咖喱魚蛋蘿白

由今天二月尾開始，斷斷續續病了兩個多月。期間總是不夠精神，所以也沒有甚麼出品，因為每每煮了一餐第二天便會再次感冒發燒，搞得連大老爺及母親大人也叫我在未曾完全康復時不要再下廚。所以，當然地荒廢了facebook的專頁和部落格。

由於之前一直看西醫都不見好轉，反而身體好像越來越差，所以上個星期終於走了去看中醫。其實我只在在幾歲的時候看過中醫，之後一直沒有再試過，反正我是不太相信中醫，所以唯有死馬當活馬醫。但想不到今次一試之下果然真不錯，在第一天喝下兩劑藥後已經精神得多，之後一共喝了五天藥就真的感覺完全痊癒了。

痊癒後的第一件事，便是清雪櫃大行動。早前和朋友一起訂了一些魚蛋，拿了一半配韓式辣魷魚，今次便打算拿剩餘的做咖喱魚蛋蘿白。這個食譜是facebook群組《Mui媽谷》內的Mui媽給我的，大老爺說很好吃喔！還直嚷著說拿那個咖喱汁配飯吃！因為圖圖也會吃，所以特地配合他只下了不辣的咖喱粉，所以今次做的蘿白魚蛋，小朋友吃也可以呢！

咖喱魚蛋蘿白

小炸魚蛋　　　１　磅
蘿白　　　　　１　條
豬骨濃湯寶　　１　盒
蒜頭　　　　　１　個
紅蔥頭　　　　８　粒
咖喱粉　　　　３　茶匙
海鮮醬　　　　２　茶匙
沙茶醬　　　　３　茶匙
老抽　　　　　１　茶匙
糖　　　　　　２　茶匙
鹽　　　　　　１　茶匙

1. 蘿白皮切塊，放入鍋中加入水蓋過面，再加入濃湯寶，煮至焾取出
2. 魚蛋洗淨後出水5分鐘
3. 蒜頭及紅蔥頭切碎，放入煲內爆香，加入咖喱粉、海鮮醬及沙茶醬略炒
4. 加入魚蛋兜勻，再加入水及調味料，煮滾後收細水煮5分鐘
5. 加入蘿白兜勻

* 食譜轉自facebook群組《Mui媽谷》Mui媽

墨魚滑釀雞翼

前些時候因為肥媽做的電視節目做了這個菜，見大家都一起做，都說很美味。雖然雞翼拆骨要花不少功夫，但是久不久做一下，也都無妨。

圖圖一向不大愛雞翼、雞腿、鳳爪等，覺得時很難分開肉及骨。所以便想這個菜圖圖應會喜歡，便做了！

題外話，圖圖雖然不懂吃有雞翼這些帶有大骨的肉類，但反常的大家都說小朋友不懂吐出魚骨，沒有教他已做得很好，真是怪怪的！而因為他不大肯吃雞翼，我曾有一段日子每天也要他吃一只雞翼訓練他吃雞翼的技巧，

墨魚滑釀雞翼

雞翼　　１４　隻
墨魚滑　１２　両

1. 雞翼用剪刀拆骨，釀入墨魚滑
2. 煎至2面金黃，再加少量水煎焗至熟

檸檬雞翼（附食譜）

這幾天由於電視上的一個煮食節目，大家都不約而同做這一道菜，所以今天我也來湊熱鬧（笑）。

這道菜大老爺說他小時候參加童軍時在戶外時很常做，他非常喜歡。但由於那時年紀太小，只是在一旁觀看，沒有親手下廚，所以做法記得不大清楚。他曾試過在家中做這道菜，但總不大對味，有點苦苦的。

