今日係展圖豬既第二個聖誕party

尋日可能真係玩得太攰，展圖豬好好訓，之後婆婆先媽媽都好攰咁，都叫媽媽早d訓，就係咁媽媽做完d野(都到夜晚兩點)就去左瞓，一瞓就瞓到第二日既點幾鐘，之後我地一家幾口就去左樓下食少少野，諗住同你去四姨婆屋企參加你既第二個聖誕party，點知爸爸竟然話好攰，唔去四姨婆度，要去尖沙咀按摩真係抵打！

咁媽媽唯有同婆婆兩個人同你一齊入去馬鞍山，去到你既進培表哥超興奮，不停要俾玩具你玩，仲話要教壞你，瑋軒表哥就話，要睇住進培唔可以教壞你，真係勁搞笑！

不過可惜因為爸爸無黎到，所以無影到相，而你又可以太攰，之前果日未回到氣，所以到左夜晚都有少少扭眼瞓，但係都好在無狂喊~~~~~

我地六點鐘左右已經開始大食會~~~不過無你份，你淨係可以食奶咋！食到六點幾已經個個好好飽，之後就係小朋友既收禮物時間，嘩！你竟然五份禮物咁多，有d仲係一份禮物入面有好幾份，再加埋早尋日果兩份禮物，同媽媽同婆婆買俾你果兩份，即係你最少有九份禮物，展圖豬今年真係大豐收。