圖圖煮大餐

今個星期日母親大人和大老爺都不在家，所以是我個圖圖的二人時間喔！本想在返教會後下午和圖圖外出一下，但當在教會離開是又下著毛毛雨，所以便打消了外出的念頭。

想要圖圖很想要學煮飯，所以便拖著他去買菜，及拿了家中的食物煮了一餐西餐，等晚上和母親大人及大老爺一起吃。

晚餐中的蕃茄湯、蕃茄肉醬及麵包PIZZA都是圖圖一手一腳做的，我只是在一旁稍作示範，調較味道及看顧爐火。

蕃茄濃湯（５碗）

蒜頭　　　　　　５　　　瓣
洋蔥　　　　　　１／２　個
去皮蕃茄罐頭　　１　　　罐
茄膏　　　　　　１／３　罐
水　　　　　　　１　　　公升
奶　　　　　　　１５０　毫升
雞粉　　　　　　１　　　茶匙
鹽　　　　　　　適量
黑胡椒　　　　　適量

1. 蒜頭及洋蔥切粒
2. 下沙量沙爆香蒜頭，再下洋蔥以中小火炒至微黃
3. 加入茄膏略炒
4. 加入蕃茄罐頭，用鑊鏟切小一點，略炒
5. 加入水及奶煮滾後收細火，再煮45分鐘
6. 用攪拌器打爛
7. 再煮滖後加入調味料

* 可用6個去皮去籽的大蕃茄切粒代替蕃茄罐頭

圖圖說煮這個時一直說：「好熱喔！」因為要將洋蔥炒至焦糖色真的需要一點時間，雖然我站在他的旁邊，但真的會擔心他會燙傷。不過他做的真不錯，至少我教他一手拿著單柄鍋，一手拿鑊，每炒一段時間便將鍋子打斜好讓他可以看到洋蔥是不經已炒夠時真的做得有板有眼。

湯煮到一半時我用小匙給圖圖試味，他問怎麼現在喝呢？所以便要再解釋了試味的原因及重要。

之後便是煮蕃茄肉醬，本來只是打算配意粉，後來覺得做得太多，所以便只用來配薯茸吃。圖圖覺得超神奇的，明明都只是用了一樣的材料，只是加多了碎牛肉，已可以做出完全不同的菜色。

蕃茄肉醬

蒜頭　　　　　　５　　　瓣
洋蔥　　　　　　１／２　個
去皮蕃茄罐頭　　１　　　罐
茄膏　　　　　　１／３　罐
免治牛肉　　　　２５０　克

1. 蒜頭及洋蔥切粒
2. 下沙量沙爆香蒜頭，再下洋蔥略炒
3. 加入免治牛肉炒至熟
4. 加入茄膏略炒
5. 加入蕃茄罐頭，用鑊鏟切小一點，略炒
6. 轉小火煮20分鐘

* 可用6個去皮去籽的大蕃茄切粒代替蕃茄罐頭

之後便教圖圖做了一個超簡單的麵包PIZZA，這個一般小朋友都可以做到，而且材料簡單，也很美味，唯一問題是焗起後便要立刻吃掉，不然用麵包做成的PIZZA便會變得靭靭的。但這個可以先做好放入冰箱裡，待要吃時才焗，所以也不是一個大問題。母親大人及大老爺都說這個超好吃，而且真的很脆，其實這個也很適合小朋友的下午茶呢！

麵包PIZZA

方包　　　　　　３　　片
茄膏　　　　　　１／３罐
蟹柳　　　　　　３　　條
莎樂美腸　　　　３　　片
辣肉腸　　　　　３　　片
巴馬火腿　　　　２　　片
ＰＩＺＺＡ芝士　適量