所以這幾天見網上各煮婦都一窩蜂做這度菜，而且大家的評價都有不錯，就來試試看。

做出來後令我驚訝的是除大老爺外，圖圖也非常喜愛。圖圖他不大會吃帶骨頭的食物，總是吃得很慢，所以一向不大愛雞翅膀或雞腿這類食物，這番算是另一個得著。

檸檬雞翼

雞翼　　　　２　磅
檸檬　　　　１　個
薑　　　　　８　片
片糖　　　　２　片
生抽　　　　２　湯匙
老抽　　　　２　湯匙
蠔油　　　　２　湯匙

1. 雞翼解凍後洗淨抹乾
2. 薑落鑊爆香，加入雞翼煎至2面金黃
3. 加入檸檬及片糖略煮，期間敲碎片糖
4. 加入生抽、老抽及蠔油兜勻
5. 蓋上蓋炆至熟

迷迭香煙肉雞串（附食譜）

在家附近的超市都不容易買到新鮮香草，這天路過AEON見到有新鮮香草，忍不住買了好幾種，當中包括Rosemary。

因為圖圖很愛吃煙肉雞卷，所以便用Rosemary串起來，每件小小的方便圖圖吃。大老爺也說這個超美味的說，這是當然的啦，新鮮香草配煎香的煙肉怎會不好呢？

迷迭香煙肉雞串

雞扒　　２　　　ｐｃｓ
煙肉　　１０　　ｐｃｓ
迷迭香　８　　　ｐｃｓ

1. 雞扒切去皮及肥膏，切細件
2. 煙肉切短卷著雞肉
3. 卷完每件後用迷迭香當竹籤串著
4. 以煎焗方式煮至熟透

*因為煙肉本身已帶咸味，所以可以不需下鹽便已可以

紅棗臘腸黑木耳蒸雞（附食譜）

媽媽好鍾意呢味餸，覺得好好味！原因之一可能因為我係「雞精」，勁鍾意食雞，第二係加左臘腸很惹味！

不過我家的大老爺常說家裡蒸出來的雞，不及茶樓點心的那麼滑，總是有時會硬硬的。是的，我家大老爺對食物的要求很高，常常會拿我煮的餸菜和街外的名店作比較。再加上有一個不大喜歡吃東西，超奄尖的圖圖，所以才成就出我要常常煮出好菜式。

思前想後，結論是茶樓點心的雞件永遠都是雞扒切件，估計是雞批扒，所以當然會比蒸全雞滑。所以今次便持別只買雞批扒去做這道菜。果然大老爺說就像在酒樓吃的那麼滑~~~~

紅棗臘腸黑木耳蒸雞


雞脾扒　　　　３　　　ｐｃｓ
紅棗　　　　　１０　　ｐｃｓ
臘腸　　　　　２　　　ｐｃ
黑木耳　　　　ａ　ｌｉｔｔｌｅ　ｂｉｔ
生抽　　　　　３　　　ｔｓｐ
酒　　　　　　３　　　ｔｓｐ
生粉　　　　　３　　　ｔｓｐ
鹽　　　　　　３／４　ｔｓｐ
糖　　　　　　３／４　ｔｓｐ
胡椒粉　　　　３／４　ｔｓｐ

1. 雞脾扒洗淨抺乾，用生油、酒、生粉、鹽、糖、胡椒粉醃過夜
2. 紅棗開邊後去籽
3. 黑木耳浸透後飛水
4. 臘腸切薄片
5. 所有材料撈勻，蒸約25分鐘至熟


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

白酒奶油燴雞

今日煮呢個餸係為左試本新食譜，基本上每本食譜書買返黎後，我會試做1-2個餸，然後就會決定呢本書有無參考價值。今日整呢個白酒奶油雞係跟一本台灣書，書上標榜用LC煮食。

可能我煮餸既味道一向比較濃，所以呢本書入面2個食譜煮左出黎後都唔太合自己同屋企人既口味，呢本將會又成為我既封存食譜........

白酒奶油燴雞


其實煮出黎個樣係OK嫁，不過我覺得味道太淡。之前我煮過2個白汁食譜都好味D，如果加埋蘑菇落去煑，再醃下件雞扒應該會好味好多！

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

紅酒洋蔥炆雞翼（附食譜）

呢個餸原本諗住琴日打風整黎食，結左執執下雪櫃發覺入面原來太多剩餘物資，所以決定今日先整。

講返呢個餸，其實係我睇錯食譜既烏龍版，不過出黎效果又唔錯，尤其實如果鍾意酸酸地蕃茄味既就更好。

紅酒洋蔥炆雞翼(附食譜)


雞翼　　　１２　　ｐｃｓ
五香粉　　３／４　ｔｓｐ
迷迭香　　３／４　ｔｓｐ
黑胡椒　　ａ　ｌｉｔｔｌｅ　ｂｉｔ
蒜頭　　　３　　　ｃｌｏｖｅｓ
洋蔥　　　１　　　ｐｃ
紅酒　　　１００　ｍｌ
茄膏　　　２　　　ｔｂｓｐ
鹽　　　　１／４　ｔｓｐ
糖　　　　１　　　ｔｂｓｐ

