今日既出品係Cars入面既Mcqueen呀，訂蛋糕既Jason媽媽係客人介紹呢，好開心，因為客人唔覺得好，應該唔會介紹比朋友(除非暗地裏有仇......)
McQueen 3D Cake
圖圖見到好鍾意，老公話點解明知個囝鍾意，做figurine時唔順手整多個俾圖圖，媽媽既理論係，依家俾佢日日對住，到時收到生日蛋糕時點會開心~~~~~~
圖圖見到話，佢學校生日會要2個蛋糕，要Angry Bird同Mcqueen，因為佢果班有blue group同yellow group，所以佢要切2個蛋糕。
反正佢生日響7月，大把時時，媽媽仲心大心細個蛋糕點整先至叫Perfect，日日個腦都有唔同idea，只係可恨圖圖一年得一次生日，唔可以整多幾個。
不過幸好依家做下其他蛋糕都可以止下手痕咋!
早幾日買多個新雪櫃專係用黎放蛋糕同包包，因為原來既雪櫃已經頂唔順，婆婆同爸爸都投訴俾我霸晒d位，聽日新雪櫃黎，咁就唔駛再爭，不過佢地都咪駛打我個雪櫃主意，因為正常我都會塞滿佢。
差d唔記得左講今日係兒童節，祝各位大小朋友兒童節快樂！
沒有留言:
張貼留言