1. Pizza材料剪細
2. 方包切去四邊，用檊麵杖檊成薄薄一片
3. 在麵包上塗上一層茄膏
4. 放上pizza材料，再在上面撒滿芝士
5. 放入焗爐/多士爐焗至芝士溶掉

* 因為這個是用麵包做底，所以要小心烤焦
* 烤起後要立刻吃掉，不然麵包會變得靭靭的

另外我還做了簡單的巴馬火腿配哈密瓜、小蕃茄生菜沙律配芝麻醬及超級邪惡的滑滑薯茸。當然再加上了現買的意大利軟包配上一枝超美味的意大利陳醋及橄欖油。

薯仔　　　　　　７００　ｇ
牛油　　　　　　１５０　ｇ
全脂牛奶　　　　３０　　ｍｌ
鹽　　　　　　　適量
黑胡椒　　　　　適量

1. 薯仔洗淨放入熱水烚25分鐘至焾
2. 薯仔瀝乾乾，待放涼後去皮切粒
3. 薯仔用密篩及匙壓成薯泥
4. 放入白鑊用小炒略炒，逐少加入切料的牛油炒勻
5. 逐少加入牛奶炒勻

整個晚餐內其實最花時間的便是做這個薯蓉，雖然簡單，但是過篩真的很花時間，而且很費力，再加上超邪惡的說。不過圖圖真的超愛吃，整整吃了一大碗。

不知是否因為今天晚餐比平上晚了點吃，再加上是圖圖自己做的，所以他今天真的吃了很多，2碗蕃茄湯、一整塊麵包PIZZA、一大碗滿滿的肉醬配薯茸、沙律、2小片的意大利軟包配陳醋，還要加上2件椰汁糕。

所以吃到最後一口椰汁糕時他說飽得受不了，而且有點想嘔，我估計是他吃壞了肚子，這情況還是第一次發生在他的身上。

其實圖圖還做了椰汁糕，只是這個食譜是新嘗試的，感覺好像太漏，椰汁味太重，所以就不寫出來。

大老爺吃過這餐直說圖圖做的這餐晚飯非常美味，希望在下個月父親節時圖圖再做給他吃。看來我又得要花心思想一些簡單又美味的餸菜了！
除了以上的菜，我還做了超邪惡薯蓉、小蕃茄沙律配芝麻汁及prama ham配哈蜜西瓜。

薯蓉

薯仔　　６００　ｇ
牛油　　１４０　ｇ
全脂奶　３０　　ｍｌ
鹽　　　ａ　ｌｉｔｔｌｅ　ｂｉｔ
黑胡椒　ａ　ｌｉｔｔｌｅ　ｂｉｔ

1. 薯仔洗淨烚25分鐘至焾
2. 取出薯仔放至略凍後去皮
3. 將薯仔切粒，過密篩成為薯蓉
4. 將薯蓉放入鑊中炒至乾身
5. 逐少加入切粒牛油，拌成泥狀
6. 再逐少加入牛奶，然後下鹽及黑胡椒調味

聖誕快樂‧開心Party (棉花糖、New York Cheese Cake)

由圖圖兩歲開始，每年聖誕節我家都會邀請親友過來參加聖誕Party，大家一起玩樂一下(尤其是小朋友)！今年當然也不例外！

由於每次都要預備十多人份量的食物，所以早一兩天便要作好準備。以往很多菜都是當天才做，所以當天會很趕急。今年便試一下儘量在早一天做起，在當天放入焗爐翻熱，果然快了很多，下午四時左右便已差不多完成。

下面既食物名click後會連結至有關的食譜。

以下是早兩天完成的：

Macaron

以下是早一天完成的：

刁草薯仔雞蛋沙律

桂花糖漬車厘茄

迷迭香煙肉雞卷

泰式豬頸肉(估唔到呢個係最受歡迎，仲要個個都讚好味，好快清晒添！)

印尼串燒成這是一位印尼姐姐教我用調味料醃肉後煎熟，再伴以用熱手開稀印尾沙嗲膏作醬料伴食)

煙三文魚 + 菠蘿腸仔(呢個係用鮮菠蘿，再用焗爐焗乾身)

