圖圖煮大餐

今個星期日母親大人和大老爺都不在家，所以是我個圖圖的二人時間喔！本想在返教會後下午和圖圖外出一下，但當在教會離開是又下著毛毛雨，所以便打消了外出的念頭。

想要圖圖很想要學煮飯，所以便拖著他去買菜，及拿了家中的食物煮了一餐西餐，等晚上和母親大人及大老爺一起吃。

晚餐中的蕃茄湯、蕃茄肉醬及麵包PIZZA都是圖圖一手一腳做的，我只是在一旁稍作示範，調較味道及看顧爐火。

蕃茄濃湯（５碗）

蒜頭　　　　　　５　　　瓣
洋蔥　　　　　　１／２　個
去皮蕃茄罐頭　　１　　　罐
茄膏　　　　　　１／３　罐
水　　　　　　　１　　　公升
奶　　　　　　　１５０　毫升
雞粉　　　　　　１　　　茶匙
鹽　　　　　　　適量
黑胡椒　　　　　適量

1. 蒜頭及洋蔥切粒
2. 下沙量沙爆香蒜頭，再下洋蔥以中小火炒至微黃
3. 加入茄膏略炒
4. 加入蕃茄罐頭，用鑊鏟切小一點，略炒
5. 加入水及奶煮滾後收細火，再煮45分鐘
6. 用攪拌器打爛
7. 再煮滖後加入調味料

* 可用6個去皮去籽的大蕃茄切粒代替蕃茄罐頭

圖圖說煮這個時一直說：「好熱喔！」因為要將洋蔥炒至焦糖色真的需要一點時間，雖然我站在他的旁邊，但真的會擔心他會燙傷。不過他做的真不錯，至少我教他一手拿著單柄鍋，一手拿鑊，每炒一段時間便將鍋子打斜好讓他可以看到洋蔥是不經已炒夠時真的做得有板有眼。

湯煮到一半時我用小匙給圖圖試味，他問怎麼現在喝呢？所以便要再解釋了試味的原因及重要。

之後便是煮蕃茄肉醬，本來只是打算配意粉，後來覺得做得太多，所以便只用來配薯茸吃。圖圖覺得超神奇的，明明都只是用了一樣的材料，只是加多了碎牛肉，已可以做出完全不同的菜色。

蕃茄肉醬

蒜頭　　　　　　５　　　瓣
洋蔥　　　　　　１／２　個
去皮蕃茄罐頭　　１　　　罐
茄膏　　　　　　１／３　罐
免治牛肉　　　　２５０　克

1. 蒜頭及洋蔥切粒
2. 下沙量沙爆香蒜頭，再下洋蔥略炒
3. 加入免治牛肉炒至熟
4. 加入茄膏略炒
5. 加入蕃茄罐頭，用鑊鏟切小一點，略炒
6. 轉小火煮20分鐘

* 可用6個去皮去籽的大蕃茄切粒代替蕃茄罐頭

之後便教圖圖做了一個超簡單的麵包PIZZA，這個一般小朋友都可以做到，而且材料簡單，也很美味，唯一問題是焗起後便要立刻吃掉，不然用麵包做成的PIZZA便會變得靭靭的。但這個可以先做好放入冰箱裡，待要吃時才焗，所以也不是一個大問題。母親大人及大老爺都說這個超好吃，而且真的很脆，其實這個也很適合小朋友的下午茶呢！

麵包PIZZA

方包　　　　　　３　　片
茄膏　　　　　　１／３罐
蟹柳　　　　　　３　　條
莎樂美腸　　　　３　　片
辣肉腸　　　　　３　　片
巴馬火腿　　　　２　　片
ＰＩＺＺＡ芝士　適量

1. Pizza材料剪細
2. 方包切去四邊，用檊麵杖檊成薄薄一片
3. 在麵包上塗上一層茄膏
4. 放上pizza材料，再在上面撒滿芝士
5. 放入焗爐/多士爐焗至芝士溶掉

* 因為這個是用麵包做底，所以要小心烤焦
* 烤起後要立刻吃掉，不然麵包會變得靭靭的

另外我還做了簡單的巴馬火腿配哈密瓜、小蕃茄生菜沙律配芝麻醬及超級邪惡的滑滑薯茸。當然再加上了現買的意大利軟包配上一枝超美味的意大利陳醋及橄欖油。

薯仔　　　　　　７００　ｇ
牛油　　　　　　１５０　ｇ
全脂牛奶　　　　３０　　ｍｌ
鹽　　　　　　　適量
黑胡椒　　　　　適量

1. 薯仔洗淨放入熱水烚25分鐘至焾
2. 薯仔瀝乾乾，待放涼後去皮切粒
3. 薯仔用密篩及匙壓成薯泥
4. 放入白鑊用小炒略炒，逐少加入切料的牛油炒勻
5. 逐少加入牛奶炒勻

