到我影大肚相啦

尋日終於倫到我影大肚相啦，影左一陣已經好攰啦！不過要影多一次，無他，男主角肥仔無出過鏡，一路淨係佢影我，影完之後我提佢，話爸爸你未影喎，佢先話佢喎！仲問係咪一定佢都要影，我笑肥仔話如果你唔影既話，咁我d大肚相咪好似單親媽媽咁羅！

另外，唔知係咪真係越黎越近預產期既日子，開始有d壓力啦，尋晚仲發夢自己響房個洗手間見紅穿水，仲要係好厲害果隻，即刻大叫同肥仔求救，好在都係發夢o者！希望生bb果時一切順順利利啦！