圖圖煮大餐

今個星期日母親大人和大老爺都不在家，所以是我個圖圖的二人時間喔！本想在返教會後下午和圖圖外出一下，但當在教會離開是又下著毛毛雨，所以便打消了外出的念頭。

想要圖圖很想要學煮飯，所以便拖著他去買菜，及拿了家中的食物煮了一餐西餐，等晚上和母親大人及大老爺一起吃。

晚餐中的蕃茄湯、蕃茄肉醬及麵包PIZZA都是圖圖一手一腳做的，我只是在一旁稍作示範，調較味道及看顧爐火。

蕃茄濃湯（５碗）

蒜頭　　　　　　５　　　瓣
洋蔥　　　　　　１／２　個
去皮蕃茄罐頭　　１　　　罐
茄膏　　　　　　１／３　罐
水　　　　　　　１　　　公升
奶　　　　　　　１５０　毫升
雞粉　　　　　　１　　　茶匙
鹽　　　　　　　適量
黑胡椒　　　　　適量

1. 蒜頭及洋蔥切粒
2. 下沙量沙爆香蒜頭，再下洋蔥以中小火炒至微黃
3. 加入茄膏略炒
4. 加入蕃茄罐頭，用鑊鏟切小一點，略炒
5. 加入水及奶煮滾後收細火，再煮45分鐘
6. 用攪拌器打爛
7. 再煮滖後加入調味料

* 可用6個去皮去籽的大蕃茄切粒代替蕃茄罐頭

圖圖說煮這個時一直說：「好熱喔！」因為要將洋蔥炒至焦糖色真的需要一點時間，雖然我站在他的旁邊，但真的會擔心他會燙傷。不過他做的真不錯，至少我教他一手拿著單柄鍋，一手拿鑊，每炒一段時間便將鍋子打斜好讓他可以看到洋蔥是不經已炒夠時真的做得有板有眼。

湯煮到一半時我用小匙給圖圖試味，他問怎麼現在喝呢？所以便要再解釋了試味的原因及重要。

之後便是煮蕃茄肉醬，本來只是打算配意粉，後來覺得做得太多，所以便只用來配薯茸吃。圖圖覺得超神奇的，明明都只是用了一樣的材料，只是加多了碎牛肉，已可以做出完全不同的菜色。

蕃茄肉醬

蒜頭　　　　　　５　　　瓣
洋蔥　　　　　　１／２　個
去皮蕃茄罐頭　　１　　　罐
茄膏　　　　　　１／３　罐
免治牛肉　　　　２５０　克

1. 蒜頭及洋蔥切粒
2. 下沙量沙爆香蒜頭，再下洋蔥略炒
3. 加入免治牛肉炒至熟
4. 加入茄膏略炒
5. 加入蕃茄罐頭，用鑊鏟切小一點，略炒
6. 轉小火煮20分鐘

* 可用6個去皮去籽的大蕃茄切粒代替蕃茄罐頭

之後便教圖圖做了一個超簡單的麵包PIZZA，這個一般小朋友都可以做到，而且材料簡單，也很美味，唯一問題是焗起後便要立刻吃掉，不然用麵包做成的PIZZA便會變得靭靭的。但這個可以先做好放入冰箱裡，待要吃時才焗，所以也不是一個大問題。母親大人及大老爺都說這個超好吃，而且真的很脆，其實這個也很適合小朋友的下午茶呢！

麵包PIZZA

方包　　　　　　３　　片
茄膏　　　　　　１／３罐
蟹柳　　　　　　３　　條
莎樂美腸　　　　３　　片
辣肉腸　　　　　３　　片
巴馬火腿　　　　２　　片
ＰＩＺＺＡ芝士　適量

