今朝終於可以自然醒，然後搭的士去麗都街市RM20，去隆美食早餐，順便約埋的士司機接返我地回程。
起身後就坐的士去麗都街市既隆美食早餐
佢地馳名係七星斑魚蛋
今朝既早餐係七星斑魚蛋 + 七星斑魚片米 + 七星斑魚片叻沙米。D魚蛋好彈牙好味，七星斑魚片又係超新鮮，媽媽最鍾意個叻沙，好嘢味！
七星斑片米
七星斑片叻沙米，呢個媽媽覺得好好味
七星斑魚蛋，好彈呀！
淨斑片
食緊果時同老闆傾計(廣東話)，原來佢地馬來西亞暑假只係放8月，佢估唔到香港放咁早~~~~~我地又八下點解唔攞D魚蛋做急凍，等我地可以買番香港，原來佢話佢D魚蛋無落粉去做，只係純粹星斑魚肉，如果急凍既話個質感會變左冰豆腐咁，唔再彈牙好味
食完野呢餐，響附近行左一陣，又坐有的士去左機場附近既朱古力舖買朱古力。俾錢時發覺朱古力舖個RATE最正HK$1000 = RM370，有成2.70所以決定俾港幣。
朱古力手信店
空無一人，媽媽諗可能只有我地咁古怪自遊行特登坐車去手信舖買野。
可以自己做巧克力
之後返酒店，又瞓過！諗住晏D去味雅食雞飯。
大約2點幾，本身諗住一齊去味雅食飯，點知圖圖先啱啱瞓著，爸爸又唔想起身，所以媽媽就去味雅買外賣。
我覺得香港有d比好要好味得多，d雞無味+靭
途中順便唱錢，又搵到Hyatt後面間遠東海鮮，順便同機場果間海鮮舖夾下價，果然係遠東平d！之後去到味雅隔幾間舖其實都有一間急凍海鮮舖，但係佢d老虎蝦唔係以公斤計，而係一包包咁計，感覺好似水魚檔，所以唔會考慮去買。
去到味雅叫左3個雞脾飯，媽媽都好好彩，因為之後聽到有人叫雞脾飯，佢地話賣晒，買完飯後媽媽又去左美金香買豬肉乾RM40/斤，先至返酒店，返到香港之後婆婆食過話好好味，話香港呢個價錢既豬肉乾無咁高質素wor。
味雅轉角天橋下，傍晚會開始有小食攤
豆腐花
炸香蕉，呢個試左，普普通通
返到酒店已經差不多四點，大家都瞓醒晒，就開餐食飯，味雅d飯係幾好味，但係d雞就普通d，而且雞味不足。之後我地就又走中央市場同埋菲律賓市場行下，發覺中央市場d海味普遍都貴，有d價錢同香港差不多，有d比香港買仲貴，而且唔夠乾身。但係響中央市場對面，我地發現在一間賣急凍海鮮既舖頭，價錢比遠東仲要平，所以打算聽日上午再黎睇過。
媽媽發現中央市場對面有一間賣急凍海鮮同海味好抵
見有椰青賣即刻買左3個
之後我地又去asia city，因為尋日經過一間玩具舖，見到有Transformer既大黃蜂，諗住同圖圖去買，等佢開心下。買完之後就已經6點幾，我地就先去大茄來食飯，今次我地叫左2隻濕炒奶油螳螂蝦，3隻鮑魚，1碟白灼跳螺，1碟炒扇貝，1碟馬拉盞炒菜，之後落單果位叫停我地，好似我地叫得太多咁。
坐低後好快有得食濕炒奶油螳螂蝦好好味，個汁用黎撈飯超正，鮑魚好焾，但係我真係估唔到佢會切片炒雜菜，跳螺同扇貝都ok，炒菜好味。食到咁上下爸爸覺得唔夠喉，終於叫多2隻大鮑魚用蒜蓉蒸，再蒸多條七星斑，條七星斑真係要講一講，佢原來係會起晒中間成條骨，呢個煮法真係ok。今日呢餐當然無響山打根咁平，但係價錢都ok阿，比起香港算係平~~~~~！
炒扇貝
馬來風光，即係馬拉盞炒菜
濕炒奶油螳螂蝦
炒鮑片
白灼跳螺，普通
清蒸七星斑
蒜蓉蒸鮑魚
隔離枱呢碟奶油蝦加伊底好吸引，唔知可以咁叫，笨左！
其實我地已經食得好飽，但都好變態咁走左去富源食咖吔多，婆婆同爸爸仲要雙份，圖圖都食左半份，可想言之富源既咖吔多有幾好味！
雖然好飽，但都要食咖央多
仲要每人黎雙份，真係超變態~~~~
之後我地就返酒店，再次進行我地既睡眠活動！
沒有留言:
張貼留言