1. 雞翼用廚紙抺乾，用五香粉、迷迭香、黑胡椒醃30分鐘
2. 雞翼煎至2面金黃
3. 原煲爆香洋蔥及蒜頭，再加入紅酒及茄膏
4. 滾起後放入雞翼，收細火炆30分鐘
5. 加入鹽及糖調味

*可用1磅雞扒代替雞翼
*如不是用鑄鐵鍋要加多一點水，

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

鴨鬆生菜包（附食譜）

早幾日同同事去左酒樓farewell，食左片皮鴨，有同事提媽媽加10蚊可以買走鴨殼，媽媽見10蚊咁底哽係買走，諗住可以用黎煲粥。返到屋企見到原來都ok多肉，所以就諗起可以整鴨鬆生菜包，呢個餸平時唔會成日食，有得自己落手包下，圖圖勁鍾意呢。

鴨鬆生菜包


燒鴨　　１　　隻
榨菜　　１　　包
冬菇　　８　　隻
馬蹄　　１　　磅
生菜　　１　　個
蔥　　　３　　條
莞茜　　１　　扎
紅蔥頭　２　　粒
蠔油　　１　　湯匙
糖　　　２　　茶匙

1. 燒鴨去皮，留肉切細
2. 冬菇浸軟洗淨切細
3. 榨菜、馬蹄、蔥、紅蔥頭切細
4. 爆香蔥及紅蔥頭
5. 依次加入榨菜、冬菇及鴨肉炒香後，加入調味料
6. 加入馬蹄快兜勻
7. 上碟後莞茜放邊

* 如果想惹味d，可以加1-2隻切細既指天椒，及炒香後既松子仁。
* 鴨皮可以預先片出，烘脆後加入荷葉餅、青瓜、京蔥及海鮮醬做片皮鴨 ^-^ 。

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

香茅蒜香雞翼（附食譜）

原本今日諗住整越式牛肉湯河，之但係網上搵食譜，就算係極具人氣既食譜，都總有中招既時候，不過好在個湯底救得返，但係依家夜媽媽先煲出黎，無理由為左咁而症消夜~~~~~~，所以今日俾呢個食譜出黎分享~~~~~~ ^-^

呢個香茅`雞翼我試左整好幾次，今次先叫滿意，同街既差不多，而且容易整，係要醃多D時間，但係咁又好啱在職煑婦，可以早2日整定餸，放工返屋企煎返熟就食得。

香茅蒜香雞翼


雞翼　　　２０　　隻
香茅　　　６　　　枝
蒜頭　　　１　　　個
紅蔥頭　　３　　　粒
魚露　　　１。５　湯匙
糖　　　　１。５　湯匙

1. 雞翼洗淨，用廚扆紙抺乾
2. 香茅拍鬆根部，與蒜頭及紅蔥頭切碎，再加入魚露及糖
3. 所有村料撈勻，將雞翼壓實，中間最好不留空隙，醃2日
4. 盡量抺走雞翼上所有醃料
5. 煎香外皮，再加水以半煎焗放式煎至金黃

*香茅不要醃超過3日，不然味道會散失

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

無敵海南雞飯（附食譜）

海南雞飯其實整過好幾次，次次都試唔同食譜，但係都唔滿意，最唔滿意係個油飯，永遠都唔及街外既咁香咁好味。今日我終於唔再跟人地食譜，自創新食譜，同改左做法，炒緊D米時已經勁香，煲完煲飯都覺得幾正，但係仲係爭咁D。終於我加左樣野，撈落D飯，就好味到令我大叫出黎，超開心呀~~~~~！

呢個海南雞飯既雞固然勁滑，而且好易整。但個油飯先至係重點，爸爸、圖圖同婆婆一致讚好。圖圖食得勁快，爸爸重要添飯添！真係十級開心呀！

大家真係要試下整呢個，真係好味到震，我好少咁hard sell~~~~~(笑)

海南雞飯


雞　　　　１　　　隻
麻油　　　適量

醃雞料
薑蓉　　　３　　　湯匙
花雕酒　　２　　　湯匙
鹽　　　　１　　　湯匙

1. 雞身用雞腔內塗上醃料，醃半天
2. 用微波爐保鮮紙將雞包幾層
3. 隔水蒸約25分鐘至熟
4. 剪開保鮮紙，在雞上塗上麻油
5. 再蓋上原來剪開的保鮮紙
6. 放20分鐘至雞涼後斬開

