提前來到的月餅班 - 酥皮奶皇月餅

本來今年在coup報的奶皇月餅班，應該要下星期六才上課，但因為與一位朋友對調，所以提前了一星期，真係好開心，因為想要早點上，做點做來送禮呢~~~~~~

原來酥皮奶皇月餅好易做呢~~~~，而且好香，不過爸爸同婆婆話甜dd，我應該會下次做時價減少少糖。

媽媽今年上左淘寶淘左一個新模，響網上睇到做出黎d月餅個樣d紋好深，下星期等到手就要開工啦!期待~~~~~呀!

今日心思思想報埋怪師博既五仁月餅班，聽日打電話問下仲有無位先!

Gathering後記

為左預備早兩日既戚風gathering，做左2款曲奇同3個蛋糕，蛋糕因為太倉猝，不及裝飾，無影相，曲奇就事後補影番，依家分享返食譜~~~~~


唂咕合桃提子曲奇 （２５塊）

無鹽牛油　　　１１５　ｇ
砂糖　　　　　５８　　ｇ
黃糖　　　　　５８　　ｇ
海鹽　　　　　２　　　ｇ
蛋　　　　　　５０　　ｇ
中筋粉　　　　１６０　ｇ
梳打粉　　　　２　　　ｇ
谷咕果穀碎　　３８　　ｇ
烘香合桃　　　５８　　ｇ
提子乾　　　　５０　　ｇ

1. 粉類過篩備用
2. 把溶後的熱牛油加砂糖、黃糖及鹽拌勻，再加入蛋
3. 之後加入粉類拌勻，不要過度攪拌，以免曲奇變硬不夠鬆脆
4. 最後加入所有合核、提子乾及谷咕果穀碎
5. 放入雪柜至少一小時，過一晚更好
6. 用小茶匙挖一小圓球，放在矽膠蓆上按平，每個曲奇之間要有空間
7. 用170C焗18-20分鐘

（以上食譜來自豈能介甜）

做左一個開心果曲奇

開心果白朱古力慕絲蛋糕，之前已POST過食譜，不過今次大頭蝦，搞錯左魚膠片同開心果份量，所以效果不是太好，其實食譜無問題既。

http://blog.yahoo.com/chinto/articles/15330

另外做左南瓜焦糖慕絲蛋糕，第一次做焦糖慕絲，原來好鬼香，不過又係大頭蝦搞錯魚膠片份量，如果唔係就PERFECT。


南瓜焦糖慕絲蛋糕（７吋圓模）

杏仁薄蛋糕（６吋圓１塊）
糖粉　　　　　１２　　ｇ
杏仁粉　　　　２５　　ｇ
雞蛋　　　　　４０　　ｇ
低粉　　　　　８　　　ｇ
牛油　　　　　５　　　ｇ
蛋白　　　　　３０　　ｇ
糖　　　　　　１０　　ｇ

1. 杏仁粉和糖粉拌勻, 加入雞蛋打至發白
2. 篩入低筋麵粉, 取少許麵糊加入熱溶牛油, 再倒回入麵糊中拌勻
3. 糖分3次加入蛋白, 打至企身
4. 蛋白霜fold入蛋糊中
5. 抆平後, 以180c焗5-8mins
6. 如果焗得太耐/爐火大太, 蛋糕會變成曲奇般脆身, 要留意

南瓜慕絲

南瓜蓉　　　　９０　　ｇ
糖霜　　　　　３０　　ｇ
魚膠片　　　　４。５　ｇ
淡忌廉　　　　２７０　ｇ

1. 蒸蓉的南瓜壓成蓉, 襯熱加入糖粉
2. 拌勻後加入浸軟的魚膠片＞Ａ
3. Ａ在室溫全完放涼，分２－３次加入已打起的淡廉拌勻

焦糖慕絲

糖　　　　　　６０　　ｇ
淡忌廉　　　　６０　　ｇ
魚膠片　　　　３　　　ｇ
淡忌廉　　　　２３０　ｇ 　

1. 忌廉輕輕加熱
2. 糖放在煲內, 小火煮至焦糖色, 待糖完全溶後, 分3-4次將忌廉加入
3. 加入已浸軟的魚膠片, 過篩後放涼
4. 分2-3次加入已打起的淡廉拌勻

