唉~~~~小朋友唔知係咪真係要催生呢？

尋日返QE檢查，醫生同我講，話如果下次3/8既產檢日子，如果仲未生既話，就唔駛返去檢查啦，直接入院催生啦！

~~~~~呀......我唔想呀，人地話催生痛好多，同痛好耐架，大鑊啦！今日已經係政府既預產期，小朋友幾時先捨得出黎呀......

琴日肥仔先同我講話佢有d朋友搵李丞責改名(我本身都諗住搵佢)，佢話雖然多名揀，但係好多都好老土，話其實可以自己改定，再比李師父揀，但係我覺得自己改既唔會咁夾羅~~~~~~跟住肥仔就開始諗名啦！佢都唔係路既，諗d名真係好求其，例如：黎嘉誠、黎張人、黎堅翹(天穚？)、之前仲話黎得好添......哎~~~~如果我係小朋友既話一定嬲死，佢仲話駛咩驚啫！佢大個可以自己改名家嘛！我話但係個名就已經跟足佢18年，俾人笑足18年呢，爸爸真係唔係路！