雞肝醬（附食譜）

尋日響屋企樓下超級市場有新鮮雞乾，所以諗住做呢個肝醬試下。拆開包雞肝時竟然有驚喜，我細個時久唔久屋企人會整雞心飯俾我食，我超級鍾意食，成日想整俾阿囝食，但都唔見有雞心賣，原來買雞肝係會連理雞心，呢個發現真係開心死我！

本來以為做雞肝醬好簡單，但原來去筋膜都幾麻煩(捉蟲)，不過好在之後既程序相對簡單。一舨做呢個肝醬會用煎或焗既方法，因為會俾囝囝食，所以決定用隔水焗，雖然可能乾DD，但一定會熟透，安心少少。

頭先試過搽餅乾，同俾囝囝食細細啖，好好味呢！

我用細細個焗盅分開焗，一來可以焗短D時間，二來唔食既可以放冰格，唔駛迫自己食好多。

1. 蒜頭2粒; Shallots (小洋蔥)50g; 百里香 (Thyme)約3茶匙，分別剁碎備用。

2. 新鮮雞肝250g 去淨白筋。

3. 中小火煮溶牛油15g，加入蒜蓉、剁碎shallots 和香葉(Bay Leaves)2片，中小火炒約5分鐘至軟身 。

4. 加入剁碎百里香、75ml 紅酒和拔蘭地25ml，中小火煮至剩下約2 - 3湯匙份量。
5. 夾起香葉，保留備用; 將所有材料放入食物處理器內，和雞肝一同打數分鐘至幼滑。

6. 加入已放室溫至軟牛油80g、少許樽裝乾燥混合香草(Mixed Herbs)、拔蘭地1茶匙(optional)，用海鹽和磨碎黑胡椒調味7. 分批放入小砵內，以150度隔水焗30分鐘

今次第一次做雞肝醬，味道好好，但係硬左dd，下次要加d淡忌廉落去試下，等佢滑dd~~~~