整個晚餐內其實最花時間的便是做這個薯蓉，雖然簡單，但是過篩真的很花時間，而且很費力，再加上超邪惡的說。不過圖圖真的超愛吃，整整吃了一大碗。

不知是否因為今天晚餐比平上晚了點吃，再加上是圖圖自己做的，所以他今天真的吃了很多，2碗蕃茄湯、一整塊麵包PIZZA、一大碗滿滿的肉醬配薯茸、沙律、2小片的意大利軟包配陳醋，還要加上2件椰汁糕。

所以吃到最後一口椰汁糕時他說飽得受不了，而且有點想嘔，我估計是他吃壞了肚子，這情況還是第一次發生在他的身上。

其實圖圖還做了椰汁糕，只是這個食譜是新嘗試的，感覺好像太漏，椰汁味太重，所以就不寫出來。

大老爺吃過這餐直說圖圖做的這餐晚飯非常美味，希望在下個月父親節時圖圖再做給他吃。看來我又得要花心思想一些簡單又美味的餸菜了！
除了以上的菜，我還做了超邪惡薯蓉、小蕃茄沙律配芝麻汁及prama ham配哈蜜西瓜。

薯蓉

薯仔　　６００　ｇ
牛油　　１４０　ｇ
全脂奶　３０　　ｍｌ
鹽　　　ａ　ｌｉｔｔｌｅ　ｂｉｔ
黑胡椒　ａ　ｌｉｔｔｌｅ　ｂｉｔ

1. 薯仔洗淨烚25分鐘至焾
2. 取出薯仔放至略凍後去皮
3. 將薯仔切粒，過密篩成為薯蓉
4. 將薯蓉放入鑊中炒至乾身
5. 逐少加入切粒牛油，拌成泥狀
6. 再逐少加入牛奶，然後下鹽及黑胡椒調味

中華冷麵

因為病了，想要吃清淡點，但又不想吃外食。所以今次只是做簡單的日式冷烏冬做午餐。

日式冷烏冬　（１碗）

急凍烏冬　　　１　個

小青瓜　　　　１　條

火腿　　　　　１　片

甘荀　　　　　半　條

蟹柳　　　　　２　條

粟米　　　　　１　湯匙

鰹魚鼓油　　　適量

日式芥末　　　適量

1. 小青瓜及甘荀刨絲、火腿切絲、蟹柳撕開成細絲

2. 灼一下紅蘿白絲及粟米起鍋

3. 煮烏冬後起鍋，放好餸菜

4. 鰹魚鼓油加入相同份量開冰水及日式芥末調勻

上海菜飯（附食譜）

不知大家家中的小朋友有沒有不肯吃蔬菜這問題，雖然我沒有，圖圖是超愛蔬菜的孩子，但我覺得這個菜飯很適合不喜歡咀嚼蔬菜的小朋友。

這天婆婆說要吃上海菜，於是家裡就做了沙鍋雲吞雞，及蒸了些小籠包，也做了幾只薰蛋。雖然說雲吞雞內已加有紹菜，但總覺得不夠，另炒一碟菜又好像多了點。所以便決定做這個上海菜飯。

上海菜飯（６碗）

白菜　　１　　斤（學白斗）
米　　　３　　杯
雞湯　　３　　杯
薑　　　２　　片
花雕　　少許

1. 白菜洗淨，菜莖和菜葉分開切碎
2. 米洗淨，加入雞湯放入電飯煲內煮熟
3. 下油起鑊爆香薑片，先炒菜莖，再加菜葉略炒
4. 灒入少量酒，菜起鑊倒去水份，與煮好之白飯撈勻

超綿白粥·保證和老式粥店的一樣（附食譜）

大老爺對粥的質素非常講究， 多年來每次煲粥他總是說不夠綿。為了解決這個問題，曾經嘗試使用各種方法，包括用珍珠米、加入腐竹、油或薏米等等材料，但效果都未如理想。有人曾告訴我街上的粥店因為在粥裡加入了硼砂，所以才會有如此效果及味道，一般人在家裡是做不到的。但我總是覺得不服氣，沒理由連最簡單的白粥也做不好。雖知道很多複雜的菜式，都是由多項簡單的做菜技巧集合而成，倘若連最簡單的也做好，其他也不要多想了。