士多啤梨棉花糖

士多啤子啫喱粉　　　１　　　盒

凍水　　　　　　　　５０　　ｍｌ

熱水　　　　　　　　２００　ｍｌ

糖　　　　　　　　　５　　　湯匙

魚膠粉　　　　　　　５　　　茶匙

椰絲　　　　　　　　１　　　包

1. 啫喱粉加入糖及熱水攪勻

2. 用叉攪勻魚膠粉及凍水，略為加熱，溶後加入啫喱粉溶液內

3. 以電動打蛋器打至忌廉狀後放入雪櫃

4. 約2小時後取出切粒，沾上椰絲

New York Cheese Cake(唔知點解無影？但呢個超好味，係我整過咁多個食譜入面最好味既)

Ｃｈｅｅｓｅ　Ｃａｋｅ：(8吋圓盤)

Ｃｒｅａｍ　Ｃｈｅｅｓｅ　　６００　　ｇ

糖　　　　　　　　　　　　　１０４　　ｇ

牛油　　　　　　　　　　　　６０　　　ｇ

蛋　　　　　　　　　　　　　１６６　　ｇ

餅面：

Ｓｏｕｒ　Ｃｒｅａｍ　　　　２００　　ｇ

糖　　　　　　　　　　　　　４０　　　ｇ

1. Cream Cheese 室溫放軟，加入糖打至鬆

2. 加入牛油打勻

3. 蛋分3-4加入打勻

4. 140C焗30分鐘，蓋上鍚紙120C焗10分鐘

5. 取出待涼後，Sour Cream加糖勻後舖上餅面

6. 210C焗8-10分鐘

以下是當天做的菜：

焗豬扒飯

芝士煙肉焗薯皮

燒牛肉(這次因為預要翻熱，所以加上汁後每邊只煮3分鐘，吃時只加熱汁料浸熱，這次生熟情度很完美呢！)

焦糖雞蛋布甸(改自橫田秀夫的食譜)

泰式生蝦(沾醬和燒豬頸肉的一樣)

以下是外購的：

壽司

綠茶麻糬

仲有火雞一隻，不過唔記得影 >-<!

酒店燒牛肉<無焗爐版>（附鬼嫁食譜）

不知我有沒有說過，圖圖是一個蔬菜小孩，對肉類可以選擇不吃就不吃，而且超級咀刁。雖然叫他總會乖乖地吃，但真是吃得超級慢，很多時真叫人生氣！

早些時媽媽在凍肉批發的店訂了3磅牛柳，就是打算試一下做這個燒牛肉及威靈頓牛柳(這個還沒開工)，想不到做出來後連不愛吃肉的圖圖也會自己嚷著要吃，真是一大驚喜，雖然今次失手熟了點，但因為今次訂的牛柳肉質很好，只是中間有一條筋，在煮前已被我切去，所以做出來是超焾的！

不過因為上菜時媽媽將牛柳片砌成一朵花，爸爸看到了還以為是吃牛輾呢！這個沾一點英式芥末超好吃！而且因為可以早一晚做好，翻熱的話只將汁料煮熱淋上燒牛肉便可以，而凍食只是端上桌便OK，所以很適合作PARTY FOOD呢！

酒店燒牛肉<無焗爐版>
　

牛柳　　　７００－８００　ｇ
蒜蓉　　　１　　　　　　　ｔｂｓｐ
鹽　　　　１　　　　　　　ｔｓｐ
黑胡椒　　１　　　　　　　ｔｓｐ

汁料
喼汁　　　１００　　　　　ｍｌ
日本鼓油　１００　　　　　ｍｌ
紅酒　　　２００　　　　　ｍｌ
糖　　　　１　　　　　　　ｔｂｓｐ

1. 牛肉切去筋，用棉繩綁成圓柱體
2. 手廚紙吸乾水份
3. 加入醃料，包保鮮紙，醃15分鐘
4. 用平底鍋煎至4面微焦
5. 鑄鐵鍋加入所有汁料材料煮至滾，加入牛柳，再滾起後轉小火，加蓋煮4分鐘
6. 反轉牛柳，再加蓋煮4分鐘
7. 熄火焗30分鐘

