展圖豬@南丫島

今日九點幾同展圖豬出門口，爸爸媽媽同展圖豬去南丫島旅行~~~~~

我地同響港外線碼頭同爸爸既朋友黑仔叔叔&佢既太太集合之後，就一齊出發搭船去索古灣，一上到船本來諗住食碗船麵先~~~~~~~點知依家既船原來係無麵食既！

所以我同爸爸唯有餓住肚得過到南丫島先食早餐啦！

到左南丫島媽媽首先係要買手信先~~~~~就係辣椒豆鼓、蒜蓉豆鼓、XO醬.......等！因為N年前媽媽同爸爸曾經去過南丫島買過呢樣野煮野真係~~~~~好正！

之後我地就開始行山啦~~~~~南丫島本身條行山路唔係太長，平時行個幾鐘就OK，不過帶住展圖豬，我地就一共行左四個鐘~~~~~~因為展圖豬有時扭計，所以到左中間之後媽媽抱左佢行一陣，爸爸就揹住佢行左好大段路。

好在我地唔係由榕樹灣出發，因為落山得發覺果邊係斜好多~~~~~~行上去一定超辛苦！

中途我地仲食左超冰凍既「媽」條~~~~~~~媽媽都係第一次食咋！阿婆豆腐花、燒雞翼、串燒尤魚~~~~~~~！

之後就搭船返中環~~~~~~然後番屋企LU！

雖然今日都好辛苦，不過媽媽見展圖豬好開心，所以都好開心呀！