幸好最近獲得一位大廚傳受秘技， 一直所欠缺的材料原來是普通不過的東西，就是一顆皮蛋。

上個星期病得不輕，完全沒有食欲，所以便煲了一鍋白粥。順道也向大家分享這個秘技。

白粥

珍珠米　　２００　ｇ

油　　　　１　　　ｔｂｓｐ
皮蛋　　　１　　　ｐｃ
水　　　　３　　　Ｌ

1. 白米洗淨浸4-8小時
2. 倒去浸米水
3. 加入油及切碎的皮蛋，用手將所有材料搓勻
4. 加入水煲至大滾，煲1小時

* 我使用鑄鐵鍋所以只加3公升水，使用不銹鋼鍋要加4公升水
* 水未煮沸時要攪動底部，以免白米黏鍋

簡易叻沙（附食譜）

昨晚大老爺因為和朋友有飯聚，圖圖又和婆婆出外用餐，所以晚餐就獨自一人。一般來說如果只是做晚餐給自己的話，都會選擇做一些簡易但又喜歡吃的東西。

今天天氣太凍，只有攝氏7度左右，加上平常圖圖在家不多做帶辣味的菜式，所以決定做簡便的星洲叻沙。

簡易叻沙

田師傅叻沙　　１　　　包

椰漿　　　　　１　　　包

水　　　　　　１．５　公升

泰國粉絲　　　１　　　包（小）

豆卜　　　　　４　　　両

雞扒　　　　　１　　　塊

生菜　　　　　適量

1. 粉絲用水浸開後，煮至軟

2. 豆卜切半(斜切)用熱水略煮去油

3. 叻沙湯包加水煮滾，再加入椰漿攪勻

4. 雞扒洗淨以皮向底，蓋上蓋以小火煎小金黃

5. 反轉雞扒，加入小量熱水，煎焗至雞扒熟透

6. 大碗內放入所有材料，再加入叻沙湯

新年新玩具‧新鮮意粉

其實這壓麵機已買了差不多半個月，只是未有時間用。今天趁著新年假期便試做了闊麵，很好玩呢！

一般街上很多食譜都是用100g 00粉再加上一隻蛋來做意粉，但今次我選了Master Chef入面的一個意粉食譜，因為我記得評審吃時說過這是他吃過最好吃的意粉喔！

００麵粉　　１９０　ｇ
蛋　　　　　２　　　ｐｃｓ
鹽　　　　　１／２　ｔｓｐ
特純橄欖油　１　　　ｔｓｐ

1. 所有材料撈勻，楺至麵糰光滑及有彈性
2. 用保鮮紙包著放15分鐘
3. 切成4等份，每份用手壓成長方形
4. 麵糰晒上粉，用壓面機由1度開始，壓至4度
5. 再手切面部份切部，放上紗布上或掛起吹乾

* 如果想要做闊麵，則面糰要壓至5-6度才進行切割。

颱風下之上海菜之二‧上海粗炒（附食譜）

每次食吃上海菜，除了小籠包外，必定會有上海粗炒。街上的上海粗炒為了不讓麵底沾鍋，一向比較油膩。但自家做的總是希望比較健康，所以我先以油、老抽及生抽預先將麵底拌勻，這便可以免去用太多油去炒，而且也不會沾鍋。

這方法除了炒上海麵之外，大部份炒粉麵都適用呢！

上海粗炒（2人份量）

椰菜　　　１／４　個
上海麵　　２　　　個

瘦肉調味
生抽　　　２　　　茶匙
美極　　　１／２　茶匙
糖　　　　３　　　茶匙
鹽　　　　１／２　茶匙
生粉　　　１／２　茶匙
水　　　　１　　　茶匙

上海麵調味
油　　　　１　　　茶匙
生抽　　　２　　　湯匙
老抽　　　１　　　湯匙

1. 瘦肉切薄片，依次加入生抽、美極、糖、鹽、水，拌勻後最後才加入生粉
2. 椰菜洗淨切塊
3. 上海麵水滾後煮5mins，然後過冷河，再加入調味料
4. 白鑊下油，將瘦肉煎至金黃後，加入椰菜炒熟，盛起
5. 下麵炒熱後加入瘦肉及椰菜麥兜勻


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

颱風下的上海菜之一‧沙鍋雲吞雞（附食譜）

這幾天無論天文台大、新聞、FACEBOOK、各大討論區及WHATSAPP，均舖天蓋地宣佈，颱風天兔要來了，NASA還形容這是一個怪獸風暴～～～！直徑達1000公里，還有甚麼雙風眼（傷風眼，是病來的嗎？）呼籲亞洲是區要小心，而且還有很大機會在香港登陸～～～～，總之它很厲害！

所以昨日早上我已買了一大堆餸菜，拿得手也差不多斷掉。想起已好久沒有包上海雲吞，不如如就趁著有時間，做一些明天吃，再做多點放冰格存起來也不錯。

做了雲吞，當然少不了用它來做沙鍋雲吞雞，反正雞湯只是放電子燉盅，用不了甚麼時間。因為雞是燉的，所以比起在街吃的更滑，而雲吞因為是自己包，所以更多，餡料也更足。

韭菜雲吞（１００只）

免治豬肉　　　１　　　　　斤
韭菜　　　　　１　　　　　斤
圓形餃子皮　　１　　　　　斤
鹽　　　　　　１－１／２　湯匙
糖　　　　　　３　　　　　湯匙
胡椒粉　　　　１　　　　　茶匙
生抽　　　　　２　　　　　湯匙
酒　　　　　　３　　　　　湯匙
梳打粉　　　　１／２　　　茶匙
蛋白　　　　　３　　　　　隻
水　　　　　　１９０　　　毫升
生粉　　　　　１－１／２　湯匙
油　　　　　　２　　　　　湯匙

