戒咀大作戰day 3 + 9號風球 + 爸爸休息

今日係展圖豬介奶咀第3日，相當難捱~~~~~~~！尋晚佢由於無左個奶咀，成晚都瞓唔好，成晚都喊醒，仲咀仔郁郁，好似啜緊奶咀咁~~~~

今日都左佢既瞓晏覺，同夜晚覺既時間，由於無左奶咀，所以喊左成個幾鐘先瞓得著，期間仲要不停抱住佢，嚴重既時候口水鼻涕都出晒黎，好似d人毒瘾發作咁。仲要到越夜喊得越勁~~~~~

不過好在可能因為之前一日已經瞓得唔好，而晏晝覺又因為無咀瞓少左一個鐘，所以夜晚八點幾已經瞓左，而且瞓得好沉，希望今晚大家都有覺好瞓啦！

另外今日係展圖豬出世以來第一次既九號風球，由於爸爸本來今日要出outdoor影野，但係因為打風既原因，所以function時取消，因此我地難得可以偷到一日既悠閒日子。

全家係喺齊屋企，展圖豬好明顯係開心好多嫁！