1. Pizza材料剪細
2. 方包切去四邊，用檊麵杖檊成薄薄一片
3. 在麵包上塗上一層茄膏
4. 放上pizza材料，再在上面撒滿芝士
5. 放入焗爐/多士爐焗至芝士溶掉

* 因為這個是用麵包做底，所以要小心烤焦
* 烤起後要立刻吃掉，不然麵包會變得靭靭的

另外我還做了簡單的巴馬火腿配哈密瓜、小蕃茄生菜沙律配芝麻醬及超級邪惡的滑滑薯茸。當然再加上了現買的意大利軟包配上一枝超美味的意大利陳醋及橄欖油。

薯仔　　　　　　７００　ｇ
牛油　　　　　　１５０　ｇ
全脂牛奶　　　　３０　　ｍｌ
鹽　　　　　　　適量
黑胡椒　　　　　適量

1. 薯仔洗淨放入熱水烚25分鐘至焾
2. 薯仔瀝乾乾，待放涼後去皮切粒
3. 薯仔用密篩及匙壓成薯泥
4. 放入白鑊用小炒略炒，逐少加入切料的牛油炒勻
5. 逐少加入牛奶炒勻

整個晚餐內其實最花時間的便是做這個薯蓉，雖然簡單，但是過篩真的很花時間，而且很費力，再加上超邪惡的說。不過圖圖真的超愛吃，整整吃了一大碗。

不知是否因為今天晚餐比平上晚了點吃，再加上是圖圖自己做的，所以他今天真的吃了很多，2碗蕃茄湯、一整塊麵包PIZZA、一大碗滿滿的肉醬配薯茸、沙律、2小片的意大利軟包配陳醋，還要加上2件椰汁糕。

所以吃到最後一口椰汁糕時他說飽得受不了，而且有點想嘔，我估計是他吃壞了肚子，這情況還是第一次發生在他的身上。

其實圖圖還做了椰汁糕，只是這個食譜是新嘗試的，感覺好像太漏，椰汁味太重，所以就不寫出來。

大老爺吃過這餐直說圖圖做的這餐晚飯非常美味，希望在下個月父親節時圖圖再做給他吃。看來我又得要花心思想一些簡單又美味的餸菜了！
除了以上的菜，我還做了超邪惡薯蓉、小蕃茄沙律配芝麻汁及prama ham配哈蜜西瓜。

薯蓉

薯仔　　６００　ｇ
牛油　　１４０　ｇ
全脂奶　３０　　ｍｌ
鹽　　　ａ　ｌｉｔｔｌｅ　ｂｉｔ
黑胡椒　ａ　ｌｉｔｔｌｅ　ｂｉｔ

1. 薯仔洗淨烚25分鐘至焾
2. 取出薯仔放至略凍後去皮
3. 將薯仔切粒，過密篩成為薯蓉
4. 將薯蓉放入鑊中炒至乾身
5. 逐少加入切粒牛油，拌成泥狀
6. 再逐少加入牛奶，然後下鹽及黑胡椒調味

肉骨茶（附食譜）

雖然我不愛中藥，但是卻很喜歡藥膳的味道。不論是台灣的當歸鴨、藥膳排骨湯，已至東南亞的肉骨茶我都超愛。

幾年前尖沙咀有一間專賣肉骨茶的小店味道很不錯，我久不久也會到那裏光顧。但可能小店的位置比較偏僻，所以很快便結束了。自始之後唯有每次到東南亞旅遊時，便一定要吃肉骨茶過過癮。

我曾經買過新加坡及馬來西亞的肉骨茶湯包，但不知是否做法不對，總是做不對味。藥味總是太過火，而且太燥熱，每次吃完喉嚨一定最少痛上幾天。如果不幸的話還會病倒～～～～，試了好幾款都如是，便唯有放棄。

早前在網在看到Jacky Yu的肉骨茶食譜，做法很簡單，只是欠缺所需的藥材，所以便到家中附近賣藥材的小店便買齊，然後開工。

肉骨茶（４人份量）

西施骨　　　　２　　斤
水　　　　　　３　　公升
川芎　　　　　８　　克
玉竹　　　　　４０　克
當歸　　　　　８　　克
熟地　　　　　１２　克
黨參　　　　　２０　克
杞子　　　　　２５　克
白胡椒　　　　３０　克
原個蒜頭　　　３　　個
鹽　　　　　　２　　茶匙　