1. 免治豬肉加入鹽、糖、胡椒粉、酒及梳打粉攪至起膠
2. 加入蛋白及水攪勻
3. 加入油攪勻後放30mins
4. 韭菜洗淨抺乾後切粒
5. 加入豬入內攪勻
6. 餃子皮包入韭菜豬肉餡料
7. 每層以保鮮紙分隔放入冰箱內

沙鍋雲吞雞

雞　　　　　　１　　　　　隻
雞湯　　　　　４００　　　ｍｌ
水　　　　　　適量
蝦米　　　　　適量　　　
金華火腿　　　數片
娃娃菜　　　　２　　　　　棵
雲吞　　　　　２４　　　　隻
鹽　　　　　　１　　　　　茶匙

1. 雞洗淨切去尾
2. 雞、蝦米、金華火腿放入電子燉盅、加入雞湯及水至剛蓋過雞，燉３小時
3. 煮一大鍋水焯熟娃娃菜後撈起，再煮雲吞至熟撈起
4. 雞湯煮好後盛起隔去油
5. 娃娃菜及雲吞放入燉盅內，再加入已隔去油的雞湯


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

Carbonara（附食譜）

因為今餐食PIZZA，唔想整焗飯，咁當然整意粉係比較好既選擇，上星期整左焗豬扒飯係蕃茄味，所以今次唔整大熱既肉醬意粉，而選擇整其他味道，咁啱屋企樓下既SUPERMARKET大意大利煙肉做特價，整CARBONARA就啱啱好~~~~~，呢個勁邪惡既意粉其實係我既至愛，但真係不能多食！

CARBONARA(4人份量)


扁意粉　　　　　　　　　　　　　３００　ｇ
義式煙肉　　　　　　　　　　　　１５０　ｇ
蛋黃　　　　　　　　　　　　　　２　　　ｐｃｓ
全蛋　　　　　　　　　　　　　　２　　　ｐｃｓ
Ｐａｍａｓｅｎ　Ｃｈｅｅｓｅ　　４０　　ｇ
淡忌廉　　　　　　　　　　　　　１６０　ｇ
牛油　　　　　　　　　　　　　　２０　　ｇ
鹽　　　　　　　　　　　　　　　ａ　ｌｉｔｔｌｅ　ｂｉｔ
黑胡椒　　　　　　　　　　　　　ａ　ｌｉｔｔｌｅ　ｂｉｔ

1. 蛋黃、全蛋、淡忌廉、芝士、鹽及黑胡椒用打蛋器混和
2. 醬汁放於60C熱水上，隔水加熱(不要超過65C)
3. 義粉依包裝上的時間減1-2分鐘煮起瀝水
4. 平底鑊加入牛油，煎香煙肉
5. 加入意粉及2殼煮意粉水同炒
6. 熄火，加入醬汁快速炒勻

意式煙肉
五花腩　　　　　　　　　　　　　１　　　ｋｇ
鹽　　　　　　　　　　　　　　　２０　　ｇ
意式雜香草　　　　　　　　　　　ａ　ｌｉｔｔｌｅ　ｂｉｔ

1. 五花腩皮上鬆針
2. 全條五花腩塗滿鹽及香草
3. 將全條五花腩放在網架上，不用蓋上放入雪櫃一星期
4. 五花腩切5mm厚，撒上掉落的香草

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

焗豬扒飯（附食譜）

呢個焗豬扒飯之前整過好幾次，好好味，但賣相欠佳，今次開始用下個腦，睇下點可以好d，果然成品靚仔左~~~~~咁就食都食得開心d！呢個豬扒飯唔算難做，但係比街既好味好多，好多時街既焗豬扒飯個飯底炒得好求其，豬扒同蕃茄又少得可憐，自己做既會好味好多呢！而且仲可以大大份食得超滿足~~~~~~

焗豬扒飯(6人份量)


豬扒　　　６－７　ｐｃｓ
生抽　　　２　　　ｔｂｓｐ
美極　　　１　　　ｔｂｓｐ
糖　　　　１　　　ｔｂｓｐ
鹽　　　　１／２　ｔｓｐ

1. 豬扒用生抽、美極、糖及鹽醃過夜
2. 豬扒煎至金黃及熟，盛起後切件

隔夜飯　　１５　　ｂｏｗｌｓ
蛋　　　　２　　　ｐｃｓ
火腿　　　５　　　ｐｃｓ
雜豆　　　ａ　ｌｉｔｔｌｅ　ｂｉｔ
生抽　　　ａ　ｌｉｔｔｌｅ　ｂｉｔ
糖　　　　ａ　ｌｉｔｔｌｅ　ｂｉｔ