油飯
米　　　　３　　　杯
香茅　　　２　　　條
薑蓉　　　１　　　湯匙
乾蔥　　　２　　　粒
芫茜　　　３　　　棵
蒜頭　　　４　　　粒
油　　　　２　　　湯匙
雞油　　　適量
斑蘭葉　　２　　　塊
水　　　　２５０　ｍｌ（打斑蘭葉用）
雞湯　　　２５０　ｍｌ
水　　　　適量　　　　（煮飯用）

1. 香茅切下根部約3吋留用
2. 芫芫切下根部留用
3. 打斑蘭葉的水與斑蘭葉同煮至滾
4. 放入調埋機打成斑蘭水後過篩待用
5. 香茅、薑蓉、乾蔥、蒜頭、芫茜根及油，放入調理機打至成泥狀
6. 將以上材料加入雞油，炒至5分鐘左右香
7. 加入已洗的米略炒
8. 加入斑蘭水略炒
9. 以上材料放入飯煲內，加入雞湯及水
10. 以一般程序煮飯
11. 飯熟後加入蒸雞後剩下的雞汁撈勻

* 斑蘭水應該有半杯左右，所以煮飯時，雞湯+水的總水量要扣減約半杯水，不然飯會太濕
* 如果買唔到斑蘭葉，唔要都可以，不過我覺得會無咁香

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

花鵰煀雞（玻璃朱食譜）

一向有上個FACEBOOK既MIELE X LC GROUP，尋日見到Blogger玻璃朱出左呢個食譜，八掛睇下！嘩~~~~乖乖不得，原來係米之得獎名菜既食譜，仲要材料簡單，做法又唔算複雜，今日就就野試下整！呢個餸有d似鼓油雞，不過爸爸話好味好多，婆婆就最鍾意食d冬菇~~~~

花鵰煀雞

雞　　　　１　　　隻
蔥　　　　２　　　條
薑　　　　４　　　片（厚）
鮮冬菇　　４　　　両

醃雞料
生抽　　　２　　　湯匙
老抽　　　１　　　湯匙

汁料
花雕　　　１００　ｍｌ
清雞湯　　２５０　ｍｌ
水　　　　３００　ｍｌ

汁料調味
冰糖　　　１　　　塊（中）
老抽　　　１　　　湯匙
蠔油　　　１　　　湯匙
花雕　　　８０　　ｍｌ

1. 生抽及老抽醃雞最少半小時
2. 爆香薑蔥，再加入冬菇炒一下
3. 加入雞煎至外皮金黃
4. 加入汁料，先較大火至滾，再較最小火
5. 先煑雞背10分鐘，再煮雞胸15分鐘最出雞
6. 取出雞，放入雪櫃15分鐘
7. 汁大火將汁料煮至濃，約收一半汁料，過篩後加入冰糖、老抽及蠔油再略煮
8. 斬雞後回鍋，面上放上鮮冬菇
9. 加入汁料，以小火煮數分鐘，期間不斷淋上面
10. 加入花雕再煮1分鐘

(食譜改自玻璃朱)

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

腐乳無水蒸雞翼（附食譜）

用LC無水蒸餸，聽就聽左好耐，但係整就只係第2次。頭1次我就只係無水煮芽菜，太簡單，唔算數。今次雖然都係簡單，但整肉類感覺似真係整一碟餸出黎，無咁HEA~~~~~

食左真係好滑，下次可以整蒸雞件，一定好鬼正！最正係原汁原味，同埋好慳柴火，原來用LC都可以環保 :P

腐乳無水蒸雞翼(附食譜)


雞翼　　１５　　隻
腐乳　　４　　　件
蒜蓉　　１　　　茶匙
糖　　　１　　　茶匙
酒　　　１　　　湯匙
豆板醬　１／２　茶匙

1. 所有調味放入保鮮袋渣爛
2. 雞翼放入保鮮袋內和調味料混和，要確保每隻雞翼都沾勻調味料，醃最少半小時
3. 將雞翼舖平LC內，加入1湯匙水，蓋上蓋
4. 中火煮4分鐘，小火煮5分鐘，焗7分鐘

(食譜改自鬼嫁)

* 因圖圖不能吃辣，所以我用原味的腐乳及只下1/2茶匙豆板醬，想惹味D可以用辣腐乳，及加1茶匙豆皮醬，再加少少椒絲。
* 我喜好甜D，下次會多加1茶匙糖，即總共2茶匙。
* 我用既係27 OVAL，大家煮既時間要就反自己個煲去加減時間
* 用果唔用LC，可以唔駛加最後果匙水，就咁蒸15分鐘

