展圖豬終於有自己既書檯

今日係端午節，我地一家人一早去左德福稻香飲茶，展圖豬又係食少少野就唔肯食，不過過左一陣，展圖豬竟然聊隔離枱既姨姨玩，猛咁同人笑，之後姨姨仲俾左個包展圖豬食，本來媽媽唔好意思，叫展圖豬唔好，但係因為展圖豬已經隻手渣左落去，所以都係多謝左姨姨，攞左~~~~~~

但係好奇怪，當個包拎左黎，展圖豬又唔肯拎黎食，我問爸爸，爸爸話因為我之前同展圖豬講左話唔好，媽媽諗唔到展圖豬咁乖，而且展圖豬仲係一個bb，所以諗野好直接，因為我講左話唔好，所以佢唔明點解之後又可以，結果就唔食~~~~~~媽媽唯有撕小小俾展圖豬食幾啖，等佢知道係食得，再成個包俾佢，結果展圖豬自己竟然攞住個包食晒(好叻呀~~~~~)。

飲完茶，我地就去IKEA度買左張書枱同幾張椅俾展圖豬，等展圖豬第日有朋友仔都可以有得一齊坐，之後我地就一袋二袋返屋企啦！