3層結婚蛋糕 3-Tier Wedding Cake

今日係新娘子Silvia結婚既大日子，為佢做左一個3層既結婚蛋糕。新娘子俾左好大自由度我，只係希望個蛋糕係紫色，配合wedding decoration，呢個蛋糕媽媽我俾左好多心機。

紫色，其實有難度呢，因為紫色好易fade out，幸好之前買左violet既flower paste幫左唔少忙~~~~~

之前做左好多朵玫瑰，但係花瓣做得太薄，最後裝飾時爛左好幾朵，好心痛，因為做一朵要用好多時間，其實花瓣可以做厚D，但係咁就唔靚，像真度唔高。

由於星期六有一位好朋友從外國返黎，所以媽媽下午出左街，返屋企唯有開夜車做，整到成6點幾，聽到雀仔叫先可以瞓覺@@。其實本應可以第二日先做，但穩陣起見，情願早d做起，唔想要有差錯。

呢個蛋糕做左新娘子喜歡既朱古力味，因為媽媽本身唔鍾意太甜既甜品，所以會比傳統既結婚蛋糕落少好多糖，再用70% Dark Chocolate做Ganache，Feedback係個個都話好好味，同埋覺得好靚，聽到真係好開心。