（以上食譜轉自Vanlily）

　
法國白芝士梳乎厘蛋糕（７吋圓模）

白芝士　　　　２００　ｇ
糖　　　　　　５０　　ｇ　　　　　
淡忌廉　　　　１００　ｍｌ
蛋黃　　　　　３　　　ｐｃ
檸檬汁　　　　１／２　ｔｂｓｐ
粟粉　　　　　２　　　ｔｂｓｐ
蛋白　　　　　３　　　ｐｃ
糖　　　　　　３０　　ｇ

1. 將白芝士和糖拌勻，之後逐少加入忌廉混合
2. 蛋黃分3次加入，逐次拌勻，之後加入檸檬汁混合
3. 將粟粉加入2中拌勻，小心不要結塊
4. 用另一個盆放入蛋白，糖分4-5次加入蛋白中直至稍微拉出尖角
5. 將1/3的蛋白霜加入芝士糊中徹底拌勻, 再分兩次加入餘下的直至全部混合
6. 倒入模中，並在焗盆中加入熱水。以160Ｃ焗４５－５０分鐘。
7. 待涼後（不用脫模）， 最少放入雪櫃中雪3小時，之後便可脫模享用 

（以上食譜轉自我愛芝士蛋糕）

攰爆戚風Gathering

今日係期待已久既戚風gathering，不過我地一家都朝早去左露台餐廳食左個半自助餐，其實近幾年已少食自助餐，最初因為圖圖出世，唔方便帶住個bb控制唔到既小朋友去食，之後少食開，就唔會成日心思思。不過今次去，發覺半島無論食物同service水準都好似下降左，我諗真係有排唔駛去~~~~~~

食完返屋企，四點左右大家都好準時到，就開始開工。小朋友有小朋友玩，大人有大人玩~~~~~

今日一共做左4個戚風，3個味道，希望大家都記得點做~~~~~因為戚風真係好味健康又容易做

之後晚餐就係大家一早準備既食物，真係超豐富，好好味，飽到郁唔到咁制~~~


燻蛋

鴨蛋　　　４　ｐｃ
老抽　　　２　ｔｂｓｐ
蔗糖　　　２　ｔｂｓｐ
米　　　　３　ｔｂｓｐ
茶包　　　２　ｐｃ

1. 蛋洗淨，放入小煲加凍水蓋過蛋面，不要上蓋，開大火
2. 至水大滾後以大火烚蛋不多不少2分鐘。馬上將將煲離火，開水喉沖凍水15分鐘，至蛋完全冷卻
3. 輕敲碎蛋殼，放水喉流水中邊沖邊剝蛋殼
4. 將蛋放上老抽上色，將米、蔗糖、茶葉拌勻後放置錫紙面中心，再放上蒸架
5. 蓋上鑊蓋後，開火燒鑊至白煙冒出，將蛋放上蒸架，將鑊蓋蓋上
6. 以大火燻一分鐘。將蛋取出，待涼，然後小刀將蛋橫切
7. 小心蛋汁流出，每切一蛋後，小刀須以布抹淨才再切。上碟配准鹽食用

Roast Baby Ribs

急凍豬肋骨　　　　２　　　ｐｃ
BBQ醬　　　　　　１００　ｍｌ
茄汁　　　　　　　５０　　ｍｌ
糖　　　　　　　　３　　　ｔｂｓｐ
喼汁　　　　　　　２　　　ｔｂｓｐ

豬肋骨洗淨抹乾，用BBQ 醬、茄汁、糖及急汁醃2日
豬肋用鍚紙包好
180度焗30mins
打開錫紙焗30mins至表面有少許燶


法式忌廉焗薯

美國焗薯　　　　　３　　　ｐｃ
淡忌廉　　　　　　１００　ｍｌ
奶　　　　　　　　１００　ｍｌ
蒜頭　　　　　　　適量
乾蔥　　　　　　　適量
豆寇　　　　　　　適量
黑胡椒　　　　　　適量
鹽　　　　　　　　適量
巴馬臣芝士　　　　適量