1. 西施骨出水後洗淨
2. 洗淨其他材料
3. 所有材料隨水落，煲至大滾後轉小火煮1小時
4. 下鹽調味

* 倘若用鑄鐵鍋或高壓鍋，水量要減至2.2公升

這食譜煮出來的味道不會太濃，雖然感覺也算燥熱，但不致太過份。而且湯的味道很好，下飯一流，大老爺也忍不住要多添一碗飯呢！

羅宋湯（附食譜）

這一段時間，老公大人常嚷著要減肥，努力地做運動。今天想了想不如就煮羅宋湯加通粉吃罷！羅宋湯有大量蔬菜，大都含高鉀質有助去水，而且可以清理腸胃，味道也不錯，算是一個好選擇呢！

羅宋湯 

蕃茄　　　　６　　　個

紅菜頭　　　１　　　個

西芹　　　　１／２　棵

椰菜　　　　１　　　個（小）

甘荀　　　　４　　　棵
南瓜　　　　１／２　個
茄膏　　　　１　　　罐
去皮蕃茄　　１　　　罐
香葉　　　　３　　　片
牛肋骨　　　２　　　磅
鹽　　　　　ａ　ｌｉｔｔｌｅ　ｂｉｔ
黑胡椒　　　ａ　ｌｉｔｔｌｅ　ｂｉｔ

1. 蕃茄用熱水燙去皮及洗去籽，其他所有蔬菜切丁
2. 牛肋骨出水後洗淨
3. 所有蔬菜加入已放冷水的高速內，待沸後加入其餘材料
4. 煮45分鐘後加入海鹽及黑胡椒調味

*可以用牛腩代替牛肋骨
*想要濃味些，可再加大牛肉份量
*如用普通湯煲，需煮約2小時
*我是用10L的高速煲，放入所有材料後約9成滿，這份量我們一家4口吃了3餐


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

颱風下的上海菜之一‧沙鍋雲吞雞（附食譜）

這幾天無論天文台大、新聞、FACEBOOK、各大討論區及WHATSAPP，均舖天蓋地宣佈，颱風天兔要來了，NASA還形容這是一個怪獸風暴～～～！直徑達1000公里，還有甚麼雙風眼（傷風眼，是病來的嗎？）呼籲亞洲是區要小心，而且還有很大機會在香港登陸～～～～，總之它很厲害！

所以昨日早上我已買了一大堆餸菜，拿得手也差不多斷掉。想起已好久沒有包上海雲吞，不如如就趁著有時間，做一些明天吃，再做多點放冰格存起來也不錯。

做了雲吞，當然少不了用它來做沙鍋雲吞雞，反正雞湯只是放電子燉盅，用不了甚麼時間。因為雞是燉的，所以比起在街吃的更滑，而雲吞因為是自己包，所以更多，餡料也更足。

韭菜雲吞（１００只）

免治豬肉　　　１　　　　　斤
韭菜　　　　　１　　　　　斤
圓形餃子皮　　１　　　　　斤
鹽　　　　　　１－１／２　湯匙
糖　　　　　　３　　　　　湯匙
胡椒粉　　　　１　　　　　茶匙
生抽　　　　　２　　　　　湯匙
酒　　　　　　３　　　　　湯匙
梳打粉　　　　１／２　　　茶匙
蛋白　　　　　３　　　　　隻
水　　　　　　１９０　　　毫升
生粉　　　　　１－１／２　湯匙
油　　　　　　２　　　　　湯匙

1. 免治豬肉加入鹽、糖、胡椒粉、酒及梳打粉攪至起膠
2. 加入蛋白及水攪勻
3. 加入油攪勻後放30mins
4. 韭菜洗淨抺乾後切粒
5. 加入豬入內攪勻
6. 餃子皮包入韭菜豬肉餡料
7. 每層以保鮮紙分隔放入冰箱內

