媽媽既虛榮~~~~

自從媽媽整左曲奇之後，每日都會俾展圖豬食半塊~~~~~(一塊怕太多，因為用左好多牛油做)

今日當媽媽攞個曲奇盒出黎時，展圖豬竟然搶左~~~~~，當媽媽攞返時，仲要大喊，媽媽諗~~~~唔通佢想食曲奇？結果媽媽攞左一塊出黎，俾展圖豬食，竟然係即時收聲止喊，仲要大大啖咁食~~~~~唔通展圖豬真係咁鍾意食？

一路以來展圖豬對食物都好似無咩特別喜好，依家竟然俾媽媽發現到一樣佢鍾意食既野，仲要係由媽媽親手做既，媽媽真係覺得超開心呀~~~~~！

任何人話好食鍾意食，都比唔上展圖豬一個鍾意食呢~~~~~！