第一天正式返學

今日係展圖第一日正式返學，媽媽今日放假陪展圖豬，返學前我地先去影証件相先，因為媽媽同展圖豬book左聽日去中旅社申請回鄉咭。

返到學校等左一陣，reception開門俾我地入校園範圍，嬸嬸先帶展圖去vv先，然後展圖就入課室啦！不過今日家長唔可以入課室陪小朋友啦，所以媽媽唯有響門外隔住玻璃睇，展圖豬今日返學都好開心，媽媽見佢好似響屋企玩咁，不停係咁攞玩具玩。不過展圖都好乖，玩完d玩具有時會自助自覺，有時老師叫一下就會clear up~~~~~~

今日返學都係1小時，放學後我地到攞番頭先影既証件相，同埋去快餐店食少少野，不過展圖豬真係無晒電，上一秒仲食緊媽媽既碗仔翅，下一秒竟然已經瞓著左~~~~