寶貝豬變左小魔怪

我好眼訓呀！

呢張好難影架，小朋友次次笑都係一兩秒架咋！

婆婆琴晚同前晚因為見我地夜晚睇小朋友睇得太辛苦，所以自告奮勇幫我地睇下佢。

第一晚小朋友好乖，訓得都唔錯，係換下片，去下大大咁。但琴晚就黎料啦！做番佢平時既一貫作風，每隔兩個鐘要飲奶，跟住又嘔奶，又小便，又大便，仲要搞到背脊都有尿尿，又要斟茶比婆婆。一擺落床就扭計，要抱，郁手郁腳，總之搞到今朝成8點先肯訓，婆婆都話佢係一個小魔怪。我都同婆婆講笑話，你依家先感受到我同爸爸夜晚幾大鑊！

仲有一樣星期日果日因為婆婆放假，所以果日就由我同爸爸接收晒照顧小朋友既所有工作，我終於第一次同小朋友沖涼，原來都唔係好難咋！