沙鍋雲吞雞

雞　　　　　　１　　　　　隻
雞湯　　　　　４００　　　ｍｌ
水　　　　　　適量
蝦米　　　　　適量　　　
金華火腿　　　數片
娃娃菜　　　　２　　　　　棵
雲吞　　　　　２４　　　　隻
鹽　　　　　　１　　　　　茶匙

1. 雞洗淨切去尾
2. 雞、蝦米、金華火腿放入電子燉盅、加入雞湯及水至剛蓋過雞，燉３小時
3. 煮一大鍋水焯熟娃娃菜後撈起，再煮雲吞至熟撈起
4. 雞湯煮好後盛起隔去油
5. 娃娃菜及雲吞放入燉盅內，再加入已隔去油的雞湯


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

南瓜湯(附食譜)

早一排答應了圖圖會煮一餐西餐給他吃，但西餐中常常會令我感到相當煩惱，就是除沙律之外，就是缺少了蔬菜。

西湯其實我最喜歡磨菇湯，但圖圖不喜歡菇類的味道，所以唯有另想其他。之前做過青豆茸湯也不見得圖圖太喜歡，所以便決定今次做南瓜湯。其實爸爸本身是不吃南瓜的，但做做湯可能因為打成茸，口感改變了，所以又OK！而且含有豐富的纖維，營養價值高，是不錯的蔬菜。

南瓜湯（４人份量）


南瓜　　　１／４　ｐｃｓ
西芹　　　２　　　ｔｂｓｐ
洋蔥　　　２　　　ｔｂｓｐ
水　　　　２００　ｍｌ
奶　　　　２００　ｍｌ
黑胡椒　　ａ　ｌｉｔｔｌｅ　ｂｉｔ
岩鹽　　　１／２　ｔｓｐ
雞粉　　　１　　　ｔｓｐ

1. 西芹及洋蔥切碎炒至洋蔥金黃色
2. 加入南瓜同炒
3. 灒入水及牛奶煲滾後收細火，再煲45mins
4. 加入所有調味
5. 所有湯及渣待稍滾後放入攪拌機打勻
6. 飲用前再煲滾

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

洋蔥湯（附食譜）

好耐都無整洋蔥湯，早排上網睇master chef既食譜，見到又手痕，所以襯今日瑞午節放假，得得地閒，又唔駛煑飯(因為叫外賣pizza)，就整呢個湯。不過炒洋蔥真係好么攰，炒足成個鐘，真係可以減拜拜肉。

洋蔥湯


橄油　　　　　　１　　　　ｔｂｓｐ
牛油　　　　　　５０　　　ｇ
洋蔥　　　　　　２　　　　ｋｇ
香葉　　　　　　２　　　　ｐｃｓ
百里香　　　　　１／２　　ｔｓｐ
迷迭香　　　　　１／２　　ｔｓｐ
牛骨湯　　　　　１５００　ｍｌ
ｃｉｄｅｒ　　　２００　　ｍｌ
法包　　　　　　ｆｅｗ　　ｐｃｓ
ｇｒｕｙｅｒｅ　２５０　　ｇ（芝士既一種，超市入面既芝士專櫃應該會有
巴馬臣芝士　　　１００　　ｇ

1. 洋蔥切片
2. 熱牛油及橄欖油，加入洋蔥略炒
3. 加蓋中小火煮20分鐘，期間不時攪動
3. 開蓋炒至啡黃色
4. 加牛骨湯及cider煮至滾，再小火煲10-15分鐘
5. 法包上撒上芝士，250C焗3-5分鐘至金黃
5. 湯放入湯盅再加上烘脆法包

(食譜改自master chef)

