第三次面試 - 浸大同學校王錦輝中學附屬小學

今日圖圖去WKF INTERVIEW因為一早知唔需要見家長，而媽媽又工返工，所以就由婆婆負責帶圖圖去INTERVIEW。

唔知係咪因為上次模擬面試我迫過圖圖瞓覺，所以今日十一點幾圖圖竟然話要瞓左覺先去面試。今日婆婆話圖圖表現得好乖，會大聲同老師打招呼，仲會好認真咁90度鞠躬。

圖圖返屋屋後講返考咩，原來都唔算淺，但好在大部份都會。希望今次可以過關。

第二次模擬面試

經歷左2次失敗既慘痛經驗，呢幾日久不久都同圖圖洗腦，叫佢要專心，要小心，因為其實好多野圖圖真係識，但係因為覺得無所謂，只當係遊戲，所以完全無用心去做。

今日去完教會後，晏DD就要參加模擬面試，中間帶左圖圖去圖書館，見圖圖好似有少少攰，搵左一個無人既角落迫圖圖瞓一陣覺。

原本圖圖唔想瞓，但媽媽好認真咁講雖然今次面試只係練習，但如果無精神既話，表現唔好，都係搵唔出方法去幫佢改善面試技巧。

面試完後攞返搭題紙，今次算係中規中距，媽媽已經好開心，有關統計結果要一個星期後先知。

優才落選 - 失控

今日中午在FACEBOOK上收到朋友的通知，優才已出通知。

放工返到屋企，第一時間係去信箱攞信，見到優才寄俾囝囝既信當然係即拆。

一睇之下心情登時跌左落谷底，因為係REJECTED.......，1ST WAITING同2ND WAITING都無~~~~~，優才已經係出左名，比較容易入，但係連WAITING都無咁點算。

當圖圖做功課唔專心時，就終於忍唔住發左顛~~~~~哎呀！明明我出左名EQ好，但一涉及圖圖功課既話，就會跌到負LEVEL~~~~~

媽媽唔敢諗當考晒所有學校連一間OFFER到無既時候係會點~~~~~~