今次係曾醫生+驗H1N1豬流感

因為本身黃醫生既藥已有感冒藥，所以媽媽本來無諗住同展圖豬去睇醫生，不過因為下午1點左右展圖豬又有少少燒，加上2/10可能會去長隆(要睇展圖豬身體狀況)所以都係睇醫生啦，一向展圖豬睇開高醫生星期三都係開到下午3點，點知今日下晝道然無開，唯有去睇曾醫生，為安全起見，曾醫生同展圖豬驗H1N1，不過結果要晚上7點左右先知，醫生開定一般感冒藥同特敏福2手準備俾我地，好在之後接到電話唔係豬流感~~~~~~不過今次又係超貴~~~~~HK1500~~~~媽媽今個月重傷啦！

再睇耳鼻喉醫生+發燒

媽媽尋左諗右諗唔對路，鄧醫生開得隻抗敏感藥，咁展圖既鼻竇炎咪好唔到~~~~~，如果展圖唔係藥物敏感又駛咩停藥~~~~~~？

所以今日BOOK左另一位耳鼻喉科醫生黃雅信，我知黃醫生一向好勁，同好多名人睇，不過之前諗住鄧醫生同我朋友個囝睇過，大家都係BB會好D，所以先睇鄧醫生~~~~~~

去到黃醫生都無睇法國張片，而係直接同展圖個鼻仔照內窺鏡，因為佢話睇得仲清楚，照完後睇埋法國個報告，黃醫生話展圖係「無」鼻竇炎，只係因為上次跌倒有D鼻血流左去個鼻竇位，所以有D陰影，而且醫院個報告都無講話展圖有鼻竇炎，只係話有異物~~~~~~(陰公~~~~白白食左個幾禮拜藥！)

不過黃醫生話展圖有中度既鼻敏感，但不算太嚴重，只要處理得當便OK！

另外黃醫生話展圖豬真係有藥物敏感，話有D人唔係會即時發出黎，而係會過幾日先發出黎，有D人仲會出紅疹，黃醫生開左開個星期抗敏感、感冒咳(因為展圖有幾聲咳)同噴鼻既藥俾展圖~~~~~~~~

不過黃醫生既收費道然比媽媽估計既平$850~~~~~

到夜晚9點半，媽媽同展圖豬搽LOTION，發覺展圖個身有少少慶，所以同佢探熱，結果係38.2C，即係有少少燒，所以即刻俾左D退燒藥展圖豬食，之後再探過好幾次，好在無再燒~~~~~~

鼻竇炎覆診

因為媽媽有位朋友之前囝囝又係好細個有鼻竇炎，所以問左個醫生名，趁今日展圖d藥水食得7788就去睇下，醫生睇完法國照出黎既片，話展圖真係有鼻竇炎，不過情況不算嚴重，但係之前法國醫院俾既藥就唔夠力，所以要換藥~~~~~，而且都要食2-3個星期，媽媽同婆婆話展圖食完法國D藥胃口好差，鄧醫生話法國開果隻抗生素係食左胃口會差~~~~~，醫生結果開左2枝藥水，盛惠$1370~~~~~，好貴~~~~~！不過如果展圖豬可以好番都無所謂~~~~~

空氣清新機

因為醫生話展圖豬有鼻竇炎，所以媽媽今次終於的起心肝去買番2部空你清新機，一部放廳，一部放房，希望展圖豬可以個鼻舒服D~~~~~

之前媽媽search過有關資料，話wirlpool既最好，好多診所以用佢，而且唔太貴，$13XX一部左右，所以訂左2部，星期3送貨

跌倒入院，要照腦素描

尋晚11點左右展圖豬響屋企玩推車仔(本來我地一向10點就唔俾佢玩，怕嘈倒人，但係佢同爸爸睇睇下電視突然爬落梳化推車)，可能因為太夜唔夠精神所以容易失平衡，又可能係推得太快，總然之跌然「砰」一聲展圖豬就大字形咁趴左響地下大喊，又非常唔好彩，上個星期又試過同一事件，咁啱又撞埋同一位置，所以今次起左個大好似波子咁大同咁高既「瘤」響額頭，而且果個位置因為充血，所以d皮膚變到好簿，好似一摸就會爆~~~~~嚇到我同爸爸即刻帶豬係去法國醫院睇，好在等左半個鐘就有得見醫生，醫生話佢呢個情形要入院照腦素描~~~~~，但因為係星期六加上半夜，所以要call有關的醫護人員番醫院先至有得照，而且仲要係貴好多(齋照咩都唔計都要$5XXX，好在展圖買左保險~~~~~~)，爸爸先同展圖辦理入院手續，之後我地就上房，護士先餵展圖豬食少少安眼藥，之後我地等左大半個鐘，就可以去照，而婆婆亦都黎到，帶d日用品同衫黎，諗住今晚隌展圖豬~~~~~~~

