但係媽媽想做一個全條侰好簡單，好少裝飾既公主裙，究竟要點先可以做好?真係要慢慢研究......，如果有人諗到，可以話我知嗎?

挑戰極限 - Miffy 3D Cake / Dinoco 3D Cake / 鬆弛熊 Cupcake

本來媽媽無諗過咁快會一日做幾個蛋糕，因為會超辛苦，而自己手腳慢.......，不過今個星期一收到一位媽媽既email，話俾訂蛋糕果問舖/人放左飛機，想要同2位小朋友各做一個3D Cake，因為果位媽媽好爽快，亦都肯俾我發揮，只係講左想要花花Miffy及Dinoco蛋糕，設計方面可以隨心而做，而且實在不忍心小朋友會失望。

Miffy 3D Cake

所以想了一下便接了這個order，就當是自我挑戰，反正最多辛苦一點，但也可以趁機測試一下自己的能力到那個程度。

Dinoco 3D Cake

老實說今次比起最初做3D蛋糕時真係快手左好多，因為唔想圖圖搞搞陣，所以媽媽多數都係圖圖瞓覺後先開始做，記得第一個蛋糕係做通宵先到晨光先搞掂，今次雖然都係，但係係做3個呢，所以都算是進步不少。不過真係好辛苦，所以間唔中先可以咁試下，如果唔係長此下去，命都短幾年~~~~

鬆弛熊 3D Cupcake

呢組鬆弛熊Cupcake同我訂果位靚女真係算唔話得，話說呢期真係好多蛋糕要做，所以好多日子都唔得，但佢竟然願意就我有時間既日子呢~~~~~~，真係好感動!希望靚女同佢既朋友會鍾意呢組cupcake ^-^

鬆弛熊蛋糕 - 公園篇

今日造呢個蛋糕媽媽好鍾意呢，原因係完全由自己設計，可以有比較大既發揮空間。

Minnie 3D Cake & Cake Pop

今日訂蛋糕既朋友係早排既訂Minnie Cake Melissa媽媽既朋友，其實估唔到咁快有Referral，不過媽媽一真都諗做蛋糕，如果係好味又靚既，將會有更多朋友介紹同第二年再訂過。

從Abbie媽媽揀蛋糕既顏色，媽媽覺得佢應該係一位open minded既人呢，因為有黑色既蛋糕再加上鮮艷既紅色，唔係人人都接受得到。
Minnie Cake其實唔算太難造，最難其實係個糖皮好濃色，不過如果解決左呢個問題就無難度呢。

Minnie 3D Cake

不過反而係回禮用既Minnie Cake Pop比起仲難造呢，因為要黏上朱古力耳，所以包裝時要好小心呢!

Minnie Cake Pop

連圖圖都鍾意 - Mcqueen 3D Cake

今日既出品係Cars入面既Mcqueen呀，訂蛋糕既Jason媽媽係客人介紹呢，好開心，因為客人唔覺得好，應該唔會介紹比朋友(除非暗地裏有仇......)

McQueen 3D Cake

圖圖見到好鍾意，老公話點解明知個囝鍾意，做figurine時唔順手整多個俾圖圖，媽媽既理論係，依家俾佢日日對住，到時收到生日蛋糕時點會開心~~~~~~
圖圖見到話，佢學校生日會要2個蛋糕，要Angry Bird同Mcqueen，因為佢果班有blue group同yellow group，所以佢要切2個蛋糕。
反正佢生日響7月，大把時時，媽媽仲心大心細個蛋糕點整先至叫Perfect，日日個腦都有唔同idea，只係可恨圖圖一年得一次生日，唔可以整多幾個。
不過幸好依家做下其他蛋糕都可以止下手痕咋!
早幾日買多個新雪櫃專係用黎放蛋糕同包包，因為原來既雪櫃已經頂唔順，婆婆同爸爸都投訴俾我霸晒d位，聽日新雪櫃黎，咁就唔駛再爭，不過佢地都咪駛打我個雪櫃主意，因為正常我都會塞滿佢。
差d唔記得左講今日係兒童節，祝各位大小朋友兒童節快樂！

開工啦 - Little Twins Star & Winnie The Pooh 2D Cake

去玩左幾日，係時候要開工啦，今日做左2個蛋糕呢，不過只係2D，所以做得快好多呢！

Little Twins Star我細個時好鍾意，鍾意Melody 同 Twins Star 多過 Hello Kitty，不過一般Twins Star圖案個die-cut要切走好多蛋糕，好浪費，諗左好耐，將個星星改做月亮，等唔駛切走咁多。

Little Twins Star 2D Cake
今次呢個Winnie The Pooh蛋糕係做左芒果栗子餡加脆脆底，菲律賓既呂宋芒仲未係時候，不過唔緊要呢早幾日去完泰國，所以今次用左搭飛機返黎既泰國芒果，勁甜呀~~~~~
希望收到既人鍾意呢！

Winne The Pooh 2D Cake