一堆蛋糕相

經已很久沒有替人做蛋糕，前些日子整理電腦檔案時，發覺有一些以前替人做的蛋糕相片還沒有放在博客中，今天便一次過放出來。

彩虹蛋糕+朱古力生日牌

今日係老公生日，做左想做好耐既彩虹蛋糕，雖然蛋糕只係原味，無咩花巧，但係見到個顏色咁靚已經好開心。

另外仲跟小王子媽媽做左個朱古力生日牌，真係好易+好靚。

技窮 - Minnie Cake

Minnie Cake已做了好幾款，來來去去，不是紅色便是粉紅色，主要的元素便是蝴蝶結和花朵.......

今次都真係已經無咩idea，下次客人如要訂購新款，睇怕真係要諗爆頭，大家可以俾d idea我嗎?
幾唔夾，又或者超級天馬行空都無所謂，有既話真係感激不盡。

P.S. 因為圖圖黎緊會考小學，將要要多D時間TAKE CARE佢既課業，可能會接少DD ORDER，有需要既朋友請盡早提出，謝謝!

鬆弛熊+飛機蛋糕

這個蛋糕是伯爵茶芝士凍餅+oraeo餅底。

是早前訂Hello Kitty蛋糕那位客人為朋友生日而訂的，由於朋友從事有關飛機的工作，有喜歡鬆弛熊，所以便要求要有這兩個公仔。

不過我忘記了這位客人是訂2D Cake的，即是只可以做唧cream/平面的設計......，今次係自己大頭蝦呢!

Toys Story Birthday & Cupcakes

有時就係咁奇妙，一係就無人訂，一係就大家都會一齊訂。

訂呢個蛋糕同cupcakes既媽媽係早前一位顧客介紹既，她說想要做Q版既Toys Story蛋糕比囝囝一歲生日，因為覺得Q版公仔比較切合BB呢!
其實原本JAYVES媽媽只係打算做一個WOODY既頭，之但係我覺得咁應該唔好太好睇，所以就再SEND多少少參考圖同JAYVES媽媽睇下，最後決定做依家呢個款。

其實我都好鍾意呢個款，尤其是上面舖上棉花糖扮發泡膠，估唔到出黎效果咁好呢!
另外CUPCAKE好左JAYVES媽媽都係要求做Q版，所以比較易做，如果唔做Q版，我諗未必可以做到喔!

3層斜塔兔仔蛋糕

這個蛋糕是之前訂叮噹蛋糕的客人介紹的。

吸取了上次的經驗，今次做斜塔蛋糕改左組合既方法。

她原本交來的設計圖是熊仔造型，但因為小朋友是兔年出生，所以希望改做兔仔，這蛋糕最大的難度是要固定中層爬上來的兔仔，花了不少功夫喔!

希望小朋友快高長大，身體健康!

瘦左 - Toy Story Cake

唔好誤會，瘦左果個唔係我，真係可惜......

瘦左果個其實係巴斯光年，唔制呀~~~~原來巴斯好難做......

決定呢個蛋糕款式時同呢位媽媽傾左好多次先敲定呢個款式，蛋糕不算太難做，最難既就係巴斯，因為要做好多parts再連接，所以做左好耐......

臨時臨急的三眼仔

這個三眼仔蛋糕是同事訂購的，原本因為這星期的order已滿了，不能做她的order。

不過因為臨時有一位客人因小朋友病了，生日會改期，所以才可以插單，慶幸沒有令她失望呢!

恭喜晒 - Wedding Cookies

今日係媽媽好朋友既大喜日子，雖然因為攞唔到假，唔可以參加你遠在Bali既wedding，但都衷心祝福你永遠幸福 ^^

其實早幾日已做好左呢d曲奇，亦都交左俾好朋友，不過今日先post出黎，因為唔想俾賓客之前睇到而無左驚喜，希望大家都會鍾意。

米奇BB

訂這蛋糕的顧客要求好簡單，只是要一個米奇，其他的都可以隨媽媽設計，雖然要求是簡單。

但原來做一個米奇，其實真係好難，而且媽媽覺得像真度還不太高。幸好圖圖看到後至少還認得出是一個米奇BB呢!

不是生日蛋糕的拖尾公主蛋糕

這個蛋糕是一位網友原本上個月想要訂給姪女的生日蛋糕。

但是因為那段日子都full booking，所以唯有推辭。不過她之後說仍想要做一個公主蛋糕給小朋友，要讓小朋友開心一下呢。

網友說小朋友喜歡蝴蝶結及粉藍色，其他都可以隨意。

媽媽見今次新訂的蛋糕盒有超大的底板，所以就打算做一個穿拖尾晚裝的公主，因為好像比較少見呢~~~~~

再黎 - 鬆弛熊白日夢篇

今日訂蛋糕既Janice媽媽對蛋糕既要求好簡單，蛋糕元素中要有鬆弛熊、day dreaming和藍色，媽媽最初仲傻傻咁問，day dreaming究竟係咪新卡通，原來只係Janice喜歡day dreaming。

媽媽發覺真係好多人鍾意鬆弛熊喔，佢係排響榜道位置，其次就係Minnie~~~~~

收到Janice媽媽後來既email話囡囡好鍾意個蛋糕，好驚喜，而且佢仲話柚子蛋糕同芒果係perfect march，媽媽知道好開心呢，不過柚子蛋糕係媽媽既強項，食過既朋友都話好味嫁~~~~~ ^^

擺烏龍，勁搞笑 - 工地弛熊蛋糕變奏篇

今日交蛋糕果時勁搞笑，原因係今日訂蛋糕果位先生叫阿銘，但我今日又要交回禮曲奇俾我好朋友A既男朋友(阿文)，原本約左朋友A夜晚交曲奇，雖然臨時換左人，但都一心諗住係夜晚。

下午3時幾，收到阿銘來電話會4點半黎到攞蛋糕，之後4點3又收到另一個電話，話佢係阿銘(其實係媽媽耳背聽錯左，原來係阿文)就黎到~~~~~

結果拎到蛋糕落去時發現原來黎到既係應該攞曲奇先啱，好在呢位係FRIEND，唯有搵佢幫幫手睇住個蛋糕先，再上去拎埋D曲奇落黎，點知一行開就收到阿銘電話話佢到左，所以終於要麻煩阿文同我俾個蛋糕佢，真係唔好意思>_<

講返蛋糕阿銘後來打電話俾我話好靚，我聽到堂然好開心，唔知佢女朋友鍾唔鍾意呢?