*gruyere係芝士既一種，超市入面既芝士專櫃應該會有，無既話唔加都ok
*原食譜係法包放入湯再加芝士焗至金黃，我唔鍾意個包焾晒同吸晒d湯，所以分開2個步驟


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

冬陰公‧魚湯‧雲吞（附食譜）

繼上次清冰格大行動後冰格多返少少位出黎，點知早幾日去街時又唔小心買多左。想要冰格黎緊鬆動D，有要繼續行動。好多人問我點解屋企有2個雪櫃，但點解冰格成日都無位，無他既因為我差不多任何未用既剩餘物資都會放入冰格。今日我摷到6個虎蝦頭同半打青口，唔好睇少呢6隻蝦頭，本身每隻蝦重300克，個個頭長過我隻手指，係我之前用黎整餸或者打邊爐時無用留返。加上屋企仲有1 Pack冬陰公湯香料同上次整芒果糯米飯剩返少少椰漿，買少少草菇，正好可以整個冬陰公。

至於個魚湯都好慳，上次整魚麵用左6條鯪魚，當時我叫魚販起肉，淨返果6條骨，就用左黎煲今次個魚湯。

至於個雲吞，因為太耐無包，唔記得晒ｄ份量，淡味左少少，下次過包過好味先分享。

冬陰公湯（２湯碗）


蝦　　　　　１／２　斤
草菇　　　　４　　　両
水　　　　　８００　ｇ
冬陰公香草　１　　　ｐａｃｋ
冬陰公醬　　７０　　ｇ
青檸　　　　１　　　ｐｃ
椰漿　　　　ａ　ｌｉｔｔｌｅ　ｂｉｔ
魚露　　　　３　　　ｔｓｐ
椰糖　　　　１　　　ｔｓｐ

1. 蝦洗淨去腸，頭和身分開。
2. 冬菇洗切半。
3. 南薑切片拍鬆，香芧切下只留近根部2-3吋拍鬆，瘋柑葉用手撕開幾片，指天椒切細。
4. 鑊下少量油，放入蝦頭煎至出蝦油，灒入滾水。
5. 放下草菇及冬陰公香草煮2分鐘。
6. 放入蝦煮及冬陰公醬煮至蝦熟。
7. 加入魚露及椰糖。
8. 熄火後加入椰奶及青檸汁。

*今次我只用了蝦頭，沒有加蝦肉，不喜歡蝦的話用魚代替亦可。
*可用白糖/紅糖代替椰糖。
*可用花奶代替椰漿，不加亦可。

魚湯（２湯碗）


鯪魚骨　　６　　ｐｃｓ
水　　　　３　　Ｌ
薑　　　　ａ　ｌｉｔｔｌｅ　ｂｉｔ

1. 鯪魚骨連一半薑煎香。
2. 煲起滾水，將鯪魚骨移入煲內，加入2片薑。
3. 收細火煲45分鐘。

海鮮魚麵配梭羅魚蕃茄湯（附食譜）

今日呢碗麵睇落去好普通，但就玩足我成日。個湯底係跟呢度

d姊妹學野整既。老公成日話細個飲白色魚湯好好味，但係我屋企就從來都無煲過，亦都唔知用咩魚煲，早幾日見呢度d姊妹不約而同整呢個湯，就諗住試下。

海鮮魚麵配梭羅魚蕃茄湯（４人份量）

梭羅魚蕃茄湯

梭羅魚　　２斤
蕃茄　　　８個
薯仔　　　３個

1.梭羅魚洗淨，斜切一刀去頭去肚。
2.魚洗淨，用廚房紙印乾水。
3.煎香魚，灒入滾水，加入蕃茄煲45分鐘，期間用湯殼督爛魚及蕃茄。
4.加入薯仔煲15分鐘，熄火。
5.夾起薯仔，湯過篩。

