小魚兒 lunch box

早些時候，圖圖又再次叫媽媽同佢做公仔lunch box。這個雖然花時間，但圖圖要求，自己能力做得到，當然應承。只可惜今日無咩創意，是是但但咁做，所以賣差了點。

朗思 Sports Day‧小狗 Snack Box

學校老師早響學校公告要小朋友帶healthy snack，例如水果、面包只可以帶麥包，白面包都唔ok。所以今日帶士多啤梨/奇異果/柑/吞拿魚醬麥包

小學既sports day唔再好似幼稚園咁玩攤位遊戲，而係分組比賽，例如：賽跑、扯大纜、曲棍球，不過大部份都係好容易既，小朋友都玩得好開心呢!

微笑太陽 Lunch Box

上星期因為阿囝唔乖，所以罰停一次。

蕃茄洋蔥免治牛肉薯茸/板魚蛋/八爪魚丸、栗米花枝丸/腸仔/雜豆/枝豆

天氣開始凍，開始做熱便當啦!今日唔知醒，趕到飛起。好在之前一晚已做完所有野，只係叮熱，砌返好已ok。

只係因為要一心二用既關係，隻蛋煎得好鬼肉酸

小熊 Lunch Box

因為今個星期一囝囝放假，所以星期二先帶LUNCH BOX，希望圖圖鍾意。

天氣開始凍，我諗下個星期開始要帶飯壼，唔可以再帶冷便當，不過飯壼既開口比較細，PRESENTATION有難度呢!

肉鬆飯團/芝士/雜豆/迷你紅蘿蔔/雞蛋/鵪春蛋/粟米花枝丸/紫菜/黑芝麻

Halloween Lunch Box

阿囝強烈要求下，決定每星期整一次，其他日子就繼續食學校既lunch。

第一次整覺得好難喔!雖然只係抄款，再改dd，但真係整到超攰，比起做蛋糕難好多~~~~



火雞芝士腸 / 粟米花枝丸/磨菇/南瓜/雜豆/鵪春蛋/紫菜/白飯+飯素

上學去 - 日式便當

早排媽媽見到travelzoo既local deal有好抵既日式便當課程，係去一間日本餐廳上課，教整媽媽勁鍾意既日式甜蛋，仲要係做一個超可愛既便當，所以媽媽就即刻買左張coupon，仲即時email約埋時間上課。

今日就係上課既日子，上課時由2位老師分別教授，首先係廚師先教做日式甜蛋，之後就由老闆娘親授點做日式便當，老闆娘係日本人，所以全程都由一位職員幫手做翻譯，全程大家都係落手落腳做自己既便當，原來要做一個可愛既便當都可以好簡單。

媽媽喜愛上呢類型既課程，遲d應該都會再join，希望第一圖圖返學時，都可以帶一個超可愛既便當返學。

我的第一個便當

琴日買左新玩具，咁啱屋企早前買左d野食，諗住整壽司，哽係整d黎玩下啦~~~~~

所以今日媽媽就開工做左一個便當，諗住俾爸爸~~~~~不過今日媽媽煮日本米果陣衰左，唔記得日本米係吸水d，所以d米煮出黎硬左d，黏性唔夠，做出黎既壽司好散~~~~~~好在今次唔係諗住請人食既唧！

媽媽整下整下發覺原來最難整既係剪紫菜，所以個人仔同熊貓個樣都係衰衰地咁，希望媽媽第日做多d會熟能生巧啦!因為媽媽想第日展圖豬可以帶靚飯盒返學~~~~

不過今次係第一次媽媽對呢個飯盒都叫好滿意架啦~~~~！