*牛肉如雪櫃取出要在室溫放30分鐘

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

韓式燉牛肋骨（附食譜）

之前整過幾次牛肋骨，不是用紅酒就係用砵酒炆，今次想是搞搞新意思，用韓式既煮法，味道無咁濃，無咁搶。婆婆話鍾意呢個多過用紅酒/砵酒炆，爸爸話白蘿白好好味，所以下次要加多d，而圖圖就好鍾意d牛肋骨炆到焾晒，因為佢唔鍾意食要趙既肉。

韓式燉牛肋骨

牛肋骨　　　２　　ｌｂｓ
洋蔥　　　　２　　ｐｃｓ
紅蘿白　　　３　　ｐｃｓ
白蘿白　　　１　　ｐｃｓ
紅棗　　　　１０　ｐｃｓ
蜜棗　　　　１　　ｐｃ
水　　　　　２　　ｌｉｔｒｅ
生抽　　　　４　　ｔｂｓｐ
梅酒　　　　４　　ｔｂｓｐ
味醂 ４　　ｔｂｓｐ
麻油　　　　２　　ｔｂｓｐ
韓國水梨　　１　　ｐｃｓ
蒜頭　　　　５　　ｃｌｏｖｅｓ
黑胡椒　　　ａ　ｌｉｔｔｌｅ　ｂｉｔ

1. 牛肋骨抺乾，用生抽及梅酒醃半小時
2. 味醂、麻油、水梨、蒜頭、黑胡椒用攪拌機打成汁料
3. 洋蔥用少許油用鑄鐵煲略炒，牛肋骨放面，加入汁料並煮滾後，蓋上蓋用小火炆半小時
4. 紅蘿白及白蘿白切成圓波波
5. 加入水、紅棗、蜜棗、紅蘿白及白蘿白並煮滾後，蓋上蓋用小火炆半小時
6. 打開蓋煮至汁收

* 原食譜會再加入栗子，不過我唔記得買，所以無加
* 正式韓式燉牛肋骨蘿白係會切做圓波波，如果無時間或不想浪費材料，所以不理
* 如果無水梨可以用蘋果代替
* 可以早一晚整定放入雪櫃，第二日食之前用匙筆起煲面既油，再翻熱，會入味d都埋無咁油膩

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

刁草薯仔沙律+砵酒慢煮牛肋骨（附食譜）

平時做薯仔蛋沙律都只係偷懶淨係落蛋黃醬，今日就試下跟蘇三既食譜落多少少野，原來好味好多，婆婆話淨食呢個唔食飯都可以。原本只係筆少少出黎當頭盤，點知個個都話要添食，終於清晒!

刁草薯仔沙律


薯仔　　２　　　　　ｐｃｓ
蛋　　　５　　　　　ｐｃｓ
蛋黃醬　６　　　　　ｔｂｓｐ
糖　　　４－１／２　ｔｓｐ
鹽　　　１／２　　　ｔｓｐ
刁草　　１　　　　　ｔｓｐ

1.薯仔及蛋放入凍水烚15分鐘
2.薯仔去皮切粒
3.蛋去殼切粒
4.加入蛋黃及調味撈勻

*如果只係大人食，可以加1茶匙英式芥末粉，但為囝囝唔食辣，所以我無落。

呢輪雪櫃爆晒倉，但又想再入貨，唯有諗辦法清雪櫃，摷到入面有2磅牛肋骨，就今次就用砵酒炆。再加上慢煮法，d肉焾到入口即化，但又唔會散晒，連我唔鍾意食肉既囝囝都話好味。

砵酒炆牛肋骨架(慢煮法)

牛肋骨　　２　　　ｌｂｓ
洋蔥　　　２　　　ｐｃｓ
甘荀　　　２　　　ｐｃｓ
西芹　　　１／４　ｐｃ
香葉　　　２　　　ｐｃｓ
龍嵩　　　２　　　ｔｓｐ
牛至　　　２　　　ｔｓｐ
百里香　　２　　　ｔｓｐ
黑椒　　　１　　　ｔｓｐ
罐裝蕃茄　１　　　ｃａｎ
牛骨湯　　５００　ｍｌ
砵酒　　　２５０　ｍｌ
紅酒　　　５００　ｍｌ
紅酒醋　　１２５　ｍｌ
黃糖　　　４００　ｍｌ