蝦　　　　半斤
蜆　　　　１斤

1.蝦洗淨，去殼去腸後烚熟。
2.蜆洗淨，放入鹽水吐沙，再洗後烚熟。

魚麵
鯪魚　　　６條
鹽　　　　１茶匙
麻油　　　２茶匙
生粉　　　８茶匙
酒　　　　４茶匙
蛋白　　　４湯匙
胡椒粉　　適量

1.買鯪魚時叫魚販起肉
2.回家後洗淨鯪魚，一手按著鯪魚，一手順著魚骨方向用西式湯匙輕刮鯪魚起肉
3.起肉後湯匙連肉放入一大碗水中
4.所有鯪魚起肉後，將鯪魚放入魚袋中，擠出水
5.加入調味料撻至起膠
6.放入忌廉唧袋內，唧入大滾水中，煮至浮面

*鯪魚起肉時匙不可刮太深，會刮起魚骨，好似我今次就後，所以之後用調理機將碎骨打爛。
*如果有廚師機可以用佢將魚撻至起膠，真係快靚正。

講番個湯真係好正，不過真係花功夫，逐條魚切去頭鰓，之後仲要逐條洗淨肯定入面無腸留響度，但真係好飲，而且幾平。呢個魚麵我都係第一次整，唔知係咪街既係溝左粉，所以唔夠街既煙靭，下次可能加少少澄麵會好d，不過真係整左好鬼耐，淨係起肉都玩下2個鐘，所以無咁快會再試，但係我覺得呢樣野好啱d唔食魚既小朋友食，因為真係食唔出係魚，而且做多左既話可以雪入冰格，到要食時先拎落黎解凍。

唔記得講前面朵花，係用小棠菜剪既既，好容易做又靚，剩底既菜葉都唔會浪費，只係放響魚麵下。

婆婆生日飯。人參雞湯+生炒糯米飯（附食譜）

今日係婆婆生日，因為要返工唔可以煮太多功夫既餸菜，所以就只係呢幾味餸，不過乳鴿係買既。一家人都食得好開心呢~~~~！

人參雞湯


雞　　　１隻
鮮人參　１枝
紅棗　　８粒（我呢隻係超大粒）
栗子　　１２粒
糯米　　１５０ｇ（１／４斤）
酒　　　適量（可不加）
鹽　　　適量

１糯米洗淨浸水２小時
２紅棗去核，栗子去殼去衣
３雞先切去雞尾，洗淨雞腔，再出水
４將糯米、紅棗、栗子及人參放入雞腔（紅棗及栗子可以只放１半至１／３）
５用一枝多竹籤將雞腔桔實封口
６將雞及剩下的栗子紅棗放入燉盅，加入水差不多蓋過雞加入一點酒。
７這次我加的是自釀了２年的梅酒。
８隔水燉３小時
９取出雞放好，雞湯加少許鹽調味，隔去雞油
１０將雞湯倒一些回放雞的器皿中



食時切開係咁樣！
生炒糯米飯（４－５碗）

糯米　　４５０克（３／４斤）
臘腸　　２條
冬菇　　６隻
蝦米　　適量
生抽　　適量
老抽　　適量
糖　　　１茶匙
鹽　　　１／４茶匙
雞粉　　１－２茶匙

１糯米浸過夜
２冬菇洗淨，浸軟後切粒，冬菇水留用
３臘腸切薄片，蝦米切細
４易潔鑊下油爆香臘腸、冬菇、蝦米，加入糯米及冬菇水炒
５中間一路炒，水乾的話便加熱水，不斷炒至熟，一般１５－２０分鐘便可以
６加入調味品，再炒至乾身便可

好友飯聚 (附食譜)

約左多年好友飯聚，好友因為工作關係食過唔少美食，難得唔嫌棄媽媽既手藝，肯黎媽媽屋企，食媽媽做既飯~~~~，不過今次唔知點解，樣就OK，但食落去唔夠驚喜.......睇黎要再努力鑽研，希望廚藝可以更上一層樓。

