婆婆生日快樂

其實呢個餅原本並唔係諗住慶祝婆婆生日，因為婆婆係3月7日，我上個月已經響vanlily果度訂左個生日蛋糕3月6日攞(好期待餅神既出品)，但係早排同爸爸講起今年婆婆係60歲生日，爸爸原本諗住去稻香搵大家一齊食飯慶祝，不過後來講講下又不如食盆菜~~~~因為呢樣野要一大班人先食到，而我又好想試下出名既萬里緣，所以最終決定食盆菜慶祝。

咁啱上個月頭我已經報左名學做拿破崙，呢個拿破崙我想學左好耐，因為我學個酥皮呀，所以順理成章同大家一齊分享，當係生日餅~~~~

之但係媽媽擺左烏龍，婆婆未吹生日蠟燭，我已經好心急咁將個餅切開左10件，切完先諗，畀傢伙~~~~點搞！好在Amelia佢帶左個蘋果批黎，所以俾我攞左黎頂數~~~~

今次我終於買到好靚既滴滴金煙花蠟燭，好靚呀~~~~不過淨係顧住唱生日歌無影相，7號時再影俾大家睇！