1. 火腿切小粒煎香盛起
2. 炒白飯，分別加入火腿、蛋及雜豆略炒
3. 加入生抽及糖調味炒勻

蕃茄　　　６　　　ｐｃｓ
蕃茄濃湯　１　　　ｃａｎ
水　　　　１／２　ｃａｎ

1. 蕃茄切丁，去籽
2. 蕃茄濃湯加入水及蕃茄煮至略為收水

洋蔥　　　１　　　ｐｃ
芝士　　　ａ　ｌｉｔｔｌｅ　ｂｉｔ

1. 洋蔥炒香，盛起
2. 焗盆內放入炒飯、豬扒、洋蔥
3. 面上淋上番茄汁及加上適量芝士
4. 放入焗爐200C焗至芝士金黃

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

越式生牛肉湯河（附食譜）

話說中學果時媽媽已經好鬼鍾意食呢個越式生牛河，果時學校LUNCH差不多每星期都會去間越南舖，次次都係食呢樣。

好耐之前已經想做呢個，但係之前唔記得響邊度睇過，好似好覆雜，所以早排見到一個比較方便既方法，就叮一聲咁想整。之但係網上既食譜久唔久都會遇著中招既機會，所以果煲湯完全淡而無味，仲有少少酥味，原完唔OK。再加上買牛骨時發現唔係相傳中咁平，買左一舊，收左七十幾蚊@@，所以好唔憤氣，即晚不停上網SEARCH，再綜合幾個食譜加料再煲，終於煲到一個靚牛骨湯底，仲要連老公都話勁香。

終於成功啦！

越式生牛肉湯河（４碗）


牛骨　　　　２　　斤
洋蔥　　　　２　　個
八角　　　　７　　粒
丁香　　　　３　　粒
草果　　　　２　　粒
香茅　　　　３　　枝
薑　　　　　１　　件
黑胡椒粒　　１　　茶匙
小茴香籽　　１　　茶匙

1. 1個洋蔥切4件，牛骨洗淨，一同入焗爐200C焗1小時
2. 入焗爐洋蔥棄掉
3. 香茅只要近根部3吋，與草果及薑同拍扁
4. 洋蔥切4件
5. 所有材枓入煲煲滾後轉小火煲2小時
6. 牛骨湯過篩隔渣後入雪櫃
7. 筆去湯面層的肥油

越式河粉　　１　　包
美國肥牛　　適量
洋蔥　　　　半個
金不換　　　１把

1. 河粉先用水浸軟，放人滾水碌熟
2. 洋蔥切片
3. 碗內依次放入河粉、牛肉、牛蔥、金不換
4. 牛骨湯煮滾後，沖入碗內

碌琳
白醋　　　　５　　湯匙
糖　　　　　５　　湯匙
水　　　　　２　　湯匙
蒜頭　　　　５　　瓣
指天椒　　　１　　隻

1. 蒜頭切碎，指天椒切細
2. 所有材料撈勻

*如果不想要太辣，要先將指天椒去籽

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

無敵海南雞飯（附食譜）

海南雞飯其實整過好幾次，次次都試唔同食譜，但係都唔滿意，最唔滿意係個油飯，永遠都唔及街外既咁香咁好味。今日我終於唔再跟人地食譜，自創新食譜，同改左做法，炒緊D米時已經勁香，煲完煲飯都覺得幾正，但係仲係爭咁D。終於我加左樣野，撈落D飯，就好味到令我大叫出黎，超開心呀~~~~~！

呢個海南雞飯既雞固然勁滑，而且好易整。但個油飯先至係重點，爸爸、圖圖同婆婆一致讚好。圖圖食得勁快，爸爸重要添飯添！真係十級開心呀！

大家真係要試下整呢個，真係好味到震，我好少咁hard sell~~~~~(笑)

海南雞飯


雞　　　　１　　　隻
麻油　　　適量

醃雞料
薑蓉　　　３　　　湯匙
花雕酒　　２　　　湯匙
鹽　　　　１　　　湯匙

1. 雞身用雞腔內塗上醃料，醃半天
2. 用微波爐保鮮紙將雞包幾層
3. 隔水蒸約25分鐘至熟
4. 剪開保鮮紙，在雞上塗上麻油
5. 再蓋上原來剪開的保鮮紙
6. 放20分鐘至雞涼後斬開

油飯
米　　　　３　　　杯
香茅　　　２　　　條
薑蓉　　　１　　　湯匙
乾蔥　　　２　　　粒
芫茜　　　３　　　棵
蒜頭　　　４　　　粒
油　　　　２　　　湯匙
雞油　　　適量
斑蘭葉　　２　　　塊
水　　　　２５０　ｍｌ（打斑蘭葉用）
雞湯　　　２５０　ｍｌ
水　　　　適量　　　　（煮飯用）

1. 香茅切下根部約3吋留用
2. 芫芫切下根部留用
3. 打斑蘭葉的水與斑蘭葉同煮至滾
4. 放入調埋機打成斑蘭水後過篩待用
5. 香茅、薑蓉、乾蔥、蒜頭、芫茜根及油，放入調理機打至成泥狀
6. 將以上材料加入雞油，炒至5分鐘左右香
7. 加入已洗的米略炒
8. 加入斑蘭水略炒
9. 以上材料放入飯煲內，加入雞湯及水
10. 以一般程序煮飯
11. 飯熟後加入蒸雞後剩下的雞汁撈勻

