早兩日28號去左政府做檢查(政府既預產期係27/7)，即係仲有四個星期小朋友就要出世啦！咁因為我一路都想肥仔陪我入產房，所以佢果日要同我聽個講座，落雨落到顛左咁滯。好在搭的士，但係都係成身淋到濕晒。
到聽講座時，肥仔竟然瞓著左，好在佢無鼻鼾聲，如果唔係就失禮死人啦！
跟住聽完講座之後就去左做檢查，今我我終於記得問醫生小朋友掉左頭未，佢摸下之後話掉左啦，不過小朋友既頭低左d，佢又自己口upup話我未到38週，我又呆左唔識得問小朋友個頭低左d即係點，雖然走之前佢又話小朋友位罝正常，但係我覺得都係個醫生安慰我。返到屋企我問人，人地話我知小朋友個頭低即係話小朋友可能會隨時生得，咁咪可能小朋友會早產？唔制呀！唔通就係因為我成日怕難生，所以成日行黎行走所以搞成咁？
沒有留言:
張貼留言