照院後已經點幾2點護士話第二日先有報告，所以爸爸媽媽就返屋企先，第二朝(即係今日)要8點返到醫院等醫生聽報告。

報告出左黎，醫生話無咩事，不過照到展圖豬有鼻竇炎，所以開左一個星期既抗生素俾展圖豬食，媽媽問醫生駛唔駛覆診，醫生話無病徵既話就唔駛覆疹，媽媽又話展圖一向都無病徵，醫生話食完藥應該會好，唔駛覆診喎~~~~~~！不過媽媽覺得佢講得好似唔太肯定，所以應該都會帶展圖睇其他耳鼻喉科~~~~~~~~

Homemade海鮮餐

話說媽媽琴日本來諗住整海鮮，但係太~~~~攰，所以改左今日整！

今朝同爸爸&展圖豬落街食完早餐後，媽媽就去買餸，而爸爸就帶展圖豬去公園玩！

呢輪唔知係咪過左休漁期，d海鮮真係好抵，媽媽買左1斤蝦、1斤蟹 (老闆話叫巴西蟹，係海蟹黎既，細細隻，1斤大約有10隻，都算多肉)、1斤花螺同5隻帶子，再加埋10個蕃茄同幾個檸檬~~~~~~都係$110~~~超級勁平！

去公園搵返爸爸同展圖豬我地就返屋企~~~~~~~

媽媽整左白灼蝦、辣酒煮花螺、蒜蓉蒸帶子、蟹肉蕃茄粥外加早前買既松葉蟹一隻，全餐最多野做係擋蟹+拆肉，搞左我超級耐，爸爸叫我下次唔好再買咁細隻蟹，玩死自己，不過個粥好好味，展圖豬一個人仔食左2碗，幾辛苦都抵！

救命！展圖對眼腫到好似雞蛋咁！

今朝展圖豬起身，雙眼腫要好似雞蛋咁大，對眼得番一條線，成個羅茲威爾咁~~~~嚇到我地唔敢俾佢食藥，媽媽打電話去鄧醫生中環既診所，想問下展圖會唔會係藥物敏感，中環診所既護士答覆係叫我地先停藥，下午再打去嘉賓既診所問，因為展圖豬既病曆響果邊，下午打去嘉賓既診所，姑娘話醫生未返，叫我留電話。

到下午4點，診所終於覆電話，問我展圖眼白有無黃同紅筋，如果無就應該唔係藥物敏感，不過婆婆諗下諗下都有D擔心，所以都帶左展圖再去醫生度睇下。

鄧醫生睇完展圖對眼話應該唔係藥物敏感，因為如果係既話對眼腫唔會褪得咁快(當時褪左一半左右，但係對眼都係超腫~~~~~)

但係為左安全起見，都係停藥，另外開左1枝抗敏感藥水俾展圖~~~~~~~，今次好在無收診金，但係枝藥水都收$440~~~~~所以婆婆話覺得呢個醫生唔係咁好！

上學‧釣魚

今日媽媽收到陳老師既每日電話，老師話今日展圖豬臨放學前訓著左，仲要係超級「lum」，流晒口水要等老師同佢抺口水，老師話見就放學，所以就好好人咁將展圖豬抱比嬸嬸，等嬸嬸交展圖比婆婆，等佢可以返去瞓休息下~~~~~~！媽媽心諗，因為尋日開始展圖豬返學要返3個鐘呀嘛，尋日係生日會緊係頂到，但係今日係正式上課，以豬仔平日既schedule，呢個係瞓覺時間，所以最初頂唔順都係正常。

學校生日會

今日係學校生日會，展圖豬難得要著便服返學，所以媽媽尋日特登去買左件stitch既造型衣俾展圖著返學~~~~~唔知展圖豬佢地既生日會係點既呢？媽媽真係好想知呀！

第一次下水禮@清水灣 & 「的士」

早2日姑媽已經打左電話黎約今日下晝同展圖豬去游水，2點幾Ingrid姐姐已經渣車黎接我地，我地再出發去join埋姑媽，坐車途中，展圖豬突然指住的士叫的士，呢次係展圖第一次叫的士呢~~~~~

去到清水灣，嘩停車場超多車等位呀~~~~~！睇黎淨等位都有排，好在我地一落車，就有一位男仕走過黎，問我地係係咪泊車，因為佢咁啱要走，見我地幾個女人同一個BB，所以打算叫我地泊佢個位，仲要好醒咁叫我地一齊傾一陣計扮係Friend，咁我地泊佢個位時，d人就唔會鼓噪~~~~~~

泊好位落到沙難大家就分別換好泳衣，期間展圖豬不停係咁玩沙 (因為已經一早換左游水片片)，仲要自己想衝落個海，好在姑媽捉佢返黎。搞掂晒落海呀，展圖豬都唔係好驚，勁開心~~~~~玩足個幾鐘！之後5點幾我地就返屋企，因為爺爺同嫲嫲今晚黎食飯~~~~~坐車返屋企途中展圖豬太攰，瞓著在啦！