展圖豬@動植物公園

之前媽媽已經想帶展圖豬去動植物公園，今日適逢公眾假期，天氣又相當清涼，而且不太晒，所以下午等展圖豬訓醒晏覺後，就帶展圖豬出發~~~~~~~

媽媽同婆婆先同展圖豬搭地鐵去中環再轉的士，點知竟然遇上一個唔識路既的士司機......oh ~~~~~~！！！

不過好在司機問下其他人都搵到~~~~~動植物公園依家好似比起媽媽細個時少左好多動物，好快就行左一圈~~~~~~！雖然我地覺得好似無咩好睇，不過展圖豬見到d馬騮就好鍾意，笑得好大聲~~~~！而且成日抬高頭望d樹！

因為展圖豬仲未識行，所以我地無去個遊樂場同公園，不過如果展圖豬識行既話再去應該好開心！

之後我地落左中環，媽媽好開心買左一條粉紅色好閃既釘珠披肩，跟住仲去左H&M同ZARA買左三頂帽俾展圖豬再響IFC度食埋海南雞飯~~~~

返到屋企已經係八點鐘，咁樣我地就出左街五個鐘啦！