1.牛肋骨洗淨抺乾，除香葉外，加入所有香料醃牛肋骨
2.以煎窩牛肋骨略煎至金黃
3.洋蔥、甘荀及西芹切塊
4.於煲內炒洋蔥3分鐘，加入甘荀及西芹再炒5分鐘
5.將蔬菜撥兩邊，中間放入牛肋骨
6.加入蕃茄、牛骨湯、砵酒、紅酒及紅酒醋煮滾
7.入焗爐200C焗1小時
8.再用180C焗1小時
9.再於焗爐內以餘溫焗半小時

*牛肋骨最好於大型凍肉舖買1條1磅那種

開光，紅酒炆牛肋骨

因為仲未有LC，成日心思思想想買個LC煲，上個星期LC開倉，好想去，但係好多野做，走唔甩好在有人幫手買左個dune 27cm oval casserole同埋個cherry red oval trivet。

今日星期日，因為圖圖病左所留響屋企。媽媽一早就起左身，整紅酒炆牛肋骨，呢味餸好多年都無做過，就趁買左LC，整返一次同個LC開光。


紅酒炆牛肋骨

牛肋骨　　　２　　　ｌｂｓ
甘筍　　　　３　　　ｐｃｓ
洋蔥　　　　３　　　ｐｃｓ
西芹　　　　１／２　ｐｃ
紅蔥頭　　　３　　　ｐｃｓ
紅酒　　　　２５０　ｍｌ
紅酒醋　　　５０　　ｍｌ
罐頭蕃茄　　１　　　ｃａｎ
牛濃湯寶　　１　　　ｐｃ
Ｔｈｙｍｅ
Ｃｈｅｒｖｉｌ
Ｆｒｅｎｃｈ　Ｔａｒｒａｇｏｎ

1. 牛肋骨出水
2. 用紅蔥頭開鑊，加入香草及洋蔥炒至軟身
3. 加入甘筍及西芹同炒
4. 加入紅酒、紅酒醋、牛濃湯寶及罐頭蕃茄煮滖
5. 加入牛肋骨，收細火，炆２小時，焗半小時

• 呢個食譜對上次整已經係N年前既事，所以記憶有D模糊。
• 如果覺得酸可以落少量冰糖。

之後晚飯甜品係椰青啫喱，今次我用左魚膠粉，爸爸話想要爽口D，下次我用大菜試下做，睇下邊樣好味D先同大家SHARE! :D

Black Angus vs New Zealand

早係兩個幾用前，媽媽去左間凍肉批發買左呢兩個牛扒每樣一件，諗住煎係比較下睇下點解兩個價錢分別咁大~~~，black angus ~$100一件、new zealand ~$30一件

因為以前媽媽煎牛扒，就算用幾貴既扒都好，可能係為係用普通易潔鑊煎既關係，總係唔好食，就算煎到塊扒好少少濃，d肉汁都搞到水汪汪唔夠香，所以次次唯有用d牛扒汁做調味，side左塊扒，早排見惠康有wedgwood烤盆即時換番個，諗住用黎煎牛扒。

今次就係用呢兩塊扒同個烤盆開光，因為個盆夠大，可以一齊煎，而煎之前淨係用左dd海鹽同五色胡椒醃左唔夠五分鐘。今次我係用牛油+橄欖油黎開鑊，每邊先煎45s，再煎1min。

出黎效果好好，終於煎到心目中合格既牛扒，至於相，因為大家太肚餓食得太快，所以一張都無影~~~~~

講番兩塊扒先我覺得black angus係焾d，但係new zealand就香d，其實差別我地一致覺得唔值爭三倍咁多，所以以後我都可能買new zealand算lu，又慳番好多~~~~

不過講番工具真係好緊要，今次既煎牛扒水準可以拍住街既steak house，以前煎極都係好差~~~~~

另外今日媽媽仲整左鰻魚汁焗帶子、炸洋葱鹹牛肉薯餅同埋冷麵。