展圖豬識得爬啦~~~~~媽媽勁開心呀！

今日夜晚，展圖豬如常響舖左膠地墊既地下度玩，婆婆就坐埋一邊陪佢~~~~~

突然間婆婆發覺，點解展圖豬咁快去左另一邊既(其實都係相距兩呎左右)，跟住就同響電腦枱既媽媽講話展圖豬識得爬啦！

媽媽因為睇唔到，叫婆婆拉番佢去後面，跟住就見到展圖豬慢慢咁爬過去，因為之前無準備，諗住錄起比爸爸睇 (因為爸爸今日出左去做野)，又拉開展圖豬，點知今次唔知係咁因為我地三番四次拉走佢，抗議呀~~~~唔肯爬！

終於媽媽用抽籲匙引佢，佢先肯爬~~~~仲錄低左添！