BELLE公主蛋糕

呢個公主蛋糕有D急呢，因為係今個星期先接既ORDER，不過BELLE媽媽都好想做，所以明知25開PARTY，而26號交蛋糕，所以25號晚一定無得瞓都照做。

或者有人會話我好瘋狂，但係媽媽真係好鍾意整蛋糕，只要做出黎覺得靚，影返幾張相已經好滿足，如果有人讚下仲要飄飄然......，所以有時都會半夜練吊線，實不相暪，媽媽已經練吊線練左3間ROYAL ICING教堂，但係下下切果時都出事，黎緊會整第4間，希望到時平安無事。

講返轉頭，BELLE呢個蛋糕因為KAITLIN既媽媽話想要條裙多D DETAILS，同個CAKE BOARD無咁單調，所以媽媽又係改左BELLE條裙，做左D立體摺，再響上面掃上可食用金色閃粉，婆婆話見到條裙覺得好GRAND呢!爸爸都話呢條裙靚過CINDERELLA(鬼咩D打摺我整左成個鐘)，不過顏色就CINDY既靚D。不過可惜既係D金色影相影唔到.......

到個CAKE BOARD，本來諗住整多D花臣，但係後來發覺實在太多字，無位整，但之前應承左KAITLIN既媽媽唔會交行貨，所以整返2束立體玫瑰同BELLE心口既紅玫瑰呼應返。

BELLE因為頭髮係啡色，本來真係無個啡色頭髮既BARBIE，啱啱媽媽記起上個月訂蛋糕用具用順手買左個啡色頭髮既公仔，所以先有得用，如果唔係真係無計，所以要BELLE既請勞煩早出聲，因為啡色頭髮公仔唔係時時都有呢!

公仔既頭髮唔多聽話，所以都費左我一返功夫先SET好個頭，為左呢個頭，我左搞左好耐，不過幸好呢個事前準備功夫，可以一早整定。