1. 焗薯去皮切片排左焗盆上
2. 蒜頭、乾蔥、奶、淡忌廉及鹽小火煲至微滖，平均倒在焗薯上
3. 於焗薯上撒上豆寇及黑胡椒
4. 焗分上封上錫紙，２００度焗１５分鐘，轉１８０度焗２０分鐘
5. 拿走錫紙，撒上芝士後焗至金黃

合作 (13 Aug 2011) - 芝士焗虎蝦配伊麵底、刁草海鹽焗三文魚、蘋果醋浸車厘茄、芝士白汁焗西蘭花

早幾日約左朋友S食飯，之後去左Apita行左陣，見到有fresh dill，所以就買左盒，諗住煮刁草油浸三文魚，點知返到屋企，見到樓下supermarket果d三文魚柳太細件，買唔落手，所以唯有轉買三文魚扒gill~~~~

蘋果醋浸車厘茄，這個數用前在Jacky Yu的facebook上看到，一直想要做，但懶得買果醋，但朋友S原來剛做過，而且大力推介，所以就趁夏天，做這一道冰凍的前菜。

至放個白汁西蘭菜係出術，因為屋企有一盒白汁磚差不多過期，所以我用左黎煮西蘭花。

今日呢餐既芝士焗虎蝦配伊麵底係爸爸做既，因為我對煮中菜真係麻麻地，其餘都係我煮，而且好簡單。


刁草海鹽焗三文魚扒

三文魚　　　２　　ｐｃｓ
海鹽　　　　５０　ｇ
糖　　　　　２２　ｇ
黑椒　　　　２　　ｔｓｐ
刁草　　　　２０　ｇ

1. 海鹽、糖及黑椒撈勻，加入
2. 已去莖切碎刁草成醃料
3. 將醃料塗在三文魚上，包上4-5層保鮮紙
4. 以重物壓著，醃一天
5. 220C上火焗15-20分鐘，中間反轉一次

蘋果醋浸車厘茄

車厘茄　　　１　　ｂｏｘ
蘋果醋　　　適量
水　　　　　適量
糖　　　　　適量
魚膠粉　　　適量

1. 車厘茄底部輕輕界十字，放入滾水20秒，再放入冰水略浸後去皮
2. 蘋果醋及水以約1 : 1調和，試味，如覺得太酸可加一點糖
3. 蘋果醋浸過蕃茄至頂過夜，撈起蕃茄及少量蘋果醋
4. 其他蘋果醋做啫喱，份量是1公升醋就用50g魚膠粉
5. 魚膠粉以3部重量之水份浸至發大，再以熱水坐溶
6. 加入蘋果醋內，放入微波爐叮至微暖，攪勻，過篩，雪凍
7. 用時啫喱切粒可用作拌碟用

半失敗但好味的榛子朱古力脆脆蛋糕

其實今日呢個蛋糕本來諗住送俾auntie婆做伴手禮，但因為尋晚衰左2樣野，其一係唔夠淡忌廉，其2係榛子薄蛋糕無睇清楚焗唔熟，仲要屋漏兼逢夜雨俾我用晒所有雞蛋，所以今朝要再買料做過個榛子薄蛋糕。

不過其中一樣都算好彩，因為第一次衰個果個榛子薄蛋糕我係用新食譜，當我嘗試翻焗後，試下一啖發覺係係超甜，所以第二次焗即刻用翻杏仁薄蛋糕既食譜，只不過將杏仁粉改左用榛子粉，果然好味好多。

