米妮蛋糕+公主蛋糕

今次連續2日做好2個蛋糕，對媽媽黎講都算創舉，因為一向好少咁連續做，想要比多d時間預備同裝飾，結果就係2日加埋瞓10個鐘，好眼瞓!

但係2個蛋糕媽媽都想做呢，一個係雙層既Minnie，一個係想做好耐既公主蛋糕。

Minnie因為係用牛油蛋糕所以比較花時間去焗，因為做雙層，所裝飾時間都心較長，上面塊MINNIE牌都係用糖膏做既，所以MIINIE既眼睫毛先可以做到尖尖地，咁睇落去先細緻D。

公主蛋糕本來都係想做牛油蛋糕，但係媽媽諗裙身小係薄薄一塊糖皮，海棉蛋糕應該都夠力承托，所以終於都係做左比較為人接受既Cream Cake，唯一做cream cake既壞處係要放雪櫃，糖皮入過雪櫃出黎會有少少水氣，睇落去會有d反光咁！

公主蛋糕壽星女想要士多啤梨，但係媽媽一早同壽星女既媽媽講明，如果有靚士多啤梨就用，無既就改做第二種生果，好幸運啱啱開始出韓國士多啤梨，媽媽做之前都要買一盒試下夠唔夠甜，如果酸既真係唔可以用，結果係好夠甜呢~~~~~~

其實本來公主蛋糕壽星女既媽媽無限要唧CREAM/做糖皮，不過媽媽覺得唧CREAM個公主條腰會好肥，同埋唔夠ELEGANT所以都係揀糖皮，因為壽星女想要CINDERELLA蛋糕，而CINDERELLA條裙兩邊有兩塊布， 迪士尼既原圖係咩都無以似半圓形放上去咁，但係媽媽覺得咁樣唔夠立體感，同埋唔靚，所以改左少少，之但係呢個少少都搞左成粒鐘，因為要做出滿意既效果，試左好幾個唔同既方案，最後先決定咁做，幸好結果令人滿意呢。

為左要個公主靚靚，我仲同佢紥左個髻呢!

2011年12月19日後記，今日公主蛋糕壽星女叫媽媽打俾我，親口同我講左聲多謝，仲話好好味，媽媽真係好感動，雖然訂公主蛋糕係媽媽既朋友，但係都唔一定要事後再講多謝，真係俾左媽媽好大既鼓勵，多謝晒！