芝士煙肉焗薯皮



焗薯　　　　　４　　　ｐｃｓ
油　　　　　　３　　　ｔｂｓｐ
芝士粉　　　　１　　　ｔｂｓｐ
鹽　　　　　　１／２　ｔｓｐ
蒜粉　　　　　１／４　ｔｓｐ
紅椒粉　　　　１／４　ｔｓｐ
黑胡椒　　　　１／８　ｔｓｐ
煙肉　　　　　８　　　ｐｃｓ
車打芝士碎　　ａ　ｌｉｔｔｅｒ　ｂｉｔ

1. 焗薯切半，用匙扢去薯肉，留１／４吋厚成薯皮
2. 油、芝士粉、鹽、蒜粉、紅椒粉、黑胡椒撈勻，塗左薯皮２面
3. ２面均用２４０Ｃ局７分鐘，即共１４分鐘
4. 在薯皮面上撒上煙肉及芝士碎，再焗２分鐘

白松露菌栗子烤雞　



雞　　　　　　１　　　ｐｃ
栗子　　　　　１　　　ｌｂｓ
白松露菌醬　　３　　　ｔｂｓｐ
蜜糖　　　　　１　　　ｔｓｐ
冰糖　　　　　１００　ｇ
啡蘑菇　　　　５　　　ｐｃｓ
洋蔥　　　　　１　　　ｐｃ

1. 雞用手指將雞皮與雞用分開
2. 栗子用冰糖加適量水煲至焾及少甜
3. 一半栗子打成栗子蓉，另一半原粒留用
4. 栗子蓉加入白松露菌醬及蜜糖攪勻，釀入雞皮與雞肉中間
5. 啡蘑菇切片，加入適量原粉栗子，釀入雞肚入，再用針縫好
6. 洋蔥切絲，加入剩餘的栗子放入煲內，再放雞入煲，１２０Ｃ焗３個半小時　

（食譜改自蘇三飯桌無邊）

• 原食譜是用保鮮紙包著雞３－４層用１２０Ｃ焗３。５小時，再除上保鮮紙用２５０Ｃ焗至上色，但因為我用ＬＣ，所以沒有包保鮮紙，但１２０Ｃ焗３個半小時後覺得雞面已有少少焗過籠，所以無再用大火焗，但可能因為是ｓｌｏｗ　ｃｏｏｋ關係食時完全不覺焗過籠，一ｄ都唔乾。
• 此食譜帶甜，適合喜歡帶甜餸菜的人。
• 原食譜是用黑松露菌醬，但因家仲只有白松露菌醬，所以以之代用。

西蘭花之士焗通粉



通粉　　　　　２００　ｇ
西蘭花　　　　１　　　ｐｃ
牛油　　　　　４０　　ｇ
麵粉　　　　　４０　　ｇ
奶　　　　　　６００　ｍｌ
粟米　　　　　１　　　罐　
車打芝士碎　　１７５　ｇ
鹽　　　　　　ａ　ｌｉｔｔｌｅ　ｂｉｔ
胡椒粉　　　　ａ　ｌｉｔｔｌｅ　ｂｉｔ

1. 通粉烚好隔水備用
2. 西蘭花切件，烚熟過冷河
3. 牛油起鑊，加入麵粉略炒，再加入牛奶煮至杰身熄火
4. 加入６０ｇ芝士拌勻，再加入粟米，加入鹽及胡椒粉調味，倒在通粉上，再撒上剩餘的芝士碎
5. ２００Ｃ焗２０分鐘至表面金黃

（食譜取自十四樓廚房的熙媽）

蕃茄蘑菇焗蛋　



蕃茄　　　　　４　　　ｐｃｓ
豆苗　　　　　適量
啡蘑菇　　　　４　　　ｐｃｓ
鴨蛋　　　　　４　　　ｐｃｓ
鹽　　　　　　ａ　ｌｉｔｔｌｅ　ｂｉｔ
胡椒粉　　　　ａ　ｌｉｔｔｅｒ　ｂｉｔ