不過始終因為時間既關係，所以唔夠時間，做唔好，而且今次唔知係咪心急，可能個盤有少少水氣，淡忌廉打唔起，搞到我無晒心機，覺得做得唔好，所以終於無送出去。

不過夜晚飯後切左黎食，都覺得幾好味，所以分享食譜出黎。


榛子朱古力脆脆蛋糕

榛子薄蛋糕　　　３　　　ｐｃ

榛子脆脆
脆脆　　　　　　５０　　ｇ
朱古力　　　　　３０　　ｇ
榛子醬　　　　　２０　　ｇ

1. 朱古力坐溶，加入榛子醬
2. 待涼後加入脆脆拌勻，放入雪櫃雪硬

忌廉吉士

奶　　　　　　　２００　ｇ
雲呢拿　　　　　１／４　ｐｃ
蛋黃　　　　　　４０　　ｇ
糖　　　　　　　４０　　ｇ
吉士粉　　　　　１５　　ｇ
牛油　　　　　　１５　　ｇ
淡忌廉　　　　　１００　ｇ

1. 奶及雲呢拿加熱後，熄火焗10分鐘，過篩>A
2. 蛋黃、糖及吉士粉拌勻>B
3. A逐少加入B中，坐熱水拌至杰身
4. 加入牛油後包上保鮮紙放涼
5. 淡忌廉打至有紋
6. 淡忌廉加入吉士醬中拌勻

朱古力慕士

朱古力　　　　　５０　　ｇ
淡忌廉Ａ　　　　１５　　ｇ
淡忌廉Ｂ　　　　１００　ｇ

1. 朱古力坐溶(不超過40C)
2. 淡忌廉叮熱，加入朱古力中拌勻
3. 淡忌廉B打起，1/3加入朱古力醬拌勻
4. 再加入其餘淡忌廉拌勻

組合

朱古力慕絲
榛子薄蛋糕
吉士忌廉
榛子薄蛋糕
朱古力脆脆
榛子薄蛋糕

今次因為要做朱古力慕絲的淡忌廉打唔起，所以最頂層用吉士醬替代。

(食譜改自Vanlily)

Cookies Gathering@Home - 日式柚子凍餅+健康戚風

之前因為Stephanie話過想學做印模曲奇，所以就襯暑假時搞一個cookies gathering，順便俾圖圖認識下新朋友。

今日圖圖認識左2位新朋友，玩得好開心~~~~~ :)，媽媽希望圖圖可以有多d朋友仔，唔駛咁悶呢!

為左呢個gathering媽媽一早起身做左兩個蛋糕，一個係上個星期gathering失敗左果個日式柚子蛋糕，今次問左Tina，知道左個問題所在，所以終於成功，但係出黎效果我覺得咁左少少，如果真係要再做既話應該要減糖。

日式柚子凍餅

而另一個蛋糕係就係健康戚風，呢個蛋糕淨係用蛋白，所以0膽固醇，終於幫我清晒所有積存既蛋白，婆婆話比普通戚風好吃，而且戚風既最大優點係容易食，小朋友們唔會食到論論盡盡。而且健康戚風的做法比一般戚風更簡單呢~~~~~


健康戚風（８吋模）

植物油　　　７０　　ｇ
奶　　　　　１６０　ｇ
低粉　　　　１４０　ｇ
鹽　　　　　１／４　ｔｓｐ
雲呢拿油　　１０　　ｄｒｏｐｓ
蛋白　　　　３６０　ｇ
糖　　　　　１３０　ｇ

1. 植物油、奶、低粉、鹽及雲呢拿油用拌勻>A
2. 蛋白及糖打至硬性發泡>B
3. 約一半B加入A中fold勻>C
4. C再倒回B中fold勻
5. 170C焗40分鐘

•  呢個食譜我已減左10g油

(食譜改自超Q潤戚風)

Sad Day

今日係爸爸出殯的日子，與爸爸最後相見的日子是在我結婚前，至今差不多10年。

10年變化是想像不到的大，至今仍很難想像他的遭遇，希望他能在天家幸福地生活。

期待已久的的學藝

今日係媽媽生日，不過今日一反常態，無放假，仲要拋夫棄子(一日咁多)，原因係今日係一個期待已久的course開班日，已經等左差不多兩個月，而且仲可能只此一班，所以一定要去上堂呢~~~~~！