Minnie城堡蛋糕

今日做既蛋糕係Minnie城堡，Leanne媽媽要求要有球形Minnie放上頂，所以媽媽設計左2個款等有得揀下。

原來既設計係做2層，不過後來跟據Leanne媽媽既要求改左做一層，所以做左出黎後媽媽覺得爭少少，其實應該可以更靚呢!

大家會唔會覺得都係2層靚dd?

好重呀~~~3層動物斜塔蛋糕

今日呢個蛋糕形狀係第一次做呢~~~~，發覺原來舖左咁多次糖皮後，今次舖返pound cake已經覺得易好多。

 

唔知講咩好，不過今次我覺得幾滿意呢，不過佢真係好鬼重，第一原因係3層既關係，另一原因係用牛油蛋糕，拎一陣已經手軟......

純粹紀錄 - 麵包超人＋蜜瓜妹妹蛋糕

今日呢個蛋糕不用多說，因為同樣設計已不是第一次，不過今次壽星女要求加上蜜瓜妹妹，所以放上相片以作紀錄。

上學去 - 南瓜城堡蛋糕

話俾朋友知去上堂學整3D Cake，朋友都有d訝異，覺得做左咁多都要去?

無他因為今去學果間餅店婆婆話d cream好好味，所以見佢難得開班，就即刻去左報名~~~~

其實呢個COURSE都有得著，除左學左打好好味既CREAM，仲學左唧媽媽勁想學既玫瑰花，不過呢樣野都練得多先快先靚，所以睇怕又要下一番苦功先得~~~~~

其實上堂都幾開心呢，最開心係比D師父讚，唧CREAM夠細緻(媽媽其實係相當虛榮)~~~~~

返黎時大家食蛋糕，爸爸話媽媽平時做既蛋糕底比餅店本身提供既好，依家加埋學左佢既好味CREAM，將來就應該可以做得更完美。

舊瓶新酒 - 叮噹蛋糕 + Belle公主蛋糕

今次呢個叮噹蛋糕，客人指定要之前麵包超人既款式，只是figure換上了叮噹及加上少少豆沙包，以前細個畫畫，畫叮噹每次都係畫都得唔好，唔夠似，今次做果時特登好好研究，經過今次後媽媽終於知點解以前總係爭少少，啱啱做完個公仔時，難得爸爸讚話好似呢!(佢好少會讚我嫁!)

今日另一個蛋糕係一個5磅既Belle，Belle既公仔身因為係專係為做蛋糕而設既，所以無左媽媽尋日講果個問題，大家睇下同Barbie比較，係咪裙型靚d?

今次Belle條裙雖然睇落上同上次一樣，但係媽媽其實係改良左，做時感覺易好多，但似終前面打摺無得偷懶，次次前面d摺都玩我成個幾鐘~~~~~

激氣 - 粉紅公主蛋糕

媽媽做公主蛋糕比較喜歡用Barbie，因為覺得Barbie樣靚，做黎黎個公主都高貴d。

Princess Cake in Pink
今次蛋糕係壽星女親自指定，要穿粉紅色裙既公主，沒有其他限制。所以今次做左鍾意既簡單設計。

不過次次用Barbie做公主蛋糕既一大難題係，Barbie既盤骨位會將蛋糕頂凹左，個型唔靚，一定要做多少少裝飾上腰，摭摭佢，但係媽媽想做一個全條侰好簡單，好少裝飾既公主裙，究竟要點先可以做好?真係要慢慢研究......，如果有人諗到，可以話我知嗎?

挑戰極限 - Miffy 3D Cake / Dinoco 3D Cake / 鬆弛熊 Cupcake

本來媽媽無諗過咁快會一日做幾個蛋糕，因為會超辛苦，而自己手腳慢.......，不過今個星期一收到一位媽媽既email，話俾訂蛋糕果問舖/人放左飛機，想要同2位小朋友各做一個3D Cake，因為果位媽媽好爽快，亦都肯俾我發揮，只係講左想要花花Miffy及Dinoco蛋糕，設計方面可以隨心而做，而且實在不忍心小朋友會失望。

Miffy 3D Cake

所以想了一下便接了這個order，就當是自我挑戰，反正最多辛苦一點，但也可以趁機測試一下自己的能力到那個程度。

Dinoco 3D Cake

老實說今次比起最初做3D蛋糕時真係快手左好多，因為唔想圖圖搞搞陣，所以媽媽多數都係圖圖瞓覺後先開始做，記得第一個蛋糕係做通宵先到晨光先搞掂，今次雖然都係，但係係做3個呢，所以都算是進步不少。不過真係好辛苦，所以間唔中先可以咁試下，如果唔係長此下去，命都短幾年~~~~

鬆弛熊 3D Cupcake

呢組鬆弛熊Cupcake同我訂果位靚女真係算唔話得，話說呢期真係好多蛋糕要做，所以好多日子都唔得，但佢竟然願意就我有時間既日子呢~~~~~~，真係好感動!希望靚女同佢既朋友會鍾意呢組cupcake ^-^