如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

煙肉雞卷配車厘子汁（附食譜）

琴晚半夜已經勁行雷，為朝起身諗住返工時，睇到天文台發出黑雨謷告。得到一日額外既假期，當然圖圖都放一日假。突然有一日假當然覺得開煙肉雞卷心，但係又覺得自己好衰，因為始終有人會受到影響。不過圖圖就話鍾意返學多D。想來可能因為佢地學校無功課壓力，同小班教學，所以先咁開心。如果香港所有既學校都係咁，我諗所有小朋友都會開心好多，大人又會舒服好多。

早排整意粉用剩少少煙肉，呢2日見到呢幾日有幾靚既車厘子賣，就決定整煙肉雞卷。呢個雞卷其實都幾易整，而且又香口好味。而呢個汁又酸酸

煙肉雞卷配車厘子汁


雞扒　　　３　　ｐｃｓ
煙肉　　　６　　ｐｃｓ
鹽　　　　１　　ｔｓｐ
迷迭香　　２　　ｔｓｐ
黑椒　　　ａ　ｌｉｔｔｌｅ　ｂｉｔ
紅酒醋　　５０　ｍｌ
糖　　　　２　　ｔｂｓｐ
車厘子　　１０　ｐｃｓ
牛油　　　１０　ｇ


1. 雞扒去皮，加入鹽、迷迭香及黑胡椒略醃


2. 用煙肉卷著雞扒，以牙簽固定
3. 用錫紙包裹，以180C焗30分鐘
4. 從焗爐中取出，以小火煎香煙肉
5. 切件後上碟
6. 車厘子去核切半
7. 紅酒醋加熱後加糖，加係車厘子後煮滾，熄火後加入凍牛油

*個汁要視乎用緊既紅酒醋酸度而加幾多糖，我呢隻係偏响較酸，大家整個汁時最好中間試味。


如果大家想知多d，add我facebook專頁啦 ^^，歡迎大家入黎傾計
https://www.facebook.com/#!/SkylarMum

果餡焗雞卷 （附食譜）

這個是在網一找到的一個食譜，原想找的是想要找做煙肉雞卷的車厘子汁食譜，不意竟找到這個，見到很容易做，而且果餡雞卷應該很適合夏天食，感覺無咁heavy。

果餡焗雞卷

雞胸　　　　３　　　　ｐｃｓ
洋蔥　　　　１／２　　ｐｃ
青蘋果　　　１　　　　ｐｃ
杏脯肉　　　５　　　　ｐｃｓ
提子乾　　　１　　　　ｔｂｓｐ
上湯　　　　２　　　　ｔｂｓｐ
蘋果汁　　　２　　　　ｔｂｓｐ
蘋果醋　　　１　　　　ｔｂｓｐ
鹽　　　　　１／４　　ｔｓｐ
ｃａｊｕｎ　１　　　　ｔｓｐ　
糖　　　　　１　　　　ｔｓｐ
黑胡椒　　　ａ　ｌｉｔｔｌｅ　ｂｉｔ
牛油　　　　ａ　ｌｉｔｔｌｅ　ｂｉｔ

1. 雞胸中間切一刀起雙飛，用刀背拍扁後加入鹽及cajun醃一會
2. 洋蔥、青蘋果各半個及杏脯肉切丁，用牛油加上糖及黑胡椒炒一會成果餡
3. 將果餡放上雞肉上，然後卷起，用牙簽拮好，至果餡不會漏出
4. 用平底鑊略煎一會至金黃，放入鑄鐵鍋180C焗15-20分鐘
5. 焗完雞後的肉汁、蘋果汁、蘋果醋及上湯煮一會，加入凍牛油煮至濃
6. 淋上切開的雞卷上

（食譜改自~CANDICE KITCHEN~自家浪漫美食行）

*原食譜放焗雞卷時在頭尾各放一粒丁香以增添香味
*青蘋果我用半個切丁做果餡，另外半個我用調理機打蘋果蓉過篩成成蘋果汁用

Ｃａｊｕｎ粉
Ｐａｐｒｉｋａ　　　　　　　　２　　　ｔｂｓｐ
Ｇａｒｌｉｃ　ｐｏｗｄｅｒ　　１　　　ｔｂｓｐ
Ｇｉｎｇｅｒ　ｐｏｗｄｅｒ　　１　　　ｔｂｓｐ
Ｏｎｉｏｎ　ｐｏｗｄｅｒ　　　１／２　ｔｂｓｐ
Ｃｈｉｃｋｅｎ　ｐｏｗｄｅｒ　１　　　ｔｂｓｐ
Ｄｉｌｌ　　　　　　　　　　　２　　　ｔｂｓｐ
Ｂａｓｉｌ　　　　　　　　　　１　　　ｔｂｓｐ
Ｓｅａ　ｓａｌｔ　　　　　　　１　　　ｔｂｓｐ
Ｂｌａｃｋ　ｐｅｐｐｅｒ　　　１　　　ｔｂｓｐ
七味粉　　　　　　　　　　　　１　　　ｔｓｐ