今日都係主要學蛋糕裝飾，學左一朵花，仲有媽媽最想學既倒模技巧。

Summer Garthering@Home

今次係家庭聚會呀，每一次媽媽都好期待，因為每次見到小朋友們都好開心，媽媽又有機會試新食譜。

不過今次要多謝amelia同佢既姐姐幫手做左唔少小食，同埋儀姐既超正馬蹄糕，所以今次媽媽主要係做幾個蛋糕同少少小食，一d都唔辛苦~~~~~~

大家最鍾意既係生朱古力綠茶慕絲蛋糕，呢個我之前做個一次，不過只係屋企自己食見大家都未試過，而且真係好好味，所以翻炒俾大家試下。

生朱古力綠茶慕絲蛋糕

http://blog.yahoo.com/chinto/blog/search?p=%E7%B6%A0%E8%8C%B6

呢個生朱古力綠茶慕絲蛋糕大家都強列推介，差不多成個KO晒~~~~!

除此之外仲做左法國白芝士蛋糕(食落去好軟熟，比日式芝士蛋糕及伊還藤家的還要好)、伯爵茶法國白芝士凍餅(超滑呀)、青甘檸士多啤梨慕士凍餅(酸酸地幾開胃)，再加一個失敗左好樣衰既日式柚子蛋糕(呢個要比個大交叉佢，完全唔掂呀，短期內我會再戰一次)。


法國白芝士蛋糕（７吋圓模）

法國白芝士　　　　２５０　ｇ
糖Ａ　　　　　　　７５　　ｇ
酸忌廉　　　　　　１２５　ｇ
蛋黃　　　　　　　７５　　ｇ
粟粉　　　　　　　２０　　ｇ
蛋白　　　　　　　１１２　ｇ
糖Ｂ　　　　　　　３８　　ｐｃ

1. 法國白芝士及糖Ａ拌勻，然後逐少酸忌廉攪至滑身
2. 逐個蛋黃加入拌勻
3. 篩入粟粉fold勻->A
4. 蛋白及糖B打至軟性發泡，fold入A
5. 隔水160C焗50分鐘

伯爵茶法國白芝士凍餅（６吋圓模）

無麵粉朱古力蛋糕　１　　　ｐｃ
法國白芝士　　　　２００　ｇ
糖Ａ　　　　　　　６０　　ｇ
奶　　　　　　　　１２０　ｇ
伯爵茶包　　　　　８　　　ｇ
淡忌廉　　　　　　２００　ｇ
魚膠片　　　　　　２００　ｇ

1. 奶及茶葉煮
2. 至滾，熄火焗15分鐘後，加入魚膠片>A
3. 法國白芝士及糖攪至滑身
4. A逐少加入芝士糊
5. 淡忌廉打至有紋，分次加入芝士糊拌勻
6. 芝士糊倒於蛋糕上，放入雪櫃雪至硬

飾面

魚膠片　　　　　　３　　　ｇ
凍水　　　　　　　１５　　ｍｌ
糖　　　　　　　　１０　　ｇ
花奶　　　　　　　３０　　ｇ
茶葉　　　　　　　１　　　ｇ

1. 花奶、茶葉及糖加熱後浸
2. １５分鐘後隔渣
3. 魚膠片加凍水拌勻，加入奶茶中
4. 原食譜底使用OREO 70g加熱溶牛油 25g

• 今次因為我做了其他裝飾，所以沒有使用飾面

青甘檸士多啤梨慕絲蛋糕（６吋方模）

急凍士多啤梨粉　　適量
無麵粉朱古力蛋糕　１　　　ｐｃ
蛋白　　　　　　　１。５　ｐｃ
糖　　　　　　　　３０　　ｇ
蛋黃　　　　　　　１。５　ｐｃ
可可粉　　　　　　２０　　ｇ