1. 蕃茄切開切部，扢去中間茄肉
2. 豆曲烚熟切碎，加入切碎蘑茹釀入蕃茄內，打入一隻鴨蛋
3. １２０Ｃ焗１５分鐘，再用２５０Ｃ焗１５分鐘
4. 撒上鹽及胡椒調味

（食譜改自蘇三飯桌無邊）

• 原食譜使用菠菜，但因外子對菠菜敏感，所以便用口感差多的豆苗

普羅旺斯燴雜菜



青椒　　　　　１　　　ｐｃ
紅椒　　　　　１　　　ｐｃ
黃椒　　　　　１　　　ｐｃ
溫室青瓜　　　２　　　ｐｃｓ
紫洋蔥　　　　１　　　ｐｃ
蒜蓉　　　　　ａ　ｌｉｔｔｌｅ　ｂｉｔ
小蕃茄　　　　ａ　ｌｉｔｔｌｅ　ｂｉｔ
羅勒　　　　　ａ　ｌｉｔｔｌｅ　ｂｉｔ
意大利黑醋　　ａ　ｌｉｔｔｌｅ　ｂｉｔ　
鹽　　　　　　ａ　ｌｉｔｔｌｅ　ｂｉｔ　
糖　　　　　　ａ　ｌｉｔｔｌｅ　ｂｉｔ　
黑胡椒　　　　ａ　ｌｉｔｔｌｅ　ｂｉｔ　

1. 所有蔬菜切粒
2. 蒜蓉及洋蔥起鑊，加入其餘蔬菜略炒
3. 加入調味料調味，拌入羅勒

（食譜取自十四樓廚房的熙媽）

醬燒豬仔骨



豬肋骨　　　１　　　　ｐｃ
ｂｂｑ醬　　１００　　ｍｌ
茄汁　　　　５０　　　ｍｌ
喼汁　　　　２　　　　ｔｂｓｐ
糖　　　　　３　　　　ｔｂｓｐ

1. 豬肋骨用調味料塗上２面醃２日
2. 用錫紙包著１８０Ｃ焗４５分鐘
3. 打開錫紙塗上剩餘的醃料，再焗至乾身期間要掃上流下的肉汁

青豆湯

青豆　　　　１　　　　ｌｂｓ
牛骨湯　　　２　　　　Ｌ
蒜蓉　　　　１　　　　ｔｂｓ
紅蔥頭　　　１　　　　ｐｃｓ
西芹碎　　　１　　　　ｔｂｓ
洋蔥　　　　１　　　　ｐｃ
香葉　　　　３　　　　ｐｃｓ

1. 橄欖油加入蒜蓉煮至香，加入紅蔥頭及西芹碎略炒
2. 再加入切碎洋蔥炒至帶啡
3. 加入青豆略炒，再加入牛骨湯
4. 用大火煲至滾，再收細火煲４５分鐘
5. 夾起香葉，所有材料及湯放入攪拌器打勻
6. 隔去泡，飲用時再煲滾

又愛又恨

真係唔知點講，因為我老公鍾意你，所以次次你都令我淚流滿面，止都止唔到~~~~~因為我老公鍾意你，所以我今晚一口氣將你切開，幸好在半夜沒人看見......洋蔥，點解你要搞成我咁~~~~~~

洋蔥湯（６人份量）

洋蔥　　　　６　　個
水　　　　　１。５公升
麵粉　　　　４　　茶匙
雞粉　　　　２　　茶匙

1. 將２個洋蔥切絲，４個切碎
2. 湯煲加入菜油，炒洋蔥至金黃
3. 加入麵粉及雞粉，快手炒勻
4. 加水，水滾後收慢火，煮４５分鐘
5. 用前可洒上芝士粉，２２０Ｃ焗至芝士溶化
6. 之前曾經偷聽個一位開西餐廳既老間教伙記，話湯一定要過夜先好飲（果時佢教緊整菠菜湯），所以如果時間許可，我都會早一晚煮定