1. 將所有材料用調理機打碎

* 原本Cajun粉是用Cayenne Pepper Powder唔係七味粉，只不過我會俾小朋友食怕太辣，所以改用七味粉
* 其實Cajun粉可在citisuper買到，不過我屋企有以上材料就自己整
* Cajun粉可以用黎整焗薯，其實呢個味我覺得好似福麵d味粉個味
* 我只係做左1半份量，但係已經有1小樽夠用好幾次

慢焗橙鴨（附食譜）

呢個食譜焗既時間比較耐足足要焗足4個幾鐘，但係用既食材好簡單，而且好容易做，失敗率極低。

隻鴨因為經低溫長時間焗過，D肉入口好焾，但係唔會好散。鴨油既長時間焗過，所以已經迫晒出黎，唔會太肥，有淡淡既橙香同香草香，唔會覺得漏。

慢焗橙



鴨　　　　　１　　　ｐｃ
橙　　　　　４　　　ｐｃｓ
迷迭香　　　３。５　ｇ
百里香　　　１。５　ｇ
鹽　　　　　３　　　ｔｓｐ
黑胡椒　　　２　　　ｔｓｐ
橙酒　　　　３　　　ｔｂｓｐ
蜜糖　　　　ａ　ｌｉｔｔｌｅ　ｂｉｔ

1. 鴨洗淨，抺乾
2. 鴨身及鴨腔抺上鹽及黑胡椒
3. 3個橙刮出橙皮後，2個擠岀橙汁，另1個橙切厚片
4. 鴨身抺上橙皮及一層蜜糖
5. 鴨腔內放入橙片、橙汁、迷迭香及百里香，然後用鴨針鏠起來
6. 放入鑄鐵鍋內蓋上蓋以120C焗4小時
7. 鴨面塗上一層蜜糖，開蓋以250C焗至上色
8. 倒出煲內鴨油，只要鴨，1個橙切薄片伴碟用。

(食譜改自蘇三)

*如果想香可以用米鴨，想要瘦D可以用番鴨
*沒有鴨針的話可以用針線代替

迷迭香白酒青檸炆焗雞（鬼嫁食譜）

早幾天在Facebook見到有網友做這個雞，焗得超靚，而且說很好吃喔！剛剛家中差不多有齊所有的材料，所以就開工啦！雖然有少少焗過火，但是爸爸話好味喎!

迷迭香白酒青檸炆焗雞(食譜from鬼嫁)


材料 ：
全雞　　　　１　　　ｐｃ （1.5 kg 或兩斤半）
車厘茄　　　１０　　ｐｃｓ
青紅黃椒　　１／２　ｐｃ（切大塊）
洋蔥　　　　１／２　ｐｃ（切片）
白酒　　　　２００　ｍｌ

調味：
牛油　　　　５０　　ｇ
百里香　　　２　　　ｔｓｐ
迷迭香　　　５　　　ｔｓｐ
橄欖油　　　１　　　ｔｂｓｐ
青檸汁　　　１　　　ｐｃ
海鹽　　　　１　　　ｔｂｓｐ
黑椒　　　　１　　　ｔｓｐ
老抽　　　　２　　　ｔｓｐ

1 . 雞洗淨內外，用廚房紙抹乾，牛油煮溶備用
2 . 雞胸內掃入1/2 湯匙鹽和牛油，加入2茶匙迷迭香
3 . 雞腳以可食用綿線綁好（比較美觀）， 預熱焗爐200度
4 . 雞皮平均塗上1/2湯匙鹽和橄欖油，少許胡椒 ，再塗1湯匙牛油，平均掃上青檸汁和老抽(薄薄一層已足夠)，醃15分鐘
5 . LC鍋或平底深鍋煮溶10g牛油，略煎蔬菜，約2分鐘，加1/4 茶匙鹽、少許胡椒拌勻，再煎2分鐘，加入白酒煮滾
6 . 把蔬菜掃到煲邊，加入雞，灑上約１茶匙和２茶匙，白酒滾起加蓋小火煮10分鐘，熄火不要開蓋，焗5分鐘
7 . 開蓋，雞面平均薄薄一層掃上牛油、青檸汁和老抽，灑上約１茶匙和１茶匙迷迭香在旁，入焗爐200度焗20分鐘
8 . 再掃上牛油、青檸汁和老抽，灑上一點百里香，再焗10分鐘
9 . 再多掃一次牛油、青檸汁和老抽，焗10分鐘至雞皮金黃香脆
10. 以牙籤刺雞脾最厚部位，出黃色雞汁便是熟了，如血水便要再多焗5－10分鐘

