第二次面試 - 優才小學

原來優才既面試係30/6，但因為颱風既關係，所以延後到2/7，優才同音小都係一樣，一次過面試，分別見家長同小朋友。

出發前圖圖同婆婆講話好鍾意去面試，因為覺得好好玩。媽媽聽到真係好感恩。

去到優才登記後就入禮堂，期間發生左一件事，就係登記時爸爸同圖圖去左洗手間，而媽媽負責登記，登記後家長同小朋友都要貼上貼紙，當爸爸同圖圖返黎後，媽媽就同佢地貼上貼紙，之後圖圖指住自己身上既貼紙問：「點解我係黎展圖家長既？點解爸爸係黎展圖同學既？」跟住媽媽就知道自己又擺左大烏龍>-

入禮堂後校長播左少少Thomas卡通，warm up小朋友，跟住圖圖就排火車隊上課室interview，爸爸媽媽再聽校長講一d有關小一入學校需知，就上特別室等叫名同interview。
家長既interview都係問除左之前填表既資料之外，有咩咁欣賞學校。點樣接送小朋友往返學校……等。媽媽補交返今年既成績表，唔知會唔會因為今次係用彩既影印既關係，面試既主任望多兩眼，睇到圖圖既成績都話唔錯，仲問下學校係咪雙語教學。跟住家長就去視藝室睇下學校既video。
至於小朋友interview，圖圖話唔駛寫字，係用英文問下數數，俾幅圖畫問下入面既野，玩下爭櫈仔。之後落返地下同NET玩下遊戲。
之後因為爸爸要返工，所以食返後就返屋企啦！