今日媽媽接番小狗bb番屋企啦！

今日媽媽接番bb番屋企啦，bb佢響vet度唔知係咪因為吊左兩日鹽水，休息夠，所以去接佢果時勁有精神，媽媽見到都鬆一口氣，好在bb無事，如果唔係真係勁擔心+勁傷心！

今日晚飯媽媽、爸爸、婆婆、展圖仲有爺爺同嫲嫲一齊去左觀塘一間齋舖食飯，食飯果陣爸爸話俾爺爺聽小展圖好多野講，爺爺笑話緊係啦，展圖個圖字有成四個口，再加埋佢自己果個，唔多咀就奇啦！