* 斑蘭水應該有半杯左右，所以煮飯時，雞湯+水的總水量要扣減約半杯水，不然飯會太濕
* 如果買唔到斑蘭葉，唔要都可以，不過我覺得會無咁香

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

好味台灣牛肉麵（附食譜）

之前上網見到有個台灣牛肉麵食譜，好易整，材料都容易買，所以今日襯圖圖學校家長日，請左半日假，返屋企煮定個湯底做晚餐，然後帶埋圖圖返學校見家長攞成績表。

今次既家長日比之前兩次有少少唔同，班主任Mrs. Stock有一個folder俾圖圖，要圖圖揀番一個最鍾意既topic present俾我聽，同埋要講下個topic入面既資料係點搵返黎。之後老師又會講下圖圖上堂既情形。

今次圖圖成績都唔錯，英文老師既評語唔錯，數學話佢係全班最好，PE都非常好，係中文同音樂差少少，美術反而一般。

攞完成績表後就帶圖圖上公民數，然後返屋企煮好埋淨返果D，等圖圖上完堂就可以即刻食。原來今次係媽媽第一次煮關廟麵俾圖圖食，圖圖話好好味呢！

好味台灣牛肉麵（５碗）


牛肋骨　　　１。５　磅
蕃茄　　　　３　　　個（中）
洋蔥　　　　２　　　個（中）
蔥　　　　　數條
薑　　　　　３　　　片
蒜頭　　　　６　　　瓣
芽菜　　　　半　　　斤
生抽　　　　１８０　毫升
酒　　　　　２　　　湯匙
五香粉　　　１　　　茶匙
蕃茄醬　　　２　　　湯匙
豆板醬　　　１　　　湯匙
卥包　　　　１　　　包
水　　　　　１。５　公升
冰糖　　　　１　　　粒（大）
酸菜　　　　１　　　件
芫茜　　　　１　　　把

1. 牛肋骨洗淨出水
2. 蔥分蔥白及青蔥，蔥白切條，青蔥切碎，薑及蒜頭拍扁
3. 蕃茄切件，洋蔥切片
4. 爆香蔥白、薑片及蒜頭，加入牛肋骨略炒，再加入蕃茄及洋蔥略炒
5. 加入鼓油、酒、五香枌、蕃茄醬、豆板醬及卥包，再加入水煮滾。
6. 收細火炆1.5至2小時，至牛肋骨焾。
7. 酸菜洗淨，浸半小時，切條。
8. 用另一個煲煮麵，烚芽菜。
9. 碗中放麵、芽菜、酸菜、牛肋骨、芫茜及青蔥，加入牛肋骨湯。

(食譜改自baby kingdom - robin017)

* 我自己果碗仲要加多一茶匙麻辣醬，超正！
* 美國牛肋骨、卥包同麻辣醬我都係響吉之島買。

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

非一般甘口咖哩（附食譜）

見到蘋果、朱古力同咖啡會諗起D咩？多數應該係Snack time掛~~~~~

我一向都鍾意食泰國咖哩，鍾意果噚辛香味。日本咖哩一向麻麻地，覺得就算係激辛，都唔多覺辣。

但之前見過另一位居於日本既BLOGGER也加子做甘口咖哩，唔係好似香港人求其落幾舊咖哩磚就算，落多左幾鍾香料，仲要加埋蘋果、咖啡同朱古力，好似我響電視睇到D日本人認認真真咁煮，所以諗唔通真係正好多？今日終於試左，真係好味好多。

甘口咖哩（５－６人份量）


西蘭花　　　　　２　　　個
甘荀　　　　　　２　　　條
薯仔　　　　　　２　　　個
洋蔥　　　　　　２　　　個
大蔥　　　　　　１　　　條
豬扒　　　　　　５　　　塊
蘋果　　　　　　１　　　個
白酒　　　　　　１　　　杯
日本濃口醬油　　２　　　湯匙
濃湯寶（牛）　　１　　　盒
茄汁　　　　　　２　　　湯匙
喼汁　　　　　　１　　　湯匙
蛋黃醬　　　　　３　　　湯匙
甘口咖哩磚　　　３種牌子，每種用１／４盒（大盒）
即溶咖啡粉　　　１　　　茶匙
牛奶朱古力　　　４　　　小粒
香葉　　　　　　２　　　片
芫茜籽　　　　　１／４　茶匙
小茴香籽　　　　１／４　茶匙
雜香草　　　　　１　　　茶匙
黑胡椒　　　　　１／２　茶匙
糖　　　　　　　１　　　湯匙
意大利蕃茜　　　適量

1. 西蘭花、甘荀、薯仔先淨切件，洋蔥及大蔥切片
2. 蘋果刨蓉
3. 豬扒拍鬆煎至金黃
4. 牛油下鍋炒香洋蔥及大蔥後，加入蘋果蓉及白酒
5. 加入濃口醬油、濃湯寶及水後煮滾
6. 加入甘荀、薯仔及豬扒中小火煮25分鐘
7. 加入西蘭花煮至半熟後，加入茄汁、喼汁、蛋黃醬、咖哩磚、咖啡粉及牛奶朱古力後
8. 再加入已切碎的芫茜籽、小茴香籽、雜香草、黑胡椒及糖攪勻後熄火
9. 放過夜後翻熱，撒上意大利蕃茜。

