生日快「上」

話說今日係婆婆生日，大家唱完生日歌後祝婆婆生日快樂。

大老爺因為買開股票，所以同圖圖講：「拿~~~~爸爸生日呢你就唔好就爸爸生日快『落』，要祝爸爸生日快『上』。」

圖圖即時問：「生日快『上』，上邊度呀？係咪上天堂呀？」

XDDDDDD

收野啦~~~~

話說上星期老爺的骨灰要改放另一地點，當然少不了中國人傳統儀式，其中之一便是化寶。

當時負責儀式的人叫老公叫老爺收野，老公說：「老豆收野啦！」。然後老公叫圖圖再講，圖圖說：「爸爸收野啦！」

XDDDDDD

精神病之正解

頭先同婆婆討論英藝幼稚園事件，話果位幼師都唔知係咪有精神病。圖圖話：「你知唔知有精神病既人會點呀？佢地都會好精神喎！」XD

心口????

今日下晝，同圖圖換衫時，突然間佢摸下自己心口。
然後指住媽媽話：「媽媽果個係圓形心口！」
又指住婆婆話：「婆婆都係圓形心口！」
咁媽媽問：「咁圖圖呢！」
圖圖答：「圖圖果個係扁心口！」爆~~~~~~

離晒譜

圖圖：「爸爸我想攞IPAD呀~~~」
爸爸(睡覺中)：「依家唔得呀，晏D俾你啦~~~~」
圖圖：「點解呀~~~唔可以嫁!」
(圖圖離開睡房中)
圖圖：「離晒譜~~~~!」

第一次聽佢咁講，笑到我地彈起!

廢事驚驚

事緣今次一家人去澳門，因為今次係圖圖第一次去，所以必定要去一轉旅遊塔，由於旅遊塔上有一部份地板係透明既，圖圖因為唔夠膽，所以死都唔肯企上去。

好不容先哄到圖圖坐樓梯邊，雙腳踏上透明地板上拍照一張，一拍完照，圖圖便急急腳走開，然後講：「廢事驚驚！」