展圖豬學識用飲管杯啦！

因為媽媽今日去舖頭，所以順便去附近既育兒用品中心買個飲管杯比展圖豬，媽媽順便問下老闆，COMBI STEP 2既杯可唔可以換杯蓋改用第3階段用飲管，答案係OK，所以媽媽淨係買一隻杯做SPARE得啦！慳番幾拾蚊！

夜晚媽媽將一D粟米馬蹄紅蘿蔔瘦肉湯放入杯仔入面，諗住教展圖豬飲，因為早兩日媽媽覺得展圖豬飲太少奶同水，而蘋果汁佢又好似唔係好鐘意，所以媽媽試過用匙仔餵佢飲，展圖豬好鐘意仲要飲得好快，所以媽媽今次諗住用佢鐘意既野引佢。

最初俾隻杯仔展圖豬，佢淨係試得咬枝飲管，媽媽見佢咬左成分鐘都唔係路，諗住佢平時會啜奶咀，淨係識得啜啦!所以用手托起佢下巴，等佢合埋個咀，展圖豬個咀合埋，試下兩下，就已經自然識啜啦！

不過可能係第一下用，所以每啜到一啖，佢都要透一陣，然後再黎過~~~~