海洋航行者@越南(前言)

上年曾經見到有sis分享過上郵輪玩，覺得幾好玩同幾抵玩，本來諗住上年暑假窮遊Maldives，然後再玩埋郵輪，不過圖圖話想要住下Resort，大老爺又話無咁多假期，所以否決左！

今年年初，見Royal Caribbean做特價就即刻訂左房。因為今次都係一家四口出行，想要間房唔太迫，所以訂左Grand Suite，後來先發覺雖然係貴dd，但係原來有好處。因為Grand Suite客人會有張Gold Pass，除左可以入lounge之後，上下船、睇表演、食飯，都係同其他客人分開，所以果幾日完全唔需要同其他客人迫，亦都無要排隊既煩惱。

玩遊輪比起去其他地方旅遊其實比較少準備工夫，只需一早訂房，之後買郵輪保，另外響上船前1個月左右，Royal Caribbean會send email過黎，只要print out入面既行李牌，同一d文件，只要出行前print out填好就可以。

另外如果要訂一d活動，例如夢工場早餐、參觀遊輪、上網、飲品package都可以先經上網book定，又或者上船時再book都可以。

其實我覺得郵輪真係抵玩，我們四人一共在遊郵上五晚，所有費用加起來不到3萬元，全包食宿，雖然我們沒有到付費餐廳，但主餐廳其實真的不錯，每天餐單會變更。