（食譜改自也加子）

*因為原食譜中有D材料比較難買，所以我用左其他野代替
*食譜中既份量係我自己調較，大家鍾意可以隨自己口味增減

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

日式煲仔飯 - 鯖魚釜飯（附食譜）

抽到好學校，搞埋註冊，一身都鬆晒，又有心情煑飯。

早排見到FACEBOOK 既LC GROUP友整過鬼嫁呢個食譜，話超好味喎~~~~~，搞到我即刻好想煮，仲要咁啱屋企有鯖魚響度，正呀可以幫手清下個冰格！

之但係點知屋企既味淋同冷麵汁都用鬼晒，所以要買左先整到！圖圖話好味，仲用行動証明左，今日食多左！

用LC煮煲仔飯之前聽唔少人整都話好容易，今次係自己第一次用佢黎煮煲仔飯，估唔到都幾快，飯焦唔算多，而且比用瓦煲容易洗，所以下次煮煲仔飯都會用LC呢！

鯖魚釜飯（４人份量）


鯖魚　　３　　　片
薑蓉　　適量
鹽　　　３／４　茶匙

米　　　３　　　杯
味醂　　３　　　湯匙
酒　　　３　　　湯匙
冷麵汁　２　　　湯匙
淡口　　１　　　湯匙

1. 米洗淨，加入味醂、酒、冷麵汁、淡口及3杯水於LC內浸半小時
2. 鯖魚先淨，抺上鹽
3. 中火加熱至水滾，約3 分鐘，期間不段用筷子攪動米，避免黏底
4. 蓋上蓋再煮至鍋邊有蒸汽冒出，約2分鐘30秒
5. 轉小火煮3分鐘
6. 放上鯖魚及薑蓉，蓋上蓋，中火煮30秒
7. 開蓋轉小火煮12分鐘，至收乾水
8. 熄火蓋上蓋焗10分鐘

*可用2茶匙日本鼓油代替1湯匙淡口


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

蘿勒火腿PIZZA（附食譜）

呢個係Jamie Oilivia既pizza麵糰食譜，我做pizza多數會用佢黎整，原因只有一個，就係~~~~~快!因為呢個食譜個麵糰係唔需要發酵，所以我覺得勁方便。因為有時做pizza時好鬼肚餓，但又要等就真係好鬼陰公。

我個pizza除左個面糰要食譜外其他都隨心，亦即係所謂求其，只係見到買到咩就用咩無咩等別喜好。今次就淨係用左蘿勒同埋香檳火腿，而個底我一向都係偷懶塗上一層厚厚既茄膏就算。

Pizza麵糰(3個8")


高粉　　　２５０　ｇ
快速酵母　５　　　ｇ
鹽　　　　３　　　ｇ
糖　　　　７　　　ｇ
橄欖油　　１　　　ｔｂｓｐ
水　　　　１４０　ｇ

1. 所有材料搓成糰即可。

*水量要隨天氣及面粉吸水量而+-20g


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

顛左既蔥油餅（附食譜）

顛左係因為做呢個蔥油餅。雖然婆婆同爸爸都話幾好，但係第一次做出黎覺得唔似心目中既味道同TEXTURE。即刻上網快快手手咁搵多個食譜，又再SEARCH唔同既做法，自己又改少少，終於1日做左3個食譜出黎比較。終於做到一個比較合心水既。

蔥油餅(4個10cm直徑)


高筋粉　　　１００　　ｇ
低筋粉　　　１００　　ｇ
鹽　　　　　１／４　　ｔｓｐ　（搓麵糰用）
熱水　　　　１１０　　ｇ
凍水　　　　５０　　　ｇ
蔥　　　　　１００　　ｇ
鹽　　　　　１／２　　ｔｓｐ　（醃蔥用）
油　　　　　ａ　ｌｉｔｔｌｅ　ｂｉｔ

1. 蔥洗淨，風乾及切細，加入鹽醃一會
2. 麵粉及鹽加入熱水攪勻，略凍後加入凍水搓成糰
3. 放麵糰的容器蓋上濕布，休息20分鐘
4. 工作枱上塗油，麵糰檊至極薄，檊破也沒有所謂
5. 面皮上塗油撒上蔥，摺成風琴形成一長條
6. 捲起成一塊圖形面餅
7. 煎用手略為壓平，然後2面煎至金黃
8. 煎好後用鑊鏟砸幾下，讓層次更為鬆開

慶祝媽媽節 - 泰式菠蘿炒飯（附食譜）

今日係媽媽節，雖然我都係媽媽，但係都會煮飯，因為我鍾意煮飯。

前幾日行超級市場，聞到d菠蘿好鬼香，忍唔住手買左2個。菠蘿我通常只會整3樣野，最多係就咁焗乾身少少就咁食，然後就係整生炒類既餸，最尾就係炒飯。見好似好耐無用過菠蘿炒飯，就整佢啦。