1. 蛋白及糖打至8成
2. 分次加入蛋黃拌勻
3. 加入可可粉fold勻
4. 180C焗10分鐘 

馬令
蛋白　　　　　　　５０　　ｇ
糖Ａ　　　　　　　１５　　ｇ
水　　　　　　　　２５　　ｇ
糖Ｂ　　　　　　　１００　ｇ　

1. 蛋白及糖Ａ略略打起>A
2. 水及糖Ｂ煮至121C
3. 糖水以細線加入A，打至成軟雪糕狀

青甘檸慕士

青甘檸果蓉　　　　７５　　ｇ
魚膠片　　　　　　１０　　ｇ
馬令　　　　　　　１３５　ｇ
淡忌廉　　　　　　１２５　ｇ

1. 青甘檸果蓉叮至熱，加入已浸軟魚膠片>A
2. 淡忌廉打至有紋
3. 一半A加入馬令拌勻>B
4. 另一半A加入淡忌廉內拌勻>C
5. 一半B加入C拌勻，然後拌勻

士多啤梨慕絲

士多啤梨果蓉　　　１５０　ｇ
檸檬汁　　　　　　１５　　ｇ
魚膠片　　　　　　８　　　ｇ
馬令　　　　　　　４５　　ｇ
淡忌廉　　　　　　１５０　ｇ

1. 士多啤梨果蓉叮至熱，加入檸檬汁及已浸軟魚膠片
2. 加入馬令拌勻
3. 淡忌廉打至有紋
4. 加入忌廉拌勻

組合
青甘檸慕絲
急凍士多啤梨粒
士多啤梨慕士
無麵粉朱古力蛋糕

爸爸既傑作 - 濕炒奶油老虎蝦

今日突然諗起要分享呢個食譜，話說幾日前爸爸話不如攞沙巴買番黎果d海鮮整下，終於揀左整老虎蝦，因為媽媽好掛住沙巴既濕炒奶油老虎蝦，所以搵左食譜比爸爸整，係呀今次係爸爸整，因為整呢個餸d蝦要泡油，媽媽最怕最怕煮野食就係炸野，除左中學家政堂，媽媽重來都未開過油鑊炸野嫁，因為最怕對住d油煙，所以今次呢個任務就非要爸爸做不可。

濕炒奶油老虎蝦

呢個係爸爸既傑作 - 濕炒奶油老虎蝦

大蝦　　　１２　　隻
鹹蛋黃　　２　　　個 （蒸熟壓爛備用）
牛油　　　２　　　湯匙
鹽　　　　 少許 　
糖　　　　１　　　茶匙
雞粉　　　１／２　茶匙
淡奶　　　１／４　罐
咖哩葉　　１０　　片
指天椒粒　1－2　　隻
先把蝦剪腳，開背，去腸臟，洗淨瀝乾水份，備用。 燒熱油鑊把蝦炸至剛熟，撈起。放在廚房紙上吸去油份。備用。 下 2湯匙牛油在鑊中，小火煮至融解。下咖哩葉，辣椒（如果加的話）炒至聞到香味。加淡奶，糖，雞粉，並灑下少許鹽，用中火煮濃。把蝦倒回鑊中，不停翻炒，大火煮至汁收乾。灑下蒸熟壓碎的鹹蛋黃。

食譜轉自http://www.christinesrecipes.com/2010/10/butter-prawns.html#ixzz1T8RlrNte

呢個食譜做出黎都好似沙巴果ｄ，大家不妨試下～～～　

另外今日媽媽趁爸爸有時間睇住圖圖，所以就去左書展，其實媽媽已經好幾年無去過，不過今年見D blogger講到好鬼抵，加上圖圖d書都差不多睇過晒，所以就去左入貨，果然真係好平，媽媽覺得仲平過訂大陸書。

媽媽幫圖圖買左29本都唔駛$500，即係圍起$1x蚊本，平時邊有咁鬼平~~~~

今年書展買左好多書，都係八百幾，好抵呀~~~~

順帶一提，圖圖學游泳今日經進入第二週(第五堂)，雖然仲係會哭得稀呢嘩啦，不過今日學閉氣時已經可以將整個頭放入水中，希望圖圖可以快d學識游泳，等身體好d。