第一次面試 – 國際基督教優質音樂中學暨小學

今次係圖圖既第一次小一面試，雖然之後都已帶圖圖去過小一既模擬面試，但真正既面試都係第一次，所有有D緊張
音小既面試係一次過見埋家長同小朋友，都好既唔駛見完又見，一次過定成敗得失，今年音小都好似收左最少1700份表，因為媽媽交表果日係最後一日，見佢個編號排到1700+，所以咁估。

今日好落雨呀，好在去時未係好大雨，去到學校到圖圖已經好鍾意，話學校播放既音樂好好聽，媽媽都覺得好正，因為音小既音樂廣播係好似迪士尼咁，一入到園區就有，再加上學校環境好靚，所以感覺非常舒服。

報到左後，家長同小朋友就去學校圖書館坐底等叫名，小朋友同家長分開面試，家長大約問點解鍾意呢間學校？點解會揀呢間學校？呢一D正常問題。最感恩係爸爸媽媽面試時係見校長，校長竟然同爸爸傳道……

小朋友面試圖圖唔係好講到，不過大約會叫小朋友寫下名，串下字(呢PART衰左，圖圖唔識，因為圖圖讀朗思係比較少教串字，多數教PHONICS)，認少少中文字，簡單加數，再玩下遊戲咁……

面試後超大雨，我地好彩截到的士去荷里活廣場，同婆婆一齊睇戲，期間媽媽唔小心跌左個電話 >-<

技窮 - Minnie Cake

Minnie Cake已做了好幾款，來來去去，不是紅色便是粉紅色，主要的元素便是蝴蝶結和花朵.......

今次都真係已經無咩idea，下次客人如要訂購新款，睇怕真係要諗爆頭，大家可以俾d idea我嗎?
幾唔夾，又或者超級天馬行空都無所謂，有既話真係感激不盡。

P.S. 因為圖圖黎緊會考小學，將要要多D時間TAKE CARE佢既課業，可能會接少DD ORDER，有需要既朋友請盡早提出，謝謝!

鬆弛熊+飛機蛋糕

這個蛋糕是伯爵茶芝士凍餅+oraeo餅底。

是早前訂Hello Kitty蛋糕那位客人為朋友生日而訂的，由於朋友從事有關飛機的工作，有喜歡鬆弛熊，所以便要求要有這兩個公仔。

不過我忘記了這位客人是訂2D Cake的，即是只可以做唧cream/平面的設計......，今次係自己大頭蝦呢!

Toys Story Birthday & Cupcakes

有時就係咁奇妙，一係就無人訂，一係就大家都會一齊訂。

訂呢個蛋糕同cupcakes既媽媽係早前一位顧客介紹既，她說想要做Q版既Toys Story蛋糕比囝囝一歲生日，因為覺得Q版公仔比較切合BB呢!
其實原本JAYVES媽媽只係打算做一個WOODY既頭，之但係我覺得咁應該唔好太好睇，所以就再SEND多少少參考圖同JAYVES媽媽睇下，最後決定做依家呢個款。

其實我都好鍾意呢個款，尤其是上面舖上棉花糖扮發泡膠，估唔到出黎效果咁好呢!
另外CUPCAKE好左JAYVES媽媽都係要求做Q版，所以比較易做，如果唔做Q版，我諗未必可以做到喔!

3層斜塔兔仔蛋糕

這個蛋糕是之前訂叮噹蛋糕的客人介紹的。

吸取了上次的經驗，今次做斜塔蛋糕改左組合既方法。

她原本交來的設計圖是熊仔造型，但因為小朋友是兔年出生，所以希望改做兔仔，這蛋糕最大的難度是要固定中層爬上來的兔仔，花了不少功夫喔!

希望小朋友快高長大，身體健康!

瘦左 - Toy Story Cake

唔好誤會，瘦左果個唔係我，真係可惜......

瘦左果個其實係巴斯光年，唔制呀~~~~原來巴斯好難做......

決定呢個蛋糕款式時同呢位媽媽傾左好多次先敲定呢個款式，蛋糕不算太難做，最難既就係巴斯，因為要做好多parts再連接，所以做左好耐......

臨時臨急的三眼仔

這個三眼仔蛋糕是同事訂購的，原本因為這星期的order已滿了，不能做她的order。

不過因為臨時有一位客人因小朋友病了，生日會改期，所以才可以插單，慶幸沒有令她失望呢!

恭喜晒 - Wedding Cookies

今日係媽媽好朋友既大喜日子，雖然因為攞唔到假，唔可以參加你遠在Bali既wedding，但都衷心祝福你永遠幸福 ^^

其實早幾日已做好左呢d曲奇，亦都交左俾好朋友，不過今日先post出黎，因為唔想俾賓客之前睇到而無左驚喜，希望大家都會鍾意。

米奇BB

訂這蛋糕的顧客要求好簡單，只是要一個米奇，其他的都可以隨媽媽設計，雖然要求是簡單。

但原來做一個米奇，其實真係好難，而且媽媽覺得像真度還不太高。幸好圖圖看到後至少還認得出是一個米奇BB呢!

不是生日蛋糕的拖尾公主蛋糕

這個蛋糕是一位網友原本上個月想要訂給姪女的生日蛋糕。

但是因為那段日子都full booking，所以唯有推辭。不過她之後說仍想要做一個公主蛋糕給小朋友，要讓小朋友開心一下呢。

網友說小朋友喜歡蝴蝶結及粉藍色，其他都可以隨意。

媽媽見今次新訂的蛋糕盒有超大的底板，所以就打算做一個穿拖尾晚裝的公主，因為好像比較少見呢~~~~~