*視雞大細，加減鹽的份量，牛油、青檸汁和老抽，薄薄掃上一層便可，份量隨意
*青檸汁可令雞皮更香脆，比檸檬汁清新
*加蓋焗完的雞已熟了一半，再入焗爐是令其外皮香脆
*吃時沾湯汁來吃更好味
*如全雞剛從雪櫃拿出來，要在室溫放置30分鐘（時間視雞大小和天氣冷暖），讓雞內外溫度相若，要不然裡面太冷，可能會外面太熟，裡面不夠熟，更易出血水

婆婆生日飯。人參雞湯+生炒糯米飯（附食譜）

今日係婆婆生日，因為要返工唔可以煮太多功夫既餸菜，所以就只係呢幾味餸，不過乳鴿係買既。一家人都食得好開心呢~~~~！

人參雞湯


雞　　　１隻
鮮人參　１枝
紅棗　　８粒（我呢隻係超大粒）
栗子　　１２粒
糯米　　１５０ｇ（１／４斤）
酒　　　適量（可不加）
鹽　　　適量

１糯米洗淨浸水２小時
２紅棗去核，栗子去殼去衣
３雞先切去雞尾，洗淨雞腔，再出水
４將糯米、紅棗、栗子及人參放入雞腔（紅棗及栗子可以只放１半至１／３）
５用一枝多竹籤將雞腔桔實封口
６將雞及剩下的栗子紅棗放入燉盅，加入水差不多蓋過雞加入一點酒。
７這次我加的是自釀了２年的梅酒。
８隔水燉３小時
９取出雞放好，雞湯加少許鹽調味，隔去雞油
１０將雞湯倒一些回放雞的器皿中



食時切開係咁樣！
生炒糯米飯（４－５碗）

糯米　　４５０克（３／４斤）
臘腸　　２條
冬菇　　６隻
蝦米　　適量
生抽　　適量
老抽　　適量
糖　　　１茶匙
鹽　　　１／４茶匙
雞粉　　１－２茶匙

１糯米浸過夜
２冬菇洗淨，浸軟後切粒，冬菇水留用
３臘腸切薄片，蝦米切細
４易潔鑊下油爆香臘腸、冬菇、蝦米，加入糯米及冬菇水炒
５中間一路炒，水乾的話便加熱水，不斷炒至熟，一般１５－２０分鐘便可以
６加入調味品，再炒至乾身便可

新年新菜式 - 滑雞煲仔飯（附食譜）

今次試許梁安璞既方法，本身諗買雞整，但老公話想要雞翼覺得滑d，結果真係超滑!而且方法好簡單呢!

滑雞煲仔飯

材料
潤腸 1 條
臘腸 1 條
雞翼 20 隻

醃雞料
生抽 1 tsp
酒 1 tsp
雞粉 1 tsp
生粉 1 tsp
鹽 1/4 tsp
糖 1/4 tsp
胡椒粉 1/4 tsp

金鳳米` 2 杯
水 500 ml

醃米料
鹽 1-3/4 tsp
白醋 數滴
油 數滴

甜鼓油
生抽 2 tbsp
老抽 2 tbsp
糖 2 tbsp
水 85 ml
麻油 2 tsp


雞先醃，臘腸及潤腸用熱水烚5分鐘。
洗米後瀝水，醃米。
水及米加入煲中，蓋上煲蓋，以大火煮5分鐘。
以匙攪米刮至煲底，轉小火蓋上蓋，再煲5分鐘。
以匙攪米刮至煲底，加入餸菜，轉慢火煲15分鐘。
熄火，焗5分鐘。
夾起餸菜，挑鬆白飯，加入少量甜鼓油，放回餸菜。

