因為見展圖豬今朝好番晒，連咳到無~~~~~~所以照常帶佢番playgroup，媽媽帶佢去到銅鑼灣出左地鐵無幾耐，有兩個姐姐賣緊旗，仲要貼左張俾展圖豬，事後上到班房媽媽先至發現。番到屋企緊係要影張相留念啦！
額頭上面「魚」左係因為早兩日病左發軟蹄失平衡撞落個文件櫃所致！
今日展圖豬真係精神晒，返到playgroup後期，miss Haley抱佢，佢就用個頭撞miss haley個頭(展圖鍾意用頭撞佢鍾意既人！)，爬去新黎既女同學度，咬人地隻腳~~~~~，落堂前仲要不停咁笑，勁開心！
另外由於媽媽發覺展圖呢兩日唔知點解唔准人抱佢「tum」佢瞓覺，而係要放佢落梳化，挨住d抱枕睇住電視，然後自我「吹」眠瞓著教，所以由琴晚開始，除左半夜果次，展圖豬係唔駛用奶咀就可以瞓著，既然係咁，媽媽就諗住試下開始同佢無痛介奶咀，希望可以成功啦！
夜晚同展圖豬換衫落樓下食飯，咁啱爸爸返到黎，話好得意一定要影幾張！
沒有留言:
張貼留言