今朝坐的士(RM25)去左旺旺茶餐室食早餐，聽講早排拍富貴門時呂良偉同陳敏芝成日黎食，話好好味！
我地去食早餐既舖頭叫旺旺茶餐室，坐的士去RM25，去到又係叫司機接我地回程，今次個司機好好人，主動話等我地食完載我地走，仲要回程先收錢，今日既早餐係龍躉、魚唇、東星魚頭、東星魚蛋、魚麵同埋炸魚。其實我地覺得佢d魚麵彈牙好味，d炸魚都好好食，但係其他食物既味道，我地都比較鍾意隆美既多d。今餐早餐都算貴，差不多RM100。
三人份既魚頭、魚唇、七星斑魚蛋、龍躉魚片，但係我地覺得淨計碗野，隆美好味D
炸魚，呢樣好好味，好香口
魚麵都好味
桔仔冰
菊花茶
食完後我地就叫司機車我地去富源又係食咖吔多，今次我地個個(圖圖除外)都食左雙份。
然後就去asia city唱錢，再去尋日中央市場對面間急凍海鮮舖買野，我地一共買左2kg老虎蝦 (1kg有4隻)，2條七星斑同埋1kg鮑魚。
媽媽發覺其實佢d花膠同海參先至最抵買，仲要佢d野晒好都乾身，海參佢已經劏開了走晒d沙，所以比我地平時買果d足砰好多，但係整呢2味，要做好多功夫，所以都係咪搞~~~~~！
好平既海味，乾瑤柱都只係RM75/KG
有原條鯊魚皮做裝飾
D刺參好抵，呢種大約好似手掌咁長，只係RM355/KG
呢種約有9-10吋長
D花膠好大隻我估有8-10吋長
最後我地就番酒店沖涼，休息一陣，就checkout，去機場返香港啦~~~~~
沒有留言:
張貼留言