今朝爸爸一早起身影日出，媽媽因為之前果日唔舒服，所以今日偷懶瞓多陣！
工作人員執漏左一隻海龜蛋
要坐船返山打根啦
海龜BYEBYE啦！
海龜島附近有個小島，得一間屋，如果住呢度渡假就真係超正！
到碼頭後call返個的士司機，載我地去Buli Sim Sim，之前睇相好似D漁排+死水，有D核突，不過D blogger食過話正，我諗都唔會老點，反正Buli Sim Sim同海龜島同碼頭近，一試都無妨。
BULI SIM SIM
我地今日去既係森森海上風味，行入去時初時真係有d似大澳咁，有d死水，不過出到去餐廳，就完全唔同晒，海邊 + 涼亭 + 海風 + 陽光，環境真係好正。
我地就係響呢度食第二輪早餐
之前我以為淨係開上午，原來晚上都做生意架！
價錢牌，海鮮比海上皇平少少
餐廳員工一早已經響度處理海鮮
行到出去環境好舒服，響屋簷下有海風，一D都唔覺得熱
我地就只係點左幾樣野，分別係濕炒海鮮河、海鮮粥、彈弓面同埋皮蛋餃，再加2杯凍咖啡，1杯熱咖啡，d野食超好味，海鮮粥既粥底係蟹粥，d海鮮超新鮮，尤魚都特別彈牙，沙白又好鮮味，魚肉都係斑片，真係好正！重要係好平，好抵食！
濕炒海鮮河
海鮮粥
皮蛋餃
彈弓麵 + 海鮮湯
期間有一位大叔拎左d餅仔、蛋撻同埋蛋糕黎賣，我地又買左少少。
大叔賣的蛋撻，佢個皮一D都唔油，又做得好薄，唔知點做~~~~
唔知係咩既餅
之後我地搭車返NAK，放低d行李，周圍行下，之後就番返去NAK個lounge度hea下，等夠鐘就去機場drop baggage，搭機返KK。
返到KK，因為已經洗晒D錢，所以響機場唱少少，之後去Gaya Center Checkin。之後我地去左富源食野，本身媽媽一心只諗住食咖吔多同桔仔冰，不過爸爸又心多，見到樣樣炸野都點少少，又叫左炒麵，結果食到我地好鬼飽。
又係Gaya Center Hotel，不過今次仲平，只係HK$70/晚(每房)，仲要有無敵海景！
即刻去富源食TEA
桔仔冰
我地大家都勁LIKE既咖吔多！
之後我地去Blogger介紹過既大茄來八下，然後就返酒店，婆婆見圖圖又好攰，就叫媽媽同爸爸出去行下，婆婆就同圖圖響酒店休息一下。
順便去八下Blogger讚好既大茄來
媽媽同爸爸就黎日落，就走左去海邊影相，之後一路行菲律賓市場。
菲律賓市場
燒雞翼
中央市場
菲律賓手工藝市場
然後行左去Le Meridien果邊starbucks飲野。
去Starbucks飲野
當然要買city mug
再去Asia City買少少朱古力。
原來賣朱古力的地方是超市
Blogger介紹可以到asia city地庫買手信朱古力
新記肉骨茶
然後又行去美麗華買少少野，最後去左新記買左3人份既肉骨茶，2個白飯，1份黃酒蝦，1碟樹仔菜，1杯桔仔冰，1杯3色咖啡，1杯薏米水。其實新記都幾好食，不過我地真係之前響富源食太多好鬼飽，所以今餐食到最後有d辛苦。
3人份肉骨茶，唔敢佷五花腩，但係排骨好好味呀！
炒樹仔菜
附送既蒜蓉辣椒，媽媽食左1啖有幾粒辣椒，超級辣呀！
1人份黃酒蝦
桔仔冰
佢既粉腸入面又係粉腸，再入面都係粉腸
之後就大家瞓覺覺。
沒有留言:
張貼留言