泰式菠蘿炒飯(4人份量)


飯　　　　３　　碗
蛋　　　　１　　隻
菠蘿　　　１　　個
中蝦　　　１０　隻
雞柳　　　２　　條
雜豆　　　２　　湯匙
肉鬆　　　適量
咖哩粉　　２　　茶匙
椰糖　　　１　　湯匙
魚露　　　２　　湯匙

1. 雞柳切丁，蝦洗淨去腸去殼，蛋發勻。
2. 雞肉煎熟，移到鑊邊，煎蝦至熟，與雞肉一同放鑊邊，倒入蛋漿炒成蛋鬆。
3. 加入飯、雜豆及調味料炒勻
4. 加入菠蘿略炒後上碟
5. 飯面撒上肉鬆

*可加入提子乾及腰果炒，腰果要先炒香
*咖哩可買辣/不辣，因為我會給圖圖吃，所以今次用不辣的
*我用的是40度魚露，比一般的淡，用一般魚露可著量減少

是日簡餐 - 肉燥豆腐飯（附食譜）

呢排成久唔久就見到有網友煮肉燥飯，雖然媽媽未煮過，但係好似好容易咁，所以今日就試煮呢個。

因為圖圖一向放學後就肚餓要食飯(好明顯係響學校午飯食得太少)，所以當我返到屋企時婆婆話佢嗑住眼瞓食左一大碗，之後仲要添飯，呢樣極少有嫁，所以我真係勁開心。

不過今次係第一次整，所以份量大左少少。

如果鍾意可以加預先整好卥水蛋、豆腐及雞翼下菜，當然我今餐既紅腸係買既。

肉燥豆腐飯（８人份量）


紅蔥頭　　　１　　　　　ｂａｇ
攪碎豬肉　　８００　　　ｇ
生抽　　　　１２０　　　ｍｌ
片糖　　　　３／４　　　ｐｃ
五香粉　　　１－１／２　ｔｓｐ
酒　　　　　２　　　　　ｔｂｓｐ

1. 紅蔥頭切細，放入煲內用油爆香
2. 加入碎肉肉炒至轉色
3. 加入生抽、片糖、五香粉及酒，轉細火燜煮半小時

*因為我用LC煮，比較密封，如用普通煲要留意酌量減少燜煮時間
*全程不可以加水，否則會唔夠香

海鮮魚麵配梭羅魚蕃茄湯（附食譜）

今日呢碗麵睇落去好普通，但就玩足我成日。個湯底係跟呢度

d姊妹學野整既。老公成日話細個飲白色魚湯好好味，但係我屋企就從來都無煲過，亦都唔知用咩魚煲，早幾日見呢度d姊妹不約而同整呢個湯，就諗住試下。

海鮮魚麵配梭羅魚蕃茄湯（４人份量）

梭羅魚蕃茄湯

梭羅魚　　２斤
蕃茄　　　８個
薯仔　　　３個

1.梭羅魚洗淨，斜切一刀去頭去肚。
2.魚洗淨，用廚房紙印乾水。
3.煎香魚，灒入滾水，加入蕃茄煲45分鐘，期間用湯殼督爛魚及蕃茄。
4.加入薯仔煲15分鐘，熄火。
5.夾起薯仔，湯過篩。

蝦　　　　半斤
蜆　　　　１斤

1.蝦洗淨，去殼去腸後烚熟。
2.蜆洗淨，放入鹽水吐沙，再洗後烚熟。

魚麵
鯪魚　　　６條
鹽　　　　１茶匙
麻油　　　２茶匙
生粉　　　８茶匙
酒　　　　４茶匙
蛋白　　　４湯匙
胡椒粉　　適量

1.買鯪魚時叫魚販起肉
2.回家後洗淨鯪魚，一手按著鯪魚，一手順著魚骨方向用西式湯匙輕刮鯪魚起肉
3.起肉後湯匙連肉放入一大碗水中
4.所有鯪魚起肉後，將鯪魚放入魚袋中，擠出水
5.加入調味料撻至起膠
6.放入忌廉唧袋內，唧入大滾水中，煮至浮面

*鯪魚起肉時匙不可刮太深，會刮起魚骨，好似我今次就後，所以之後用調理機將碎骨打爛。
*如果有廚師機可以用佢將魚撻至起膠，真係快靚正。

講番個湯真係好正，不過真係花功夫，逐條魚切去頭鰓，之後仲要逐條洗淨肯定入面無腸留響度，但真係好飲，而且幾平。呢個魚麵我都係第一次整，唔知係咪街既係溝左粉，所以唔夠街既煙靭，下次可能加少少澄麵會好d，不過真係整左好鬼耐，淨係起肉都玩下2個鐘，所以無咁快會再試，但係我覺得呢樣野好啱d唔食魚既小朋友食，因為真係食唔出係魚，而且做多左既話可以雪入冰格，到要食時先拎落黎解凍。

唔記得講前面朵花，係用小棠菜剪既既，好容易做又靚，剩底既菜葉都唔會浪費，只係放響魚麵下。