新的一年‧完美的一天 - 蕃紅花虎蝦扁意粉、百里香煎鵪鶉、煎牛扒配意大利番茜醬

尋晚因為爸爸要做野，唔可以一齊食飯，所以除夕晚餐就變左新年晚餐。

媽媽是非常簡單的，一直認為完美的一天既定義就係一家人開開心心響埋一齊，一早食左個KFC早餐，唔駛勞氣圖圖可以食晒成個早餐，之後大家去工展會行下，買左少少野，順便買埋次次都買唔到既相傳香港最美味既拿破崙。

之後返屋企開始準備晚餐，然後一家人開開心心食餐飯，已經係完美的一天。

蕃紅花虎蝦扁意粉

扁意粉　　　　１／２　　ｐａｃｋ
虎蝦　　　　　３００　　ｇ
洋蔥　　　　　１／２　　ｐｃ
紅蔥頭　　　　５　　　　ｐｃｓ
蒜頭　　　　　５　　　　ｃｌｏｖｅｓ
蕃紅花　　　　ａ　ｌｉｔｔｌｅ　ｂｉｔ
巴馬臣芝士　　６０　　　ｇ
雞湯　　　　　３００　　ｍｌ

1. 洋蔥及蒜頭切碎、紅蔥頭切片
2. 虎蝦挑腸、切去蝦頭留用，蝦身於背界開
3. 扁意粉煮起，加入少量橄欖油撈勻
4. 橄欖頭起鑊，虎蝦頭先爆至熟，加入蝦身煮至８成熟
5. 撈起蝦頭及蝦身
6. 另外用一小煲煮雞湯至熱
7. 爆紅蔥頭及蒜蓉、加入洋蔥中火炒至微黃，加入蝦頭及蝦身煮至熱
8. 贊入熱雞湯，加入意粉略炒，再加入芝士煮至汁收

　

百里香煎鵪鶉

鵪鶉　　　　　２　　　　ｐｃｓ
海鹽　　　　　ａ　ｌｉｔｔｌｅ　ｂｉｔ
黑椒　　　　　ａ　ｌｉｔｔｌｅ　ｂｉｔ
百里香　　　　ａ　ｌｉｔｔｌｅ　ｂｉｔ
山蘿蔔　　　　ａ　ｌｉｔｔｌｅ　ｂｉｔ
檸檬　　　　　１／２　　ｐｃ

1. 鵪鶉解凍，洗淨開邊
2. 加入海鹽、黑椒、百里香及山蘿蔔醃最少一小時
3. 橄欖樹起鑊，煎至皮金黃，中間逐少加入熱水煮至熟
4. 檸檬略煎
5. 切開後，食用撒上檸檬汁於鵪鶉上

　

煎牛扒配意大利番茜醬

牛扒　　　　　１　　　　ｐｃ
黑椒　　　　　ａ　ｌｉｔｔｌｅ　ｂｉｔ
海鹽　　　　　ａ　ｌｉｔｔｌｅ　ｂｉｔ
意大利蕃茜　　７０　　　ｇ
蒜頭　　　　　５　　　　ｃｌｏｖｅｓ
橄欖油　　　　３　　　　ｔｂｓｐ

1. 牛扒以黑椒略醃，煎起，加入少量海鹽
2. 意大利蕃茜撕下葉、加入蒜頭及橄欖油用攪拌機打成意大利蕃茜醬拌碟

*意大利蕃茜醬亦可加入意粉作提味用

食埋甜品成就完美的一餐，為這一年寫上美麗的開始，祝大家新年開樂！

冬至晚飯

做左成三十幾年人到今年先至知道原來每年冬至都係12月22日，真係汗顏~~~~~~!

今年既冬至晚飯因為唔太得閒，所以揀左d可以一早整定或者可以好快整好既。
 

花膠海參扣鵝掌

鴨鬆生菜包

呢個鴨鬆生菜包係bk既一位媽媽教我整既方法係燒鴨、沙葛、冬菇、蔥白、馬蹄全部切細，先爆蔥白、加入燒鴨炒至乾身上碟、沙葛、冬菇、馬蹄再分別炒至乾身上碟，再先部炒勻，加入預先炒香松子，落少少蠔油調味就ok。

茄汁虎蝦

茄汁蝦係先炒蝦至7成熟，加入茄汁、少量水、喼汁、糖、炒至熟就ok。
 

大力多寶魚

半碗油加4個件薑及4個蒜頭放底，多寶魚切件用鹽搽全身，放在面上，用中火煮15分鐘左右。

呢個大力多寶魚係bk既大力教，應該係勁好味，可惜我用LC煮成為太存氣，所以唔夠鑊氣，如果唔係應該好正! 下次我要買個沙鍋試整~~~~~